पुणे- महापालिकेच्या पथ विभाग प्रमुख अनिरुद्ध पावसकर यांच्या कार्यालयात घुसून आज आम आदमी पार्टीने ‘भ्रष्टाचाराचा अड्डा, पुणे पालिकेचा खड्डा.. अशा घोषणा देत निदर्शने केली .

या संदर्भात आम आदमी पार्टीचे प्रवक्ते मुकुंद किर्दत व शहर अध्यक्ष सुदर्शन जगदाळे यांनी म्हटले आहे कि,’वारंवार पाठपुरावा करूनही पालिकेला घाम फुटत नाही, अधिकारी कारवाई करत नाहीत. भाजप त्यांच्या लाडक्या ठेकेदार यांना पालिका अधिकारी घाबरत आहेत का?नवीन बनवलेले रस्ते एका वर्षात खराब होतात, बुजवलेले खड्डे 5 दिवसात खराब होत आहेत. किती मोठं भ्रष्टाचार भाजप हे कॉन्ट्रॅक्टर आणि अधिकाऱ्यांच्या मार्फत घडवून आणत आहे याचा अंदाज पुणेकरांना आला आहे.आम आदमी पार्टी च्या सर्व पदाधिकाऱ्यांचा संयम सुटला आहे आत्ता, हजारो वेळी फोन करून, पत्रव्यवहार, आंदोलन करून प्रश्न सुटत नाही.शेवटी पथ विभाग प्रमुख श्री अनिरुद्ध पावसकर यांची खुर्ची उचलून टेबल वर ठेवून तिला पुष्पहार अर्पण केले.सर्व खड्डे 5 दिवसात बुजवले नाहीत तर आम्ही पालिकेला टाळे ठोकू. दुर्दैव म्हणजे महामहील राष्ट्रपती द्रोपदी मूर्मु यांनी पालिकेला खड्डे बुजवण्याची मागणी केली आहे. पुणे शहराची नाचक्की भाजप च्या कार्यकाळात जास्त होत आहे. पालिकेला जाग यावी म्हणून श्री अनिरुद्ध पावसकर यांची खुर्ची उचलून टेबल वर ठवली आणि हार फुल घातले. कारवाई झाली नाही तरी चप्पल चा हार घालू. असे महासचिव सतीश यादव यांनी म्हटले आहे.
यावेळी उपस्थित शहराध्यक्ष श्री सुदर्शन जगदाळे, महाराष्ट्र राज्य प्रवक्ते मुकुंद किर्दत, महिला आघाडी अध्यक्ष भोसले, महासचिव सतीश यादव, अक्षय शिंदे, अमित मस्के, निलेश वांजळे, शंकर पोटघन, सुभाष करांडे, विकास चव्हाण, कानिफनाथ घोरपडे, किरण साठे, अविनाश भाकरे, संतोष काळे उमेश बागडे, अभिजीत गायकवाड ऋषिकेश मारणे, गुणाजी मोरे, सुरेखा भोसले महिला आघाडी अध्यक्ष, शंकर थोरात आदी कार्यकर्ते आंदोलनात सहभागी झाले होते .

पुणे-पुण्यातील आंतरराष्ट्रीय विमानतळाचे नामकरण ‘जगद़्गुरु संतश्रेष्ठ तुकाराम महाराज पुणे आंतरराष्ट्रीय विमानतळ’ असे करण्याच्या दृष्टीने पहिले पाऊल आज पडले आहे. केंद्रीय राज्यमंत्री मुरलीधर मोहोळ यांनी शासनाला काही दिवसांपूर्वी दिलेल्या प्रस्तावाला राज्य सरकारने मंजुरी दिली आहे. सदर प्रस्ताव हा कॅबिनेट बैठकीत मंजूर करण्यात आला असून पुढील प्रक्रियेसाठी केंद्र सरकारकडे पाठवण्यात येणार आहे.

याबाबत मोहोळ म्हणाले, हा प्रस्ताव येत्या कॅबिनेटमध्येच मंजूर केला जाईल, या संदर्भातील घोषणा उपमुख्यमंत्री देवेंद्र फडणवीस यांनी दोनच दिवसांपूर्वी पुण्यात केली होती. त्यांनी शब्द पाळत घोषणा केल्यानंतरच्या पहिल्याच कॅबिनेटमध्ये हा प्रस्ताव मंजूर केला आहे.या संदर्भातील प्रस्तार सादर करताना मुख्यमंत्री एकनाथ शिंदे , उपमुख्यमंत्री देवेंद्र फडणवीस, उपमुख्यमंत्री अजित पवार यांना भेटून चर्चा केली होती. आपल्या प्रस्तावानंतर काहीच दिवसात हा प्रस्ताव राज्य सरकारने मंजूर केला आहे.

पुणे आंतरराष्ट्रीय विमानतळ असलेल्या लोहगावमध्ये जगद़्गुरु संत तुकाराम महाराज यांचं आजोळ होतं. इतकंच नाही तर तुकाराम महाराजांचे बालपण लोहगावमध्ये गेल्याने लोहगाव आणि तुकोबाराय यांचं जिव्हाळ्याचं नातं आहे. त्यामुळे गावकरी, महाराष्ट्रातील तमाम वारकरी सांप्रदायाच्या इच्छेसह हा प्रस्ताव आपण राज्य सरकारकडे दिला होता, अशी माहिती मुरलीधर मोहोळ यांनी दिली.

मुरलीधर मोहोळ म्हणाले, वारकरी सांप्रदायाच्या माध्यमातून भागवत धर्माच्या प्रचार, प्रसारात तुकोबारायांनी मोठं योगदान देत समाजाला नवा विचार दिला, जो आजही काल सुसंगत आहे. त्यामुळे तुकोबारायांचं नाव पुण्याच्या आंतराष्ट्रीय विमामतळाला देणे, हे अतिशय संयुक्तिक असल्याची सर्वांचीच भावना आहे. आता राज्य सरकारने मंजूर केलेला हा प्रस्ताव केंद्र सरकारकडे जाणार असून यासंदर्भात केंद्रीय कॅबिनेट लवकरच निर्णय घेईल आणि यासाठी या विषयाचा पाठपुरावा करणार आहे. मला विश्वास आहे, ही प्रक्रिया लवकरात लवकर पूर्ण होईल.

काँग्रेस नेते गोपाळ तिवारी यांचा संतप्त सवाल..!
सेवा निवृत्तां विषयी प्रशासनाची ऊतार वयात सहानभुतीच् हवी.
पुणे –
आयुष्यभराची सेवा केल्यावर ‘निवृत्ती नंतरच्या ऊतार वयांत मिळणाऱ्या रकमेवरच’ सेवा निवृत्त सेवकांना गुजरान करावी लागत असल्याने, सेवा निवृत्तां प्रती, त्यांचे ऊतार वयात प्रशासनाची सहानभुतीच् हवी असे उदगार ‘पुणे मनपा निवृत्त सेवक संघाच्या’ सुवर्ण महोत्सवी सभा व नुतन कार्यकारीणी निवड प्रसंगी, पीएमपीएमएल इंटक कामगार संघटनेचे सल्लागार व काँग्रेस नेते गोपाळ तिवारी यांनी काढले.
ते पुढे म्हणाले की, महानगरपालीकेचे कोट्यावधी रुपये बँकेत (फीक्स्ड डिपॅा) ठेवीं मध्ये असुनही, निवृत्त सेवकांना’ ७ वा वेतन आयोग फरक, ग्रॅज्यूईटी, इ रक्कम ‘एक रकमी मिळणे आवश्यक असतांना’, विनाकारण ती देण्यास ‘मनपा प्रशासनाची’ टाळाटाळ व हप्त्याने देण्याचे धोरण का ? असा सवाल ही त्यांनी केला.
निवृत्ती नंतर सर्वच कामगारांना सरसकट पेन्शन मिळत नाही, मात्र ‘वेतन फरक व ग्रॅज्यूईटी’ इ. किमान वेळेत व तातडीने मिळणे आवश्यक आहे. निवृत्ती नंतर सेवकांना शारीरीक व्याधी, प्रवास, आजारपण इ करीता पैशांची चणचण भासते व पगाराचा मुख्य स्त्रोत बंद झाल्याने त्यांचे हाल होत आहेत, हे आपण जवळून पाहीले आहे. निवृत्ती नंतर ही सेवकांना हक्काच्या वेतन फरकाच्या रकमेसाठी ‘आंदोलन – ऊपोषण’ करावे लागणे हीच मुळात शरमेची व लाजिरवाणी बाब असल्याची प्रखर टिका त्यांनी या प्रसंगी केली.

३५ % सेवा निवृत्तांचे ‘वेतन फरकाची वाट पहात’ निधन झाल्याचेही माजी अघ्यक्ष संभाजीराजे भोसले यांनी अध्यक्षीय भाषणात सांगितले.
पुढील ३ वर्षां करीता माजी सहाय्यक आयुक्त जयंतबापू पवार (अध्यक्ष) व संजय मोरे (कार्याध्यक्ष), हणुमंत खलाटे (सरचिटणीस) यांचे नेतृत्वाखाली ११ जणांची कार्यकारीणीची निवड या वेळी करण्यात आली.
पुणे महानगरपालिका निवृत्त सेवक संघाची स्थापना महाराष्ट्राचे तत्कालीन गृहमंत्री भाई वैद्य यांनी दि. १३/१२/१९७४ रोजी केली. यामधे ‘पुणे महानगर पालिका, पी.एम.पी एम. एल. व शिक्षण मंडळ’ ‌यामधून निवृत्त झालेल्या सर्व वर्गाच्या सेवकांचा समावेश‌आहे.या संघटनेमार्फत निवृत्त झालेल्या सेवकांना लवकरात लवकर पेन्शन मिळवून देणे, ग्रॅज्युएटी, शिल्लक रजेचे पैसे तसेच वैद्यकीय बिले इ सेवा मिळवून देणे आणि निवृत्त सेवकांच्या वैयक्तिक वा सामूहिक अडचण असल्यास त्या प्राधान्याने सोडविणे, यासाठी संघटना कार्यरत असल्याचे अध्यक्ष जयंत बापू पवार यांनी सांगितले. पीएमपीएमएल प्रमाणेच मनपा व शिक्षण मंडळ निवृत्त सेवक प्रश्नी देखील गोपाळ तिवारी यांनी लक्ष घालून संघटनेस सहकार्य व मार्गदर्शन करण्याची मागणी देखील अघ्षक्ष जयंत बापू पवार यांनी केली.
या प्रसंगी, पीएमटी इंटक अध्यक्ष राजेंद्र खराडे, जेष्ठ नागरीक संघाचे सुभाष थोरवे, इंटक उपाध्यक्ष सागर कांबळे,
शिवसेनेचे सुधीर कुरुमकर, काँग्रेस ब्लॅाक अघ्यक्ष हेमंत राजभोज, हरीभाऊ महाले, राजा ओतारी, अशोक बालवे, ॲड स्वप्नील जगताप, गणेश शिंदे, नरेश आवटे इ उपस्थित होते. सुत्र संचालन सरचिटणीस हणमंत खलाटे यांनी केले. संजीव मोरे, खराडे, कदम इ ची भाषणे झाली.
या प्रसंगी “निवृत्त सेवकांच्या गुणवंत पाल्यांचा – विद्यार्थ्याचा, संधटनेचे वतीने गौरव पदक, प्रशस्ती पत्र व रोख रक्कम देऊन पाहुण्यांच्या हस्ते गौरव – सत्कार करण्यात आला”
पुर्वीच्या कार्यकारीणीत सरचिटणीस पदाची धूरी संभाळणारे जयंत बापू पवार यांनी अध्यक्षपदाची सूत्रे हाती घेतल्यानंतर यंदाचे ‘सुवर्ण महोत्सवी’ वर्ष असल्याने संघाची स्वता:ची वास्तू करणे, निवृत्तांसाठी विवीध उपक्रम राबविणार असल्याचे आणि सेवकांना ७ व्या वेतन आयोगाचे शिल्लक असलेले हप्ते एकरकमी मिळवण्याचे प्रयत्न करण्याचा निर्धार केला.
“पुणे मनपा निवृत्त सेवक संघाचा” राज्यात चांगल्या कामासाठी नावलौकिक असल्याचे ही माजी अघ्यक्ष राजे भोसले यांनी सांगितले.

पुढील ३ वर्षा करीता नुतन कार्यकारीणी पुढील प्रमाणे ..
सर्वश्री जयंत बापू पवार (अध्यक्ष), संजीव मोरे (कार्याध्यक्ष); हनुमंत खलाटे (जनरल सेक्रेटरी); उत्तम कदम(खजिनदार); मा.ज्ञानोबा नवले (सेक्रेटरी); मा.कुसुम चव्हाण (इंटरनल ऑडीटर); मा.भारत धावारे (सेक्रेटरी); शिवाजी जाधव (सेक्रेटरी); सिताराम कांबळे (सेक्रेटरी ); मा.दीपक पाथरकर (सदस्य); मा.बाबुराव गावंडे (सदस्य); मा.वंदना जाधव (सदस्य); मा.प्रविण बारवकर (सदस्य); दत्तात्रय कुरणे (निमंत्रित) ; बाळासाहेब तनपुरे (निमंत्रित); सदाशिव चिल्लाळ (निमंत्रित); बाळकृष्ण आंग्रे (सल्लागार); हरिभाऊ जगताप (सल्लागार); गोविंद दारविटकर (सल्लागार)

पुणे : बदलत्या जीवनशैलीमुळे आज आपल्याकडे आरोग्याच्या समस्या वाढल्या आहेत. समाजातील खालच्या स्तरातील लोकांना चांगल्या दर्जाच्या आरोग्य सुविधा माफक दरात मिळणे ही काळाची गरज आहे. आरोग्य विषयक सोई सुविधा सामान्य नागरिकाच्या आवाक्यात असतील तरच सुदृढ समाज निर्माण होईल असे मत नाबार्ड चे माजी महाप्रबंधाक, राज्य सहकारी बँकेचे माजी अध्यक्ष तथा बोधिसत्व सहकारी रुग्णालय मर्यादित, पुणेचे अध्यक्ष डॉ. मोरेश्वर सुखदेवे यांनी व्यक्त केले.

बोधिसत्व सहकारी रुग्णालय मर्यादित, पुणे च्या अधीमंडळाची तिसरी वार्षिक सर्वसाधारण सभा पुणे इंटरनॅशनल स्कूल, विद्यानगर येथे संपन्न झाली यावेळी डॉ. सुखदेवे बोलत होते. याप्रसंगी ससुन रुग्णालय,बी. जे. मेडिकल कॉलेज चे माजी प्राध्यापक तथा संस्थेचे उपाध्यक्ष डॉ. पी. टी. गायकवाड, सहकार विभागाचे माजी अतिरिक्त आयुक्त डॉ. आनंद जोगदंड, इंजि. पोपटराव वाघमारे, डॉ. मंगल आयरेकर, डॉ. उज्वला बेंडे, इंजि. अनिलकुमार सुर्यवंशी, राजाभाऊ काळबांडे, प्रा. गौतम मगरे , दीपक म्हस्के आदी मान्यवर उपस्थित होते.

पुढे बोलताना डॉ. मोरेश्वर सुखदेवे म्हणाले, बोधिसत्व सहकारी रुग्णालय हे राज्यातील पहिले सहकारी रुग्णालय आहे. सर्वसामान्य नागरिकांना माफक दरात आरोग्यसेवा देण्याचा आमचा उद्देश आहे. आज आमचे 1900 सभासद आहेत. आज एक ओपीडी, एक रुग्णालय सुरू केले आहे. भविष्यात एक सुसज्ज रुग्णालय स्व मालकीच्या इमारतीत उभारण्याचे प्रयत्न सुरू आहेत, लोकसहभागातून उभा राहणारा हा प्रकल्प राज्याला दिशादर्शक ठरेल असा विश्वास त्यांनी करत भविष्यात वैद्यकीय महाविद्यालय उभारण्याचा मानस असल्याचेही डॉ. सुखदेवे यांनी सांगितले.

डॉ. पी. टी. गायकवाड म्हणाले, सहकारी तत्वावरील रुग्णालय ही वेगळी संकल्पना घेऊन आम्ही तीन वर्षे सामाजिक कार्य करत आहोत, टिंगरे नगर येथील ओपीडी आणि दापोडी येथे 30 खटांचे मल्टी स्पेशालिटी हॉस्पिटल मागील दोन महिन्यापूर्वी सुरू केले आहे, याला रुग्णांचा चांगला फिडबॅक मिळत आहे, विविध आजारांवर माफक दरात सेवा देण्याचा आमचा प्रयत्न आहे. विविध स्पेशालिस्ट डॉक्टर्स आणि उपकरणे आमच्याकडे उपलब्ध आहेत याचा सामान्य, गरजू रुग्णांनी लाभ घ्यावा.

डॉ. आनंद जोगदंड म्हणाले, राज्यातील पहिल्या सहकारी रुग्णालयांसाठी आम्ही बघितलेले स्वप्न आता आकार घेत आहे. एक ओपीडी, एक रुग्णालय यानंतर आता आम्हाला म्हाडाच्या वतीने एक जागा उपलब्ध झाली असून त्याठिकाणी सुसज्ज रुग्णालय उभारण्यासाठी आम्ही प्रयत्नशील आहोत, त्या जमिनीची खरेदी आणि बांधकाम यासाठी सुमारे पाच कोटी रुपयांचा खर्च अपेक्षित असून त्यासाठी सभासदांनी आणि समाजातील दानशूर व्यक्तींनी पुढे यावे असे आवाहन डॉ. जोगदंड यांनी केले.

दरम्यान, सभेमध्ये 2023 – 24 या आर्थिक वर्षाच्या ताळेबंदास मान्यता आणि 2024 – 25 चे अंदाजपत्र मंजूर करण्यात आले.

२०२१-२३ या काळात स्कूलची सुवर्ण कामगिरी

पुणे, २३ सप्टेंबरः नांदे येथील ध्रुव ग्लोबल स्कूल ने वर्ष २०२१-२२ आणि २०२२-२३ या कालावधीत सलग दोन वर्षे जिल्हा शालेय स्पर्धांमध्ये सर्वाधिक पदके मिळवून जिल्ह्यात द्वितीय क्रमांक प्राप्त केला आहे. स्कूलच्या खेळाडूंनी हा पुरस्कार पुणे जिल्हा क्रीडा अधिकारी महादेव कसगावडे यांच्या हस्ते स्विकारला.
पुणे जिल्हा क्रीडा कार्यालय आणि चॉईस कॉलेज ऑफ आर्टस अँड कॉमर्स यांच्या वतीने कार्यक्रमाचे आयोजन करण्यात आले होते. या प्रसंगी तालुका क्रीडा अधिकारी शिल्पा चाबुकस्वार व शिवाजी कोळी उपस्थित होते.
ध्रुव ग्लोबल स्कूलच्या क्रीडा प्रशिक्षकांनी स्कूलच्या खेळाडूंकडून कठोर परिश्रम करून घेतले. तसेच शारीरिक व मानसिक रूपाने मजबूत केले. त्यांच्या मनात विजयाचे बीज पेरले. त्यामुळे खेळाडूंनी जिल्हास्तरीय विविध क्रीडा प्रकारात सहभागी होऊन सुवर्ण, रजत आणि रौप्य पदकावर नाव कोरले. परिणाम स्वरूप जिल्हास्तरावर सर्वाधिक पदके घेऊन द्वितीय स्थान प्राप्त केले.
स्कूल ने केलेल्या या पराक्रमाबद्दल ध्रुव ग्लोबल स्कूचे संचालक यशवर्धन मालपाणी, प्रिन्सिपल संगीता राऊतजी, शिक्षक व शिक्षकेत्तर कर्मचार्‍यांनी खेळाडू व क्रीडा प्रशिक्षकांना शुभेच्छा दिल्या.

– आमदार सिद्धार्थ शिरोळे व जिल्हाधिकारी डॉ. सुहास दिवसे यांच्या उपस्थितीत झाला शुभारंभ
– गड किल्ले, जागतिक वारसा स्थळाच्या यादीत नामांकनाच्या प्रचारासाठी मॅरेथॉन स्पर्धेचे आयोजन

पुणे, दि. २३ सप्टेंबर, २०२४ : जिल्हाधिकारी कार्यालय व पुरातत्व विभागाच्या वतीने नुकतेच ‘रन फॉर फोर्ट’ मॅरेथॉन स्पर्धा आयोजित करण्यात आली. फर्ग्युसन महाविद्यालय येथून सुरू झालेल्या मॅरेथॉन स्पर्धेस आमदार सिद्धार्थ शिरोळे आणि पुणे जिल्हाधिकारी डॉ. सुहास दिवसे यांच्या प्रमुख उपस्थितीत प्रारंभ झाला. या मॅरेथॅान स्पर्धेसाठी शिरोळे यांनी आपल्या आमदार निेधीतून १० लाख रूपये दिले आहेत.

पुरातत्व विभागाचे सहायक संचालक डॉ. विलास वाहणे, जिल्हा नियोजन अधिकारी किरण इंदलकर, सहायक जिल्हा नियोजन अधिकारी गणेश दाणी, दिनेश काळे तसेच जिल्हा क्रीडा अधिकारी महादेव कसगावडे आदी मान्यवर देखील यावेळी उपस्थित होते.

छत्रपती शिवाजी महाराजांचे ‘मराठा लष्करी भूप्रदेश’ अंतर्गत जिल्ह्यातील शिवनेरी, लोहगड आणि राजगड किल्ले जागतिक वारसा स्थळाच्या यादीत नामांकनासाठी प्रस्तावित करण्यात आले असून यासाठी प्रशासन सज्ज असल्याचे डॉ सुहास दिवसे यांनी सांगितले.

डॉ. दिवसे पुढे म्हणाले, “ आज ३५० वर्षानंतरही छत्रपती शिवाजी महाराज यांचा जाज्वल्य इतिहास आपणा सर्वांना स्फूर्ती आणि प्रेरणा देत आहे. राज्यातील प्रत्येक व्यक्तीच्या व्यक्तिगत, सामाजिक आणि सांस्कृतिक जीवनात त्यांचा ठसा उमटलेला आहे. युनोस्कोने राज्यातील ११ किल्ले वारसा नामांकनासाठी निवडले आहेत. त्यापैकी पुणे जिल्ह्यातील शिवनेरी, लोहगड आणि राजगड हे तीन किल्ले आहेत. हे सर्व गड किल्ले आपणास वारसा नामंकनात आणायचे आहेत.”

छत्रपती शिवाजी महाराज हे जागतिक कीर्तीचे राजे आहेत. त्यांची ओळख जगाला व्हावी, यासाठी आपण प्रयत्नशील आहोत. किल्ल्यांचे महत्त्व, गड किल्ल्यांचे संवर्धन आणि सांस्कृतिक वारसा आपण कसा जपत आहोत हे युनोस्को समोर आपल्याला प्रदर्शित करायचे आहे. जागतिक वारसा स्थळाच्या यादीत नामांकनासाठी प्रस्तावित किल्ल्यांबाबत जनजागृतीच्या अनुषंगाने जिल्ह्यात विविध उपक्रम आयोजित करण्यात येत आहेत. जिल्ह्यातील तीनही किल्ल्यांचे जीएसआय कोड द्वारे मॅपिंग स्टोरी तयार केली आहे अशी माहितीही डॉ दिवसे यांनी दिली.

आमदार शिरोळे म्हणाले, “छत्रपती शिवाजी महाराजांचे राज्यातील ११ गड किल्ले वारसा नामांकनासाठी निवडले आहेत याचा मनापासून आनंद  आहे. पुणे जिल्ह्यातील तीन किल्ल्यांच्या संवर्धनासाठी शासनाकडून निधी उपलब्ध करून देण्यात येत आहे.”

स्पर्धेसोबतच यावेळी दुर्मिळ शिवकालीन शस्त्रांचे प्रदर्शन देखील आयोजित करण्यात आले होते.

पुणे:

राज्य शासनात कार्यरत माजी सैनिकांना  ‘जुनी पेन्शन योजना सुरू करा’ या मागणीसाठी   शासकीय पुनर्नियुक्त माजी सैनिक संघटना महाराष्ट्र राज्य यांच्यातर्फे सैनिक कल्याण विभाग  संचालक महाराष्ट्र राज्य पुणे मार्फत  मुख्यमंत्री  आणि  अपर मुख्य सचिव  सामान्य प्रशासन विभागाला निवेदन देण्यात आले. माजी सैनिकांची मागणी पूर्ण न झाल्यास  आमरण उपोषणाचा इशारा देण्यात आला.सोमवार दिनांक २३ सप्टेंबर २०२४ रोजी सकाळी १२  वाजता घोरपडी येथील कार्यालयात हे निवेदन देण्यात आले.
 शासकीय पुनर्नियुक्त माजी सैनिक संघटना महाराष्ट्र राज्य चे अध्यक्ष बाजीराव देशमुख ,सरचिटणीस बाळासाहेब जाधव, पुणे विभागीय उपाध्यक्ष प्रकाश भिलारे, सैनिक कल्याण विभाग उपाध्यक्ष संजय मोहिते, राज्य सल्लागार सुरेश माने, दिलावर शादीवान, विलास घाडगे, विभागीय सहसचिव संजय बोराटे, पुणे जिल्हाध्यक्ष तथा माजी चिटणीस दीपक पाटील, सोलापूर जिल्हाध्यक्ष शरद शिंदे व महाराष्ट्रातील विविध जिल्ह्यातून आलेले पदाधिकारी मोठ्या संख्येने उपस्थित होते. सैनिक कल्याण विभाग महाराष्ट्र शासनचे संचालक कर्नल(नि) दीपक ठोंगे  तसेच उपसंचालक मेजर(नि) शिल्पा खोपकर, लेफ्टनंट कर्नल (नि) हांगे, मेजर (नि) कापले यांच्या उपस्थितीत निवेदन देऊन सविस्तर मुद्दे मांडले. २००५ पूर्वी राज्य शासनात नियुक्ती झालेल्या कर्मचाऱ्यांना १९८२ च्या योजनेनुसार  जुन्या पेन्शनच्या मागणीसाठी राज्यभरातील २९००  माजी सैनिक मागील पाच वर्षापासून लढा देत आहेत .त्यानंतर सरकारनं आश्वासन देऊनही अद्याप शासन निर्णय अथवा अधिसूचना जारी करण्यात आली नसल्याने  अखेर  माजी सैनिक  संघटनेनं आंदोलनाचा हा निर्णय घेतला. 

पुणे, दि. २३ सप्टेंबर २०२४: महापारेषण कंपनीच्या आळेफाटा २२० केव्ही अतिउच्चदाब उपकेंद्रातील इंटरकनेक्टिंग ट्रान्सफॉर्मरमध्ये बिघाड झाल्यामुळे चाकण परिसरातील १२ हजार वीजग्राहकांचा वीजपुरवठा सोमवारी (दि. २३) सकाळी तीन तास खंडित होता. मात्र महापारेषणकडून युद्धपातळीवर उपाययोजना करून चिंचवड २२० केव्ही उपकेंद्रातून पर्यायी स्वरुपात वीजपुरवठा सुरु करण्यात आला.

याबाबत माहिती अशी की, चाकण परिसरातील वाकी, बिरदवडी, रोहकल, कडाची वाडी, रासे, रहाणुबाई मळा, मेदनकरवाडी या परिसराला महावितरणच्या आंबेठाण व फोक्सवॅगन २२ केव्ही या दोन वीजवाहिन्यांद्वारे वीजपुरवठा होतो. मात्र महापारेषणच्या आळेफाटा २२० केव्ही उपकेंद्रातील इंटरकनेक्टिंग ट्रान्सफॉर्मरमध्ये (आयसीटी) बिघाड झाल्यामुळे सोमवारी (दि. २३) सकाळी ८.१५ वाजता या दोन्ही वीजवाहिन्यांवरील सुमारे १२ हजार घरगुती, व्यावसायिक व औद्योगिक ग्राहकांचा वीजपुरवठा खंडित झाला.

तथापि हा ट्रान्सफॉर्मर नादुरुस्त झाल्याचे लक्षात येताच महापारेषणकडून पर्यायी व्यवस्थेतून वीजपुरवठा सुरळीत करण्यासाठी तातडीने तांत्रिक उपाययोजना करण्यात आली. यामध्ये सकाळी ११.१५ वाजता चिंचवड २२० केव्ही उपकेंद्रातील पर्यायी व्यवस्थेतून महावितरणच्या आंबेठाण व फोक्सवॅगन २२ केव्ही वीजवाहिन्यांचा वीजपुरवठा सुरू करण्यात आला. दरम्यान, महापारेषणकडून नादुरुस्त झालेले इंटरकनेक्टिंग ट्रान्सफॉर्मर बदलण्याचे काम सुरु करण्यात आले आहे.

मुंबई, दि, २३ सप्टेंबर २०२४
भारतीय जनता पक्षाचे सरकार शेतकरी विरोधी असून सोयाबीन, कापूस, ऊस, कांदा, धान उत्पादक शेतकरी अनेक समस्यांचा सामना करत आहे. शेतमालाला भाव मिळत नाही, निर्यात करु शकत नाही आणि सरकार काहीच पावले उचलत नाही. समस्यांच्या गर्तेत सापडलेला शेतकरी आत्महत्या करत आहे. आज महाराष्ट्रात सर्वात जास्त शेतकरी आत्महत्या होत आहेत. महागाई व बेरोजगारीने जनता त्रस्त आहे पण भाजपा सरकारला याकडे लक्ष द्यायला वेळ नाही. टेंडर काढणे, भ्रष्टाचार आणि पैसा वसुली एवढेच सरकारचे काम सुरु आहे, असा घणाघाती हल्ला प्रभारी रमेश चेन्नीथला यांनी केला आहे.

प्रदेश काँग्रेसची विभागीय आढावा बैठक चंद्रपूरात संपन्न झाली. यावेळी झालेल्या पत्रकार परिषदेला प्रभारी रमेश चेन्नीथला, प्रदेशाध्यक्ष नाना पटोले, विधिमंडळ पक्षनेते बाळासाहेब थोरात, विरोधी पक्षनेते विजय वडेट्टीवार, खा. प्रतिभा धनोरकर, खा. नामदेव किरसान, माजी मंत्री डॉ. नितीन राऊत, आ. अभिजित वंजारी, आ. विकास ठाकरे, माजी मंत्री अनिस अहमद, अखिल भारतीय काँग्रेस कमिटीचे सचिव कुणाल चौधरी, रामकिशन ओझा, प्रदेश उपाध्यक्ष संघटन व प्रशासन नाना गावंडे, अल्पसंख्याक विभागाचे अध्यक्ष डॉ. वजाहत मिर्झा, चंद्रपूर जिल्हा काँग्रेस कमिटीचे अध्यक्ष आमदार सुभाष धोटे आदी उपस्थित होते.
यावेळी बोलताना प्रदेशाध्यक्ष नाना पटोले म्हणाले की, पंतप्रधान झालो तर पहिली सही शेतकरी कर्जमाफीच्या फाईलवर करेन, डॉ. स्वामीनाथन आयोगाच्या शिफारशी लागू करेन, शेतकऱ्यांचे उत्पन्न दुप्पट करेन असे नरेंद्र नरेंद्र मोदी यांनी २०१४ साली विदर्भाच्या भूमितूनच सांगितले होते. शेतकऱ्यांच्या आशिर्वादाने नरेंद्र मोदी पंतप्रधान झाले पण त्यानंतर मात्र मोदींनी, हे तर चुनावी जुमले होते, असे म्हणत पलटी मारली. शेतकऱ्यांविरोधात तीन काळे कायदे आणून शेतकऱ्यालाच उद्ध्वस्त करायचे धोरण मोदी व भाजपाने आणले होते. शेतकऱ्यांना आंदोलनजीवी, खलिस्तानी, नक्षलवादी, अतिरेकी म्हणून त्यांचा अपमान केला. आता निवडणुका आल्या म्हणून मोदींना शेतकऱ्यांची आठवण आली. वर्ध्याच्या सभेत मोदी म्हणाले की, शेतकरीच पोशिंदा आहे, शेतकऱ्याला न्याय मिळाला पाहिजे, सोयाबिनला १० हजाराचा भाव देऊ असे सांगितले. विरोधी पक्षात असताना भाजपाने सोयाबिनला ६ हजार रुपये भाव मिळावा म्हणून मोर्चा काढला होता आणि सत्तेत आहेत तर ४ हजार रुपये भाव देत आहेत. खतांचे भाव वाढले, डिझेलचा भाव वाढला, बि, बियाणांचा भाव वाढला पण शेतमालाचा भाव काही वाढला नाही. भाजपा शेतकरी विरोधी आहे.
राज्याच्या ७६ टक्के भागात दुष्काळ आहे, अतिवृष्टीने प्रचंड नुकसान झाले आहे. शेतकऱ्यांना मदत दिली पाहिजे पण भाजपा सरकारने तेलंगणाला ४ हजार कोटी रुपयांचे पॅकेज दिले परंतु महाराष्ट्राला मात्र फुटकी कवडीही दिली नाही. केंद्र व राज्यातील भाजपा सरकार जाणिवपूर्वक शेतकऱ्यांवर अन्याय करत आहे. भाजपा युती सरकार सर्व आघाड्यांवर फेल आहे पण भ्रष्टाचारात मात्र अग्रेसर आहे.
असेही पटोले म्हणाले.

विधिमंडळ पक्षनेते बाळासाहेब थोरात म्हणाले की, लोकसभा निवडणुकीला लोकशाही व राज्यघटना वाचवण्यासाठी जनतेने मतदान केले. भारतीय जनता पक्षाच्या कार्यपद्धतीवर जनतेमध्ये जो रोष होता तो त्यातून व्यक्त करण्यात आला. महायुती सरकारची जडण घडणच भ्रष्टाचारातून झाली आहे. त्यासाठी ज्या साधनांचा त्यांनी वापर केला ते जनता ओळखून आहे. सत्तेवर जाण्यासाठी शिवसेना व राष्ट्रवादी काँग्रेस पक्षांची तोडफोड केली. राज्यात शांतता सुव्यवस्थेचा बोजवारा उडाला आहे, महिला अत्याचार वाढले आहेत, अंमली पदार्थांचा काळा धंदा वाढला आहे. सत्ताधारी पक्षाचा आमदार पोलीस स्टेशनमध्ये जाऊन गोळीबार करतो. जमीन व्यवहारातून सरकारने मोठा भ्रष्टाचार केला आहे. सरकारी पैशाची उधळपट्टी सुरु आहे असे हे भ्रष्ट सरकार घालवण्याची जनतेची इच्छा आहे. लोकसभेपेक्षा विधानसभेला चांगला प्रतिसाद मिळेल व मविआ सत्तेवर नक्की येईल याचा विश्वास थोरात यांनी व्यक्त केला.

विरोधी पक्षनेते विजय वडेट्टीवार सरकारवर तोफ डागत म्हणले की, महाराष्ट्रातील सरकार भ्रष्टाचारात आकंठ बुडालेले आहे. महाराष्ट्राची अस्मिता गुजरातकडे गहाण ठेवली असून २९ प्रकल्प गुजरातला पळवले आहेत. प्रकल्प गेला नाही असे देवेंद्र फडणवीस छाती फोडून सांगत असले तरी १८ हजार कोटी रुपयांचा सोलर पॅनलचा प्रकल्प गुजरातला पळवला आहे. आतापर्यंत महाराष्ट्रात गुंतवणूक होणारे ३ लाख २८ हजार कोटी रुपयांचे प्रकल्प गुजरातमध्ये नेण्याचे काम केले आणि गुजरातचे ड्रग महाराष्ट्र आणून तरूणांना बरबाद केले आहे. ५ लाख कोटी रुपयांच्या जमिनी गुजराती उद्योगपतींच्या खिशात घातल्या आहेत.
पंतप्रधान नरेंद्र मोदी यांनी झारखंडमधील त्यांच्या भाषणातून लाडकी बहीण योजनेवर टीका केली आणि महाराष्ट्रात मात्र तीच योजना मोठ्या जोशात सुरु आहे. महाराष्ट्रात एक बोलायचे व झारखंडमध्ये दुसरे बोलायचे हा दुटप्पीपणा आहे. भारतीय जनता पक्ष दुतोंडी साप असल्याचे यातून उघड झाले आहे, असेही वडेट्टीवार म्हणाले.
आढावा बैठकीवेळी विदर्भातून मविआच्या जास्तीत जास्त जागा जिंकण्याचा निर्धार करण्यात आला तसेच भाजपाच्या भ्रष्ट सरकारवर जोरदार हल्लाबोल करण्यात आला.