पुणे-गुरुगोविंद सिंग यांची ३५१ वी जयंतीनिमित्त पुणे कॅम्पमधील गुरुद्वारा गुरुनानक दरबारामध्ये विविध धार्मिक कार्यक्रमाचे आयोजन करण्यात आले होते . यावेळी गुरुद्वारास विद्युत रोषणाई व फुलांची भव्य सजावट करण्यात आली होती . यावेळी गुरुद्वारा गुरुनानक दरबारचे अध्यक्ष चरणजितसिंग सहानी , हरमिंदरसिंग घई , संतसिंग मोखा , संजय नहार , संदीप खर्डेकर आदी मान्यवर उपस्थित होते .
यावेळी दुर्ग येथील सरदार सरबजीतसिंग रंगीला , अमृतसर येथील जोजार सिंग दिल्ली येथील चरणजितसिंग यांचा कीर्तनाचा पाठ झाला . सकाळी अखंड पाठ झाला . दुपारी लंगरचा लाभ सर्वानी घेतला .
यावेळी संजय नहार लिखित गुरु गोविंद सिंग यांच्या जीवनावर आधारित पुस्तकाचे प्रकाशन जेष्ठ पत्रकार नंदकुमार सुतार यांचे हस्ते करण्यात आले .