सुमारे १०० ठिकाणी अतिरिक्त फ्लड लाइट्स; स्पीकर्स आणि तात्पुरते CCTV बसविण्याच्या सूचना
पुणे, दि. २० सप्टेंबर २०२६ : गणपती विसर्जनाच्या पार्श्वभूमीवर पुणे महानगरपालिका हद्दीतील सुमारे ४१६ विसर्जन घाट आणि कृत्रिम हौदांवरील विद्युत व्यवस्थेचा आढावा पुणे महापालिकेच्या मुख्य अभियंता (विद्युत) मनीषा शेकटकर यांनी घेतला.
गणेश विसर्जनाच्या दिवशी ज्या विसर्जन घाटांवर प्रकाश व्यवस्था अपुरी आहे, त्या ठिकाणी आवश्यकतेनुसार अतिरिक्त प्रकाश व्यवस्था उपलब्ध करून देण्याच्या सूचना संबंधित अधिकाऱ्यांना देण्यात आल्या आहेत.
तसेच, पोलीस विभागाने सुचविलेल्या सुमारे १०० ठिकाणी अतिरिक्त फ्लड लाइट्स बसविण्याची कार्यवाही करण्याचे निर्देश देण्यात आले आहेत.
विसर्जन घाटांवर नागरिकांना आवश्यक सूचना देता याव्यात यासाठी स्पीकर्सची व्यवस्था करण्याबरोबरच नागरिकांच्या सुरक्षिततेच्या दृष्टीने आवश्यक ठिकाणी तात्पुरत्या स्वरूपात CCTV कॅमेरे बसविण्याच्या सूचनाही संबंधित अधिकाऱ्यांना देण्यात आल्या आहेत.
या सर्व कामांवर संबंधित परिमंडळातील अधिकारी आणि कर्मचारी देखरेख ठेवत असून, आवश्यकतेनुसार तातडीने कार्यवाही करण्यात येत असल्याचे विद्युत विभागाकडून सांगण्यात आले.
