पुणे – डेक्कन एज्युकेशन सोसायटीच्या डीईएस सेकंडरी स्कूलच्या वतीने आयोजित करण्यात आलेल्या ‘तेजोमय’ या आंतरशालेय गटचर्चा स्पर्धेत एसपीएम स्कूलच्या मननकी कस्तुरेने प्रथम क‘मांक पटकाविला. सिंबायोसिसच्या अर्णव देशमुख याने दुसरा आणि डीईएस सेकंडरीच्या आदी काळभांडेने तिसरा क‘मांक मिळविला. स्पर्धेत १३ शाळांतील ६५ विद्यार्थ्यांनी सहभाग घेतला.
उद्योजक बद्रीनाथ मूर्ती यांच्या हस्ते यशस्वी विद्यार्थ्यांना पारितोषिके देण्यात आली. शाला समितीचे अध्यक्ष किरण शाळिग‘ाम अध्यक्षस्थानी होते. श्री गणेशन महालिंगम, डॉ. यू. व्ही. लिमये, दिलीप नायडू, शिबू नायर यांनी परीक्षक म्हणून काम पाहिले.
विद्यार्थ्यांना केवळ मार्कांच्या मागे धावणारे घोडे बनवायचे की देशासाठी आदर्श नागरिक बनवायचे याचा शिक्षण पध्दतीत विचार होणे आवश्यक असल्याचे मत श्री. मूर्ती यांनी यावेळी व्यक्त केले. शहरातील इंग‘जी माध्यमाच्या विद्यार्थ्यांसाठी गटचर्चा ही आगळीवेगळी व एकमेव स्पर्धा असून, तिला दरवर्षी वाढता प्रतिसाद मिळत असल्याचे मत श्री. शाळिग‘ाम यांनी व्यक्त केले.
मु‘याध्यापिका सुजाता नायडू यांनी स्पर्धेचे संयोजन केले. मंजुश्री बोरावके यांनी सूत्रसंचालन आणि पर्यवेक्षिका ज्योती बोधे यांनी आभार मानले.
टी शर्ट पेंटिंग स्पर्धा
आंतरशालेय टी शर्ट पेंटिंग स्पर्धेचा पारितोषिक वितरण समारंभ यावेळी संपन्न झाला. आरएमडी सिंहगड स्प्रिंगडेल स्कूलच्या धनश्री खुराडे हिने पहिला, डीईएसच्या श्रेया देशपांडे यांनी दुसरा आणि आचार्य विजय वल्लभ स्कूलच्या कुशल गहेलोत याने तिसरा क‘मांक मिळविला. अकरा शाळांतील २२ विद्यार्थ्यांनी सहभाग घेतला. प्रशांत गोखले यांनी परीक्षण केले.

पुणे – डेक्कन एज्युकेशन सोसायटीच्या न्यू इंग्लिश स्कूल, टिळक रोड शाळेतील विद्यार्थ्यांनी ‘मूर्ती आमची, किंमत तुमची’ या अभिनव उपक‘माचे आयोजन केले आहे. या उपक‘माअंतर्गत ११४ विद्यार्थ्यांनी तयार केलेल्या पर्यावरणपूरक गणेश मूर्तींचे प्रदर्शन आणि विक‘ी आज (मंगळवार, ता. २२ ऑगस्ट) सकाळी ११ ते दुपारी १ शाळेच्या आवारात करण्यात येणार आहे.
शाडू मातीपासून गणेश मुर्ती बनविण्याचा उपक‘म शाळेत गेल्या पंधरा वर्षांपासून सुरू आहे. यावर्षी एसएनडीटी महाविद्यालयातील कलाशिक्षक श्रीकांत पांचाळ यांनी विद्यार्थ्यांना आठ दिवस मूर्ती बनविण्याचे प्रशिक्षण दिले. हत्ती गणपती, परशुरामाशी युध्द करणारा गणपती, बाहुबली, महाभारत लिहिणारा गणपती, पर्यावरणाचा संदेश देणारा गणपती, ओरिगामी शस्त्र धारण केलेला गणपती अशा विविधप्रकारच्या मुर्त्या विद्यार्थ्यांनी साकारल्या आहेत.
एसएनडीटी महाविद्यालयाच्या कला विभागाच्या प्रमुख राजेत्री कुलकर्णी यांनी परीक्षण केले. मु‘याध्यापक नागेश मोने यांच्या मार्गदर्शनाखाली कला शिक्षक सुरेश वरंगटीवार, हनुमंत तोडकर यांनी उपक‘म यशस्वी करण्यासाठी विशेष प्रयत्न केले.

पुणे – डेक्कन एज्युकेशन सोसायटीच्या बृहन महाराष्ट्र वाणिज्य महाविद्यालयातील (बीएमसीसी) ‘इकॉनॉमिक्स आणि अकाउन्टस’ विभागाच्या वतीने प्रथम वर्ष वाणिज्यच्या विद्यार्थ्यांसाठी वस्तू व सेवा कर (जीएसटी) या विषयावरील कार्यशाळा आयोजित करण्यात आली होती.
वस्तू आणि सेवा कराची व्याप्ती पाहता सर्व स्तरांवरील व्यापारी, उद्योजक, व्यावसायिक या कायद्याच्या अंतर्गत मु‘य कर प्रवाहामध्ये येतील, त्यामुळे कर कायद्याची अंमलबजावणी सोपी आणि सुटसुटीत होईल असे मत ज्येष्ठ कर सल्लागार ऍड. महेश भागवत यांनी यावेळी व्यक्त केले.
भारतीय अर्थविज्ञानवर्धिनीचे संचालक डॉ. अभय टिळक यांनी वस्तू व सेवा कराचा अर्थव्यवस्था, रोजगारनिर्मिती व चलनवाढीचा दर यावर होणार्‍या अनुकुल व प्रतिकूल परिणामांचे विवेचन केले.
जनवित्त अभियानाचे प्रमुख डॉ. अजित अभ्यंकर यांनी करपध्दती, विकास निर्देशांक, नागरिकांना सरकारने द्यायच्या सुविधा याविषयी माहिती दिली. प्राचार्य डॉ. चंद्रकांत रावळ यांच्या मार्गदर्शनाखाली उपप्राचार्य डॉ. सुरेश वाघमारे, डॉ. आशिष पुराणीक, ‘इकॉनॉमिक्स’ विभागाच्या प्रमुख डॉ. शैलजा देसाई, ‘अकाउन्टस’ विभागाचे प्रमुख यशोधन महाजन यांनी संयोजन केले. या कार्यशाळेला ‘जनवित्त अभियान’चे विशेष सहकार्य मिळाले. महाविद्यालयातील ३०० विद्यार्थ्यांनी सहभाग घेतला.

पुणे-शिवसह्याद्री चॅरिटीबेल फाऊंडेशनतर्फे यंदाचा शिवसह्याद्री गौरव पुरस्काराने भारत विकास ग्रुप (बी. व्ही . जी.) या संस्थेस  ,वाचन संस्कृती चळवळीसाठी योगदान देणारे ज्ञान कि लायब्ररी प्रकल्पाचे संस्थापक प्रदीप लोखंडे , प्रसिध्द वात्रटिकाकार व माजी आमदार रामदास फुटाणे यांना भारती  विद्यापीठाचे कुलपती पतंगराव कदम यांच्याहस्ते सन्मानित करण्यात आले . यामध्ये भारत विकास ग्रुप (बी. व्ही . जी.) या संस्थेचे व्यवस्थापकीय संचालक हणमंतराव गायकवाड , प्रदीप लोखंडे यांची कन्या युगांतीं प्रदीप लोखंडे व  वात्रटिकाकार व माजी आमदार रामदास फुटाणे यांच्या अमृत महोत्सवी वर्षानिमित्त देण्यात आला . भारतीय प्रशासकीय सेवेत निवड झाल्याबद्दल कैलास जाधव , सुनील चव्हाण यांचा विशेष सत्कार करण्यात आला . यावेळी दीड कोटी रुपयांचे शिष्यवृत्तीचे वाटप करण्यात आले .

बालगंधर्व रंगमंदिरामध्ये झालेल्या या कार्यक्रमास शिवसह्याद्री चॅरिटीबेल फाऊंडेशनचे अध्यक्ष राजेंद्र कोंढरे , शेतकरी कामगार पक्षाचे नेते प्रविणदादा गायकवाड , लागीर झालं जी या मालिकेतील मराठी अभिनेता निखिल चव्हाण ,  व्यंकटराव गायकवाड , अंकुश आसबे , सुनील कुशीरे , शांताराम कुंजीर आदी मान्यवर उपस्थित होते .

यावेळी भारती  विद्यापीठाचे कुलपती पतंगराव कदम यांनी आपले मनोगत व्यक्त करताना सांगितले कि , आजच्या काळात नोकऱ्या करण्याचे दिवस संपले असून नवनवीन तंत्रज्ञान वापरून युवकांनी पुढे गेलॆ पाहिजे . त्यासाठी नियोजन असणे आवश्यक आहे . तरुणांनी कोठून आलो आहोत , कुठे आहोत , कुठे जायचे हे कधीही विसरू नये , भान ठेवून योजना आखल्या पाहिजेत आणि बेभान होऊन त्या वापरल्या पाहिजेत . भारती विद्यापीठ सुरु करताना आम्हालां अनेक अडचणींचा सामना करावा लागला , परंतु आम्ही डगमगलो नाही , यश अपयश पचवून उभे राहिलो , त्यामुळे भारती विद्यापीठाने दिल्लीमध्ये आपली शिक्षण संस्था उभारू शकली . राजेंद्र कोंढरे हे देखील जिद्दीने अनेक सामाजिक संस्थांमध्ये कौतुकास्पद कार्य करीत आहे .

यावेळी  वात्रटिकाकार व माजी आमदार रामदास फुटाणे  यांनी सांगितले कि ,आपल्याकडे  २० टक्के नागरिक भारतात राहतात तर ८० टक्के नागरिक इंडियात राहतात . हा देश मूठभर लोकांच्या हातात चालला आहे . आजच्या तरुणाला लगेच राजकीय आखाड्यात उतरण्याचे वेध लागतात . त्यामुळे आपल्याकडे आय ए एस अधिकारी दिसून येत नाही , पंतगराव कदम व हणमंतराव गायकवाड यांनी आपल्या प्रतिकूल परिस्थितीत देखील आपले विश्व् निर्माण केले . आज कार्पोरेट कंपन्यांमध्ये व सरकारी खात्यामध्ये आपल्या युवकांना नोकऱ्या नाहीत . त्यामुळे येथील युवकांनी करायचे काय ? त्यामुळे युवकांनी नुसत्या राजकारणापेक्षा एखाद्या उद्योगात आपण काय करू शकतो का ? हे पाहिले पाहिजे . शिक्षणाशिवाय तुम्ही कोणत्याही आरक्षणाशिवाय जीवनात पुढे जाऊ शकता  .

यावेळी  भारत विकास ग्रुप (बी. व्ही . जी.) या संस्थेचे व्यवस्थापकीय संचालक हणमंतराव गायकवाड यांनी सांगितले कि , लढाई हि प्रत्येकाच्या आयुष्यात आहे . फक्त त्याचे स्वरूप वेगळे आहे . त्यामुळे आयुष्यात वेगळे करून दाखवा , तुमचा आत्मविश्वास प्रबळ असला पाहिजे . नवनवीनकल्पना आपल्या व्यवसायात राबवा , त्याच तुम्हाला पुढे नेऊ शकतील . काम करीत असताना तुमच्या बरोबरच्या लोकांना मोठे करा तेंव्हा भारत देश हा मोठा होणार आहे . आपण आज प्रतिकूल परिस्थितीमधूनच पुढे आलो आहे .

या कार्यक्रमाचे प्रास्ताविक आणि उपस्थितांचे स्वागत शिवसह्याद्री चॅरिटीबेल फाऊंडेशनचे संस्थापक अध्यक्ष राजेंद्र कोंढरे यांनी केले तर सूत्रसंचालन अभिषेक मोहोळ यांनी केले तर आभार नितीन साळुंके यांनी मानले .

पुणे: बदलत्या काळात पुढाकार घेऊन काम करणाऱ्यांची कमतरता असून मानसिक आरोग्य क्षेत्रातील लोकांना एकत्रित करून त्यांच्या समस्या सोडविण्यासाठी स्थापन करण्यात आलेल्या मनोदय मेंटल हेल्थ फोरमने या क्षेत्रातील लोकांचे प्रश्न सोडविण्यावर भर द्यावा अशी अपेक्षा जेष्ठ मानसोपचार तज्ञ व सिने अभिनेते डॉ मोहन आगाशे यांनी व्यक्त केली.

कर्वे समाज सेवा संस्था पुणे येथे मनोदय मेंटल हेल्थ फोरमच्या वतीने देण्यात येणाऱ्या जीवनगौरव पुरस्कार वितरण, समुपदेशन अभ्यासक्रमाचे उद्घाटन व पुस्तक प्रकाशन सोहळ्याप्रसंगी जेष्ठ मानसोपचार तज्ञ डॉ. उल्हास लुकतुके व डॉ. विद्याधर वाटवे यांच्या हस्ते जीवनगौरव पुरस्कार स्वीकारल्यानंतर मनोगत व्यक्त करताना ते बोलत होते. कर्वे समाज सेवा संस्थेचे विश्वस्त संदीप खर्डेकर, फोरम चे सल्लागार डॉ सुप्रकाश चौधरी, कार्याध्यक्ष चेतन दिवाण यांच्या प्रमुख उपस्थितीत व प्र. संचालक प्रा महेश ठाकूर यांच्या अध्यक्षतेखाली हा सोहळा पार पडला.

डॉ मोहन आगाशे यांनी स्वत: अभिनय केलेल्या “आस्तु” व राष्ट्रीय परस्कार वेजेत्या “कासव” या सिनेमाच्या माध्यमातून मानसिक आरोग्याबाबत करण्यात आलेल्या प्रयत्नांचा उल्लेख करीत एक मानास्शाश्त्रज्ञ म्हणून असणार्या जबाबदार्यांवर प्रकाशझोत टाकला. ते म्हणाले, मानसिक आरोग्याच्या जागृतीसाठी माणूस कसा ओळखायचा या कलेपासून मानसशास्त्र शिकण्याची सुरुवात होते तसेच माणसाकडून वापरण्यात येणाऱ्या वेगवेगळ्या चित्र, आवाज व भाषा या कलांच्या माध्यमातून उप जागृत व विवेकपूर्ण मनाचा अभ्यास करण्याची कला देखील मानसशास्त्रज्ञामध्ये असते. तसेच मानसिक आरोग्य क्षेत्रामध्ये कार्यरत असणार्या लोकांनी धीर व स्वीकार या गोष्टींचा अवलंब करण्याचे आवाहन देखील डॉ. मोहन आगाशे यांनी केले.

डॉ. लुकतुके म्हणाले डॉ मोहन आगाशे हे एक अनोखे व्यक्तिमत्व असून त्यांनी अभिनय व मानसिक आरोग्य या  दोन्ही क्षेत्रामध्ये भरीव कामगिरी केली असल्याने मिळालेला सन्मान हा त्यांच्या कार्याचा योग्य गौरव आहे.

डॉ वाटवे  म्हणाले, डॉ आगाशे यांना देण्यात आलेला पुरस्कार हा त्यांचा योग्य सन्मान आहे. पुणे सारख्या शहरामध्ये मानसोपचार क्षेत्राला चांगले दिवस आणण्यासाठी सुरुवातीच्या काळापासूनच प्रयत्न केले असून मानसिक आरोग्याशी निगडीत सर्व संस्था, संघटना व विशेषता त्यांनी स्थापन केलेल्या महाराष्ट्र इन्सटीटूट ऑफ मेंटल हेल्थ च्या स्थापनेमध्ये त्यांचा सिहाचा वाटा आहे.

संदीप खर्डेकर यांनी विशेष शैलीमध्ये आपले विचार व्यक्त करीत उपस्थितांना मार्गदर्शन केले, ते म्हणाले, नेता व अभिनेता यांच्यामध्ये समाजमन ओळखण्याची एक कला असते पण त्याही पेक्षा मोठी जबाबदारी डॉ. आगाशे व  मानसिक आरोग्य क्षेत्रातील इतर व्यक्तींची असून त्यांना आवश्यक त्या सर्व प्रकारच्या मदतीसाठी आपण सदैव तत्पर आहोत.

डॉ शिरीष रत्नपारखी, डॉ सुप्रकाश चौधरी, प्रा. संचालक प्रा. महेश ठाकूर यांनी आपली मनोगते व्यक्त करून डॉ आगाशे व समुपदेशन अभ्यासक्रमासाठी प्रवेश घेतलेल्या विद्यार्थ्यांचे अभिनंदन केले व मेंटल हेल्थ फोरम च्या भावी वाटचालीस शुभेच्छा दिल्या.

यावेळी  डॉ सुप्रकाश चौधुरी व प्रा. चेतन दिवान लिखित “सायकीयॅट्री फॉरबिगिनर्स” या पुस्तकाचे तसेच प्रा. महेश ठाकूर व प्रा चेतन दिवान यांनी पुण्यातील जवळ-जवळ २६० संस्थांची इत्यंभूत माहिती असणार्या “संस्था मार्गदर्शिका” चे प्रकाशन डॉ मोहन आगाशे व मान्यवरांच्या हस्ते करण्यात आले.

कार्यक्रमाची सुरुवात दिप्प्रज्वालानाने करण्यात आली. प्रा. महेश ठाकूर, प्रा. चेतन दिवाण, राजेश अलोणे, स्नेहल सस्ताकारव प्रा  दादा दडस यांनी पाहुण्यांचे स्वागत केले.

कार्यक्रमाचे प्रास्ताविक प्रा. चेतन दिवाण यांनी केले. सूत्रसंचालन अनुपमा जोशीराव यांनी तर आभार शिल्पा तांबे यांनी मानले.

कार्यक्रमाच्या यशस्वीतेसाठी शितल कुटे, पल्लवी भागवत, सबनीस आढाव, प्रेमला घोरपडे, स्वाती पाध्ये, शीला संचेती, संदीप मोटे, अनिता सातव, तेजस घाडगे श्वेता बोंबे, प्रज्ञा थोरात यांनी परिश्रम घेतले