🟥 रुळावर दरड कोसळली, 20 रेल्वे रद्द:पुणे एक्सप्रेस वेवर ढिगारादरड हटविण्यासाठी रेल्वे प्रशासन युद्धपातळीवर; मुंबई–पुणे रेल्वे सेवा देखील विस्कळीत

🟨 टनेल क्रमांक ४० परिसरात जेसीबीच्या सहाय्याने सुरू बचाव व दुरुस्ती; अनेक गाड्या रद्द, मार्ग बदलले

पुणे | प्रतिनिधी

मुंबई–पुणे रेल्वे मार्गावरील टनेल क्रमांक ४० (Tunnel No. 40) परिसरात मुसळधार पावसामुळे मोठी दरड कोसळल्याने रेल्वे वाहतुकीवर गंभीर परिणाम झाला आहे. रेल्वे रुळांवर मोठ्या प्रमाणात दगड, माती व झाडे कोसळल्याने मार्ग बंद झाला असून, रेल्वे प्रशासनाने जेसीबी व विशेष पथकांच्या मदतीने युद्धपातळीवर दरड हटविण्याचे काम सुरू केले आहे.

घटनास्थळावरील छायाचित्रांमध्ये रेल्वे रुळांवर मोठमोठे दगड, चिखल आणि झाडांचे अवशेष पडल्याचे दिसत आहे. मुसळधार पावसातही रेल्वेचे अधिकारी, कर्मचारी आणि यंत्रणा सलग काम करत असून मार्ग पूर्ववत करण्यासाठी प्रयत्न सुरू आहेत.

रेल्वे प्रशासनाने जारी केलेल्या सुधारित बुलेटिननुसार या घटनेमुळे मुंबई–पुणे मार्गावरील काही गाड्या रद्द करण्यात आल्या असून, अनेक गाड्यांचे मार्ग बदलण्यात आले आहेत. काही गाड्या अंशतः रद्द (Short Terminate/Short Originate) करण्यात आल्या आहेत, तर काही गाड्यांच्या वेळापत्रकात बदल करण्यात आला आहे.

रद्द करण्यात आलेल्या प्रमुख गाड्यांमध्ये धुळे–सीएसएमटी (11012) आणि सीएसएमटी–पुणे (11009) या गाड्यांचा समावेश आहे. याशिवाय अहमदाबाद–कोल्हापूर, अहमदाबाद–पुणे, इंदूर–दौंड, बिदर–सीएसएमटी, नांदेड–पनवेलसह अनेक गाड्या पर्यायी मार्गाने वळविण्यात आल्या आहेत.

रेल्वे प्रशासनाने प्रवाशांना प्रवासापूर्वी आपल्या गाडीची अद्ययावत स्थिती तपासूनच रेल्वे स्थानकावर यावे, तसेच अधिकृत सूचनांचे पालन करण्याचे आवाहन केले आहे.

दरम्यान, मुसळधार पावसाचा जोर कायम असल्याने दुरुस्तीचे काम हवामानावर अवलंबून असून, रेल्वे सेवा पूर्णपणे पूर्ववत होण्यासाठी काही कालावधी लागू शकतो, अशी शक्यता व्यक्त करण्यात येत आहे.

दरम्यान, मुसळधार पावसामुळे महाराष्ट्रात विशेषतः मुंबई, पुणे आणि घाटमाथा परिसरात जनजीवन विस्कळीत झाले आहे. भोर घाटात दोन ठिकाणी दरडी कोसळल्याने मुंबई–पुणे रेल्वे मार्गावरील तिन्ही मार्गांवरील वाहतूक प्रभावित झाली असून, सुमारे २० रेल्वे गाड्या रद्द करण्यात आल्या आहेत. अनेक गाड्यांचे मार्ग बदलण्यात आले असून, काही गाड्या अंशतः रद्द करण्यात आल्या आहेत.

याच पावसामुळे खंडाळा एक्झिटजवळील मुंबई–पुणे द्रुतगती मार्गाच्या ‘मिसिंग लिंक’ परिसरातही दरड कोसळल्याने मुंबईकडे जाणारी मार्गिका बंद करण्यात आली आहे. त्यामुळे रेल्वेबरोबरच रस्ते वाहतुकीवरही मोठा परिणाम झाला असून प्रशासनाकडून परिस्थितीवर सातत्याने लक्ष ठेवण्यात येत आहे.मुंबई, पुण्यासह संपूर्ण घाटमाथ्याला मुसळधार पावसाने झोडपून काढले असून याचा थेट फटका रेल्वे वाहतुकीला बसला आहे. कर्जत-लोणावळा दरम्यान असलेल्या घाट सेक्शनमधील ठाकूरवाडी आणि मंकी हिल दरम्यान आज अचानक मोठी दरड कोसळली. रेल्वे ट्रॅकवर प्रचंड प्रमाणात माती आणि दगड आल्यामुळे मुंबई-पुणे रेल्वे मार्ग पूर्णपणे ठप्प झाला आहे. खबरदारीचा उपाय म्हणून मध्य रेल्वेने या मार्गावरील ‘डेक्कन क्वीन’ आणि ‘सिंहगड’सह १६ लांब पल्ल्याच्या गाड्या रद्द केल्याची अधिकृत माहिती दिली आहे. रेल्वे ट्रॅकवरील दरड आणि मातीचा ढिगारा हटवण्यासाठी रेल्वे प्रशासनाने तात्काळ कामगारांची टीम आणि यंत्रसामग्री घटनास्थळी रवाना केली आहे. मात्र, घाट परिसरात सतत सुरू असलेल्या अतिवृष्टीमुळे आणि चिखलामुळे दुरुस्तीच्या कामात मोठे अडथळे येत आहेत. मार्ग कधी पूर्ववत होणार याबाबत निश्चित वेळ सांगता येत नसल्याने, रेल्वे प्रशासनाने प्रवाशांना आपल्या गाडीचे लाइव्ह स्टेटस (Live Status) तपासूनच घराबाहेर पडण्याचे आवाहन केले आहे.प्रवाशांच्या सुरक्षेसाठी मध्य रेल्वेने अप (Up) आणि डाऊन (Down) दोन्ही मार्गांवरील पुढील गाड्या आजसाठी पूर्णपणे रद्द केल्या आहेत: १२१२३ / १२१२४ : मुंबई (CSMT) – पुणे – मुंबई डेक्कन क्वीन ११००९ / ११०१० : मुंबई (CSMT) – पुणे – मुंबई सिंहगड एक्स्प्रेस २२१०५ / २२१०६ : मुंबई (CSMT) – पुणे – मुंबई इंद्रायणी एक्स्प्रेस १२१२७ / १२१२८ : मुंबई (CSMT) – पुणे – मुंबई इंटरसिटी एक्स्प्रेस ११००७ / ११००८ : मुंबई (CSMT) – पुणे – मुंबई डेक्कन एक्स्प्रेस १२१२५ / १२१२Container६ : मुंबई (CSMT) – पुणे – मुंबई प्रगती एक्स्प्रेस १२१६९ / १२१७० : पुणे – सोलापूर – पुणे इंटरसिटी एक्स्प्रेस ११०११ / ११०१२ : मुंबई (CSMT) – धुळे – मुंबई एक्स्प्रेस दरम्यान, काही गाड्यांचे मार्ग वळवण्यात आले असून, रेल्वेच्या अधिकृत वेबसाइटवर त्याची अद्ययावत माहिती उपलब्ध आहे.

दरम्यान, पुणे जिल्ह्यातील मावळ तालुक्यातील पाटण गावात घरावर दरड कोसळून एकाच कुटुंबातील तिघे ढिगाऱ्याखाली अडकल्याची घटना घडली आहे. घटनास्थळी एनडीआरएफच्या ३० सदस्यांच्या पथकाकडून बचावकार्य सुरू असून प्रशासन परिस्थितीवर लक्ष ठेवून आहे.