पुणे : जागेच्या वादातून सिंहगड रोडवरील रायकर मळा परिसरात एका तरुणावर धारदार हत्याराने वार करुन निर्घुण खून केल्याचा प्रकार समोर आला आहे.आदित्य ऊर्फ राजू जनार्दन पोकळे (वय १९, रा. खंडोबाचा माळ, रायकर मळा, धायरी) असे खून झालेल्या तरुणाचे नाव आहे.याप्रकरणी सिंहगड रोड पोलिसांनी सागर पोपट रायकर व संपत तानाजी काळोखे यांच्याविरुद्ध खूनाचा गुन्हा दाखल केला आहे.
याबाबत पोलिसांनी दिलेल्या माहितीनुसार, आदित्य पोकळे व संपत काळोखे हे नातेवाईक आहेत. त्यांच्यामध्ये जागेवरुन वाद सुरु आहे. आदित्य हा मंगळवारी रात्री या जागेवर कामगारांना घेऊन आला व पत्र्याची शेड उभारण्याचे काम करत होता. रात्री ९ वाजण्याच्या सुमारास संपत काळोखे व सागर रायकर हे दोघे तेथे आले. त्यावेळी त्यांच्यात वाद झाला. तेव्हा दोघांनी आदित्यच्या पाठीत धारदार हत्याराने वार केले. आदित्य रक्ताच्या थारोळ्यात जागीच पडल्यावर दोघे पळून गेले. या घटनेची माहिती मिळताच पोलिसांनी घटनास्थळी धाव घेतली. आदित्य याला रुग्णालयात नेले असताना डॉक्टरांनी मृत घोषित केले. पोलीस मारेकर्यांचा शोध घेत आहेत. मात्र आज मृत आदित्य याचे नातेवाईक सिंहगड पोलिस स्टेशन समोर आंदोलनाला बसले होते आरोपींना ताब्यात घेत नाही तोपर्यंत मृतदेह ताब्यात घेण्यास नकार दिला, मात्र पोलिसांच्या आश्वासनानंतर आज आदित्यच्या कुटुंबीयांनी त्याचा मृतदेह ताब्यात घेऊन अंत्यसंस्कार केले