पुणे-धर्मसभा संस्थेने नगरसेविका मंजुश्री खर्डेकर ,जनकल्याण रक्तपेढी व भारत विकास परिषदेच्या सहकार्याने एरंडवण्यातील सात चाळ परिसरात महिलांच्या हिमोग्लोबिन तपासणीचे शिबीर आयोजित केले होते.यावेळी केलेल्या तपासणीत २२ भगिनींचे हिमोग्लोबिन कमी असल्याचे आढळून आले.या सर्व महिलांना नगरसेविका मंजुश्री खर्डेकर यांच्या वतीने संक्रांतीचे वाण म्हणून तीन महिने पुरतील एवढ्या लोहाच्या गोळ्या भेट देण्यात आल्या.या वेळी बोलताना मंजुश्री खर्डेकर म्हणाल्या ” वस्ती विभागातील भगिनी आपले घर सावरताना स्वतःच्या प्रकृतीकडे दुर्लक्ष करतात व त्यामुळे त्यांचे दुखणे वाढते,त्या सर्व आजार अंगावर काढतात,हे भविष्याच्या दृष्टीने योग्य नाही,त्यामुळे वस्तीतील महिलांच्या नियमित आरोग्य तपासणी साठी मी योजना आखत आहे,तसेच आज ही काही महिला रक्ततपासणी साठी डॉक्टर ने सुई हातात घेतली तर निघून गेल्या,असे करू नका,या छोट्या तपासणीतूनच तुमचा मोठ्या आजारापासून बचाव होऊ शकेल असे ही त्या म्हणाल्या.या तपासणीत ज्या २२ महिलांना हिमोग्लोबिन कमी असल्याचे निष्पन्न झाले अश्या भगिनींना संक्रांतीचे वाण म्हणून लोहाच्या गोळ्या भेट देण्याचा आगळा वेगळा हळदीकुंकू समारंभ मंजुश्री खर्डेकर यांनी आयोजित केला होता.यावेळी धर्मसभेच्या मीनल मनमाडकर,तसेच संगीताताई आदवडे,अपर्णा लोणारे,सुवर्णा काकडे,सुनीता मोरे,माणिकताई दीक्षित,सुनीता पाठारे,इ मान्यवर उपस्थित होते,