पुणे : पाऊस येण्यापुर्वीच लाईट जाते असे वाटणे साहजिक आहे . पण पाऊस आला संध्याकाळी आणि लाईट गेली अगोदरच दुपारी … होय असे झाले आहे पण हा प्रताप ना पावसाचा; ना महावितरण च्या त्रुटीचा …मग ? हा प्रताप केला आहे एका कावळ्याने … होय कावळ्याने …पाऊस येण्यापुर्वीच तब्बल सहा तास आधी दिला कावळ्याने इशारा.. असे हि याबाबत गमतीने म्हटले जाईल … अर्थात गमतीचाच भाग, गमतीचे हेडिंग ….पण खरे काय घडले ते वाचा पुढे …
महापारेषणच्या पर्वती उपकेंद्रात बिघाड;पर्वती, पद्मावती, रास्तापेठ, कोथरूडपरिसरात 30 मिनिटे वीज खंडित
महापारेषणच्या पर्वती 220 केव्ही उपकेंद्रातील सीटीवर (करंट ट्रान्सफॉर्मर) कावळ्याने चोचीत आणलेला लोखंडी तारेचा तुकडा पडून बिघाड झाल्याने महावितरणच्या पर्वती, पद्मावती, कोथरूड व रास्तापेठ परिसरात बुधवारी (दि. 01) सुमारे 30 मिनिटे वीजपुरवठा खंडित झाला होता.
याबाबत माहिती अशी, की महापारेषणच्या पर्वती 220 केव्ही उपकेंद्गात आज सकाळी 11 वाजताच्या सुमारास कावळ्याने चोचीत आणलेल्या मांसाच्या तुकड्यासह लोखंडी तारेचा तुकडा नेमका सीटीवर (करंट ट्रान्सफॉर्मर) पडला. त्यामुळे वीजपुरवठ्याची स्वयंचलीत यंत्रणा बंद पडल्याने पर्वती 220 केव्ही उपकेंद्रासह रास्तापेठ जीआयएस 132 केव्ही उपकेंद्गाचा वीजपुरवठा खंडित झाला. त्यामुळे धनकवडी, सिंहगड रोड, सहकारनगर, पेशवेपार्क, स्वारगेट, मार्केटयार्ड, बिबवेवाडी, गुलटेकडी, नवी पेठ, सदाशिव पेठ, गंजपेठ, पंचवटी, बालाजीनगर, मुकुंदनगर, धायरी, भवानी पेठ, चव्हाणनगर, कात्रज, जुनी पर्वती, पद्मावती, कसबा पेठ, रास्तापेठ, कोथरूड परिसरातील वीजपुरवठा खंडित झाला होता.
दरम्यान, महावितरणचे मुख्य अभियंता श्री. रामराव मुंडे, कार्यकारी अभियंता श्री. गणेश लटपटे, अतिरिक्त कार्यकारी अभियंता श्री. बबन शिंदे यांनी महापारेषणच्या पर्वती उपकेंद्रा ला भेट देऊन पाहणी केली. महापारेषणकडून उपकेंद्गातील वीजपुरवठा सुरु करण्यासाठी त्वरेने प्रयत्न करण्यात आले आणि सर्व परिसरातील वीजपुरवठा सकाळी 11.33 वाजता पूर्ववत झाला
