मॉडेल स्कूल चांदे आणि ग्राम सचिवालयाचे मान्यवरांच्या हस्ते लोकार्पण !

Date:

303 मॉडेल स्कूलची कामे पूर्णत्वाकडे; उर्वरित कामे डिसेंबरअखेर पूर्ण होणार…

पुणे, दि. २० नोव्हेंबर २०२६ : ग्रामीण भागातील विद्यार्थ्यांना गुणवत्तापूर्ण व आधुनिक शैक्षणिक सुविधा उपलब्ध करून देण्यासह गावपातळीवरील प्रशासकीय व्यवस्था अधिक सक्षम करण्याच्या दृष्टीने मुळशी तालुक्यातील चांदे येथे उभारण्यात आलेल्या जिल्हा परिषद प्राथमिक शाळा मॉडेल स्कूल चांदे तसेच ग्राम सचिवालयाचे लोकार्पण मान्यवरांच्या हस्ते उत्साहपूर्ण वातावरणात पार पडले.

या लोकार्पण सोहळ्यास भोर-राजगड-मुळशीचे आमदार श्री. शंकर मांडेकर, पुणे जिल्हा परिषदेचे अध्यक्ष श्री. वीरधवल जगदाळे, जिल्हा परिषदेचे मुख्य कार्यकारी अधिकारी श्री. गजानन पाटील, उपाध्यक्ष श्री. विवेक वळसे पाटील, ग्रामपंचायतीचे सरपंच, ग्रामसेवक, ग्रामस्थ तसेच विविध क्षेत्रांतील मान्यवर उपस्थित होते.

ग्रामीण भागातील विद्यार्थ्यांना शहरी भागातील शाळांच्या तोडीच्या शैक्षणिक सुविधा गावातच उपलब्ध व्हाव्यात, या उद्देशाने जिल्हा परिषदेमार्फत मॉडेल स्कूलची संकल्पना राबविण्यात येत आहे. आधुनिक शैक्षणिक वातावरण, गुणवत्तापूर्ण अध्यापन आणि विद्यार्थ्यांच्या सर्वांगीण विकासाला चालना देणाऱ्या सुविधांमुळे मॉडेल स्कूल चांदे ही परिसरातील विद्यार्थ्यांसाठी शैक्षणिक प्रगतीची नवी संधी ठरणार आहे.

त्याचबरोबर ग्राम सचिवालयाच्या माध्यमातून गावातील विविध शासकीय सेवा व प्रशासकीय कामकाज एकाच छताखाली उपलब्ध होण्यास मदत होणार आहे. ग्रामस्थांना शासकीय योजनांची माहिती, विविध दाखले व प्रशासकीय कामांसाठी अधिक सुलभ आणि गतिमान सेवा मिळण्याच्या दृष्टीने ग्राम सचिवालय महत्त्वपूर्ण ठरणार आहे. यामुळे ग्रामपंचायतीच्या कामकाजात अधिक पारदर्शकता, सुसूत्रता आणि लोकाभिमुखता निर्माण होण्यास हातभार लागणार आहे.

शिक्षण आणि ग्रामविकास या दोन्ही महत्त्वपूर्ण क्षेत्रांना बळकटी देणाऱ्या या उपक्रमांमुळे चांदे गावाच्या विकासाला नवी दिशा मिळणार असून, ग्रामीण भागातील पायाभूत सुविधा सक्षम करण्याच्या पुणे जिल्हा परिषदेच्या प्रयत्नांमध्ये आणखी एक महत्त्वपूर्ण टप्पा गाठला गेला आहे.

जिल्हा परिषदेमार्फत ग्रामीण भागातील विद्यार्थ्यांना आधुनिक व गुणवत्तापूर्ण शिक्षणाच्या सुविधा उपलब्ध करून देण्यासाठी 303 मॉडेल स्कूल उभारण्याचा महत्त्वाकांक्षी उपक्रम हाती घेण्यात आला आहे. या उपक्रमांतर्गत बहुतांश शाळांची कामे पूर्ण झाली असून, उर्वरित शाळांची कामे डिसेंबर २०२६ अखेरपर्यंत पूर्ण करण्यात येणार आहे. या मॉडेल स्कूलच्या माध्यमातून ग्रामीण भागातील विद्यार्थ्यांना आधुनिक शैक्षणिक सुविधा, अध्ययन-अध्यापनासाठी पूरक वातावरण आणि सर्वांगीण विकासाच्या संधी उपलब्ध करून देण्याचा जिल्हा परिषदेचा प्रयत्न आहे.

श्री. वीरधवल जगदाळे, अध्यक्ष, जिल्हा परिषद, पुणे :

“ग्रामीण भागातील विद्यार्थ्यांना दर्जेदार आणि आधुनिक शैक्षणिक सुविधा त्यांच्या गावातच उपलब्ध करून देणे हे जिल्हा परिषदेचे महत्त्वाचे उद्दिष्ट आहे. मॉडेल स्कूलच्या माध्यमातून विद्यार्थ्यांना गुणवत्तापूर्ण शिक्षणासाठी पोषक वातावरण निर्माण होणार आहे. तसेच ग्राम सचिवालयामुळे ग्रामस्थांना विविध शासकीय सेवा अधिक सुलभतेने आणि एकाच छताखाली उपलब्ध होण्यास मदत होईल. शिक्षण आणि सक्षम ग्रामप्रशासन यांच्या माध्यमातून गावांचा सर्वांगीण विकास साधण्यासाठी जिल्हा परिषद कटिबद्ध आहे.”

श्री. गजानन पाटील, मुख्य कार्यकारी अधिकारी, जिल्हा परिषद, पुणे :

“पुणे जिल्हा परिषदेच्या माध्यमातून ग्रामीण भागातील विद्यार्थ्यांना आधुनिक व गुणवत्तापूर्ण शैक्षणिक सुविधा उपलब्ध करून देण्यासाठी 303 मॉडेल स्कूल उभारण्याचा उपक्रम हाती घेण्यात आला आहे. यापैकी बहुतांश शाळांची कामे पूर्ण झाली असून, उर्वरित कामे डिसेंबरअखेर पूर्ण करण्याचे नियोजन आहे. चांदे येथील मॉडेल स्कूल हे या उपक्रमातील एक महत्त्वाचे पाऊल आहे. त्याचबरोबर ग्राम सचिवालयाच्या माध्यमातून ग्रामपंचायत स्तरावरील प्रशासकीय सेवा अधिक गतिमान, पारदर्शक आणि लोकाभिमुख करण्यावर भर देण्यात येत आहे. या सुविधांचा लाभ ग्रामीण भागातील विद्यार्थ्यांना आणि ग्रामस्थांना प्रभावीपणे मिळावा, यासाठी जिल्हा परिषद प्रयत्नशील आहे.”

कार्यक्रमास ग्रामपंचायत पदाधिकारी, अधिकारी, कर्मचारी, शिक्षक, ग्रामस्थ आणि परिसरातील नागरिक मोठ्या संख्येने उपस्थित होते.

SHARAD LONKAR
SHARAD LONKARhttps://mymarathi.net/
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/ पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल .. C.G.Registration No.MSME/ MH- 26-0179354,M.G. RC No. DCL 2131000315798079 मालक-संपादक : शरद लोणकर( mobile-9423508306) sharadlonkarpune@gmail.com - State Committe Member Of Digital Media Editor Journalist Association Maharshtra *1984 पासून पुण्यात पत्रकारिता, *आजीव सभासद - अखिल भारतीय मराठी चित्रपट महामंडळ, *आजीव सभासद - महाराष्ट्र साहित्य परिषद, *पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ... *स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले *इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका . *निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार https://www.facebook.com/MyMarathiNews/

Share post:

Popular

More like this
Related

पुणे जिल्हा परिषदेचे २५ गुणवंत विद्यार्थी अमेरिकेतील नासा, स्टॅनफोर्ड विद्यापीठ आणि गुगल परिसराला देणार भेट

२० हजार विद्यार्थ्यांमधून आयुका संस्थेच्या निवड प्रक्रियेद्वारे निवड; २०...

राज्यस्तरीय शालेय स्क्वॅश क्रीडा स्पर्धेत पुणे विभागाला वैयक्तिक गटात प्रथम व तृतीय क्रमांक

आठ विभागांतील ३४ खेळाडूंचा सहभाग; विजेत्या खेळाडूंची राष्ट्रीय स्पर्धेसाठी...