पुणे, 2 जुलै 2017: भारतीय जलतरण महासंघाच्या विद्यमाने महाराष्ट्र राज्य हौशी जलतरण संघटना यांच्या तर्फे आयोजित 44व्या ग्लेनमार्क ज्युनिअर राष्ट्रीय जलतरण स्पर्धेस उद्यापासून(3जुलै)प्रारंभ होत आहे. या स्पर्धेसाठी महाराष्ट्र संघ जाहीर झाला असून मुलांच्या संघाचे नेतृत्व मुंबईच्या नील रॉय याच्याकडे, तर मुलींच्या संघाचे त्रिशा कारखानिसकडे सोपविण्यात आले आहे.

श्री शिवछत्रपती क्रीडा संकुल, म्हाळुंगे बालेवाडी येथील जलतरण तलाव येथे दि.3 ते 6 जुलै 2017 या कालावधीत हि स्पर्धा पार पडणार आहे. 17 वर्षाखालील मुलांच्या गटात नील रॉय,  वेदांत खांडेपारकर, अॅरन फर्नांडिस, धनायुश राणींगा, सुश्रुत कापसे, मिहीर आंब्रे, दिवीज टेकावडे, प्रसाद कंडुल, सत्यजित कुमठेकर, अनिकेत चव्हाण, करण धर्माधिकारी, अभिनंदन दळवी, आर्यन केदारे, अथर्व देशमुख यांचा तर मुलींच्या गटात त्रिशा कारखानीस, रायना सलढाणा, जिस्पा दोशी, युक्ता वखारीया, साध्वी धुरी, शॅरन साजु, आर्या राजगुरू, साची शेट्टी, ऋतुजा तळेगावकर, सिद्धी कोतवाल, युगंधरा शिर्के, कारवी गायकवाड, अहिल्या चव्हाण यांचा समावेश आहे.

14 वर्षाखालील संघात मुलांच्या गटात आर्यन भोसले, वेदांत बापना, अमान सिक्का, सफवान शेख, सुदर्शन हस्तक, श्रीश मौलिक, अंगथ सादनाह, साहिल गणगोटे, मनिष खोमणे, आर्यन वेर्णेकर, यश गुल्हाने, शिवाजी राऊत, यश सोनाक, ध्रुव पटेल, कृष्णा गडाख, जरेश घाग, ऋग्वेत पाटील यांचा तर, मुलींच्या गटात केनिशा गुप्ता, आकांक्षा शहा, सई पाटील, आएका चात्रा, सिया बिजलानी, अनन्या पांडे, ख़ुशी पटेल, अंतरा कोठारे, सुहानी बक्षी, वैष्णवी मोरे, शाल्मली वाळुंजकर, रिया ताओरी, कनिष्का शौकीन, पायल श्रीराव, हिमानी फडके यांचा समावेश आहे. तसेच, राष्ट्रीय कुमारांच्या स्पर्धेदरम्यान वॉटरपोलो स्पर्धादेखील होणार आहे.

स्पर्धेचे उदघाटन राज्याचे अर्थमंत्री सुधीर मुनगंटीवार यांच्या हस्ते होणार आहे.

स्पर्धेतील महाराष्ट्र संघाची यादी खालीलप्रमाणे
17वर्षाखालील संघ: मुले: नील रॉय,  वेदांत खांडेपारकर, अॅरन  फर्नांडिस, धनायुश राणींगा, सुश्रुत कापसे, मिहीर आंब्रे, दिवीज टेकावडे, प्रसाद कंडुल, सत्यजित कुमठेकर, अनिकेत चव्हाण, करण धर्माधिकारी, अभिनंदन दळवी, आर्यन केदारे, अथर्व देशमुख;
मुली: त्रिशा कारखानीस, रायना सलढाणा, जिस्पा दोशी, युक्ता वखारीया, साध्वी धुरी, शॅरन साजु, आर्या राजगुरू, साची शेट्टी, ऋतुजा तळेगावकर, सिद्धी कोतवाल, युगंधरा शिर्के, कारवी गायकवाड, अहिल्या चव्हाण;

14 वर्षाखालील संघ: मुले: आर्यन भोसले, वेदांत बापना, अमान सिक्का, सफवान शेख, सुदर्शन हस्तक, श्रीश मौलिक, अंगथ सादनाह, साहिल गणगोटे, मनिष खोमणे, आर्यन वेर्णेकर, यश गुल्हाने, शिवाजी राऊत, यश सोनाक, ध्रुव पटेल, कृष्णा गडाख, जरेश घाग, ऋग्वेत पाटील;

मुली: केनिशा गुप्ता, आकांक्षा शहा, सई पाटील, आएका चात्रा, सिया बिजलानी, अनन्या पांडे, ख़ुशी पटेल, अंतरा कोठारे, सुहानी बक्षी, वैष्णवी मोरे, शाल्मली वाळुंजकर, रिया ताओरी, कनिष्का शौकीन, पायल श्रीराव, हिमानी फडके

राळेगणसिद्धी ता. १: राज्याचे अन्न व नागरी पुरवठा, अन्न व औषध प्रशासन मंत्री गिरीश बापट यांनी आज ज्येष्ठ समाजसेवक अण्णा हजारे यांची भेट घेऊन त्यांना अन्न व नागरी पुरवठा तसेच अन्न व औषध विभागात राबवण्यात येणाऱ्या योजनांची माहिती दिली. या विभागात संगणीकृत योजना राबवून पारदर्शी व्यवहार करण्यात येत असल्याबद्दल अण्णांनी समाधान व्यक्त केले. यावेळी नगर जिल्ह्यातील पहिल्या ई पॉस मशीनचे उद्घाटन राळेगणसिद्धी येथे त्यांच्या हस्ते करून लाभार्थ्यांना प्रत्यक्ष धान्यवाटप  करण्यात आले.

यावेळी मंत्री बापट म्हणाले, अण्णांनी सर्व सामान्य लोकांना धान्य मिळण्यासाठी अनेक आंदोलने केली आहेत. त्यामुळे मंत्री झाल्यानंतर मी अण्णांना भेटण्यासाठी आलो होतो. अण्णांनी सर्व सामान्यांना धान्य मिळावे तसेच कोणीही अन्नधान्यापासून वंचित राहू नये यासाठी काही सूचना केल्या होत्या. त्या सूचनांची अंमलबजावणी माझ्या विभागाकडून करण्यात येत आहे.  या विभागात काही अपप्रवृत्ती शिरल्या होत्या. यामुळे धान्याचा काळाबाजार होत होता. यामुळे गरजू पर्यंत धान्य पोहचत नव्हते. त्यामुळे काळाबाजार थांबवून या विभागात पारदर्शकता आणण्याचे आव्हान आमच्यापुढे होते. त्यामुळे हे थांबवण्यासाठी संपूर्ण महाराष्ट्रात संगणीकृत प्रक्रिया राबवण्यात येत आहे. यामुळे धान्याचा ट्रक गोदाम  मधून भरून शेवटच्या रेशनिंग दुकानात रिकामा होई पर्यंत सर्व माहिती उपलब्ध होत आहे. त्याचप्रमाणे प्रत्येक लाभार्थ्याला बायोमेट्रिक पद्धतीने धान्य देण्यात येत असल्याने लाभार्थ्याला त्याच्या गरजे पुरते धान्य उपलब्ध होते. त्याला नको असलेले धान्य दुकानात शिल्लक राहते मात्र त्याचा काळा बाजार होत नाही. याबरोबरच रेशनिंग दुकानदारांनाही फायदा होणार आहे. यासाठी त्यांचे कमिशन वाढवून देण्याचा प्रस्ताव राज्य शासनाच्या विचाराधीन आहे.त्यांना फायदा व्हावा यासाठी त्यांना भाजी पाला , बी बियाणे तसेच इतर धान्य विक्री करण्यासाठी परवानगी दिली आहे. बँकेचे स्थानिक  प्रतिनिधी म्हणून देवाण घेवाण करण्याची सुविधा ई पॉस मशीन वापरून केल्यास दुकानदारास उत्पन्नाचा वेगळा मार्ग उपलब्ध होणार आहे. या निर्णयामुळे दुकांदारांचाही फायदा होणार आहे. अशी माहिती त्यांनी दिली. यावर अण्णांनी समाधान व्यक्त केले. ते म्हणाले, अशा प्रकारच्या योजना राबवल्यामुळे शेवटच्या व्यक्तीपर्यंत धान्य पोहचेल. पर्यायाने   महाराष्ट्रात अन्न सुरक्षा योजनेची काटेकोर अंमलबजावणी करणे शक्य होईल.

———————————————-

पुणे-डॉक्टर दिनानिमित्त भारतीय जनता पार्टी कसबा मतदार संघातील प्रभाग क्र १७ मधील ताराचंद रुग्णालयातील डॉक्टरांचा स्थानिक नगरसेविका सुलोचना  तेजेंद्र  कोंढरे यांच्याहस्ते प्रमाणपत्र व गुलाबपुष्प देउन सन्मानित करण्यात आले . या कार्यक्रमाच्या संयोजनसाठी  चेतन जाधव , किरण थोरवे , विनायक फाळके , निखिल यादव , राहुल कोंढरे , निखिल काकडे , तुषार खंडागळे , आदेश पंडित , निखिल जाधव , निमेश संघवी , सागर कोंढरे , मंथन महाडिक , अनिकेत मराठे , ओंकार आटाळे , सिद्धार्थ शिंदे आदींनी विशेष परिश्रम घेतले

बारामती-साप्ताहिक प्रविण चा पाऊले चालती पंढरीची वाट…२०१७ या आषाढी वारी विशेषांकांचे  प्रकाशन बारामतीच्या नगराध्यक्षा सौ.पौर्णिमाताई वैभव तावरे यांचे हस्ते संपन्न झाले .                   
साप्ताहिक प्रविण चा पाऊले चालती पंढरीची वाट…२०१७ या आषाढी वारी विशेषांकांचे  प्रकाशन बारामतीच्या नगराध्यक्षा सौ.पौर्णिमाताई वैभव तावरे यांचे हस्ते करण्यात आले यावेळी नगरसेविका सौ.सीमाताई चिंचकर,सौ.अनघाताई जगताप,श्री.योगेश चिंचकर ,श्री.वैभव तावरे अलीअसगर बारामतीवाला,श्री.अजिंक्यजगताप,संपादक डॉ.विजय भिसे, विशाल मेहता हे उपस्थित होते.नगराध्यक्षा सौ पौर्णिमाताई तावरे यांच्या वाढदिवसा दिवशीच त्यांच्या हस्ते या विशेषांकाचे प्रकाशन करण्यात आले.आषाढी वारीतील विविध छायाचित्रासह सेवा उपक्रमांची माहितीचा अंक असल्याचे डॉ.विजय भिसे यांनी सांगितले.

पुणे, ता. १ – कविश्रेष्ठ कालिदासरचित ‘मेघदूत’ या अभिजात खंडकाव्याचे रंगमंचावर नाट्य स्वरूपात सादरीकरण करताना पाणी बचतीचा संदेश देण्यात आला. आमदार प्रा. मेधा कुलकर्णी यांच्या संयोजनातून ‘प्रवेश’ या संस्थेने नाट्यस्वरुपात सादर केला होता.
पाणी हे जीवन आहे. पाणी वाचविण्यासाठी जनजागृती करण्याची आवश्यकता आहे, त्यासाठी ‘मेघदूत’सार‘या नाटकांचे प्रयोग महत्वाचे असल्याचे मत पालकमंत्री गिरीश बापट यांनी व्यक्त केले. कोथरुड मतदारसंघात पाणी बचतीसाठी रेनवॉटर हार्वेस्टिंगसारखे प्रकल्प राबविण्यासाठी जनजागृती करणार असल्याची माहिती आमदार मेधा कुलकर्णी यांनी प्रास्ताविकात केली. महापौर मुक्ता टिळक, खासदार अनिल शिरोळे, व्यंगचित्रकार मंगेश तेंडुलकर यांनी पाण्याचे महत्व सांगून पाणी बचत करण्यासाठी सर्वांनी कटिबध्द होण्याचे आवाहन केले.
इ. स. चौथ्या ते सहाव्या शतकादरम्यान ‘मेघदूता’ची निर्मिती झाली. नृत्य व संगीत स्वरूपात विविध भाषांमध्ये त्याचे प्रयोग सादर केले गेले. ‘प्रवेश’ संस्थेने पहिल्यांदाच १११ कडव्यांच्या या रचनेचे ‘पूर्वमेघ’ आणि ‘उत्तरमेघ’ अशा दोन भागात नाटक स्वरूपात सादरीकरण केले.
रामगिरीतील विरह व्याकुळ यक्षाने अलकापुरीला जाऊन आपल्या प्रेयसीला आपले क्षेमकुशल सांगणारा संदेश घेऊन जाण्याची वर्षा ऋतूतील मेघाला केलेली विनंती, या मार्गातील डोंगरदर्‍या, नद्या, तिथला निसर्ग, रम्य परिसर याचे वर्णन पूर्वमेघात करण्यात आले आणि उत्तरमेघात यक्षाने विरहवण्यात होरपळणार्‍या आपल्या पत्नीला द्यावयाचा उत्कट संदेश कथन केला.
भरत नाट्यम व कथक अशी मिश्र नृत्य शैली आणि सारंगी, सतार, सरोद, तबला, पखवाज अशा केवळ पारंपरिक वाद्यांचा वापर हे या नाटकाचे एक वैशिष्ट्य होते. प्रथम पटवारी यांनी लेखन केले असून, निखिल शेटे निर्माता व दिग्दर्शक आहे. जयदीप वैद्य आणि शमिका भिडे यांच्या प्रमुख भूमिका होत्या. रसिकांनी या प्रयोगाला मोठी गर्दी केली होती.

पुणे : सर्वांना  हक्काच घर मिळवून देण्यासाठी आमचं सरकार कटिबद्ध आहे.  झोपडपट्टी पुनर्वसन योजना सर्वाना हक्काचं घर मिळवून देण्यासाठी आहे. या योजनेत काही तांत्रिक अडचणी असल्यास येणाऱ्या काळात त्या नक्कीच दूर करू अशी ग्वाही पालकमंत्री गिरीश बापट यांनी दिली. कोंढवा येथील कमेला झोपडपट्टी पुनर्वसन प्रकल्पाचे भूमीपूजन समारंभावेळी ते बोलत होते.

यावेळी माजी आमदार मोहन जोशी, शिक्षण तज्ञ पी.ए इनामदार, माजी महापौर प्रशांत जगताप, नगरसेवक हाजीभाई पठाण,हाजी गफूर शेख,नंदा लोणकर,आरती बाबर,कलिंदी पुंडे,स्थायी समितीचे माजी सभापती रशीद शेख,झोपडपट्टी पुनर्वसन अधिकारी पांडुरंग पोळे,उद्योजक कृष्ण कुमार गोयल, विकसक रोहित जोशी, विनीत गोयल आदींसह मान्यवर उपस्थित होते.

यावेळी बोलताना मंत्री बापट म्हणाले, १२ वर्षांपूर्वी झोपडपट्टी पुनर्वसन ही योजना राज्य सरकारद्वारे सुरु करण्यात आली. मात्र या योजने अंतर्गत फक्त १८  हजार घर बांधण्यात आली आहेत. हे प्रमाण अत्यल्प असून निराशाजनक आहे.

पंतप्रधान नरेंद्र मोदी यांनी देशातील प्रत्येक नागरिकाला हक्काच घर मिळवून देण्याचे स्वप्न  पहिले आहे. मुख्यमंत्री देवेंद्र फडणवीस यांच्या नेतृत्वाखाली आम्हीसुद्धा पंतप्रधान नरेंद्र मोदींच स्वप्न पूर्ण करण्यासाठी प्रयत्न करत आहोत. झोपडपट्टी वासीयांना हक्काचं घर मिळवून देण्यासाठी एसआरए सारख्या योजना राज्य सरकारच्यावतीने राबवल्या जातात. या योजनेचा जास्तीत जास्त लोकांना फायदा होऊन सर्व सामान्य लोकांना हक्काचं घर प्राप्त व्हावं यासाठी आमच्या सरकारने नेहमीच प्रयत्न केले आहेत. भविष्यातही या योजनेच्या अंमलबाजावणीमध्ये अडचणी आल्यास त्यावर तोडगा काढण्यासाठी प्रयत्न करू असेही ते यावेळी म्हणाले.

झोपडपट्टी पुनर्विकास अधिकारी पांडुरंग पोळ यांनी सर्वाना हक्काची घर मिळून देऊन लवकरात लवकर या योजनेचे अस्तित्व  संपवण्यासाठी प्रयत्न केले पाहिजेत अशी अपेक्षा व्यक्त केली. तर शिक्षण तज्ञ पी.ए इनामदार यांनी हा प्रकल्प पुण्यातला आदर्शवत होईल अशी अपेक्षा व्यक्त केली.

पुणे-ज्या समाजात आपण राहतो त्या समाजाचे आपण काही देणं लागतो असा विचार करणाऱ्या खूप कमी संस्था, व्यक्ती असतात. याचे एक उत्तम उदाहरण म्हणजे सुप्रसिद्ध सर्जन डॉ. अंबरीश दरक आणि श्रीमंत दगडूशेठ हलवाई ट्रस्ट यांच्या संयुक्त परिश्रमांनी आयोजित करण्यात आलेले मोफत लॅसिक आणि मोतीबिंदू शस्त्रक्रिया शिबिर!

कै. श्री. बाळकृष्ण दरक आणि कै. वि. भा. पाटील यांच्या स्मृतीप्रीत्यर्थ डॉ. अंबरीश दरक यांच्या पुढाकारातून हा उपक्रम १० जून ते ३० जून या कालावधीत आयोजित करण्यात आला होता. या वर्षी श्रीमंत दगडूशेठ गणपतीच्या स्थापनेस १२५ वर्षे पूर्ण झाली यानिमित्त १२५ गरजू रुग्णांवर या उपक्रमांतर्गत मोफत लॅसिक आणि मोतीबिंदू शस्त्रक्रिया करण्यात आली. चष्म्याचा नंबर घालवणारी लॅसिक शस्त्रक्रिया ही अतिशय खर्चिक आणि गुंतागुंतीची समजण्यात येते परंतु डॉ. अंबरीश दरक यांच्या ‘व्हिजन नेक्स्ट’ या हॉस्पिटल मध्ये या शस्त्रक्रिया पूर्णपणे मोफत करण्यात आल्या.