Advt.

.

0
Advt.

.

0
Advt.

.

0
Advt.

.

0

बीपीसीएलची ईव्ही चार्जिंग सुविधा विस्तारण्यासाठी एथर एनर्जीशी भागिदारी 

Date:

मुंबई – भारत पेट्रोलियम कॉर्पोरेशन लिमिटेड (बीपीसीएल) या उर्जा क्षेत्रातील नाविन्यपूर्ण मोबिलिटी सुविधा कंपनीने एथर एनर्जी या भारतातील आघाडीच्या इलेक्ट्रिक स्कूटर ब्रँडसह धोरणात्मक भागिदारी जाहीर केली आहे. भारतात सर्वात मोठे ईव्ही चार्जिंग नेटवर्क विस्तारण्यासाठी हा करार करण्यात आला आहे. या भागिदारीमुळे एथर एनर्जीला बीपीसीएलची देशभरात पसरलेली २१,००० पेक्षा जास्त फ्युएल स्टेशन्स उपलब्ध होतील व तिथे एथरचे फास्ट- चार्जिंग ग्रिड बसवता येतील.

देशात दमदार आणि सर्वत्र चार्जिंग पायाभूत सुविधांचे नेटवर्क प्रस्थापित करण्याचे उद्दिष्ट एथर एनर्जीने ठेवले असून त्यांनी १०० शहरांत १४०० चार्जर्ससह भारतात सर्वात मोठे ईव्ही चार्जिंग नेटवर्क उभे केले आहे. बीपीसीएलसह भागिदारी करून एथर ग्रिडचा विस्तार करण्याचे ध्येय एथर एनर्जीने ठेवले आहे व त्याद्वारे एथर इलेक्ट्रिक स्कूटर्सच्या देशभरातील पसरलेल्या ग्राहकांना सेवा देणे शक्य होईल. ग्राहकांना एथर अपवरून ही फास्ट चार्जर्स सहजपणे शोधून चार्जर उपलब्ध असल्याची माहिती पाहिजे तेव्हा आणि तत्काळ मिळवून त्यानुसार चार्जिंगचे नियोजन करता येईल.

या भागिदारीमुळे एथर एनर्जीचे मोठ्या शहरांतील नेटवर्क बळकट होईल तसेच जास्त वापर असलेल्या आंतरशहरी मार्गांवर चार्जिंगच्या सुविधा तयार करता येतील. सुरुवातीच्या टप्प्यात एथर एनर्जीने दिल्ली एनसीआरमधील चार ठिकाणी चार फास्ट चार्जर्स यशस्वीपणे बसवले आहेत. कंपनीने यावर्षाच्या अखेरीपर्यंत भारतातील बीपीसीएलच्या विविध ठिकाणी फास्ट चार्जर्सची संख्या १०० पर्यंत नेण्याचे ठरवले आहे.

देशात हरित उर्जेला चालना देण्यात बीपीसीएल आघाडीवर आहे. भारतात ७००० एनर्जी स्टेशन्सचे नेटवर्क तयार करत ईव्हीला मध्यवर्ती स्थान मिळवून देण्याचे आमचे ध्येय आहे. भारतात वैयक्तिक वापरासाठी दुचाकीला मोठ्या प्रमाणावर प्राधान्य दिले जाते आणि इलेक्ट्रिक वाहनांमध्येही दुचाकीला आधी पसंती देण्यात आली. एथर एनर्जीसारख्या इलेक्ट्रिक दुचाकी क्षेत्रात आघाडीवर असलेल्या आणि नाविन्यपूर्णतेवर भर देणाऱ्या कंपनीशी भागिदारी ही आमच्या एनर्जी स्टेशन्सवर ग्राहकांना सर्वोत्तम ईव्ही चार्जिंग सुविधा मिळवून देण्याच्या दिशेने उचललेले धोरणात्मक पाऊल आहे. यामुळे ईव्ही क्षेत्रात नाविन्यपूर्ण सुविधा सहजपणे उपलब्ध होतील.

एथर एनर्जीचे प्रमुख व्यवसाय अधिकारी रवनीत फोकेला म्हणाले, ‘देशात इलेक्ट्रिक वाहनांचा अवलंब करण्यासाठी दमदार चार्जिंग पायाभूत सुविधांचे नेटवर्क तयार करणे आवश्यक आहे. म्हणूनच एथर एनर्जीने भारतातील सर्वात मोठे इलेक्ट्रिक व्हिइकल चार्जिंग नेटवर्क उभारण्यासाठी गुंतवणूक केली. भारत पेट्रोलियम कॉर्पोरेशन लिमिटेडसह (बीपीसीएल)    भागिदारी केल्याने देशभरात चार्जिंग नेटवर्क उभारण्याच्या प्रयत्नांना आणखी चालना मिळेल. या भागिदारीमुळे बीपीसीएलच्या फ्युएल स्टेशन्सचे मोठे नेटवर्क आमच्यासाठी उपलब्ध होईल आणि ग्राहकांना फास्ट- चार्जिंग ग्रिड सोयीस्कर अंतरावर उपलब्ध होतील. ईव्हीचा वापर वाढेल तसा चार्जिंग सुविधा सहजपणे उपलब्ध करण्यासाठी अशाप्रकारच्या धोरणात्मक भागिदारी महत्त्वाच्या ठरतील.’

या भागिदारीविषयी बीपीसीएलच्या रिटेल नॉर्थचे प्रमुख राजीव दत्ता म्हणाले, ‘२०४० पर्यंत कार्बन उत्सर्जनाचे प्रमाण शून्यावर आणण्यासाठी बीपीसीएल सातत्याने प्रयत्नशील आहे. आम्ही आमच्या ७००० पारंपरिक रिटेल दालनांचे एनर्जी स्टेशन्समध्ये रूपांतर करण्याच्या दिशेने आणखी जवळ जात आहोत. हा आमच्या शाश्वत उपक्रमांना प्राधान्य व पाठिंबा देण्याच्या सर्वसमावेशक डिकार्बनायझिंग धोरणाचा भाग आहे. ईव्ही वापरामध्ये इलेक्ट्रिक दुचाकी आघाडीवर आहेत आणि रिटेल दालनांमध्ये चार्जिंग पायाभूत सुविधा उपलब्ध करत ईव्हीचा वापर करू इच्छिणाऱ्यांना आत्मविश्वास व सोयीस्करपणा मिळवून देण्याचे आम्ही ठरवले आहे.’

एथर एनर्जी आणि बीपीसीएल यांच्यात करण्यात आलेली ही भागिदारी देशातील ईव्ही चार्जिंग पायाभूत सुविधा क्षेत्रातील महत्त्वाची घटना आहे. दिल्ली एनसीआरपासून सुरुवात करत आम्ही नेटवर्क विस्तारण्यावर भर देत आहोत. लवकरच या सुविधा देशभरात उपलब्ध केल्या जाणार आहेत. आपल्या ग्राहकांना सोयीस्कर आणि सहजपणे चार्जिंग सुविधा उपलब्ध करून देण्यासाठी एथर एनर्जी बांधील आहे.

पेट्रोल बंक्सचे इलेक्ट्रिकीकरण करण्यासाठी बीपीसीएल झटत असून हरित उर्जा उपायांचा अवलंब करण्यात महत्त्वाची भूमिका बजावण्यासाठी व भारतात शाश्वत आणि पर्यावरणपूरक भविष्यासाठी योगदान देण्यासाठी कंपनी उत्सुक आहे.

SHARAD LONKAR
SHARAD LONKARhttps://mymarathi.net/
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/ पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल .. C.G.Registration No.MSME/ MH- 26-0179354,M.G. RC No. DCL 2131000315798079 मालक-संपादक : शरद लोणकर( mobile-9423508306) sharadlonkarpune@gmail.com - State Committe Member Of Digital Media Editor Journalist Association Maharshtra *1984 पासून पुण्यात पत्रकारिता, *आजीव सभासद - अखिल भारतीय मराठी चित्रपट महामंडळ, *आजीव सभासद - महाराष्ट्र साहित्य परिषद, *पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ... *स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले *इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका . *निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार https://www.facebook.com/MyMarathiNews/

Share post:

Popular

More like this
Related

पाकिस्तानी खासदार पलवाशा खान बरळल्या – बाबरीची पहिली वीट पाक सैनिक लावणार:असीम मुनीर देणार अज़ान

इस्लामाबाद-पाकिस्तानमधील बिलावल भुट्टो यांच्या पक्षाच्या नेत्या पलवाशा खान यांनी...

टायटन वॉचेसचे नवे ऑटोमॅटिक्स कलेक्शन

अचूकपणा ज्यांच्यासाठी खूप महत्त्वाचा आहे आणि जे अर्थपूर्ण शैलीतून स्वतःला अभिव्यक्त करू इच्छितात अशा पुरुषांसाठी तयार करण्यात आलेले कलेक्शन बंगलोर, : मेकॅनिकल विश्वाविषयी पुरुषांना वाटणारे आकर्षण सर्वश्रुत आहे. हे आकर्षण घड्याळांमध्ये साकार करून टायटन वॉचेसने आपले नवे ऑटोमॅटिक्स कलेक्शन सादर केले आहे. मेकॅनिकल वॉचमेकिंगचे नाजूक सौंदर्य अधोरेखित करत हे कलेक्शन व्हिजिबल मेकॅनिक्सचा सोहळा साजरा करते. कलेक्शनमधील प्रत्येक घड्याळामध्ये मनमोहक स्केलेटल डायल्स आहेत, ज्यामध्ये नाजूक इंजिनीयरिंग हे प्रत्येक शैलीचे सार आहे. इंटिग्रेटेड ब्रेसलेट्सपासून ड्युअल फिनिश सॉलिड लिंक स्ट्रॅप्सपर्यंत प्रत्येक डिझाईन त्यामधून विविध व्यक्तिमत्त्वे प्रतिबिंबित होतील अशाप्रकारे अतिशय विचारपूर्वक तयार करण्यात आले आहे. २१ ज्वेल बेयरिंग्स, दर तासाला २१६०० बीट्सची व्हायब्रेशन फ्रिक्वेन्सी आणि ४२ तासांचे पॉवर रिझर्व्ह असलेले हे कलेक्शन अचूकपणा, कारीगरी आणि कामगिरीवर लक्ष केंद्रित करते, चोखंदळ घड्याळप्रेमींसाठी तयार करण्यात आले आहे. टायटनच्या ऑटोमॅटिक्स कलेक्शनमध्ये चार अनोख्या श्रेणी आहेत, अनोखी व्यक्तिमत्त्वे दर्शवण्यासाठी त्या खास डिझाईन करण्यात आल्या आहेत. यिन यांग स्केलेटल ऑटोमॅटिक वॉच या अतुलनीय कलेक्शनचा केंद्रबिंदू आहे, संतुलनाचा कलात्मक सन्मान करण्यासाठी डिझाईन करण्यात आले आहे, असामान्य यिन यांग स्केलेटल डायल डिझाईन आणि रिफाईंड प्रेस-पॅटर्न डिटेलिंग यामध्ये दर्शवण्यात आले आहे. सुबक स्टेनलेस स्टील आणि शानदार रोज गोल्ड कॉम्बिनेशनमध्ये उपलब्ध असलेली ही श्रेणी औपचारिक वातावरणासाठी उत्कृष्ट आहे. फिनिक्स स्केलेटल ऑटोमॅटिक घड्याळ हे फिनिक्स पक्षापासून प्रेरणा घेऊन तयार करण्यात आले आहे, हे शक्तीचे आणि पुन्हा नव्याने भरारी घेण्याचे प्रतीक आहे. याची बोल्ड स्केलेटल डायल फिनिक्स पक्षाच्या पंखांप्रमाणे नाजूक डिझाईन करण्यात आली आहे. नर्ल्ड क्राऊन याचे सोफिस्टिकेटेड डिझाईन अधिक शानदार बनवतो. मोनोक्रोमॅटिक एक्लिप्स ब्लॅक आणि ऑप्युलँट एम्बर रोज गोल्ड प्रकारांमध्ये उपलब्ध आहे. याचे प्रभावी डिझाईन आणि उत्कृष्ट फिनिश यामुळे हे घड्याळ संध्याकाळच्या कार्यक्रमाच्या पेहरावांसाठी आणि महत्त्वाच्या प्रसंगांसाठी उत्तम ठरते. नेक्सस स्केलेटल ऑटोमॅटिकमध्ये आधुनिक सौंदर्य आणि चिरंतन प्रतीकात्मकता यांचा मिलाप आहे. याची अनोखी स्केलेटल डायल जहाजाच्या सुकाणूपासून प्रेरित होऊन तयार करण्यात आली आहे, जे हालचाली आणि प्रगती दर्शवते, नाजूक ऑटोमॅटिक हालचाली दर्शवते. कॉफी ब्राऊन, गनमेटल आणि मिडनाईट ब्ल्यू या आकर्षक रंगांमध्ये उपलब्ध आहे. स्पोर्टी अपील आणि इंटिग्रेटेड ब्रेसलेट असलेले हे घड्याळ स्मार्ट कॅज्युअल लूक्स आणि दररोज वापरण्यासाठी साजेसे आहे. गोल्डन हार्ट स्केलेटल ऑटोमॅटिक वॉच सोनेप्रेमींसाठी बनवण्यात आले आहे. बाय-मेटल आणि फुल गोल्ड प्रकारांमध्ये उपलब्ध असून गिल्टेड स्केलेटल डायलमधून विलक्षण जागरूकतेने तयार करण्यात आलेले बारकावे दिसून येतात. फॉर्मल प्रसंग, समारंभ आणि सांज सोहळ्यांमध्ये तुमच्या पेहरावाला अत्यावश्यक असलेला उठावदार, लक्झरियस स्पर्श देण्यासाठी हे अगदी योग्य आहे. टायटन वॉचेसच्या मार्केटिंग हेड अपर्णा रवी म्हणाल्या, "टायटन ऑटोमॅटिक्स कलेक्शन हा आमच्या वाटचालीतील एक लक्षणीय टप्पा आहे, प्रगत, सोफिस्टिकेटेड होरोलॉजी आणि आधुनिक शैली यांचा समन्वय दर्शवणारी घड्याळे तयार करून नावीन्य घडवत राहण्याप्रती टायटनची वचनबद्धता यामध्ये अधोरेखित करण्यात आली आहे. चोखंदळ आणि शैलीविषयी जागरूक असलेले पुरुष, ज्यांना घड्याळ हे स्व-अभिव्यक्तीचे माध्यम वाटते, अशांसाठी हे तयार करण्यात आले आहे, यांची कारीगरी तुम्ही काहीही बोलण्याआधी खूप काही व्यक्त करते.” प्रत्येक घड्याळामध्ये ल्युमिनस काटे, स्पष्टपणे अप्लाय करण्यात आलेले इन्डायसेस आणि ड्युएल-फिनिश्ड सॉलिड स्टेनलेस स्टील स्ट्रॅप्स आहेत, दिवसभर आणि रात्रीदेखील प्रीमियम फील देणाऱ्या या घड्याळांच्या किमती १८,३२५ रुपयांपासून २२,१५० रुपयांपर्यंत आहेत. टायटन ऑटोमॅटिक्स कलेक्शन सर्व टायटन स्टोर्स आणि www.titan.co.in वेबसाईटवर उपलब्ध आहे.

मुंबईच्या पोलिस आयुक्तपदी देवेन भारती

मुंबई-मुंबईच्या पोलिस आयुक्तपदी वरिष्ठ पोलिस अधिकारी देवेन भारतीय यांची...