ज्योती मेटे यांचा अप्पर सहनिबंधक पदाचा राजीनामा:बीड लोकसभा मतदारसंघातून निवडणूक लढणार

बीड लोकसभा मतदारसंघातून महाआघाडीच्या उमेदवार म्हणून ज्योती विनायकराव मेटे निवडणूक लढणार आहे. त्यातच त्यांनी त्यांच्या अप्पर सहनिबंधक पदाचा राजीनामा दिला असून आपण राजकारणात सक्रिय सहभागी होण्यासाठीच पदाचा राजीनामा दिला असल्याची माहिती त्यांनी आज कार्यकर्त्यांच्या बैठकीत दिली. त्यांनी राजीनामा दिल्यानंतर त्या बीडमध्ये दाखल झाल्या असून त्यांनी स्व. विनायक मेटे यांच्या समाधी स्थळाचे दर्शन घेतले. यावेळी त्यांच्या पदाधिकारी आणि कार्यकर्त्यांची मोठ्या संख्येने उपस्थिती होती. आपण बीड लोकसभा मतदारसंघातून लढवण्यास इच्छुक असल्याचे त्यांनी स्पष्ट केले आहे.भारतीय जनता पक्षाने पंकजा मुंडे यांना उमेदवारी दिली आहे. तर दुसरीकडे महाविकास आघाडीच्या वतीने या जागेवर ज्योती मेटे यांनी उमेदवारी द्यावी, असा आग्रह शरद पवार यांच्याकडे केला आहे. ज्योती मेटे यांनी शरद पवार यांची दोन वेळा या संदर्भात भेट देखील घेतली ओ. त्यामुळे बीड लोकसभा मतदारसंघातून महाविकास आघाडीच्या ज्योती मेटे याच उमेदवार असतील, अशी शक्यता वर्तवली जात आहे. मात्र, याबाबत शरद पवार यांनी त्यांचा निर्णय जाहीर केलेला नाही. मात्र, असे असले तरी ज्योती मेटे यांनी बीड लोकसभा मतदारसंघातून लढवण्याची तयारी सुरू केली आहे.