मेट्रो-उदघाटने करतांना, “मेट्रो स्टेशन्स पार्किंग सुविधांची” मोदीं नी दखल घ्यावी..!

पुणे – जाहिरातदार संस्थांच्या फलकांवरील ‘विविध ऊत्पादकांच्या जाहीरातींचे करारनामे चालु असतांना, अरेरावीने, होर्डिंग्ज व्यवसाईकांना न विचारता होर्डिंग्जच्या लॅाक सिस्टीम मधील लोखंडी कापून मोदींच्या स्वागताचे फ्लेक्स लावले गेले. मनपा प्रशासनातील अधिकारी व सेवकांच्या माध्यमातून मोदींच्या स्वागताचे अतिरेकी फ्लेक्स दादागिरीच्या पद्धतीने ,अतिक्रमणे करून लावल्याचा आरोप काँग्रेसचे राज्य प्रवक्ते गोपाळ तिवारी यांनी केला.

पंतप्रधान मोदी यांनी उद्घाटन केलेल्या “१०० स्मार्ट सिटी प्रकल्पातील ‘पुणे शहराचा’ व मेट्रोचे उदघाटन केलेल्या ‘मेट्रो स्टेशन्स च्या पार्किंग सुविधांचा’ मागोवा व माहीती पंतप्रधान मोदी जींनी घेण्याची मागणी ही तिवारी यांनी येथे केली. मेट्रो स्टेशन्स जवळ “खाजगी वाहनांच्या पार्किंग ची किमान सोय ही नसेल” तर मेट्रोचा वापर पुणेकर नागरीक कसा करणार असा सवाल देखील केला. शहरातील वहातुक कोंडी व प्रदुषण कमी करण्यासाठी दिल्ली प्रमाणे मेट्रो सेवेचा वापर जर लोकांनी जास्तीत जास्त करावा असे वाटत असेल तर त्या प्रमाणात मेट्रो_स्टेशन्स जवळ ‘किमान पार्किंगची सुविधा’ मात्र करण्यात आली नाही हे अदुरदर्शीपणा नियोजन शुन्यतेचेच हे लक्षण असल्याची टिका त्यांनी केली.
तसेच,भाजपचे सत्ताधारी नेते दबावतंत्राचा वापर करीत,मनपा आयुक्त व प्रशासनावर दबाव आणून, मनपा कडून जाहिरातदार संस्थांच्या फलकांवरील ‘विविध ऊत्पादकांच्या जाहीरातींचे करारनामे चालु असतांना, अरेरावीने, होर्डिंग्ज व्यवसाईकांना नविचारता होर्डिंग्जच्या लॅाक सिस्टीम मधील लोखंडी कापून मोदींच्या स्वागताचे फ्लेक्स लावले गेले. मनपा प्रशासनातील अधिकारी व सेवकांच्या माध्यमातून मोदींच्या स्वागताचे अतिरेकी फ्लेक्स लावल्याचा आरोप तिवारी यांनी केला, ते म्हणाले ,
होर्डिंग्ज व्यवसाईकांवर अरेरावीने, दडपशाहीने, मनपा – अघिकाऱ्यांच्या दमबाजीने या जाहीराती लावल्याचे समजते आहे. होर्डिंग्ज व्यवसाईक संघटनेच्या पदाधिकारी, सदस्यांमध्ये या नुकसानी विषयी तीव्र चिंता व नाराजी व्यक्त केली गेली.
“मोदी स्वागताची अतिरेकी आतषबाजी” करून, करोडोंच्या पैशांची ऊधळपट्टी करण्याचे व पुणे शहर विद्रुप करण्याचे काम भाजपने केले असल्याचा आरोप ही त्यांनी केला .

पुणे: तणावमुक्त जीवनासाठी भागवत कथेतील उपदेश उपयुक्त असून तरुणांनी भागवत कथा कार्यक्रमात सहभागी व्हावे आणि श्रीमद्भागवत कथेतील उपदेशाचे पालन करावे, असे आवाहन राज्यपाल रमेश बैस यांनी केले.

लोणावळा येथील नारायणी धाम येथे आयोजित श्रीमद्भागवत कथा कार्यक्रमात राज्यपाल श्री. बैस सहभागी झाले होते त्यावेळी ते बोलत होते. प.पू.स्वामी गिरीशानंद सरस्वती महाराज यावेळी उपस्थित होते.

राज्यपाल म्हणाले, मानव जीवन अनमोल आहे. भागवत कथेमुळे मानवी मनाचे शुद्धीकरण होऊन शांती आणि मुक्ती मिळते. सत्संगामुळे विवेक मिळतो आणि प्राणीमात्रांचा लौकिक व आध्यात्मिक विकास होतो. श्रीमद्भागवत कथेतील उपदेशाचे पालन केल्यास आणि उद्देशपूर्ण जीवनपद्धतीचा अंगिकार केल्यास युवकांना संयमी आणि सक्षम व्यक्तिमत्व घडविता येईल.

श्री गिरीशानंद सरस्वती महाराजांनी नर्मदा शुद्धीकरणासाठी मोठे कार्य केले आहे, असेही राज्यपाल यावेळी म्हणाले.

राज्यपाल महोदयांनी राजकीय आणि सामाजिक जीवनात समर्पण भावनेने कार्य केले असल्याचे गिरीशानंद सरस्वती महाराज म्हणाले. केंद्र शासनाने जाहीर केलेल्या नवीन शैक्षणिक धोरणाची त्यांनी प्रशंसा केली आणि नवीन शैक्षणिक धोरणाचे स्वागत केले.

पुणे : विद्यार्थ्यांना कंपन्यांमध्ये नोकरी करताना कोणती व कशी तयारी करावी, नोकरीसाठी आवश्यक कौशल्ये कशी विकसित करावीत, याबाबत मार्गदर्शन करण्यासाठी, तसेच त्यांच्यातील रोजगार क्षमता वाढवण्यासाठी विद्यार्थी साहाय्यक समितीमध्ये ‘पाथेय-प्लेसमेंट सेल ओरिएंटेशन प्रोग्राम : चुजींग युअर करिअर’ हा विशेष उपक्रम राबविण्यात आला.

समितीच्या डॉ. आपटे वसतिगृहात झालेल्या कार्यक्रमाला रोटरी क्लबचे अभय सावंत प्रमुख पाहुणे म्हणून उपस्थित होते. प्रसंगी समितीचे मुख्य कार्यकारी अधिकारी चंद्रकांत कुलकर्णी, समितीचे कार्यकर्ते राजेंद्र ततार, रोटरी क्लबचे उज्वल केले, विनीत जोशी, देविदास वाबळे, मिलिंद जोशी, शेखर आघारकर आदी उपस्थित होते.

अभय सावंत म्हणाले, प्रत्येक मनुष्य हा वेगळा असतो. त्यामुळे प्रत्येकाने आपल्या स्वतःला व स्वतःमधील क्षमतांना ओळखावे. नोकऱ्या मोठ्या प्रमाणात आहेत; पण कंपनी उत्तम मुलांच्या शोधात असते. कंपनीच्या आवश्यकतेनुसार तुम्हाला स्वतःमध्ये बदल करावे लागतील. पदवी आपल्याला नोकरी देणार नाही; ते केवळ पाया भक्कम करण्याचे काम करते. इंग्रजी ही वैश्विक व औद्योगिक भाषा आहे. त्यामुळे ती अवगत करणे आणि स्वतःला सतत अपग्रेड (अद्ययावत) करत राहणे गरजेचे आहे. पाश्चिमात्य अर्थव्यवस्थे सोबत त्यांच्या कार्यपद्धतीचा अवलंब करण्यावर भर हवा.”

उज्वल केले सर यांनी ‘पाथेय’ या उपक्रमाची संकल्पना सांगितली. ‘पाथेय’ या शब्दाचा अर्थ ‘जो मार्गस्थ होतो’ असा असल्याचे त्यांनी सांगितले. चंद्रकांत कुलकर्णी यांनी विद्यार्थी साहाय्यक समितीच्या कार्याविषयी माहिती दिली. सूत्रसंचालन अंगारकी मांडे हिने केले. ओंकार शिंदे या विद्यार्थ्याने आभार मानले.

पुणे,: वसंतराव नाईक विमुक्त जाती व भटक्या जमाती विकास महामंडळामार्फत विमुक्त जाती, भटक्या जमाती व विशेष मागास प्रवर्गातील नागरिकांसाठी राबविण्यात येत असलेल्या विविध योजनांचा लाभ घेण्याचे आवाहन करण्यात आले आहे.

महामंडळामार्फत बीज भांडवल योजना, वैयक्तिक कर्ज व्याज परतावा योजना, गट कर्ज व्याज परतावा योजना आणि थेट कर्ज योजनेचे पुणे जिल्ह्यासाठी चालू आर्थिक वर्षाचे उद्दिष्ट प्राप्त झाले आहे. त्यामुळे पात्र लाभार्थ्यांनी योजनेच्या लाभासाठी महामंडळाशी संपर्क साधावा.

२५ टक्के बीज भांडवल योजना: ही योजना राष्ट्रीयकृत बँका व जिल्हा मध्यवर्ती बँकाच्या माध्यमातून राबविण्यात येते. योजनेसाठी अर्जदाराचे वय १८ ते ५० वर्ष असावे. बँकांचा सहभाग ७५ टक्के असून व्याजदर बँकाच्या नियमाप्रमाणे लागू राहील. महामंडळाचा सहभाग २५ टक्के रकमेवर व्याजदर ४ टक्के आहे. या योजनेत महत्तम प्रकल्प मर्यादा ५ लाख रुपयेपर्यंतची आहे. अर्जदाराचे कौटुंबिक वार्षिक उत्पन्न शहरी भागाकरिता १ लाख रुपये तर ग्रामीण भागाकरिता ९८ हजार रुपयापर्यंत असावे.

वैयक्तिक कर्ज व्याज परतावा योजना: या योजनेमध्ये वैयक्तिक कर्ज व्याज परतावा योजनेंतर्गत महत्त्म कर्ज मर्यादा १० लाख रुपयांपर्यंत आहे. अर्जदाराचे वय १८ ते ५० वर्ष दरम्यान असावे, अर्जदाराचे कर्ज खाते आधारकार्ड लिंक असणे अनिवार्य आहे. महामंडळाच्या www.vjnt.in या संकेतस्थळावर नाव नोंदणी करणे अनिवार्य राहील. अर्जदार हा कोणत्याही बँकेचा थकबाकीदार नसावा. अर्जदाराने अर्ज करतेवेळी या प्रकल्पासाठी व यापूर्वी महामंडळाच्या किंवा इतर महामंडळाच्या कोणत्याही योजनेचा लाभ घेतलेला नसावा. कुटुंबातील एकावेळी एकाच सदस्याला कर्ज योजनेचा लाभ घेता येईल. कर्जरकमेचे हप्ते नियमित भरल्यास व्याजाची रक्कम (१२ टक्के मर्यादेत) व्याजपरतावा रक्कम अनुदान स्वरुपात लाभार्थ्याच्या बँक खात्यावर जमा करण्यात येईल.

गट कर्ज व्याज परतावा योजना: या योजनेकरिता कर्जाची मर्यादा १० लाख ते ५० लाख रुपयापर्यंत असून या योजनेअंतर्गत लाभ घेण्याकरिता नोंदणीकृत गट असावा. गटातील सदस्य हे विमुक्त जाती, भटक्या जमाती व विशेष मागास प्रवर्गातील असावेत. गटातील सदस्याचे वय १८ ते ४५ वर्ष पर्यंत असावे. गटातील लाभार्थीचे कर्ज खाते आधारकार्ड लिंक असणे आवश्यक आहे. गटातील प्रमुख सदस्याने महामंडळाच्या महामंडळाच्या www.vjnt.in या संकेतस्थळावर नाव नोंदणी करणे अनिवार्य राहील. गटातील सर्व लाभार्त्यांचे प्रमाणित वार्षिक कौटुंबिक उत्पन्न, नॉन क्रिमिलेअरकरिता असलेल्या कौटुंबिक उत्पन्न ८ लाखाच्या मर्यादेत असावे.

१ लाख रुपयांपर्यंत थेट कर्ज योजना: या योजनेमध्ये महामंडळाकडून १ लाख रूपयाचे थेट कर्ज दिले जाते. अर्जदाराचे वय १८ ते ५५ वर्ष दरम्यान असावे. अर्जदाराचे कौटुंबिक वार्षिक उत्पन्न शहरी भागाकरिता १ लाख रुपये तर ग्रामीण भागाकरिता ९८ हजार रुपयापर्यंत असावे. लाभार्थ्यांचा सहभाग निरंक राहील. नियमित 48 समान मासिक हप्त्यांमध्ये मुद्दल २ हजार ८५ रुपये परतफेड करणाऱ्या लाभार्थींना व्याज अदा करावे लागणार नाही. परंतु थकीत हप्त्यांवर दर साल दर शेकडा ४ टक्के व्याजदर आकारण्यात येईल.

पुणे जिल्ह्यातील इच्छुक लाभार्थ्यांनी अर्ज करण्यासाठी व अधिक माहितीसाठी वसंतराव नाईक विमुक्त जाती व भटक्या जमाती विकास महामंडळ (मर्या.) डॉ.बाबासाहेब आंबेडकर सामाजिक न्याय भवन, ‘बी’ विंग, तळमजला, मेंटल हॉस्पिटल कॉर्नर, येरवडा पुणे, दूरध्वनी क्रमांक ०२०- २९७०३०४९ येथे संपर्क साधावा, असे आवाहन जिल्हा व्यवस्थापक एस. आर. बडगुजर यांनी केले आहे.

पुणे-मेट्रो स्टेशनच्या नावावरून आक्षेप घेत , मागण्या करत आज शिवसेनेचे शहर अध्यक्ष संजय मोरे आणि शिष्टमंडळाने महापालिकेचे अतिरिक्त आयुक्त कुणाल खेमणार यांना धारेवर धरले . आणि यावेळी अतिरिक्त आयुक्त कुणाल खेमणार यांचेसोबत याविषयावर सविस्तर चर्चा केली . दोन तीन दिवसात पुणे मनपा आयुक्त, महामेट्रोचे अधिकारी आणि शिवसेना शिष्टमंडळ एकत्र चर्चा करून चांगला मार्ग काढू असे खेमनार यांनी शिष्टमंडळाला सांगितले.यावेळी पुणे शहरप्रमुख संजय मोरे, गजानन थरकुडे, महिला आघाडी शहरसंघटिका पल्लवी जावळे, कल्पना थोरवे, संगिता ठोसर, शहर संघटक विश्वास चव्हाण, राजेंद्र शिंदे, उपशहरप्रमुख प्रशांत राणे, आनंद गोयल, बाळा ओसवाल, विधानसभाप्रमुख योगेश मोकाटे, नितीन शिंदे, नितीन दरेकर, युवासेना शहर अधिकारी राम थरकुडे, युवराज पारीख, वैभव दिघे, सुशांत पोकळे, सागर दळवी, संदिप नवले, रूपेश थोपटे उपस्थित होते.

मोरे यांनी यावेळी आयुक्ताना दिलेल्या निवेदनात म्हटले आहे कि,’ छत्रपती शिवाजी महाराजांनी पुण्यनगरीत सोन्याचा नांगर फिरवून विकासाची नवी दिशा दिली. ती पुणे महापालिकेतील सत्ताधाऱ्यांनी व प्रशासनाने कधी आत्मसात करण्याचा साधा प्रयत्न केला नाही. परंतू अवहेलना मात्र आवर्जून केली. त्यात आणखी एक उदाहरण म्हणजे महामेट्रो स्थानकाला छत्रपतींचा एकेरी उल्लेख करून दिलेल्या नावाचा. पुणे शहरात छत्रपतींच्या नावाचा एकेरी उल्लेख करण्याची हिंमत येते कुठून ? वारंवार अशी मस्ती का होत आहे ? महामेट्रोच्या फुगेवाडी ते सिव्हिल कोर्टदरम्यान असणाऱ्या स्थानकाला शिवाजीनगर मेट्रो हे नाव देण्यात आले आहे. छत्रपती शिवाजी महाराज यांच्या नावाचा यातून एकेरी उल्लेख होत आहे. यावरून पुणेकर, महाराष्ट्रातील तमाम जनतेच्या भावना दुखावण्याचा महामेट्रो, पुणे मनपा, राज्य व केंद्र सरकार यांचा उद्देश स्पष्टपणे दिसत आहे. आपण आयुक्त या नात्याने सदर स्थानकाच्या नावामधे बदल करण्याच्या त्वरीत हालचाली करून नावातील अपभ्रंश टाळावा. मेट्रो स्थानकाला छत्रपती असा उल्लेख केल्याशिवाय त्याठिकाणी फलक लावून नये अशी शिवसेनेच्या वतीने आग्रहाची मागणी करण्यात येत आहे.पुणे शहरामध्ये मेट्रोचे काम पूर्णत्वास येत आहे. अनेक ठिकाणी मेट्रोचे स्टेशन तयार करण्यात आले आहे. मेट्रो स्टेशनचे नाव देताना सामाजिक, ऐतिहासिक बांधिलकीचा विचार करणे अत्यंत आवश्यक आहे. पुणे स्टेशन जवळील माता रमाई आंबेडकर पुतळा या ठिकाणी मेट्रोचे स्टेशन उभारण्यात आले आहे. सदरच्या मेट्रो स्टेशनला माता रमाई आंबेडकर असे नाव देण्यात यावे. या भागांमध्ये माता रमाई यांच्या नावे उद्यान आणि पुर्णाकृती पुतळा देखील आहे. त्यामुळे या भागातील ओळख माता रमाई नगर अशी आहे. तरी मेट्रो प्रशासनाने पुणे मनपा आयुक्तांमार्फत राज्य व केंद्र शासनाकडे पाठपुराव करून या स्टेशनला माता रमाई आंबेडकर मेट्रो स्टेशन असे नामकरण करावे. असे वेळेत १५ एप्रिल २०२३ रोजी पत्राद्वारे सुचविण्यात आले होते. यामुळे पुणे शहरातील अनेक आंबेडकर अनुयायी तसेच सर्व पुणेकर नागरिक आनंदित होतील व मेट्रो स्टेशनला एक सामाजिक व ऐतिहासिक ओळख मिळेल.परंतू महामेट्रोच्या व्यवस्थापनाने व पुणे महापालिकेने याबाबत काहीच पाठपुरावा केल्याचे दिसत नाही. सदर मेट्रो स्टेशनला रूबी हाॅल स्टेशन नाव देण्यात आले. ज्या रूबी हाॅल मधे किडनी रॅकेट चालवून रुग्णांच्या आरोग्याचा खेळखंडोबा केला. रूबी हाॅल देशात बदनाम झालेच त्याचबरोबर परदेशातही पुण्याची बदनामी झाली. असे नाव देउन महामेट्रो व पुणे मनपा काय साध्य करू इच्छिते ? या नावाबाबत पुनर्विचार होउन पुणेकरांच्या मागणीचा गांभीर्यपूर्वक विचार करून मेट्रो स्टेशनच्या नावात बदल करावा.तसेच आरटीओ शेजारील All India Shri Memorial Society कॉलेजच्या शेजारी मेट्रो स्टेशन आहे. या कॉलेजची स्थापना छत्रपती शाहू महाराज कोल्हापूर यांनी केली आहे. छत्रपती शिवाजी महाराजांच्या ऐतिहासिक पुतळ्याची उभारणी देखील या ठिकाणी छत्रपती शाहू महाराजांच्या पुढाकाराने पंडित जवाहरलाल नेहरू यांच्या हस्ते करण्यात आली आहे, त्यामुळे या वास्तूचे ऐतिहासिक महत्त्व आहे. मेट्रो स्टेशनचे नाव छत्रपती शाहू महाराज देणे योग्य होईल. कारण या भागामध्ये छत्रपती शाहू महाराजांनी शिक्षणाची व उच्च शिक्षणाची पायाभरणी याच कॉलेजमध्ये केली आहे. त्यामुळे सद्यस्थितीत त्या भागाला छत्रपती शाहू महाराजांची ओळख आहे महाराजांच्या ऐतिहासिक ओळखीमुळे या स्टेशनला जर छत्रपती शाहू महाराजांचे नाव देण्यात आले तर त्या स्टेशनला ऐतिहासिक महत्त्व प्राप्त होईल. असे सुचविण्यात आले होते. याठिकाणीही मंगळवार पेठ नाव दिले गेले आहे. या स्टेशनपासून मंगळवार पेठ दूर आहे. सदर स्टेशनच्या परिसराची ओळख मंगळवार पेठ नसून आरटीओ परिसर अशी आहे. महामेट्रो, पुणे मनपा, राज्य व केंद्र शासन यांना ऐतिहासिक वारसा व महापुरूषांची ओळख पुसून टाकायची आहे का ?वरील तिन्ही मेट्रो स्थानकाच्या नावातील बदलाचे प्रस्ताव हे पुणेकर नागरिकांची मागणी असून पुणे शहर शिवसेनेच्या वतीने आपणास निवेदनाद्वारे देण्यात येत आहे.यासंदर्भात लवकरात लवकर नवीन प्रस्ताव तयार करून संबंधित तिन्ही स्टेशनचे नाव अनुक्रमे छत्रपती शिवाजीमहाराज, माता रमाई आंबेडकर व राजश्री छत्रपती शाहू महाराज असे देण्यात यावे. समस्त पुणेकर नागरिक व शिवसेना वरील मागणीसाठी आग्रही आहे. याबाबत कोणत्याही राजकीय पक्षाचा अथवा सामाजिक संघटनेचा विरोध असेल असे वाटत नाही. मग शासन व प्रशासन एवढे उदासीन का आहे ?

पुणे – मनोहर उर्फ संभाजी भिडे याने राष्ट्रपिता महात्मा गांधी, महात्मा जोतिराव फुले आणि देशाचे पहिले पंतप्रधान पंडित जवाहरलाल नेहरू , व समाजसुघारक यांच्याबाबतीत केलेल्या गैरवक्तव्यांचा अजितदादांच्या राष्ट्रवादी काँग्रेसच्या वतीने जोरदार निदर्शने करुन निषेध करण्यात आला. भिडे याला या अवमानकारक वक्तव्याबद्दल अटक करुन कठोर कारवाई करण्यात यावी अशी मागणीही यावेळी करण्यात आली.
याप्रसंगी बोलताना दिपक मानकर म्हणाले भारताच्या स्वातंत्र्य लढ्यामध्ये महात्मा गांधी हे शेवटच्या श्वासापर्यंत या देशासाठी लढले या राष्ट्रपित्याचा अपमान आपण कोणीही सहन करू शकत नाही , संभाजी भिडे याचे खरे नाव मनोहर भिडे. हे असून ही व्यक्ती संभाजी हे नाव लावून जनतेची का फसवणूक करते याचा शोध धेणे निश्चितच गरजेचे आहे , सदर व्यक्तीस त्वरीत अटक व्हावी याकरीता आम्ही शासनाकडे मागणी करीत आहोत ह्यास त्वरीत अटक न झाल्यास आम्ही सदर व्यक्तीविरुद्ध गुन्हा दाखल करणार आहोत .

याप्रसंगी बोलताना प्रदिप देशमुख म्हणाले की, संभाजी भिडे याला राष्ट्रपुरुषांच्या बाबतीत अवमानकारक वक्तव्ये करण्याची खोड आहे. ही वक्तव्ये जाणिवपूर्वक केली जात असून याम माध्यमातून दोन समाजामध्ये दंगली घडविण्याचा प्रयत्न केला जात आहे. राज्य शासनाने याची अतिशय गंभीर अशी दखल घेऊन संभाजी भिडे याच्यावर कारवाई करणे गरजेचे आहे.
ते पुढे म्हणाले की, हा देश घडविणाऱ्या विचारधारेचा सतत अवमान करण्याची प्रवृत्ती घातक असून यामुळे देशाची एकता आणि अखंडता याला धोका निर्माण होत आहे.
यावेळी महात्मा गांधी अमर रहे , महात्मा ज्योतीबा फुलेंचा विजय असो व
गटारातले किडे … मनोहर भिडे
वळवळणारे किडे …. मनोहर भिडे
माथेफिरू भिडे ….. करतोय किडे
अटक करा अटक करा … मनोहर भिडे ला अटक करा या घोषणा देण्यात आल्या.
याप्रसंगी शहराघ्यक्ष दिपक मानकर ,रूपाली ठोंबरे, कार्याघ्यक्ष प्रदीप देशमुख , बाबा पटील , सौ पुनम पाटील , पुजा झोळे ,बाळासाहेब बोडके , बाबा धुमाळ , प्रिया गदादे , विनोद ओरसे ,संतोष नांगरे , अब्दुल सत्तार , विनोद पवार , शिवाजी पाडाळे , संतोष बेन्द्रे . सोनाली गाढे व इतर पदाधिकारी मोठ्या संख्येने उपस्थित होते.