लष्कर पोलीस ठाणे व शांतता कमिटीतर्फे ” सर्वधर्मीय रोजा इफ्तार ” कार्यक्रम आयोजित करण्यात आला होता.पुणे कॅम्पमधील बाबाजान चौकीजवळील लेड़ी हवाबाई हायस्कूल येथे झालेल्या या कार्यक्रमास परिमंड़ळ दोनचे उपायुक्त डॉ.प्रविण मुंढे ,पुणे कॅन्टोन्मेंट बोर्डाचे मुख्य कार्यकारी अधिकारी डॉ.ड़ी.एन.यादव ,बोर्डाचे उपाध्यक्ष अतुल गायकवाड, लष्कर विभागाचे सहाय्यक पोलीस आयुक्त निलेश मोरे ,नगरसेवक दिलीप गिरमकर,नगरसेवक विनोद मथुरावाला,नगरसेविका प्रियंका श्रीगिरी, मौलाना गुलाम रब्बानी, मौलाना जमालउद्दीन, फादर रणजी बाबू,देवीप्रसाद जोशी महाराज, ग्यानी अमरजितसिंग व मध्यवर्ती शांतता समिती सदस्य मंजितसिंग विरदी , इसाक जाफर ,माजी नगरसेवक मंजूर शेख सर्व शांतता कमिटी सदस्य,पोलीस मित्र,सामाजिक-राजकीय कार्यकर्ते व पत्रकार आदी मान्यवर उपस्थित होते.यावेळी अनिस कुरेशी यांनी दुवा पढली . या कार्यक्रमाचे विकास भांबुरे यांनी सूत्रसंचालन केले तर लष्कर पोलिस ठाण्याचे वरिष्ठ पोलिस निरीक्षक वसंत कुवर यांनी आभार मानले.
यावेळी परिमंड़ळ दोनचे उपायुक्त डॉ.प्रविण मुंढे यांनी आपले मनोगत व्यक्त करताना सांगितले कि , पुणे लष्कर परिसर सर्व धर्मीयांचा ओळखला जातो . या भागात सर्व सण आपण सर्वजण आनंदाने साजरा करता , हे कौतुकास्पद आहे . आपण सणांबरोबर कायदा सुव्यवस्था व्यवस्थित राहण्यासाठी आपण सर्व मिळून प्रयत्न करू . यावेळी मुस्लिम बांधवाना रमजान ईदच्या शुभेच्छा देण्यात आल्या
