भारतीय विद्या भवन,इन्फोसिस फाऊंडेशनचा सांस्कृतिक प्रसार उपक्रम
पुणे ः
भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत आयोजित ‘ व्हायोलिन ग्राफी ‘ या कार्यक्रमाला चांगला प्रतिसाद मिळाला. निनाद निकेतन म्युझिक अकॅडमी प्रस्तुत या कार्यक्रमात गीत,संगीताचा सुरेल आविष्कार सादर करण्यात आला. निर्मिती, संगीत संयोजन अंजली सिंगडे-राव यांचे होते. ओमकार पाटणकर(कीबोर्ड ), विकास क्षीरसागर,नितीन कुलकर्णी (तबला ), अभय इंगळे(रिदम ),प्रसाद साहोत्रे(गिटार) यांनी साथसंगत केली. आर जे तेजू,प्रफुल्ल कुलकर्णी यांनी कार्यक्रमाचे निवेदन केले.
हा कार्यक्रम शनीवार, दि. १५ जून २०२४ रोजी सायंकाळी ६ वाजता भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे झाला.हा कार्यक्रम विनामूल्य होता.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा २१२ वा कार्यक्रम होता.भारतीय विद्या भवनचे मानद सचिव प्रा.नंदकुमार काकिर्डे यांनी कलाकारांचा सत्कार केला.
हंस ध्वनी राग, यमन राग अशी प्रस्तुती प्रारंभी करण्यात आली. ओम जय जगदीश हरे, आओगे तुम साजना ,तुम मिले,चुरा लिया हैं तुमने अशी अनेक बहारदार गीते व्हायोलिन वादनातून सादर करण्यात आली. काही गीतांची झलक दाखविण्यात आली. जागतिक व्हायोलिन दिनाच्या दोन दिवस आधी केलेल्या या सादरीकरणाला उपस्थित रसिकांनी चांगला प्रतिसाद दिला