समाजातील विविध क्षेत्रात उल्लेखनीय कार्य करणाऱ्या मान्यवरांचा प्रवास उलगडणारा द रिअल हिरो कथा समृद्धीच्या हा कार्यक्रम झी मराठी वाहिनीवर नुकताच सुरु झाला आहे. या कार्यक्रमाची निर्मिती व सूत्रसंचालन अशी दुहेरी जबाबदारी अॅड. समृद्धी पोरे यांनी सांभाळली असून कार्यक्रमाच्या पहिल्या भागात ज्येष्ठ अभिनेते विक्रम गोखले यांनी आपला जीवनप्रवास उलगडला. आता दुसऱ्या भागात प्रख्यात कायदेतज्ञ अॅड. उज्ज्वल निकम यांचा धाडसी प्रवास उलगडणार आहे.

अॅड. उज्ज्वल निकम यांचा आजवरचा प्रवास, आयुष्याकडे बघण्याचा दृष्टीकोन, त्यांनी लढवलेले खटले अशा नानाविध गोष्टींचा पट या मुलाखती दरम्यान उलगडणार आहे. उज्ज्वल निकम यांच्या पोतडीतील समृद्ध अनुभवांचा खजिना जाणून घ्यायचा असेल तर रविवार १६ जुलैला सकाळी ११.३० वा. प्रसारित होणारा हा कार्यक्रम अवश्य पाहा.

मालिकेतील कलाकार केवळ अभिनयातच अडकडून न राहता नवनवीन गोष्टी शिकण्याच्या आणि करण्याच्या प्रयत्नात असतात. कोणी दिग्दर्शन, छायांकन तर कोणी फोटोग्राफी किंवा चित्र काढून अभिनयाव्यतिरिक्त असणारे कलागुण जोपासत असतात. असाच एक नवीन गुण प्रेक्षकांसमोर आणला आहे झी युवाच्या ‘फुलपाखरू’ मालिकेतील मानस म्हणजेच यशोमान आपटे याने. अभिनयासोबतच आता स्वतःच्या मालिकेसाठी एक गाणं गात गायक यशोमान प्रेक्षकांच्या समोर आला आहे. मालिकेत मानस-वैदेही यांच्यासाठी एक रोमँटिक गाणं कंपोज केलं असून यशोमानने स्वतःसाठी प्लेबॅक केलं आहे. सिनेमात अनेकदा हिरोने स्वतःसाठी प्लेबॅक केल्याचं आपण बघितलं आहे. पण मालिकेसाठी मात्र असं अपवादानेच घडतं.

मुंबई विद्यापीठाच्या युवा महोत्सवात यशोमान आपटेने आपली छाप पाडली आहेच. डहाणूकर कॉलेजमधून बीकॉम झालेल्या यशोमानने यापूर्वी विविध स्पर्धांमध्ये सहभागी होत आपली दखल घ्यायला भाग पडले आहे. झी युवा  वाहिनीने  या युवा टॅलेंटला हेरून आपल्या नव्या मालिकेत प्रमुख भूमिकेद्वारे प्रेक्षकांसमोर आणले. सध्या  ही मालिका प्रेक्षकांमध्ये लोकप्रिय ठरली आहे. यशोमान साकारत  मानस या तरुणाईच्या मनात घर केले आहे . झी युवामुळे यशोमानच्या सोशल मीडिया फॅन फॉलोअर्समध्येही कमालीची वाढ झालीय. प्रेक्षकांच्या याच प्रेमामुळे यशोमनने काहीतरी खास करण्याचा निर्णय घेतला आणि मालिकेत शूट होणाऱ्या एका गाण्यासाठी गायचं ठरवलं. गायिका कीर्ती किल्लेदारसोबत गाण्याची संधी यशोमानला मिळाली. विशाल-जगदीश या संगीतकार जोडीने गाणं संगीतबद्ध केलं आहे. यशोमानचा गाण्याचा हा पहिलाच प्रयत्न आहे. याबद्दल यशोमान  म्हणाला, ‘मला गाणी ऐकायला आणि गुणगुणायला आवडतात. पण असा प्रयत्न आपण कधी करू शकतो असं वाटलं नव्हतं. मला प्रयोगशील राहायला आवडतं. त्यामुळे गाण्याचा हा देखील प्रयत्न मी करून पहिला. यासाठी मला माझी सहगायिका कीर्ती किल्लेदारची खूप मदत झाली. तिने माझ्याकडून गाऊन घेतलं असंच मी म्हणेन.’

फिल्मी किडा प्रोडक्शन्स निर्मित मला काहीच प्रॉब्लेम नाहीया ११ ऑगस्टला संपूर्ण महाराष्ट्रात

प्रदर्शित होणाऱ्या चित्रपटाच्या प्रमोशन्सला आता सुरूवात झाली आहे. भविष्याच्या मागे धावता धावता

आपण वर्तमानात जगायचंच विसरतो याची जाणीव करून देण्यासाठी वेळात वेळ काढून स्पृहा आणि

गश्मीर समवेत ;मला काहीच प्रॉब्लेम नाही  चित्रपटाच्या संपूर्ण टीम ने त्यांच्या छोट्या तनय म्हणजेच

आरश गोडबोले याच्या इच्छेखातर नागपूर पँथर्स विरुद्ध कोकण वॉरिअर्स अशी जोमदार क्रिकेटची मॅच

खेळवली.

नागपूर पँथर्स विरुद्ध कोकण वॉरिअर्स नावातूनच नागपूर विरुद्ध कोकण असा सामना रंगलेला होता

हे कळतं. असं का बरं असावं? तर त्याच कारण म्हणजे, मला काहीच प्रॉब्लेम नाही  म्हणतं असलेला

अजय म्हणजेच गश्मीर नागपूर चा तर केतकी म्हणजेच स्पृहा कोकणची असल्यामुळे ते आपापल्या

परिवारासह आपल्या गावांना प्रतिनिधित्व करत होते. एकीकडे विजय निकम, स्नेहलता वसईकर,

साहील कोपर्डे, करण भोसले यांची गश्मीरला तगडी साथ होती तर दुसरीकडे सीमा देशमुख, सुरभी

हेमंत, आरश गोडबोलेच नव्हे तर चित्रपटाचे निर्माते रवि सिंग आणि रिचा सिन्हा यांचा स्पृहावर गाढ

विश्वास. स्पृहाच्या कोकण वॉरिअर्सला सपोर्ट करत मास्टर आरशने टॉस केला. गश्मीर ने टॉस जिंकून

पहिली बॅटिंग घेऊन ६ ओव्हर्स मध्ये ८६ धावा काढल्या. तर पूर्णपणे आत्मविश्वासाच्या बळावर खेळत

असलेल्या स्पृहाने ३ वेळा आऊट होऊन, गश्मीरच्या बॉलिंगने जखमी होऊन देखील ६ ओव्हर्स मध्ये

तब्बल ३८ धावा घेत आपल्या टीमला पुढच्या मॅच मध्ये आपणच जिंकणार असल्याचं आश्वासन दिलं.

ह्या सर्वांत घडलेली मजेशीर गोष्ट म्हणजे मॅचच्या सुरूवातीला आईला सपोर्ट करणारा त्यांचा छोटा

तनय म्हणजेच आरश गोडबोलेने मॅच च्या अखेरीस स्वतःची टीम बदलून तो बाबांच्या टीम मध्ये

गेला.