पुणे -कॅन्टोन्मेंट पुस्तक पतपेढीच्यावतीने पस्तीस शाळांमधील गरजू होतकरू २५०० विद्यार्थ्यांना शालोपयोगी वस्तूचे वाटप पुणे कॅन्टोन्मेंट बोर्डाचे उपाध्यक्ष अतुल गायकवाड यांच्याहस्ते करण्यात आले . यंदाच्या कार्यक्रमाचे ४६ वे वर्ष होते . बी. जे. मेडिकल ग्राउंडजवळील नेहरू मेमोरियल हॉलमध्ये झालेल्या या कार्यक्रमाचे उदघाटन महाराष्ट्र राज्याचे सहाय्यक शिक्षण संचालक मिनाक्षी राऊत व पुणे कॅन्टोन्मेंट बोर्डाचे नगरसेवक दिलीप गिरमकर यांच्याहस्ते झाले . तर सरस्वतीचे पूजन नगरसेविका कालिंदी पुंडे यांच्याहस्ते करण्यात आले . पुणे कॅन्टोन्मेंट पुस्तक पतपेढीचे संस्थापक नारायणराव केशव नेवसे यांच्याप्रतिमेस महेश पुंडे यांच्याहस्ते पुष्पहार अर्पण करून अभिवादन करण्यात आले . यावेळी पतपेढीच्या स्मरणिकेचे प्रकाशन आरती संघवी व कीर्तिकुमार शहा यांच्याहस्ते करण्यात आले .
या कार्यक्रसास पुणे कॅन्टोन्मेंट बोर्डाच्या नगरसेविका रुपाली बिडकर , नगरसेविका प्रियांका श्रीगिरी , एथेल गार्डन अध्यापिका विद्यालयाच्या मुख्याध्यापिका प्रतिभा म्हकांळे, जयप्रकाश पुरोहित , शशिधर पुरम , विनायक काटकर आदी मान्यवर उपस्थित होते . या कार्यक्रमाचे प्रास्ताविक आणि उपस्थितांचे स्वागत ऍड. अर्जुन खुर्पे यांनी केले तर सूत्रसंचालन उषा माळी यांनी केले तर आभार कुसुम शेलार यांनी मानले .
या कार्यक्रमाच्या आयोजनसाठी अशोक धाडगे , परवेज शेख , सलीम शेख , अर्षद सय्यद , नंदू लोखंडे , रामेश्वर धुमाळ , असगरअली शेख , सुदाम माने आदीनी विशेष परिश्रम घेतले .