पुणे – बारा बारा तासांची ड्युटी, त्यामुळे  अनिमित दिनश्चर्या……दिवसातील अधिकांश वेळ ड्युटी कऱण्यात जात असल्याने ते कुटुंबाकडे लक्ष देऊ शकत नाहीत. त्यामुळे शिवाजीनगर मतदारसंघाचे आमदार विजय काळे यांनी आरोग्याचा चार्तुमास उपक्रमांतर्गत आज पोलीस मुख्यालयामागे असलेल्या  शिवाजीनगर पोलिस वसाहतीत रहात असलेल्या पोलीस कुटंबातील महिलांसाठी मोफत आरोग्य तपासणीचे शिबीर आयोजित केले होते. याच पोलिस वसाहतीशेजारी असलेल्या पोलीसांच्या दवाखान्यात झालेल्या या शिबिरात 200 महिलांची आरोग्य तपासणी कऱण्यात आली.

आमदार काळे यांनी मगिलवर्षी जून महिन्यापासून महिलांच्या मोफत आरोग्य तपासणीसाठी आरोग्याचा चार्तुमास हा उपक्रम बोपोडी येथे शिबिराचे आयोजन करून सुरू केला. या शिबिराला खुद्द मुख्यमंत्री देवेंद्र फडणवीस यांनी भेट देऊन उपक्रमाचे कौतुक केले. तसेच या उपक्रमाचे अनुकरण भाजपच्या प्रत्येक आमदाराने मतदारसंघात करावे अशा सूचनाही त्यांनी नंतर सर्वांना दिल्या. त्यानंतर गोखलेनगर, गर्भवती महिलांची तपासणी, खडकी, बोपोडी रेल्वे पोलीसदल वसाहत या ठिकाणी आरोग्य तपासणी शिबीरे आयोजित केली होती. आज शिवाजीनगर पोलीस वसाहतीतील दवाखान्यात झालेले सहावे शिबीर आहे. आजच्या या शिबीराचे औपचारिक उदघाटन आमदार विजय काळे यांनी केले. यावेळी या शिबिरासाठी समन्वयक म्हणून पोलीस आयुक्तांनी जबाबदारी दिलेले पोलीस निरीक्षक दयानंद ढोमे, पोलीस दवाखान्याचे डॉ. धनंजय राऊत व त्यांचे सहकारी उपस्थीत होते.

या शिबिरात तपासणीसाठी येणा-या महिलांना आरोग्य तपासणीची महिती एकत्रित राहू शकेल अशी एक पुस्तिका देण्यात आलेली आहे. तपासणीनंतर डॉक्टर त्या पुस्तिकेत नोंद करत होते. त्यामुळे त्या महिलेला काही झाले तर ती पुस्तिका सोबत नेल्यास त्यांच्या आरोग्याची पूर्व महिती (पेशंन्टस हिस्टरी) संबंधित डॉक्टरांना महिती होऊ शकणार आहे. तसेच ज्यांना रूग्णालयात जाण्याची आवश्यकता भासणार आहे अशा महिलांना पुढील सहा महिन्यात त्या रूग्णलयात मोफत उपचार केले जाणार असल्याची महिती आमदार विजय काळे यांनी महिलांना दिली.

शिबीरात बेस्टकॅन्सरसाठीची मेमोग्राफी, स्त्रीरोग, मधुमेह, हृदय कान नाक घसा, दंत तपासणी, हाडांची तपासणी. कंबर किंवा गुडघे दुखी, रक्त, हिमोग्लोबीन अशा तपासण्या करण्यात आल्या. या तपासण्या करण्यासाठी खडकीचे वैद्यकीय अधिकारी डॉ. राजेश भोसले, सिव्हील हॉस्पिटलचे सहमुख्य अधिक्षक डॉ. जगदाळे, महापालिकेचे वैद्यकीय अधिकारी डॉ. खेडकर आणि त्यांचे सहकारी, ससून रूग्णालयाचे डॉ. तावरे व त्यांचे सहकारी यांनी केल्या. अशा प्रकारे पोलीस कुटुंबातील महिलांसाठी आरोग्य तपासणीचे शिबीर पहिल्यांदाच होत असल्याची भावन अनेक महिलांनी व्यक्त केली.

पोलीस मुख्यलयाशेजारी असलेल्या शिवाजीनगर पोलीस वसाहतीत एकूण 900 (नऊशे) पोलीस कुटुंब रहातात. त्यांना मागिल दोन दिवसात आरोग्य पुस्तिका आणि पत्रकांचे वाटप घरोघर जाऊन कऱण्यात आले होते. या पूर्वी बोपोडी येथील रेल्वे पोलीस वसाहतीतील पोलीस कुटुंबातील महिलांच्या आरोग्याची तपासणी शिबिराचे आयोजन करण्यात आले होते. आरोग्याचा चार्तुमास अंतर्गत झालेल्या मोफत आरोग्य तपासणीच्या सहा शिबिरात एकूण दहा हजार महिलांच्या आरोग्याची तपासणी कऱण्यात आलेली आहे.

पुणे- प्रशासकीय कामकाज अधिक गतिमान व कार्यक्षम होण्यासाठी आपल्या कार्यशैलीला तंत्रज्ञानाची जोड देणे आवश्यक असल्याचे मत अन्न व नागरी पुरवठा आणि ग्राहक सरंक्षण, अन्न वऔषध प्रशासन, संसदीय कार्य मंत्री तथा पुणे जिल्हयाचे पालकमंत्री गिरीश बापट यांनी व्यक्त केले.
येथील जिल्हाधिकारी कार्यालयात गृहशाखा ऑनलाईन प्रणाली उद्घाटन, उत्कृष्ट अधिकारी, कर्मचारी यांचा गुणगौरव व जिल्हा नियोजन समिती नावीन्यपूर्ण योजनेंतर्गत तलाठयांना लॅपटॉप वितरण समारंभ कार्यक्रम पालकमंत्री गिरीश बापट यांच्या हस्ते झाला. त्यावेळी ते बोलत होते. कार्यक्रमास जिल्हाधिकारी नवल किशोर राम, अपर जिल्हाधिकारी रमेश काळे, उपजिल्हाधिकारी विजयसिंह देशमुख, निवासी उप जिल्हाधिकारी डॉ. जयश्री कटारे, ई फेरफार प्रकल्प समन्वयक रामदास जगताप, जिल्हा नियोजन अधिकारी प्रमोद केंभावी आदी उपस्थित होते.
श्री. बापट पुढे म्हणाले की, प्रशासकीय कामामध्ये चांगले काम करणाऱ्या अधिकारी, कर्मचारी यांच्या कामाचे कौतुक हे केलेच पाहिजे. आपण अनेक चांगली कामे केलेली आहेत. आपल्या कार्यालयाची प्रतिमा चांगली ठेवण्यासाठी प्रत्येकाने जबाबदारी ओळखून काम केले पाहिजे. सर्वांनी नवीन तंत्रज्ञान आत्मसात केले पाहिजे. आधुनिकीकरणाचा फायदा करुन घेतला पाहिजे. कार्यालयात येणाऱ्या प्रत्येक नागरिकाची मानसिकता ओळखून त्यास सन्मानाची वागणूक देऊन काम करा. यावर कार्यालयाची प्रतिमा अवलंबून असते. आपणास काम करण्यास लागणाऱ्या साहित्याची पूर्तता केली जाईल. आपण अशीच चांगली सेवा द्यावी, अशी अपेक्षा व्यक्त करुन शुभेच्छा दिल्या.
जिल्हाधिकारी नवल किशोर राम म्हणाले की, शासनासाठी महसूल विभाग हा महत्त्वाचा असून पुणे जिल्हा हा सातबारा संगणकीकरणाच्या कामात पुढे आहे. महसूल विभागातील अधिकारी, कर्मचारी हे नेहमी आपले काम वेळेत पूर्ण करण्याचा प्रयत्न करत असतात. महसूल विभागात आपली भूमिका महत्त्वाची असून आपणावर कितीही ताणतणाव असला तरी आपण आपली मानसिकता सकारात्मक ठेवून प्रत्येक नागरिकासोबत चांगले वागणे गरजेचे आहे. यापुढेही आपण अधिक चांगले काम करुन दाखवू, असेही ते शेवटी म्हणाले.
यावेळी पालकमंत्री गिरीश बापट यांच्या हस्ते एकूण 39 गुणवंत कर्मचारी यांचा प्रशस्तीपत्रक देवून सन्मान केला तर एकूण 16 तलाठी कर्मचाऱ्यांना लॅपटॉपचे वितरण करण्यात आले.
कार्यक्रमाचे प्रास्ताविक अपर जिल्हाधिकारी रमेश काळे यांनी तर निवासी उपजिल्हाधिकारी डॉ. जयश्री कटारे यांनी उपस्थितांचे आभार मानले. यावेळी जिल्हाधिकारी कार्यालयाचे अधिकारी, कर्मचारी मोठया संख्येने उपस्थित होते.

पुणे-” योगासने आणि प्राणायाम ” या पुस्तकाचे प्रकाशन प्रसिध्द आयुर्वेदाचार्य डॉ. गिरीश सरडे व लोकमान्य उद्योग समूहाचे संस्थापक डॉ. बी.  के. यादव  यांच्याहस्ते करण्यात आले . पर्वतीमधील निर्मल बाग हॉलमध्ये झालेल्या  ” योगासने आणि प्राणायाम ” या पुस्तकाच्या तिसऱ्या आवृत्तीचे प्रकाशन सोहळ्यास योगाचार्य सतीश अरगडे , आंतरराष्ट्रीय योगाचार्य शिवाजी घोडके ,  ” योगासने आणि प्राणायाम ” या पुस्तकाच्या लेखिका कमल मारुती ननावरे , डॉ. मृणाल आशय जमदाडे , लोकमान्य नर्सिंग होमच्या संचालिका डॉ.सुरेखा यादव,   समाजसेविका मेघना ससाणे , टिळक महाराष्ट्र विद्यापीठाच्या प्रा. मनोजा जोशी , अजित जमदाडे , सुनिता जमदाडे , सुप्रिया ताम्हाणे , शितल कचरे  आदी मान्यवर उपस्थित होते .

आजच्या धकाधकीच्या काळात महिलांचे आरोग्य चांगले राहण्यासाठी  ” योगासने आणि प्राणायाम ” या पुस्तकाचे प्रकाशन करण्यात आले . महिलांचे आरोग्य चांगले राहिले तर घर व्यवस्थित राहील . महिलांनी आपल्या दैनदिन जीवनातून आरोग्यासाठी वेळ दिला पाहिजे . त्यासाठी या पुस्तकाच्या माध्यमातून त्यांना  योगासने व प्राणायाम करता येतील . या पुस्तकात सर्व आसनांची माहिती सचित्र माहितीसह प्रकाशित केली आहेत . त्यामुळे पुस्तक अत्यंत उपयुक्त आहे . अशी माहिती  ” योगासने आणि प्राणायाम ” या पुस्तकाच्या लेखिका कमल मारुती ननावरे यांनी दिली .

या कार्यक्रमात उपस्थितांचे स्वागत व प्रास्तविक कमल मारुती ननावरे यांनी केले तर सूत्रसंचालन मंगल बोरावके यांनी केले तर आभार  डॉ. मृणाल आशय जमदाडे यांनी मानले . 

पुणे-यशस्वी कारकीर्द आणि एकूणच जीवनात सफल होण्यासाठी विद्यार्थ्यांनी ज्ञान , कौशल्य याबरोबर भावनिक आणि मानसिक प्रशिक्षनाची आवश्यकता असल्याचे मत आनंद प्रतिष्ठानचे अध्यक्ष विजयकांत कोठारी यांनी व्यक्त केले .

फोरसाइट महाविद्यालयातील बी कॉम , बी बी ए आणि बी बी ए ( सी ए) च्या विद्यार्थ्यांना विजयकांत कोठारी यांच्याहस्ते पदवी प्रदान करण्यात आली . यावेळी फोरसाइटचे संचालक शैलेश मेहता , नगरसेवक विशाल धनवडे , , प्रा. मन्सूर खान , प्रा. रवी पिल्ले , निशा मेहता ,प्रा. शिल्पा खाडे आदी मान्यवर उपस्थित होते .

घटनाकार डॉ बाबासाहेब आंबेडकर , महात्मा ज्योतिराव फुले , महर्षी कर्वे यांच्या सारख्या महान व्यक्ती महात्म्यांनी शिक्षणाचे महत्व ओळखले होते . अनेक समस्यांना तोंड स्वतः शिक्षण घेतले . समाजात शिक्षणाचा प्रसार करून देश घडविण्यात मोठा वाटा उचलला ,अशा आदर्शांचा करणे आवश्यक आहे असे विजयकांत कोठारी यांनी व्यक्त केले .

सध्याच्या काळात केवळ औपचारिक शिक्षण घेणे पुरेसे नाही . आधुनिक तंत्रज्ञान कौशल्य आणि सवांद कला आत्मसात करणे आवश्यक आहे . असे नगरसेवक विशाल धनवडे यांनी नमूद केले आहे .

महाविद्यालयामध्ये शिक्षणाबरोबर विदयार्थ्यांच्या व्यक्तिमत्वाचा सर्वागीण विकास साधणे यावर भर दिला जातो , फोरसाइटच्या संस्थेच्यावतीने आठवी ते दहावी शैक्षणिक  वर्ग सुरु करणार आहोत . असे फोरसाइटचे संचालक शैलेश मेहता यांनी सांगितले .

यशाच्या राज्यमार्गावर चालत असताना आपल्यासाठी झटणाऱ्या आई – वडील , शिक्षक यांना कधी विसरू नका , असे मत प्रा. रवी पिल्ले यांनी व्यक्त केले .

कार्य्रक्रमाचे प्रास्ताविक निशा मेहता यांनी केले तर सूत्रसंचालन प्रा. शिल्पा खाडे यांनी केले . तर आभार प्रा. अर्चना म्हस्के यांनी मानले .