पुणे-चौथ्या टप्प्यातील निवडणुकांच्या प्रचाराच्या तोफा आज थंडावणार आहेत.पुणे, शिरुरसह 11 मतदारसंघांसाठी सोमवारी मतदान होणार आहे. तत्पुर्वी पुण्याचा गड राखण्यासाठी भारतीय जनता पक्षाने कंबर कसली असून उपमुख्यमंत्री देवेंद्र फडणवीस यांच्यासह भाजपचे दिग्गज नेते पुण्यामध्ये तळ ठोकून आहेत. पुणे लोकसभेचे उमेदवार मुरलीधर मोहोळ यांच्यासाठी भाजपचे दिग्गज नेते मैदानात उतरले आहेत. एकीकडे काँग्रेसने रविंद्र धंगेकरांसाठी विदर्भातील नेते प्रचारात उतरवले असतानाच भाजपकडूनही गड राखण्यासाठी जोरदार मोर्चेबांधणी सुरू केली आहे. स्वतः उपमुख्यमंत्री देवेंद्र फडणवीस यांनी पुण्यात तळ ठोकला आहे. आज त्यांची गोखलेनगरमध्ये जाहीर सभा होणार आहे.
शरद पवार हे उद्धव ठाकरेंचा पक्ष घेऊन डुबणार
बारामतीची निवडणूक झाल्यावर शरद पवारांचे वक्तव्य ऐकले अन लक्षात आले असेल मोसम बदलला आहे. 4 जूननंतर प्रादेशिक पक्ष काँग्रेसमध्ये विलीन करावे लागतील. आपले दुकान चालत असताना, आपण दुसऱ्या दुकानात आपले दुकान शिफ्ट करतो का? याचा अर्थ आता अजित पवारांची हवा आहे, असे वक्तव्य देवेंद्र फडणवीस यांनी पुण्यात बोलताना केले आहे.दरम्यान देवेंद्र फडणवीस पुढे बोलताना म्हणाले की,शरद पवार हे उद्धव ठाकरेंचा पक्ष घेऊन डुबणार आहेत. म्हणून पंतप्रधान नरेंद्र मोदींनी शरद पवार आणि उद्धव ठाकरेंना भाजप सोबत येण्याचे म्हणजे अजित पवार आणि एकनाथ शिंदेंसोबत येण्याची ऑफर दिली आहे.