पुणे :महाराष्ट्र कॉस्मोपॉलिटन एज्युकेशन सोसायटीच्या नियामक मंडळाच्या त्रैवार्षिक निवडणुकीत डॉ . पी. ए .इनामदार यांच्या नेतृत्वाखाली ‘अवामी महाज ‘पॅनल विजयी झाले .
२०१७-२०२० या कालावधीसाठी नियामक मंडळाची ही निवडणूक झाली . या निवडणुकीत ६७ जणांनी अर्ज भरले होते . त्यातील ३६ वैध ठरले . २२ जणांनी माघार घेतली . १३ जागांसाठी निवडणूक रिंगणात १४ उमेदवार उभे होते .
एकूण मतांपैकी ८५ टक्के मते डॉ पी ए इनामदार यांच्या नेतृत्वाखालील अवामी महाज पॅनल ला मिळाली . २४ डिसेंबर रोजी सायंकाळी ५ पर्यंत मतदान झाले . मतमोजणीनंतर निकाल जाहीर करण्यात आला . एडव्होकेट जे. एफ. शेरकर यांनी निवडणूक निर्णय अधिकारी म्हणून काम पाहिले .
१३ विजयी उमेदवारांची नावे पुढीलप्रमाणे :डॉ . पी ए इनामदार ,आबेदा इनामदार ,लतीफ मगदूम ,एस . ए . इनामदार ,मुझफ्फर पीर महंमद शेख ,अब्दुल कादिर कुरेशी ,मजीद उस्मान दाऊद ,मशकूर अहमद शेख ,बदरुद्दीन शेख ,इरफान जान महंमद शेख ,खालिद रेहमतुल्ला अन्सारी ,महंमद हनीफ नूर शेख ,अब्बास इस्माईल शेख
‘आम्ही ३७ वर्षे संस्थेच्या प्रगतीचे काम करीत आलो आहोत . त्यामुळे सुरुवातीला फक्त २ शाळा असताना आज संस्थेने ३० शैक्षणिक आस्थापना ,३० हजार विद्यार्थी अशी प्रगती केली आहे . पूर्वी फक्त प्राथमिक -माध्यमिक शिक्षण देणारी संस्था आज पदव्युत्तर ,पी एचडी पर्यंत शिक्षण देत आहे . हे मतदान व्यक्तीला झाले नसून कामाच्या योगदानाला झाले आहे ‘अशी प्रतिक्रिया डॉ . पी ए इनामदार यांनी विजयानंतर दिली.
