– महिलांनी कुटुंबियांसह स्वतःच्या आरोग्याची काळजी घ्यावी – नगरसेविका मंजुश्री खर्डेकर….
पुणे महापालिका आस्था ब्रेस्ट कँसर सपोर्ट ग्रुप व अमेनोरा येस फाउंडेशन च्या वतीने कै बिंदुमाधव ठाकरे रुग्णालयात महिलांसाठी कर्करोग तपासणी शिबिराचे आयोजन करण्यात आले होते.नगरसेविका मंजुश्री खर्डेकर यांच्या पुढाकाराने आयोजित या शिबिरास महिलांनी उत्स्फूर्त प्रतिसाद दिला. ” या वेळी बोलताना मंजुश्री खर्डेकर म्हणाल्या कि महिला ज्याप्रमाणे आपल्या कुटुंबाची काळजी घेतात त्याच प्रमाणे त्यांनी स्वतःच्या आरोग्याची देखील काळजी घेतली पाहिजे,विशेषतः महिलांमध्ये स्तन कँसर चे प्रमाण वाढत असून याबाबत महिलांनी सजग राहणे व संकोच न बाळगता नियमित तपासणी करून घेणे गरजेचे आहे असे ही त्या म्हणाल्या.यावेळी डा.शेखर कुलकर्णी, डा अंजली टिळेकर,सौ मीनाक्षी भुजबळ,सिस्टर अंजली चोरघे यांच्या टीम ने तब्बल ११० महिलांची तपासणी केली.
या उपक्रमाचे संयोजन मंजुश्री खर्डेकर यांनी केले तर कविता सदाशिव यांनी गोसावी वस्तीतील महिलांना शिबिराची माहिती देऊन त्यांना तपासणी करून घेण्यास प्रेरित केले.