बीड- ग्रामविकासमंत्री पंकजा मुंडेंनी बाल आशा ट्रस्टच्या आश्रमशाळेच्या भेटीनंतर त्यांनी एक फेसबुक पोस्ट लिहिली असून, . यावेळी आश्रमातील लहानग्यांना पाहून त्या भावूक झाल्या होत्या. या भेटीसंदर्भातच त्यांनी फेसबुकवर पोस्ट लिहिली. यातून त्यांनी आजपासून आपण हार, फुले स्वीकारणार नसल्याचा निर्धार व्यक्त केला आहे.अनाथ मुलांसाठी सर्वांनी पुढाकार घेतला पाहिजे, असे आवाहनही त्यांनी केले आहे. अनाथ मुलांच्या इलाजासाठी गोपीनाथ मुंडे प्रतिष्ठानच्या नावे चेक किंवा डिमांड ड्राफ्ट द्यावा असे आवाहन त्यांनी या फेसबुक पोस्टमधून केले आहे….
पहा नेमकी काय पोस्ट आहे ही…
“हमारी ही मुठठी मे आकाश सारा जब भी खुलेगी चमकेगा तारा ”
या गाण्याने माझं स्वागत बाल आशा ट्रस्ट च्या बालकांनी केलं …ऐकताना सुरुवातीला काही वाटलं नाही पण दोन ओळीनंतर मन भरून आलं … मी त्यांना आनंद द्यायला जाते असं म्हणणं चूक आहे मी तिथे आनंद शोधायला जाते ..सर्व वैभव पायाशी आयतं लोळत असताना लोक सूख शोधत बसतात आणि दैवाला कोसतात ,पण जन्माच्या क्षणापासून जीवनाने नाकारलेल्या त्या चिमुकल्यांची दानत बघा ते आपल्याला आशीर्वादच देतात .. राजकारणात रोज प्रचंड स्पर्धा अनुभवताना कितीही दिलं तरी कोणी आप्त, स्वकीय ,मित्र-परिवार म्हणत नाही की हो मिळालं एवढं खूप आहे .पण जन्मसोबत निष्ठुरता घेऊन आलेले ते कोवळे लेकरं किती मोठया काळजाचे बघा त्यांचे हसणे ,तो गोड कलकलाट ,ते तालासुरात म्हणलेलं गाणं, त्यांचे साहित्य नसताना बनवलेले ग्रीटिंगस …जणू ते माझी अनेक दिवस वाट पाहत होते ..माझी विनंती एवढीच वाचकांना बाल आशा ट्रस्ट आणि असे अनेक सेवाभावी चांगले लोक चांगलं काम करत आहेत त्यांना तुम्ही फुल ना फुलाची पाकळी द्या ..जन्मदात्र्यांनी नाकारून आश्रमात पाठवलं इथं पर्यंत ठीक आहे पण निर्दयीपणे उकिरड्यावर रस्त्यावर फेकून, किड्या -मुंग्यांनी डसून ,कुत्र्यांनी चावून इजा होऊन ते अनेक अपंगत्वाना बळी पडतात ..त्यांना जे जीवन मिळालं ते जगण्याची अफाट ताकत त्यांच्यात आहे पण ते सशक्त राहावेत या साठी ज्या संस्था झटत आहेत त्यांना प्रोत्साहन द्या मदत दया . सकाळचे 4 वाजायला आले आहेत पण त्या मुलांचे चेहरे मला झोपू देत नाहीत . मी निर्णय घेतला आहे ‘आज पासून फुलं हार स्वीकारणार नाही. ज्याला काही आणायचं आहे त्यांनी ‘गोपीनाथ मुंडे प्रतिष्ठान’ च्या नावे चेक किंवा draft आणावा मी माझी काही रक्कम घालून तो या मुलांच्या इलाजासाठी देईन .. उनकी मुठठी में तारा है और वो चमकेगा ! मी योगदान देणार तुम्ही ..वाढदिवस ,दिवाळी , एखादा महत्वाचा दिवस साजरा करून तर बघा.. मी गेले 9 वर्ष हे करते आहे खूप आनंद मिळतो मला .. तुम्ही ही करून बघा ..