मुंबई-पत्रकार शशिकांत वारिसे मृत्यू प्रकरणाचे गांभीर्य लक्षात घेत गृहमंत्री देवेंद्र फडणवीस यांनी एसआयटी गठीत करण्याचे आदेश दिले आहेत. वरिष्ठ दर्जाच्या अधिकाऱ्याच्या अध्यक्षतेखाली ही SIT गठीत करा अशा सूचना फडणवीसांनी पोलिस प्रशासनाला दिल्या आहेत. त्यामुळे आता या प्रकरणाचे धागेदोरे नेमके कुठपर्यंत जातात हे पाहणे महत्त्वाचे ठरणार आहे.

रत्नागिरी जिल्ह्यात एका वृत्तपत्राचे पत्रकार शशिकांत वारिसे यांचा 7 फेब्रुवारी रोजी अपघाती मृत्यू झाला. 6 फेब्रुवारी रोजी हा अपघात झाला. यात ते गंभीर जखमी झाले होते. रुग्णालयात उपचार सुरु असताना त्यांचा मृत्यू झाला. 48 वर्षीय शशिकांत वारिसे हे कोकणातील नाणार रिफायनरीविरोधात सातत्याने बातम्या लिहित होते, म्हणूनच त्याची हत्या करण्यात आली असा आरोप केला जात आहे.

राजापुरातील पत्रकार शशिकांत वारिसे यांच्यासह कोकणात अलिकडच्या काळात ज्या चार पाच हत्या झाल्या. त्याची केंद्र सरकारने स्पेशल टीम मार्फत चौकशी करावी, अशी मागणी ठाकरे गटाचे नेते संजय राऊत यांनी केली. तसेच वारिसे यांच्या हत्याकांडामागचा मास्टरमाइंड कोण आहे हे गृहमंत्री देवेंद्र फडणवीस यांना माहीत आहे, असा दावा करतानाच वारिसे यांच्या कुटुंबियांना 50 लाखाची आर्थिक भरपाई देण्यात यावी, अशी मागणीही संजय राऊत यांनी केली आहे.

“पत्रकार शशिकांत वारिसेंच्या हत्याऱ्यांना केंद्रीय मंत्री नारायण राणे यांनी पोसले” असा गंभीर आरोप ठाकरे गटाचे खासदार विनायक राऊत यांनी केला आहे. तर वारिसे यांच्या हत्या करणाऱ्या आरोपींच्या ठाकरे गटाचे आमदार राजन साळवींसोबत भेटीगाठी होत असल्याचा आरोप करत निलेश राणे यांनी ठाकरे गटावर पलटवार केला आहे. पत्रकार शशिकांत वारिसे यांच्या हत्याप्रकरणावरून राज्यातील राजकारण सध्या तापू लागले आहे. त्यावरून राजकीय मंडळी एकमेकांवर आरोप-प्रत्यारोप करताना दिसत आहे.

मुंबई-”आधी कायद्याचे भय उद्योजकांना दाखवून त्रास दिला जात होता. त्यामुळे त्यांचे व्यावसायिक नुकसान झाले अशी अप्रत्यक्ष टीका काॅंग्रेसवर करून मागच्या आठ, नऊ वर्षांपासून आम्ही ऐतिहासिक सुधारणा करतोय. त्याचे प्रभावही दिसून येत आहे. आम्ही जाॅब क्लस्टर्सच्या पाठिशी उभे आहोत. व्यावसायिकांना विश्वास देण्यासाठी आम्ही विवादाऐवजी जनविश्वास योजना आणली असे वक्तव्य पंतप्रधान नरेंद्र मोदी यांनी आज केले.

दाऊदी बोहरा समाजाच्या अल जामीया – तुस – सैफीया या संकुलाच्या उद्घाटनाला पंतप्रधान नरेंद्र मोदी यांच्या उपस्थितीत आज मुंबईत झाले. त्यावेळी पंतप्रधान मोदी बोलत होते. ”मी दाऊदी बोहरा परिवरातीलच असून मला तुमचे प्रेम मिळते, आपले जूने नाते आहे” अशा भावना व्यक्त केल्या.यावेळी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांची उपस्थिती होती. पीएम मोदी यांचे बोहरा समाजातर्फे यावेळी स्वागत करण्यात आले.

मी बोहरा समाजाच्या परिवारातील सदस्य–माझे आणि दाऊदी समाजाचे नाते प्रेमाचे

पीएम मोदी म्हणाले, मी तुमच्या परिवाराचा सदस्य आहे. तुम्ही दाखवलेल्या चित्रफितीत माननिय मुख्यमंत्री, माननिय पंतप्रधान असा उल्लेख केला. तो करू नये मी तुमच्या परिवारातील असून चार पिढ्यांपासून मी आपल्या परिवारासोबत आहे. आज तुमच्यासोबत येऊन मी आनंदीत झालो.पीएम मोदी म्हणाले, कोणत्याही समाजाची ती ओळख असते की, वेळेसोबत परिवर्तन आणि विकासाच्या कसोटीवर दाऊदी बोहरा समुदाय प्रत्येकवेळी उभा राहीला आहे. आज येथील शिक्षण संस्थेचा विस्तार याचेच एक द्योतक आहे. मी संस्थांशी जुडलेल्या प्रत्येक व्यक्तीला सांगतो की, दीडशे वर्षांपूर्वीचे स्वप्न साकार झाले आहे. मी तुमचे अभिनंदन करतो.पीएम मोदी म्हणाले, माझे आणि दाऊदी बोहरा समाजाचे नाते जूने आणि प्रेमाचे आहे. मी जगात कोठेही गेलो तर तेथे मला या समाजाचे प्रेमच मिळाले आहे. कुपोषण, जलसंरक्षण अभियानापर्यंत समाज आणि सरकार कसे एकदुसऱ्याची शक्ती बनते याची मी अनुभुती घेतली आहे. मी गुजरातेतून दिल्लीला गेलो त्यानंतर तुम्ही गादी संभाळली. आजही तुमचे प्रेम मला मिळते.पीएम मोदी म्हणाले, मला समाजाने दिलेला स्नेह माझ्यासाठी अनमोल आहे. मी देशातच नव्हे तर जगात कोठेही माझे बोहरा भाऊ – बहिण मला कोणत्याही परिस्थितीत भेटतात. ते जगातील कोणत्याही कोपऱ्यात असले तरी भारताबद्दलची चिंता आणि प्रेम दिसून येते. तुमचे प्रेम मला वारंवार आपल्यापर्यंत खेचून आणते. मला माहीतेय की, मुंबई शाखेच्या रुपास अल जमया सैफीयाचा जो विचार होत आहे याचा सयद्दना अब्दुल कादीर रहेमुद्दीन यांनी स्वप्न पाहीले होते. त्यावेळी भारत पारतंत्र्यात होता, त्याकाळी त्यांनी शिक्षणाबाबत स्वप्न पाहीले ही बाब महत्वाची होती.

पीएम मोदी म्हणाले, जेव्हाही समाजातील लोक सुरत, मुंबईला येतील तेव्हा एकदा तरी दांडी येथे यावे. कारण महात्मा गांधीं​​​​​ची​ दांडीयात्रा आझादीचा एक टर्निंग पाईंट होता. परंतु, माझ्यासाठी सर्वात मोठी गोष्ट ही की, मीठाच्या सत्याग्रहाआधी महात्मा गांधी बोहरा समाजातील व्यक्तीच्या घरी थांबले होते.

पीएम मोदी म्हणाले, सयद्दना साहेबांना मी माझ्या मनातील इच्छा व्यक्त केली. त्यांनी एका क्षणात समुद्रासमोरील मोठा बंगला मला दिला आणि आज तेथे दांडीयात्रेच्या स्मृतीचे मोठे स्मारक बनले आहे. सयद्दना साहेबांच्या आठवणी दांडीयात्रेसोबत अमर झाली आहे.

पीएम मोदी म्हणाले, गत आठ वर्षांत अनेक विद्यापीठे उघडली. प्रत्येक जिल्ह्यात मेडीकल काॅलेज उघडत आहोत. 2004 ते 2014 145 मेडीकल काॅलेज उघडले. 2014 ते आतापर्यंत आमच्या सत्ताकाळात 260 पेक्षा जास्त मेडीकल काॅलेज उघडण्यात येत आहेत. देशात प्रत्येक आठवड्याला एक विद्यापीठ आणि दोन महाविद्यालये उघडली. ही गती या गोष्टीची साक्षीदार आहे की, भारत विश्वाला भविष्याची दिशा देणारे विद्यापीठ बनेल.पीएम मोदी म्हणाले, शिक्षणव्यवस्थेत स्थानिक भाषेला महत्व दिले जात आहे हे आमच्या सरकारचे धोरण आहे. गुलामीच्या काळात इंग्रजीलाच शिक्षणाची भाषा बनवली होती. यात मागास, दलित, कमजोर वर्गाचे नुकसान झाले. त्यांना भाषेच्या आधारावर स्पर्धेतून बाहेर काढले जात होते. पण आता तसे होणार नाही. स्थानिक भाषेतून तंत्रशिक्षण आणि वैद्यकीय शिक्षण मिळणार आहे.

परिज्ञा कस्तुरेला रौप्य तर समीक्षा शेलारला कांस्य

भोपाळ-
महाराष्ट्राच्या खेळाडूंनी ज्युदोच्या शेवटच्या दिवशी महिलांच्या गटात सर्वसाधारण उपविजेतेपद पटकाविले आणि कौतुकास्पद कामगिरी केली. आज परिज्ञा कस्तुरे हिने रौप्य तर समीक्षा शेलार हिने कांस्यपदकाची कमाई केली.
६३ किलो खालील गटात मुंबईची खेळाडू प्रतिज्ञा हिला चुरशीच्या अंतिम फेरीत दिल्लीच्या हिमांशी टोकस हिच्याविरुद्ध पराभव स्वीकारावा लागला. ६३ किलो वरील गटात समीक्षा हिला उपांत्य फेरीत मध्य प्रदेशच्या नंदिता कुमारी विरुद्ध हार पत्करावी लागली होती. त्यानंतर झालेल्या कांस्यपदकाच्या लढतीत तिने हरियाणाच्या नित्याकुमारी हिचे आव्हान मोडून काढले आणि पदकावर आपले नाव कोरले.

तलवारबाजीत महाराष्ट्राला एकूण ४ सुवर्ण, ३रौप्य, २ कांस्य

जबलपूर:महाराष्ट्र पुरुष आणि महिला खेळाडूंनी आपल्या दर्जेदार कामगिरीत सातत्य ठेवत शुक्रवारी तलवारबाजी स्पर्धेत गोल्डन डबल धमाका उडवला. महिला संघाने इप्पी गटाच्या सांघिक मध्ये सुवर्णपदक पटकावले. अनुजा लाड, माही अरदवाड, गायत्री कदम आणि जान्हवी जाधव यांनी महाराष्ट्राला सुवर्णपदक जिंकून दिले. महाराष्ट्र संघाने फायनल मध्ये यजमान मध्य प्रदेश टीमला धूळ चारली.
तसेच निखिल वाघ, हर्षवर्धन औताडे, आदित्य वाहुळ आणि श्रेयस जाधव यांनी सर्वोत्तम कामगिरी सेबरच्या सांघिक गटात सुवर्णपदकाचा बहुमान पटकावला. संघाने फायनल मध्ये जम्मू कश्मीर चा पराभव केला.
आंतरराष्ट्रीय खेळाडू निखिल वाघ, श्रेयस जाधव, अनुजा लाड, माही, कशिश, जान्हवी यांनी महाराष्ट्र संघाला खेलो इंडिया च्या पदार्पणात तलवारबाजी खेळ प्रकारात जनरल चॅम्पियनशिपचा बहुमान मिळवून दिला. महाराष्ट्र संघाने पहिल्यांदाच समावेश करण्यात आलेल्या तलवारबाजी मध्ये सर्वोत्तम कामगिरी करत नऊ पदकांची कमाई केली. यामध्ये ४ सुवर्ण, ३रौप्य, २ कांस्य पदकांचा समावेश आहे. महाराष्ट्र संघाने मुख्य प्रशिक्षक स्वप्निल तांगडे यांच्या मार्गदर्शनाखाली मोठे या संपादन केले.

पदार्पणात सोनेरी यश कौतुकास्पद : चंद्रकांत कांबळे
आंतरराष्ट्रीय फेन्सर यांनी पहिल्यांदाच समावेश करण्यात आलेल्या तलवारबाजी खेळ प्रकारात सर्वोत्तम कामगिरी करत महाराष्ट्राच्या शिरपेचात मानाचा तुरा रोवला. महाराष्ट्राच्या खेळाडूंची तलवारबाजी मधील पदार्पणातील ही कामगिरी कौतुकास्पद आहे. खेळाडूंनी प्रचंड मेहनतीतून आपले वर्चस्व अबाधित ठेवत महाराष्ट्राला मोठे यश मिळवून दिले, अशा शब्दात पथक प्रमुख चंद्रकांत कांबळे यांनी महाराष्ट्र तलवारबाजी संघाचे खास कौतुक केले.

मुंबई-नुकत्याच जाहीर झालेल्या केंद्रीय अर्थसंकल्पात महाराष्ट्राला १३ हजार ५०० कोटी रुपये असा आजवर कधीही नव्हता इतका भरीव निधी मिळाला आहे. त्यामुळे राज्यातील रेल्वे प्रकल्प गतीने पूर्ण होतील आणि लाखो प्रवाशांना फायदा मिळेल, असे मुख्यमंत्री एकनाथ शिंदे यांनी सांगितले.

प्रधानमंत्री नरेंद्र मोदी यांनी आज छत्रपती शिवाजी महाराज टर्मिनस रेल्वे स्थानकावर मुंबई ते सोलापूर आणि मुंबई ते साईनगर शिर्डी शहरांदरम्यान धावणाऱ्या वंदे भारत एक्स्प्रेस या वेगवान रेल्वे गाडीला हिरवा झेंडा दाखवून मार्गस्थ केले.यावेळी ते बोलत होते .

श्री. शिंदे म्हणाले की, सिंचन, रस्ते प्रकल्प, कृषी, पायाभूत सुविधा, गृहनिर्माण, स्टार्टअप, या सर्व क्षेत्रात महाराष्ट्रासाठी या केंद्रीय अर्थसंकल्पात तरतूद करण्यात आली असून  भारताची अर्थव्यवस्था पाच ट्रिलियन डॉलरची करण्याचा जो निर्धार प्रधानमंत्र्यांनी केला आहे. त्यात महाराष्ट्रही आपले एक ट्रिलियनचे योगदान देण्यासाठी प्रयत्न करेल.

नुकत्याच झालेल्या एका जागतिक सर्वेक्षणात प्रधानमंत्री नरेंद्र मोदी हे सर्वात लोकप्रिय नेते असल्याचे जाहीर झाले आहे, ही देशवासीयांसाठी गौरवाची बाब आहे. प्रधानमंत्र्यांनी हिंदुहृदयसम्राट बाळासाहेब ठाकरे महाराष्ट्र समृद्धी महामार्गाचे उद्घाटन केले होते, त्यानंतर मुंबईत मेट्रोची त्यांनी सुरुवात केली आणि आता वंदे भारत एक्स्प्रेसचे लोकार्पण त्यांच्या हस्ते होत आहे. अशाच रीतीने एमटीएचएल, मेट्रोचे इतर मार्ग, मुंबई ते पुणे मिसिंग लिंक असे प्रकल्पही लवकरच सुरू होतील आणि त्यासाठी प्रधानमंत्री श्री. मोदी यांना निमंत्रित करण्यात येईल, असे मुख्यमंत्री श्री. शिंदे यांनी सांगितले.

महाराष्ट्रातील रेल्वे प्रकल्पांसाठी केंद्रीय अर्थसंकल्पात भरीव निधी – केंद्रीय रेल्वे मंत्री अश्विनी वैष्णव

रेल्वेच्या दृष्टिकोनातून महाराष्ट्र हे एक महत्त्वाचे राज्य आहे. यावर्षी सादर केलेल्या केंद्रीय अर्थसंकल्पात महाराष्ट्राच्या रेल्वे प्रकल्पांसाठी १३ हजार ५०० कोटी रूपयांच्या निधींची तरतूद केली गेली आहे. ‘बुलेट ट्रेन’ प्रकल्पासाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सहकार्यामुळे आवश्यक मंजुरीचे काम पूर्णत्वास आले आहे.

अद्ययावत तंत्रज्ञानयुक्त आणि सुविधापूर्ण असणाऱ्या मुंबई ते सोलापूर आणि मुंबई ते साईनगर शिर्डी या दोन ‘वंदे भारत’ रेल्वेची सुरूवात झालेली आहे. येत्या काळात अधिक संख्येने ‘वंदे भारत’ रेल्वे गाड्या धावतील.

रेल्वे आधुनिकीकरण आणि विस्तारीकरणासाठी प्रधानमंत्री यांचे योगदान महत्त्वपूर्ण – उपमुख्यमंत्री देवेंद्र फडणवीस

प्रधानमंत्री नरेंद्र मोदी यांनी केंद्रीय अर्थसंकल्पामध्ये महाराष्ट्रासाठी भरीव तरतूद केली आहे. महाराष्ट्रातील रेल्वे विकासासाठी १३ हजार ५०० कोटी रुपयांची तरतूद केली आहे. यामध्ये राज्यातील १२४ रेल्वे स्थानकांचा विकास करण्यात येणार आहे. नाना शंकरशेठ यांनी पहिली रेल्वे सुरू केली होती आणि त्याची नोंद इतिहासात घेतली गेली आहे. त्याचप्रमाणे रेल्वे आधुनिकीकरण आणि विस्तारीकरणासाठी प्रधानमंत्री नरेंद्र मोदी यांचे योगदान महत्त्वपूर्ण असल्याचे उपमुख्यमंत्री श्री. फडणवीस यांनी सांगितले. मुंबई ते सोलापूर आणि मुंबई ते साईनगर शिर्डी शहरांदरम्यान धावणारी वंदे भारत एक्स्प्रेस गतीने धावेल आणि महाराष्ट्रातील जनतेला आणि भाविकांना आनंद मिळेल. मुंबई आणि पुणे यासह अनेक शहरांना जोडण्यासाठी वंदे भारत एक्स्प्रेस सुरू करण्यात आल्याने याचा लाभ व्यापारी, विद्यार्थी, नोकरदार, शेतकरी, सामान्य नागरिकांना होणार आहे. ‘वंदे भारत’ एक्सप्रेस मधून प्रवास करणाऱ्या विद्यार्थ्यांशी प्रधानमंत्री नरेंद्र मोदी यांनी संवाद साधला. यावेळी एका विद्यार्थिनीने वंदे भारत वर रचलेल्या संस्कृत कवितेचे प्रधानमंत्र्यांनी कौतुक केले.

वंदे भारत एक्सप्रेस गाडीविषयी

• आरामदायी आणि आनंददायी रेल्वे प्रवास हे वंदे भारत एक्स्प्रेसचे वैशिष्ट्य
• वंदे भारत एक्सप्रेमसमध्ये ऑन-बोर्ड वाय-फाय इन्फोटेनमेंट, जीपीएस आधारित प्रवासी माहिती प्रणाली, प्लश इंटिरियर्स, झोपण्यायोग्य आसने, टच फ्री सुविधांसह बायो व्हॅक्यूम टॉयलेट्स, एलईडी प्रकाश योजना, प्रत्येक सीटच्या खाली चार्जिंग पॉइंट्स, वैयक्तिक स्पर्श आधारित रीडिंग लाइट आणि कनसिंल्ड रोलर पडदे, ‘आधुनिक मिनी-पॅन्ट्री’ आणि चालक दलाशी संवाद साधण्याकरिता प्रवाशांसाठी ‘इमरजन्सी टॉक-बॅक’ युनिट कार्यान्वित
• उत्तम उष्णता वायुविजन आणि जंतूमुक्त हवेच्या पुरवठ्यासाठी अतिनील दिव्यांसह वातानूकुलित प्रणाली सारख्या उत्कृष्ट प्रवासी सुविधा
• इंटेलिजेंट वातानूकुलित प्रणाली हवामान परिस्थितीनुसार कूलिंग समायोजन
• स्वदेशात तयार झालेली सेमी-हाय स्पीड सेल्फ प्रोपेल्ड ट्रेन सेट,१६० किमी प्रति तास वेग गाठण्याची वेळ १२९ सेकंद
• प्रवाशांसाठी ३.३ (राइडिंग इंडेक्स) सह उत्तम आरामशीर प्रवास
• स्वयंचलित प्लग दरवाजे आणि टच फ्री स्लाइडिंग दरवाजे
• एक्झिक्युटिव्ह क्लासमध्ये रिव्हॉल्विहंग सीट्स
• GSM/GPRS द्वारे नियंत्रण केंद्र / देखभाल कर्मचाऱ्यांना एअर कंडिशनिंग, कम्युनिकेशन आणि फीडबॅकचे निरीक्षण करण्यासाठी कोच नियंत्रण व्यवस्थापन प्रणाली
• जंतूमुक्त हवेच्या पुरवठ्यासाठी अतिनील दिव्यासह उच्च कार्यक्षमतेच्या कॉम्प्रेसरचा वापर करून उत्तम उष्णता वेंटिलेशन आणि एअर कंडिशनिंग नियंत्रण
• वातानुकूलित हवेच्या ध्वनीरहित आणि समान वितरणासाठी विशेष वातानुकूलित डक्ट
• दिव्यांगजन प्रवाशांसाठी विशेष शौचालय
• टच फ्री सुविधांसह बायो व्हॅक्यूम टॉयलेट
• ब्रेल अक्षरांमध्ये सीट क्रमांकासह आसन हँडल
• प्रत्येक कोचमध्ये ३२ प्रवासी माहिती आणि इन्फोटेनमेंट सिस्टीम
• उत्तम ट्रेन नियंत्रण व्यवस्थापनासाठी स्तर –।। संरक्षा एकीकृत प्रमाणपत्र
• प्रमाणपत्रासह कवच प्रणाली (ट्रेन कोलिजन अवॉयडन्स सिस्टीम) सुरू
• प्रत्येक कोचमध्ये आपत्कालीन प्रकाश व्यवस्था,अग्निशमन सुरक्षा उपाय
• ४ प्लॅटफॉर्म साइड कॅमेरे ज्यात डब्याच्या बाहेर मागील दृश्य कॅमेरे
• सर्व डब्यांमध्ये फायर डिटेक्शन आणि सप्रेशन सिस्टीम व इलेक्ट्रिकल क्यूबिकल्स आणि टॉयलेटमध्ये एरोसोल आधारित फायर डिटेक्शन आणि सप्रेशन सिस्टीम यांसारखे उत्तम
• प्रत्येक कोचमध्ये ४ आपत्कालीन खिडक्या
• इमर्जन्सी टॉक ‌‌बॅक युनिट्स
• व्हॉइस रेकॉर्डिंग सुविधेसह ड्रायव्हर-गार्ड संवाद
• अंडर- स्लंग इलेक्ट्रिकल उपकरणांसाठी उत्तम फ्लड प्रूफिंग ज्यात ६५० मिमी पूर पाण्यामध्ये काही होणार नाही

मुंबई – सोलापूर वंदे भारत एक्सप्रेस ट्रेन ठळक वैशिष्ट्ये

• मुंबई ते सोलापूर अशी धावणारी ही देशातील ९वी वंदे भारत ट्रेन
• आर्थिक राजधानीला महाराष्ट्रातील कापड आणि हुतात्मा शहराशी जोडणार
• सोलापूरमधील सिद्धेश्वर, अक्कलकोट, तुळजापूर, सोलापूरजवळील पंढरपूर आणि पुण्याजवळील आळंदी यांसारख्या तीर्थक्षेत्रांशी जलद कनेक्टिव्हिटी
• या मार्गावर सध्या कार्यान्वित असलेल्या सुपरफास्ट ट्रेनला ७ तास ५५ मिनिटे लागतात, तर वंदे भारतला ६ तास ३० मिनिटे लागणार, यामुळे प्रवाशांचा दीड तास वाचणार
• जागतिक वारसाला तीर्थक्षेत्र,टेक्सटाईल हबशी जोडणार
• पर्यटन स्थळे आणि शैक्षणिक हब पुणे यांना चालना मिळणार
• भोर घाटातील खंडाळा लोणावळा घाट विभागात बँकर इंजिनशिवाय ३७ मीटरला १ मीटर घाट चढणारी पहिली वंदे भारत ट्रेन

मुंबई साईनगर शिर्डी वंदे भारत एक्सप्रेस ट्रेन ठळक वैशिष्ट्ये

• ही देशातील १० वी वंदे भारत ट्रेन
• छत्रपती शिवाजी महाराज टर्मिनस आणि साईनगर शिर्डी दरम्यान जलद कनेक्टिव्हिटी
• आर्थिक राजधानीला महाराष्ट्रातील तीर्थक्षेत्रांशी जसे की नाशिक, त्र्यंबकेश्वर, साईनगर शिर्डीला जोडले जाणार
• थळ घाट म्हणजे कसारा घाट विभागात बँकर इंजिनशिवाय ३७ मीटरला १ मीटर घाट चढणारी पहिली वंदे भारत ट्रेन