पुनीत बालन यांच्या हस्ते उदघाटन

पुणे :

 साखळीपीर तालीम राष्ट्रीय मारूती मंदीरच्या  सार्वजनिक गणेशोत्सवात  १८ संतांच्या पादुका दर्शन सोहळा हा देखावा करण्यात आला आहे. तसेच श्री सद्गुरू शंकर महाराज मठाची प्रतिकृति उभारण्यात आली आहे.या  प्रतिकृतीचे उद्घाटन  प्रसिद्ध उद्योजक पुनित बालन यांच्या हस्ते सोमवार,दि.९ सप्टेंबर रोजी सायंकाळी ६ वाजता उत्साहात झाले. रवींद्र  माळवदकर (अध्यक्ष, साखळीपीर तालीम राष्ट्रीय मारूती मंदीर),भाई कात्रे (कार्याध्यक्ष,साखळीपीर तालीम राष्ट्रीय मारूती मंदीर),शिवानी माळवदकर,विजय गोरे,नितीन काळे,योगेश निंबाळकर,आनंद साळुंखे,धनंजय काळे हे मान्यवर उपस्थित होते.

संत ज्ञानेश्वर,मुक्ताबाई,नामदेव,जनाबाई,नरहरी सोनार,सेनामहाराज,निळोबाराय,रामदास,वेणाबाई,महावतार,स्वामी समर्थ,टेम्बे स्वामी,शंकर महाराज,गुळवणी महाराज यांच्या पादुकांच्या प्रतिकृती मांडण्यात आल्या आहेत. दि.९ सप्टेंबर ते १५ सप्टेंबर या कालावधीत दररोज एक संत याप्रमाणे  श्री साईबाबा,जंगली महाराज,अक्कलकोट स्वामी समर्थ,माळी महाराज,गजानन महाराज तसेच छत्रपती शिवाजी महाराज यांच्या मूळ पादुका देखील दर्शनासाठी मांडण्यात येत आहेत.१९१९ साली स्थापन झालेल्या  साखळीपीर तालीम राष्ट्रीय मारूती मंदीरला १०५ वर्षांची परंपरा आहे.राष्ट्रीय एकात्मता प्रसारासाठी ही संस्था प्रयत्न करते.

पुनीत बालन म्हणाले,’चांगले सामाजिक कार्य गणेश मंडळाच्या मार्फत होऊ शकते याचे प्रत्यंतर  साखळीपीर तालीम राष्ट्रीय मारूती मंदीर गणेशोत्सव मंडळाने दाखवून दिले आहे. गणेश मंडळाचे कार्यकर्तेच समाजाच्या अडचणीत धावून येतात,हे आपण नेहमी पाहत असतो. आजच्या भेटीच्या निमित्ताने या मंडळाचा सामाजिक पुढाकाराची माहिती मिळाली . आम्ही नेहमी त्यात योगदान देऊ.रवींद्र माळवदकर हे गणेशोत्सवात नेहमी मार्गदर्शक म्हणून भूमिका बजावतात.ते  प्रत्येक बैठकीत कार्यकर्ते,मंडळे आणि प्रशासनाला उपयुक्त सूचना करतात.त्यांचा अनुभव उत्सव पुढे नेण्यास उपयुक्त ठरेल.’

रवींद्र माळवदकर म्हणाले यांनी साखळीपीर तालीम राष्ट्रीय मारूती मंदीर आणि गणेशोत्सवाची माहिती दिली.तसेच वंचितांची दिवाळी,सर्वधर्मीय पुढाकाराची आषाढी वारी अशा अनेक सामाजिक उपक्रमाची माहिती दिली.’समाजातील शेवटचा घटक डोळ्यासमोर ठेवून आम्ही उपक्रमांची रचना करतो आणि संघर्ष देखील करतो ‘,असे त्यांनी सांगितले.

मंडळाचे कार्यकर्ते आणि देखावा साकारणाऱ्या कलाकारांचा सत्कार पुनीत बालन यांच्याहस्ते करण्यात आला .शिवानी माळवदकर यांनी प्रास्ताविक केले ,भाई कात्रे यांनी आभार मानले.

पुणे, दिनांक ९ सप्टेंबर ः महाराष्ट्रातील मराठे तमिळनाडूत परके ठरले नाही. कारण स्थानिक समाजजीवनाला त्यांनी समृद्ध केले. आपल्यातील हा एकतेचा धागा धर्मातून येतो. सत्यातून येणारा हाच हिंदू धर्म भारतीय राष्ट्राची प्रेरणा आहे,तीच आपली जीवनशक्ती आहे असे मत राष्ट्रीय स्वयंसेवक संघाचे सरसंघचालक डॉ. मोहन भागवत यांनी व्यक्त केले.

कोथरूड येथील बालशिक्षण मंदिरात तंजावरचे मराठे या पुस्तक प्रकाशन पू.सरसंघचालक डॉ.मोहन भागवत यांच्या हस्ते झाले, त्यावेळी ते बोलत होते. कार्यक्रमाच्या अध्यक्षस्थानी बाबाजी राजे भोसले छत्रपती, महाराणी गायत्री राजे भोसले, आमदार शिवेंद्रराजे भोसले, हिंदुस्थान प्रकाशन संस्थेचे अध्यक्ष रमेश पतंगे, श्री शिवाजी रायगड स्मारक मंडळाचे कार्यवाह सुधीर थोरात उपस्थित होते.

‘जगण्याच्या सुरक्षिततेसाठी नव्हे तर वसुधैव कुटुंबकम हा शाश्वत धर्म जगाला देण्यासाठी आपल्या राष्ट्राचीनिर्मिती झाली आहे’, असा विश्वास डॉ. भागवत यांनी यावेळी व्यक्त केला. ते म्हणाले, “सत्ययुगापासून ते स्वातंत्र्य लढ्यापर्यंत धर्म हीच आपली शाश्वत प्रेरणा राहीली आहे. स्वतःला कॉंग्रेसमधील डावे म्हणणारे सुभाषचंद्र बोस तर याला स्पष्टपणे हिंदू प्रेरणा म्हणत. हिंदू म्हणजे मुस्लिम विरोध नाही तर स्वभावाचे वर्णन आहे. सर्व विविधतांना स्विकारणारे हे उदात्त विशेषण आहे.”

भौगोलिक, सांस्कृतिक आणि ऐतिहासिक संदर्भाने तंजावरचा अधिक अभ्यास व्हायला हवा, असे मत लेखक डॉ. मिलिंद दत्तात्रेय पराडकर यांनी व्यक्त केले.साप्ताहिक विवेकच्या संपादक अश्विनी मयेकर यांनी प्रास्ताविक केले. हिंदवी राष्ट्रीय प्रेरणा या ग्रंथ प्रकल्पाचे यावेळी उद्घाटन झाले.

तंजावर हा महाराष्ट्राचा गौरवशाली इतिहास :
तंजावर मधील मराठ्यांचा इतिहास हा एका घराण्याचा इतिहास नाही, असे प्रतिपादन बाबाजीराजे भोसले यांनी केले. ते म्हणाले, “तंजावरमध्ये केवळ भोसलेच नाही तर डोंगरे, केसरकर, कुलकर्णी, महाडिक, गाडे आदि आडनावाची घराणी आहेत, ज्यांचे मूळ महाराष्ट्रात आहे. हा केवळ एका घराण्याचा इतिहास नसून महाराष्ट्राच्या गौरवशाली वारशाचा इतिहास आहे. महाराष्ट्र आणि तंजावरचा संबंध वाढायला हवा.”

शिवाजी महाराज आत्मप्रेरणा

इस्लामी आक्रमणाचे स्वरूप लक्षात न आल्याने अनेक दैदिप्यमान संघर्ष विफल झाले. त्यावर शिवाजी महाराजांचा हिंदवी स्वराज्याचा उपाय लागू पडला. त्याचीच प्रेरणा घेऊन भारत भरात दुर्गादास राठोड, छत्रसाल अशा अनेकांनी संघर्ष केला. अगदी इंग्रजांच्या विरूद्धच्या लढ्यातही शिवाजी महाराज हीच प्रेरणा होती, असे मत डॉ. भागवत यांनी व्यक्त केले.

सरसंघचालक म्हणाले..

• धर्म हा एकतेचा धागा
• धर्म ही राष्ट्राची जीवनशक्ती
• धर्म लयाला गेल्यावर राष्ट्राचे अधःपतन
• धर्माची मूल्य सत्यातून येतात
• सृष्टीच्या उत्पत्तीबरोबरच धर्माचा उदय
  ▪️-हिंदू धर्म हाच आपल्या कतेचा आधार
  ▪️धर्म जगाला देणे हेच भारताचे प्रयोजन
  इस्लामी आक्रमणाचे स्वरुप ओळखणारे छ.शिवाजी महाराज

पत्नी, दोन मुलगे, सुना, नातवंडे असे संपूर्ण कुटुंब शोकसागरात बुडाले

पुणे, : दैनिक भारत डायरीचे प्रतिष्ठित संपादक श्री अशोक अग्रवाल यांचे सोमवारी पुण्यात हृदयविकाराच्या झटक्याने आकस्मिक निधन झाले. त्यांचे वय सुमारे 60 वर्षे होते. त्यांच्या निधनाने हिंदी पत्रकारितेची कधीही भरून न येणारी हानी झाली आहे. अशोक अग्रवाल निःपक्षपाती, निर्भय आणि सचोटीवर आधारित पत्रकारितेसाठी प्रसिद्ध होते. त्यांच्या पश्चात पत्नी, दोन मुले, सुना, नातवंडे असा मोठा परिवार आहे.

श्री अग्रवाल यांनी आयुष्यभर श्रमिक पत्रकार म्हणून आपला ठसा उमटवला आणि संपूर्ण प्रामाणिक आणि समर्पणाने लढाऊ पत्रकारिता केली. त्यांचे योगदान केवळ पुण्यासाठीच नव्हे तर संपूर्ण हिंदी पत्रकारिता जगतासाठी प्रेरणादायी होते. अशोक अग्रवाल यांनी निःपक्षपाती आणि निर्भय पत्रकारितेचा आदर्श घालून दिला, जो सचोटीने आणि समाजाच्या खऱ्या सेवेने प्रेरित झाला.

हिंदी पत्रकारितेचे मोठे नुकसान

त्यांच्या निधनाबद्दल पुणे आणि देशभरातील पत्रकार, विचारवंत, सामाजिक कार्यकर्ते आणि राजकारण्यांनी तीव्र शोक व्यक्त केला आहे. अशोक अग्रवाल यांची पोकळी भरून काढणे फार कठीण आहे हे सर्वांनी मान्य केले. आपल्या आयुष्यात त्यांनी पत्रकारिता ही समाजाचा खरा आवाज म्हणून मांडली आणि सत्य समोर आणण्यासाठी नेहमीच निर्भयपणे काम केले.

दैनिक भारत डायरीची स्थापना आणि वारसा

अशोक अग्रवाल यांनी ८ ऑगस्ट १९९७ रोजी दैनिक भारत डायरीची स्थापना केली, जी आज पुण्यातील हिंदी पत्रकारितेचा महत्त्वाचा आधारस्तंभ आहे. या वृत्तपत्राचा पहिला अंक दिवंगत चित्रपट अभिनेते कादर खान यांनी सुरू केला होता. तेव्हापासून आजतागायत दैनिक भारत डायरीने जनहिताची पत्रकारिता सर्वोच्च ठेवली आहे आणि समाजातील दुर्बल घटकांचा आवाज राहिला आहे.
दैनिक भारत डायरी दरवर्षी आपला वर्धापन दिन साजरा करत आहे ज्यामध्ये बॉलीवूड स्टार्सचा मेळावा होता. या वर्षापासून श्री अग्रवाल यांनी चित्रपट अभिनेते कादर खान यांच्या नावाने “सर कादर खान जीवन गौरव पुरस्कार” देण्याची घोषणा केली होती. 14 सप्टेंबर रोजी लोकमान्य टिळक स्मृती मंदिरात हा कार्यक्रम आयोजित करण्यात आला होता ज्यामध्ये चित्रपट अभिनेते जितेंद्र कपूर यांना राष्ट्रवादीचे नेते शरद पवार आणि राज्याचे उच्च शिक्षण मंत्री चंद्रकांतदादा पाटील यांच्या हस्ते सर कादर खान जीवन गौरव पुरस्कार प्रदान करण्यात येणार होता, मात्र दरम्यान, या कार्यक्रमात बाजी मारली गेली. अकाली श्री अग्रवाल यांचे दुःखद निधन झाले त्यामुळे हा कार्यक्रम आता पूर्णपणे रद्द करण्यात आला आहे.

अशोक अग्रवाल यांनी 2 दिवसांपूर्वी छातीत दुखत असल्याची तक्रार केल्यानंतर त्यांना खासगी रुग्णालयात दाखल करण्यात आले होते, त्यानंतर सोमवारी सायंकाळी त्यांनी अखेरचा श्वास घेतला. अग्रवाल यांच्या निधनाने संपूर्ण अग्रवाल समाजासह पुण्यातील पत्रकार, राजकीय नेते, हितचिंतक आणि भारत डायरीच्या वाचकांना मोठा धक्का बसला आहे.

विशाल अग्रवाल हे संपादकीय जबाबदारी सांभाळतील

अशोक अग्रवाल यांच्या निधनानंतर त्यांचे पुत्र आणि उपसंपादक विशाल अशोक अग्रवाल हे संपादकाची तात्काळ जबाबदारी स्वीकारणार आहेत. विशाल अग्रवाल हे देखील आपल्या वडिलांच्या पावलावर पाऊल ठेवून पत्रकारितेच्या सेवेत गुंतले असून या कठीण प्रसंगी आपली जबाबदारी पार पाडण्यासाठी ते तत्पर आहेत.

अशोक अग्रवाल यांचे निधन हे हिंदी पत्रकारिता जगताचे मोठे नुकसान आहे, हे फार काळ विसरता येणार नाही. त्यांनी प्रस्थापित केलेली मूल्ये आणि मूल्यांवर आधारित पत्रकारिता पुढे नेण्याचे आव्हान आता त्यांच्या कुटुंबीयांच्या आणि सहकाऱ्यांच्या खांद्यावर आहे.

पुणे-गणेश चतुर्थीच्या शुभमुहूर्तावर घराघरात तसेच गणेश मंडळाच्या सभामंडपात वाजत गाजत थाटामाटात आपल्या लाडक्या विघ्नहर्त्याचे आगमन झाले आहे. विद्येचे माहेरघर असलेल्या पुणे शहरातील गणेशोत्सवाची धुम काही औरच असते. राज्यभरातील लाखो गणेश भक्त पुण्यात बाप्पाच्या दर्शनाला येतात. भाद्रपद चतुर्थीला गणरायाची प्राणप्रतिष्ठा केली जाते तर पुढील दहा दिवस मनोभावे पूजाअर्चना केली जाते. सार्वजनिक गणेशोत्सव साजरा करण्यात गणेश मंडळात तर अनोखी उत्साहऊर्जा संचारते. सार्वजनिक गणेशोत्सवातून सामाजिक एकोपा, राष्ट्रिय एकात्मता, सर्वधर्म समभाव राखून हिंदू संस्कृती व परंपरेचे रक्षण केले जाते. मोठ्या हर्षोल्लाहासाने विविध प्रकारच्या आकर्षक सजावट व नयन मनोहर देखावे सादर करून लाडक्या बाप्पाची आणि स्थापना केली जाते व पुढील दहा दिवस संस्कृती व परंपरेचे रक्षण केले जाते.
महाराष्ट्र विधान परिषदेच्या उपसभापती, शिवसेना नेत्या डॉं नीलमताई गोऱ्हे यांनी पुणे शहरातील मानाच्या गणपती बाप्पाचे दर्शन घेतले. कसबा गणपती, दगडुशेठ गणपती, तांबडे जोगेश्वरी, गुरुजी तालीम, तुळशी बाग मंडई गणपती, केसरी वाडा. येथील गणरायाचे दर्शन घेऊन मनोभावे पुजा केली. राज्यातील दृष्काळाची छाया नष्ट होऊन सुखसमृद्धी लाभावी, बळीराजा संतुष्ट होऊन राज्यातील सर्व प्रकारचे अरिष्ट टळावे. महाराष्ट्र राज्याला प्रगतीपथावर नेण्यासाठी लोकाभिमुख व जनसामान्यांचे नेते मुख्यमंत्री एकनाथ शिंदे यांच्या नेतृत्वाखाली पुन्हा एकदा महायुतीचे सरकार यावे अशी प्रार्थना उपसभापती, शिवसेना नेत्या डाँक्टर नीलमताई गोऱ्हे यांनी गणरायाकडे केली. यावेळी दर्शना त्रिगुणाईत सहसंपर्क प्रमुख , सारिका पवार , मनिषा पारंडे जिल्हा प्रमुख, विभाग प्रमुख संजिवनी विजापूरकर विभाग प्रमुख, श्रृती राजरकर, जयश्री मोरे उपशहर प्रमुख तसेच शिवसेना भवन कार्यालय प्रमुख श्री सुधीर जोशी उपस्थीत होते.

पुणे : श्रीमंत दगडूशेठ हलवाई गणपतीला अनेक भक्त विविध प्रकारचे सोने, चांदीचे दागिने अर्पण करतात. यंदाच्या गणेशोत्सवात सॉलिटेरियो डायमंडस तर्फे गणपतीला ५० लाख रुपयांचा हिऱ्याचा तिलक अर्पण करण्यात आला आहे. गणरायाच्या शुंडाभूषणामध्ये हा तिलक बसविण्यात आला असून यामुळे लाडक्या गणरायाचे रूप अधिकच विलोभनीय दिसत आहे.

उत्सवाच्या तिसऱ्या दिवशी सॉलिटेरियो डायमंडसचे मालक प्रख्यात बॉलिवूड अभिनेता विवेक ओबेरॉय यांनी श्रीं चे दर्शन घेत हा तिलक अर्पण केला आहे. यावेळी ट्रस्टचे कोषाध्यक्ष महेश सूर्यवंशी, सुवर्णयुग तरुण मंडळाचे अध्यक्ष प्रकाश चव्हाण, सौरभ रायकर, मंगेश सूर्यवंशी, तुषार रायकर, अमोल चव्हाण आदी उपस्थित होते.

विवेक ओबेरॉय म्हणाले, मी जेव्हा इथे येतो, तेव्हा तेव्हा गणपतीचे दर्शन घेऊन मन भरून येते. एवढ्या मोठया प्रमाणात गर्दी असून देखील अत्यंत शांतपणे येथे दर्शन घेता येते. वर्षानुवर्षे येथे गर्दी वाढत असली, तरी देखील सगळ्यांना नीट दर्शन मिळते, हे मंडळाचे कार्यकर्ते व पदाधिकारी यांनी केलेल्या उत्तम व्यवस्थेचे यश असल्याचे त्यांनी सांगितले.

सॉलिटेरियो डायमंडस तर्फे १२ दिवस हा ६६ कॅरेट हि-याचा तिलक साकारण्याचे काम सुरु होते. गणरायांच्या आभूषणांपैकी असलेल्या शुंडाभूषणाच्या वरच्या बाजूला हा तिलक लावण्यात आला आहे. तब्बल १५० तास कारागिरांनी अत्यंत कलाकुसरीने हा हिऱ्याचा तिलक साकारला आहे.. गणेशोत्सवात भाविकांना हा हिऱ्याचा तिलक पाहता येणार असल्याचे ट्रस्टतर्फे सांगण्यात आले.

पिंपरी, पुणे (दि. ०९ सप्टेंबर २०२४) – पिंपरी चिंचवड एज्युकेशन ट्रस्टच्या रावेत येथील पिंपरी चिंचवड कॉलेज ऑफ इंजीनियरिंग अँड रिसर्च येथे स्मार्ट इंडिया हॅकॅथॉन या स्पर्धेचे आयोजन करण्यात आले होते.
ही स्पर्धा भारत सरकारच्या शिक्षण मंत्रालयाच्या इनोव्हेशन सेल तर्फे आयोजित करण्यात आली होती. देशभरातील विद्यार्थ्यांना विविध समस्यांवर उपाय शोधण्यासाठी ही स्पर्धा प्रेरित करते.
या स्पर्धेमध्ये ३५० पेक्षा जास्त विद्यार्थी सहभागी झाले. त्यापैकी तीस संघांची पुढच्या फेरीसाठी निवड करण्यात आली. विद्यार्थ्यांनी नवीन तंत्रज्ञानाचा वापर करून विविध सामाजिक समस्यांचे तांत्रिक दृष्टिकोनातून निराकरण करण्याचा प्रयत्न केला.
विविध नामांकित कंपन्यातील तज्ज्ञ, अनुभवी परीक्षक डॉ. बी. सत्यनारायण, श्रीकांत सावलकर, राहुल शेलार, ललित पाटील, दीपक रसाळ व जयवंत देवरे यांनी विद्यार्थ्यांचे मूल्यांकन करून मार्गदर्शन केले.
स्पर्धेचे उद्घाटन महाविद्यालयाचे प्राचार्य डॉ. हरीश तिवारी यांच्या हस्ते करण्यात आले. डॉ. बी. सत्यनारायण यांनी तरुणांना संशोधनाचे महत्त्व सांगून प्रोत्साहित केले. कम्प्युटर इंजिनिअरिंगच्या विभाग प्रमुख डॉ. अर्चना चौगुले, विजयलक्ष्मी कुंभार यांनी मनोगत व्यक्त केले. डॉ. शिवगंगा गव्हाणे आभार मानले.
पीसीईटीचे अध्यक्ष ज्ञानेश्वर लांडगे, उपाध्यक्षा पद्मा भोसले, सचिव विठ्ठल काळभोर, खजिनदार शांताराम गराडे, विश्वस्त हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई यांच्या मार्गदर्शनाखाली कार्यक्रमाचे आयोजन करण्यात आले होते.

पुणे-विमान नगर येथील गंगा नेब्युला सोसायटीमध्ये गणेशोत्सव सोहळा मोठ्या उत्साहात सुरू झाला असून हा वार्षिक उत्सव रहिवाशांना अनोख्या आणि प्रेमळ पद्धतीने एकत्र आणून त्यांच्या हृदयात विशेष स्थान आहे. दरवर्षी हा उत्सव अत्यंत उत्साहात रहिवाशांमध्ये प्रचलित असलेल्या उत्सवाच्या मूडसह आणि गणेशोत्सव उत्सवादरम्यान सामुदायिक बंधनाच्या जबरदस्त भावनेसह होतो.

या उत्सवाची सुरुवात एका भव्य मिरवणुकीने झाली जिथे सुंदर रचलेल्या गणेशाची मूर्ती सोसायटीच्या रस्त्यावरून आनंदी रहिवासी आणि पारंपारिक ढोल-ताशांच्या गजरात मिरवणूक काढण्यात आली.  रहिवासी विविध सांस्कृतिक आणि धार्मिक उपक्रमांमध्ये भाग घेतात आणि सभासदांनी प्रार्थना करून आणि भगवान गणेशाचा आशीर्वाद घेत दररोज आरत्या केल्या जातात.

सांस्कृतिक कार्यक्रम, नृत्य सादरीकरण आणि इतर स्पर्धा आयोजित केल्या जातात आणि संपूर्ण रहिवासी, विशेषतः लहान मुले मोठ्या उत्साहाने या उपक्रमांमध्ये सहभागी होतात. गणपतीला धुर्वा अर्पण करण्याचे महत्त्व सांगणाऱ्या सोसायटीच्या चिमुकल्यांनी सादर केलेल्या स्किटने उपस्थितांना मंत्रमुग्ध केले.  याव्यतिरिक्त, सोसायटी पर्यावरणास अनुकूल उत्सवांना प्रोत्साहन देते, पर्यावरणाचे रक्षण करण्यासाठी शाश्वत पद्धतींचा प्रचार करते.

गणेशोत्सव उत्सव केवळ तेथील रहिवाशांमधील बंध दृढ करत नाही तर समाजाने एकत्र येण्यासाठी त्यांची श्रद्धा, संस्कृती आणि चांगल्या समाजासाठी बांधिलकी जपण्याचे एक सुंदर उदाहरण देखील आहे.

जीवघेणा मेंदू संसर्ग आणि अवयवांची कार्यक्षमता कमी झाली पण या लहान मुलानेमिळवला अद्भूत विजय

पुणे, ९ सप्टेंबर, २०२४ — चिकनगुनियाच्या गंभीर मेंदू संसर्गामुळे (एन्सेफलायटीस )झालेल्या आणि त्यातून अनेक अवयवांची कार्यक्षमता कमी होऊ लागलेल्या एका पाच वर्षांच्यामुलावर पुण्यातील ‘सह्याद्रि हॉस्पिटल्स मॉमस्टोरी’ नगररोड येथे यशस्वीपणे उपचार करण्यातआले. अगदी जिवावर बेतलेल्या दुखण्यातून हा मुलगा आता बरा झाला असून त्यालारुग्णालयातून डिस्चार्ज देण्यात आला आहे. अवघड आजारातुन त्याच्या प्रकृती ची उत्तम सुधारणा झाली.

सुरुवातीला १८ ऑगस्ट २०२४ रोजी चंदननगर येथील बालरोगतज्ज्ञ डॉ. विनोद शेलारयांनी मुलाला तपासले होते. त्यावेळी मुलाला खूप ताप येत होता; परंतु या मुलाला नंतरफिट्स येऊ लागल्या, त्यामुळे त्याला तातडीने नगररोड सह्याद्रि हॉस्पिटल्समॉमस्टोरी येथील पीआयसीयूमध्ये विशेष उपचार घेण्यासाठी हलविण्यात आले.

“रुग्णालयात पोहोचल्यावर या मुलाला फिट्स येऊ लागल्या आणि डोळ्यांतील बाहुलीचे असमान प्रमाण झाले, मेंदुचे प्रेशर वाढणे अशी मेंदूमध्ये गंभीर संसर्ग झाल्याची चिन्हेत्याच्यात दिसू लागली. आमच्या लक्षात आले, की अस्थिर श्वासोच्छवास आणि सततफिट्स येणे यामुळे त्याची प्रकृती गंभीर झाली होती. त्याच्यावर तातडीने व्हेंटिलेटरद्वारेउपचार करणे आवश्यक होते. ईईजी मॉनिटरिंगमध्ये दिसून आले की मुलालासतत येत असलेल्या फिट्सवर नियंत्रण ठेवण्यासाठी त्वरित उपाययोजना आवश्यकआहे. मात्र मेंदूमध्ये त्या सतत फिट दिसून आल्या. त्यामुळेया फिट्सवर आणि मेंदूच्या वाढलेल्या दाबावर नियंत्रण ठेवण्यासाठी मुलाला सततऔषधे देण्यास सुरुवात करण्यात आली. हळूहळू ईईजी नॉर्मल होऊ लागला. हे असेत्वरीत उपचार केले नसते, तर मेंदू ची कार्यक्षमता कमी होण्याचा गंभीर धोका होता,” असे ‘सह्याद्रिहॉस्पिटल्स मॉमस्टोरी’नगररोड चे ज्येष्ठ बालरोग अतिदक्षता विभाग तज्ज्ञ डॉ. सागर लाड म्हणाले.

“सुरुवातीला मुलाच्या वैद्यकीय चाचण्या केल्यावर त्याची प्रकृती चिंताजनक असल्याचेआढळून आले होते. त्याचे यकृत निकामी होऊ लागले होते. चिकनगुनियाचा संसर्गअसलेल्या ३ टक्क्यांपेक्षा कमी रुग्णांमध्ये ही स्थिती उद्भवते. अशा वेळी यकृताच्यापुनरुज्जीवनासाठी तातडीच्या औषधांची आवश्यकता असते. त्याचबरोबर मुलाच्यारक्तातील प्लेटलेट्सची व पांढऱ्या रक्तपेशींची संख्या खूपच कमी झाली होती. त्यामुळेत्याच्यावरील उपचार जटिल झाले होते. त्याला रक्त आणि प्लेटलेट्स चढविण्यातआले. त्याचा रक्तदाब खूपच कमी झाला होता. तो सामान्य पातळीवर आणण्यासाठीऔषधे आवश्यक होती. ‘रिअल-टाइम पीसीआर’ चाचणी केल्यावर मुलालाचिकनगुनियाचा गंभीर संसर्ग झाल्याचे स्पष्ट झाले. चाचण्या व उपचार चालूअसतानाच त्याची परिस्थिती आणखी बिघडली. त्याला ‘हिमोफॅगोसाइटिकलिम्फोहिस्टियोसाइटोसिस’ झाला. ही एक अशी दुर्मिळ आणि धोकादायक स्थितीअसते, ज्यामध्ये शरीराची रोगप्रतिकारक शक्ती स्वतःच अवयवांना इजा करू लागते. या अशा गुंतागुंतीच्या परिस्थितीत रोगप्रतिकारक शक्तीवर नियंत्रण ठेवण्यासाठी‘इंट्राव्हेनस इम्युनोग्लोब्युलिन’ आणि स्टिरॉइड्स द्यावे लागतात,” असे स्पष्टीकरण डॉ. सागर लाड यांनी दिले.

सह्याद्रि हॉस्पिटल्स मॉमस्टोरी नगररोड येथील निओनॅटोलॉजी व पेडियाट्रिक्स या विभागाचे संचालक डॉ. प्रदीप सूर्यवंशी म्हणाले, “या मुलाच्या प्रकृतीवर सतत बारकाईने देखरेख ठेवत आणि विविध प्रकारचे उपचार करीत डॉक्टरांनी संसर्गाची गुंतागुंतहाताळली. मुलाचा मेंदू आणि इतर अवयवांवर त्यांनी विपरीत परिणाम होऊ दिले नाहीत. या मुलाच्या मेंदूच्या ‘एमआरआय’च्या स्कॅनमध्ये एन्सेफलायटीसची लक्षणे ठळकपणे आढळून आली. चिकुनगुनियामुळे उद्भवू शकणारी ही एक गंभीर व असामान्य स्थिती असते.”

“रुग्णालयात १४ दिवस उपचार घेतल्यावर मुलाच्या प्रकृतीत उल्लेखनीय प्रगती झाली .१० दिवसा नंतर व्हेंटिलेटरची आवश्यकता नाही, असे ठरविण्यात आले.”त्याची प्रकृती चिंताजनक झाली होती, आता मात्र त्याच्या हालचाली व त्याचे विचार हे सुरळीत झाले आहेत. तो आता त्याच्या सभोवतालच्या जगाशी चांगला संवाद साधत आहे,” डॉ. सूर्यवंशी म्हणाले.

दि. १ सप्टेंबर रोजी मुलाला रुग्णालयातून घरी सोडण्यात आले. त्याची प्रकृती स्थिर झाली असून त्याच्या न्यूरोलॉजिकल समस्या कमी झाल्या आहेत.

रुग्णालयातील वरिष्ठ सल्लागार डॉ प्रतीक कटारिया म्हणाले, “सह्याद्रितील डॉक्टर आणि कर्मचारी यांनी घेतलेल्या अतीव काळजीबद्दल रुग्ण मुलाच्या कुटुंबियांनी सर्वांचे मनापासून आभार मानले.”

‘सह्याद्रि’तील अनेक विभागांतील तज्ज्ञांनी एकत्रित प्रयत्न करून या मुलाला जीवनमिळवून दिले. या पथकामध्ये डॉ. प्रतिक कटारिया, डॉ. प्रीती लाड, डॉ. सुष्मितानिमगड्डा, डॉ. निकिता मानकर, डॉ. ऐश्वर्या दलाल, डॉ. प्रांजली फुलारी, डॉ. नेहाकुंटूरकर आणि डॉ. दिनेश ठाकरे, तसेच बाल यकृत तज्ज्ञ डॉ. स्नेहवर्धन पांडे आणिबालरक्तरोग तज्ञ डॉ. कन्नन यांचा समावेश होता.

“चिकुनगुनिया हा लहान मुलांमध्ये फारसा गंभीर आजार मानला जात नाही; परंतुपुण्यातील सध्याच्या परिस्थितीत आम्ही चिकुनगुनियाचा अत्यंत गुंतागुंतीचा संसर्गपाहत आहोत. विशेषत: लहान मुलांमध्ये मेंदूवर परिणाम होऊन फिट्स येणे, शुद्ध हरपूलागणे आणि अगदी कोमामध्ये जाणे हेही आढळून येत आहे. लवकर निदान नझाल्यास हा आजार जीवघेणा ठरू शकतो. बहुधा विषाणूंच्या विषाणूजन्य घटकातीलबदलामुळे हे झाले असावे,” असे डॉ. सागर लाड म्हणाले.