पुणे-साहित्यरत्न अण्णाभाऊ साठे जयंती विशेषांकांचे प्रकाशन महाराष्ट्र राज्याचे सामाजिक न्याय राज्यमंत्री दिलीप कांबळे यांच्याहस्ते करण्यात आले . पुणे कॅम्प भागातील सामाजिक न्याय राज्यमंत्री दिलीप कांबळे यांच्या जनसंपर्क कार्यालयात हा प्रकाशन सोहळा पार पडला . यावेळी साहित्यरत्न अण्णाभाऊ साठे जयंती विशेषांकांचे प्रकाशक प्रकाश वैराळ , जेष्ठ लेखक संपत जाधव , लेखक सुरेश पाटोळे , महेंद्र कांबळे , रवी आरडे , दीपक आवळे , विजय कुचेकर , अतिश कापसे आदी मान्यवर उपस्थित होते .
या साहित्यरत्न अण्णाभाऊ साठे जयंती विशेषांकांमध्ये माणसाचं माणूसपण जपणारा साहित्यिक अण्णाभाऊ साठे या विषयावर डॉ.प्रा. सुरेश चौथाईवाले , प्रकाश वैराळ लिखित मातंग समाजास ऐक्याशिवाय पर्याय नाही , लेखक सोपान खुडे लिखित अण्णाभाऊंची लोकनाट्ये ,लेखक श्रीराम दुर्गे लिखित अण्णाभाऊची फकिरा समरसतेची धगधगती मशाल , डॉ. प्रा. शरद गायकवाड लिखित अण्णाभाऊ साठे आणि जात वास्तव , लेखक संपत जाधव लिखित अज्ञान आणि अंधःकारात अवतरला सूर्य अण्णाभाऊ साठे अशा अनेक महाराष्ट्रातील नामवंत लेखकांनी या विशेषांकांत लेख लिहले आहेत . पुणे शहरात निघालेला मातंग संघर्ष महामोर्चाचे आकर्षक छायाचित्र व अण्णाभाऊ साठे यांचा पुतळा या विशेषांकाचे मुखपृष्ठ सर्वांचे लक्ष वेधून घेत आहे .
पुणे शहरातील ग्रंथालयांना साहित्यरत्न अण्णाभाऊ साठे जयंती विशेषांक भेट देणार असल्याचे विशेषांकांचे प्रकाशक प्रकाश वैराळ यांनी सांगितले .
