आरव पुणे निर्मित आणि हटके म्युझिक ग्रुप यांच्या वतीने आयोजन
पुणे : आरव पुणे निर्मित आणि हटके म्युझिक ग्रुप यांच्या वतीने ‘नाम रंगी रंगुनी’ या भक्तीसंगीतांच्या कार्यक्रमाचे आयोजन करण्यात आले आहे. गुरुवार दिनांक २७ ऑक्टोबर रोजी सकाळी ६ वाजता नवी पेठेतील पत्रकार भवन येथे कार्यक्रम होणार आहे. कार्यक्रमासाठी विनामूल्य प्रवेश आहे.
संगीतकार सुधीर फडके, लक्ष्मीकांत प्यारेलाल, पांडुरंग दिक्षीत,अनिल-अरुण, संत पुरंदरदास यांच्या रचानांसोबत गायक संगीतकार निखिल महामुनी यांच्या रचना कार्यक्रमात सादर होणार आहेत. डॉ. अनुराधा गोगटे, अपर्णा काळे, अश्विनी आगाशे, डॉ.विजया पुराणीक, ऋचा महामुनी श्रीया महामुनी या सहगायन करणार आहेत. शिरीष कुलकर्णी हे निवेदन करणार आहेत.