कात्रजच्या २८ वर्षीय तरुणावर गुन्हा दाखल
पुणे – एच.पी. सॅमसंग, कॅनन व इफसन व डिस्ने कंपनीचे बनावट पार्ट बनविणारे रॅकेट पुण्यात उघड झाले असून पोलिसांनी २८ लाखाचे पार्ट जप्त करत या रॅकेटचा पर्दाफाश केला .
याप्रकरणी तक्रार आल्यावर तक्रारदाराने दिलेल्या माहितीनुसार वरिष्ठ पोलीस निरीक्षक, शब्बीर सैय्यद, गुन्हे शाखा युनिट-०१ व स्टाफ यांनी मिळुन दि.०६/०७/२०२३ रोजी आण्णासाहेब खैरेपथ, शुक्रवार पेठ येथील प्रविण खोड,( वय-२८ वर्ष, रा. कात्रज कोंढवा रोड, पुणे )याचे दुकानात छापा टाकला.
तेव्हा त्याचे दुकानात सॅमसंग, कॅनन व इफसन कंपनीचे बनावट १ ) टोनर २ ) कार्टेज ३) आउटर बॉक्स ४) पॅक इंक बॉटल ५) होलोग्राम यांचे बनावटीकरण केलेले पार्ट व साहित्य मिळुन आले आहे. गुन्हे शाखा युनिट ०१ च्या पथकाने त्याच्या कडुन एकुण २५ लाख २४ हजार ८२५/- रुपय किचा मुद्देमाल जप्त करुन,खडक पोलीस स्टेशन येथे गुन्हा नोंद केलेला आहे. पुढील तपास गुन्हे शाखा युनिट ०१ चे पोलीस उप-निरीक्षक,कुलकर्णी हे करीत आहेत.
तसेच दि.०६/०७/२०२३ रोजी फिर्यादीकडुन प्राप्त झालेल्या तक्रारी अर्जावरुन वरिष्ठ पोलीस निरीक्षक,शब्बीर सैय्यद व युनिट – ०१ कडील स्टाफ यांनी मिळुन १ ) तृप्ती ट्रेडर्स २) प्रेम टॉईज ३) गणेश ट्रेडर्स, रविवार पेठ, पुणे येथील दुकानांवर छापा टाकला असता, तिन्ही दुकानांतून बनावट डिस्ने कंपनीची खेळणी व शाळेय साहित्य असा एकुण किंमत २,९३,९०० /- रुपये किचा बनावट मुद्देमाल जप्त केलेला असुन,त्याबाबत फरासखाना पोलीस स्टेशन येथे गुन्हा नोंद करण्यात आला आहे. पुढील तपास सहा.पो. निरी. आशिष कवठेकर, युनिट – ०१, गुन्हे शाखा हे करीत आहेत.
सदरची कामगिरी पोलीस आयुक्त,रितेश कुमार, सह पोलीस आयुक्त,.संदिप कर्णिक, अपर पोलीस आयुक्त, गुन्हे, रामनाथ पोकळे, पोलीस उप-आयुक्त, गुन्ह, अमोल झेंडे,सहाय्यक पोलीस आयुक्त, गुन्हे – १सुनिल तांबे यांच्या मार्गदर्शना खाली वरिष्ठ पोलीस निरीक्षक, शब्बीर सैय्यद, युनिट ०१, सहा. पो निरी. आशीष कवठेकर, पोलीस उप निरीक्षक, सुनिल कुलकर्णी, पोलीस अंमलदार, विठ्ठल पाटील, अमोल पवार, निलेश साबळे, अभिनव लडकत, शशीकात दरेकर यांनी केली आहे.
