पुणे, दि.१८: राज्याचे पर्यटन मंत्री मंगलप्रभात लोढा यांच्या हस्ते जुन्नर येथे श्री छत्रपती शिवाजी महाराज यांच्या जयंतीनिमित्त आयोजित हिंदवी स्वराज्य महोत्सवाचे उद्घाटन करण्यात आले.

यावेळी आमदार अतुल बेनके, माजी आमदार शरद सोनवणे, पर्यटन विभागाचे सचिव सौरभ विजय, पर्यटन संचालक बी.एन. पाटील, जिल्हा परिषदेचे मुख्य कार्यकारी अधिकारी आयुष प्रसाद, अपर जिल्हाधिकारी अजय मोरे, उप विभागीय अधिकारी सारंग कोडेलकर, पर्यटन सहसंचालक सुप्रिया करमरकर-दातार, जुन्नरचे तहसीलदार रवींद्र सबनीस, गट विकास अधिकारी शरदचंद्र माळी, नगर परिषदेचे मुख्याधिकारी मंगेश देवरे, माजी जिल्हा परिषद सदस्या आशा बुचके आदी उपस्थित होते.

पर्यटन मंत्री श्री. लोढा यांनी सुरुवातीला जुन्नरमधील श्री छत्रपती शिवाजी महाराज पुतळ्याच्या चबुतऱ्याजवळ महाराजांच्या पुतळ्यास पुष्पहार अर्पण करुन अभिवादन केले. ‘शिवजन्मभूमी जुन्नर’ या सेल्फी पॉईंटचेही यावेळी उद्घाटन करण्यात आले.

यावेळी शिवकालीन लोक संस्कृतीचे दर्शन घडविणाऱ्या ‘शिवकालिन गाव’चे उद्घाटन करण्यात आले. यामध्ये तत्कालीन गवताची घरे, लोहारकाम, कैकाडी, कुंभारकाम आदी व्यवसाय, आदिवासी तरपा नृत्य, वासुदेव, गोंधळी परंपरा, दांडपट्टा, तलवारबाजी आदी मर्दानी खेळांचे सादरीकरण करण्यात आले. या गावामध्ये बनविण्यात आलेली शिवकालीन बाजारपेठ आकर्षण उपस्थितांचे आकर्षण बनून राहिली. यामध्ये मंत्री लोढा यांनी बांबूची टोपली खरेदी केली. यावेळी तसेच http://www.hindaviswarajya.info/ या संकेतस्थळाचे अनावरण करण्यात आले. यावेळी मंत्री श्री. लोढा यांनी आदिवासी तरपा नृत्यामध्ये वाद्य हाती घेत फेर धरला.

यानंतर मंत्री श्री.लोढा यांनी शरद बुट्टे पाटील क्रीडांगण येथे बचत गट प्रदर्शन, महाशिवआरती कार्यक्रम होणाऱ्या ठिकाणी भेट दिली.

पुण्यात जोरदार निदर्शेने, महापालिका निवडणुका लांबविण्याच्या कृत्यामागेही आयोगाचा हाथ असल्याचा संशय

पुणे – सर्वोच्च न्यायालयात सुनावणी सुरू असताना देखील रात्रीत निवडणूक आयोगाच्या मार्फत मिंधे सरकारने शिवसेनेचे धनुष्यबाणावर घाला घातला. मिंधे सरकारने धनुष्य जरी चोरून नेले असले तरी सच्चा शिवसैनिक शिवसेना पक्ष प्रमुख उद्धव ठाकरे आणि मातोश्री बरोबर एकनिष्ठ आहे. भविष्यात मिंधे सरकारला त्यांची जागा दाखवल्या शिवाय सच्चा शिवसैनिक गप्प बसणार नाही, अशी संतप्त प्रतिक्रीय शिवसेनेच्या उद्धव बाळासाहेब ठाकरे गटाच्या पदाधिकार्‍यांनी व्यक्त केली.

निवडणूक आयोगाने काल (दि. १७) शिवसेना नाव आणि पक्षाचे चिन्ह असलेले धनुष्यबाण शिंदे गटाला देण्याचा निर्णय घेतला. निवडणूक आयोगाने घेतलेल्या या निर्णयामुळे शिवसेनेच्या पदाधिकार्‍यांमध्ये संतापाची लाट उसळळी असून, निवडणूक आयोगाच्या या निर्णयाच्या निशेधार्थ पुणे शहर शिवसेने (उद्धव बाळासाहेब ठाकरे गट) तर्फे झाशीची राणी लक्ष्मीबाई चौक येथे निदर्षने करण्यात आली. यावेळी शिवसेना (उद्धव बाळासाहेब ठाकरे गट) शहर प्रमुख संजय मोरे, गजानन थरकुडे, माजी नगरसेवक प्रशांत बधे, अशोक हरणावळ, विशाल धनवडे, उपशहरप्रमुख प्रशांत राणे, महिला शहर संघटिका पल्लवी जावळे, राजेंद्र शिंदे, प्रसिद्धी प्रमुख अनंत घरत, युवासेना शहर अधिकारी सनी गवते, राम थरकुडे, युवा शहर अधिकारी निकिता मारतकर ,युवराज पारीख, छाया भोसले, नंदू येवले, गजानन पंडित, परेश खंडके, तानाजी लोहकरे, मकरंद पेठकर, तेजस मर्चंट, विलास सोनवणे, राजेश मोरे, चंदन साळुंके, सुरज लोखंडे, युवराज शिंगाडे, करूणा घाडगे, वैजयंती फाटे, दिपाली राऊत, गायत्री गरुड, किरण शिंदे आदी यावेळी उपस्थित होते.

मोरे म्हणाले, आमदारांच्या अपात्रतेच्या प्रकरणात सर्वोच्च न्यायालयाचा निकाल आपल्या विरुद्ध लागू शकतो या भीतीपोटीच मिंधे सरकारने निवडणूक आयोगाला हाताशी धरून धनुष्यबाणावर घाला घातला आहे. कालच्या निर्णयानंतर प्रत्येक शिवसैनिक पटून उठला असून तो मातोश्री आणि उद्धव ठाकरे यांच्याशी एकनिष्ठ आहे. चिन्ह चोरणारे ४० चोर आणि भाजप यांना जमिनीत गाडल्या शिवाय सामान्य शिवसैनिक गप्प बसणार नाही. याची सुरूवात कसबा आणि चिंचवड पोटनिवडणुकी पासून करणार आहे. या पोटनिवडणुकीत मिंधे सरकार आणि भाजपला चारीमुंड्या चित केल्या शिवाय आम्ही शांत बसणार नाही.

थरकुडे म्हणाले, चिन्ह गेले म्हणून गळून जाणारे आम्ही लेचेपेचे शिवसैनिक नाही. आम्ही हिंदुहृदयसम्राट शिवसेना प्रमुख बाळासाहेब ठाकरे यांचे सैनिक आहोत. आगामी काळात या मिंधे सरकार आणि भाजपला त्यांची जागा दाखवून दिल्या शिवाय आम्ही गप्प बसणार नाही.

यावेळी ‘शिवसेना आमच्या ठाकरेंची : नाही गद्दारांच्या बापाची’, ‘उद्धव साहेब तुम आगे बढो, हम तुम्हारे साथ है’, ‘चिन्ह आणि नाव चोरणार्‍या गद्दारांचा धिक्कार असो’, ‘५० खोके एकदम ओके, ५० खोके माजले बोके’ अशा घोषणा शिवसैनिकांनी दिल्या.

पुणे दि. १८-केंद्रीय गृहमंत्री अमित शाह यांचे सीमा सुरक्षा दलाच्या विशेष विमानाने लोहगाव विमानतळ येथे आगमन झाले. त्यांच्या समवेत उपमुख्यमंत्री देवेंद्र फडणवीस,आमदार चंद्रशेखर बावनकुळे होते. पालकमंत्री चंद्रकांतदादा पाटील यांनी पुष्पगुच्छ देऊन श्री.शाह यांचे स्वागत केले.

यावेळी खासदार प्रकाश जावडेकर, आमदार माधुरी मिसाळ, माजी मंत्री पंकजा मुंडे, महानगरपालिका आयुक्त विक्रम कुमार, पोलीस आयुक्त रितेश कुमार, सीआरपीएफचे सहायक कमांडट सुबोध कुमार आदी उपस्थित होते.

केंद्रीय गृहमंत्री अमित शाह यांचे ऑक्सफर्ड विमानतळ येथे आगमन झाले. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी त्यांचे स्वागत केले. यावेळी पालकमंत्री चंद्रकांतदादा पाटील, आमदार चंद्रशेखर बावनकुळे, पिंपरी चिंचवड महानगरपालिका आयुकत् शेखर सिंह, पोलीस आयुक्त विनयकुमार चौबे आदी उपस्थित होते.

तत्पूर्वी मुख्यमंत्री श्री.शिंदे यांचे शिवछत्रपती क्रीडा संकुल बालेवाडी येथे आगमन झाले. पोलीस आयुक्त विनयकुमार चौबे यांनी त्यांचे स्वागत केले.

पुणे-

मुलींच्या पीजी वस्तीगृहात बळजबरीने शिरण्याचा प्रयत्न करणाऱ्या तरुणास अडवण्याचा प्रयत्न केल्याने टोळक्याने मॅनेजरसह वसतिगृहाच्या सुरक्षारक्षकास बेदम मारहाण केली. हा तरुण जेवणाचे पार्सल पोहचवण्यास गेला होता. पुण्यातील वडगावशेरी परिसरात ही घटना घडली. या प्रकरणी आरोपींवर गुन्हा दाखल करण्यात आल्याची माहिती पोलिसांनी शनिवारी दिली.

गणेश बाळासाहेब साबळे (वय 27) यांनी येरवडा पोलिस ठाण्यात दिलेल्या तक्रारीवरून आरोपी रोहन बाळू व त्याच्यासह इतर सहा अनोळखी मुलांवर गुन्हा दाखल करण्यात आला आहे. ही घटना 15 फेब्रुवारी रोजी रात्री पावणेदहा वाजण्याच्या सुमारास घडली.

पोलिसांनी दिलेल्या माहितीनुसार, तक्रारदार गणेश साबळे हे वडगावशेरी येथील ‘स्मार्ट लिव्ह इन पीजी’ (मुलींचे पीजी वसतिगृह) येथे मॅनेजर म्हणून काम करतात. घटनेच्या दिवशी एक डिलिव्हरी बॉय जेवणाचे पार्सल देण्यास आला होता. तो जबरदस्तीने मुलींच्या वसतिगृहात जाण्याचा प्रयत्न करू लागल्याने त्यास तेथील सुरक्षारक्षक दीपक मंडल याने अडवले. त्यावेळी तक्रारदार मॅनेजर तेथे आले असता, आरोपीने सुरक्षारक्षकास शिवीगाळ करत मारहाण केली. त्यामुळे मॅनेजर गणेश साबळे यांनी कानशिलात देवून आरोपीस तेथून जाण्यास सांगितले, याचा राग मनात धरून आरोपीने काही वेळाने त्याच्यासोबत सहा अनोळखी मुले घेऊन आला. त्यांनी पीजी वस्तीगृहाच्या पार्किंगमध्ये संगनमताने लाकडी दांडक्याने, हाताने मारहाण केली. यात मॅनेजरच्या डोक्याला व कानामागे दुखापत झाली. याप्रकरणी पुढील तपास येरवडा पोलिस ठाण्याचे सहाय्यक पोलिस निरीक्षक एम आळेकर करत आहेत.

पुणे-कसबा विधानसभा मतदारसंघ गेली ३० वर्षे विकासापासून वंचित राहिला आणि त्यास भाजपच जबाबदार आहे. कसब्याचा विकास आणि मतदारसंघातील नागरिक हे केंद्रबिंदू मानून कसब्याच्या विकासाचा ब्ल्यू प्रिंट मी तयार करणार असून त्यामध्ये स्थानिक नागरिक, गणेश मंडळे, प्रभागातील सर्व नगरसेवक, मनपा अधिकारी, आर्किटेक्ट आणि टाऊन प्लॅनिंगचे तज्ञ यांचा सहयोग घेणार आहेत. विकासाचा हा ब्ल्यू प्रिंट समोर ठेवून निर्धारित वेळेत कसब्याच्या विकासाची कामे पूर्ण करून घेण्यासाठी व त्यासाठी भरीव विकासनिधीची तरतूद करून घेण्यासाठी मी कसोशीने प्रयत्न करेन. असे, महाविकास आघाडीचे उमेदवार रवींद्र धंगेकर यांनी सांगितले. पदयात्रा संपल्यानंतर ते नागरिकांशी बोलत होते.

प्रभाग क्र. १७, रविवार पेठ-रास्ता पेठ येथून शुक्रवारी सायंकाळी ४ वाजता सुरेश कांबळे यांच्या कार्यालयापासून पदयात्रेस सुरुवात झाली. कॉंग्रेस, राष्ट्रवादी कॉंग्रेस, शिवसेना आणि शिवसेना उद्धव बाळासाहेब पक्ष आणि मित्र पक्षांचे झेंडे, धंगेकरांच्या कार्याचे फलक, फटाक्यांचा दणदणदणाट याबरोबरच ‘धंगेकर जिंदाबाद’, ‘महाविकास आघाडी जिंदाबाद’ या घोषणांसह पदयात्रेला प्रारंभ झाला.

या पदयात्रेत उमेदवार रवींद्र धंगेकर यांसमवेत माजी मंत्री बाळासाहेब शिवरकर, माजी आमदार आनंतराव गाडगीळ, लता राजगुरू, शिवा भोकरे, दिलीप पवार, जयसिंग भोसले, प्रवीण करपे, सुरेश कांबळे, मंगेश निरगुडकर, अरुण मालेगावकर, राजू शेख, राष्ट्रवादी कॉंग्रेस पक्षाचे शांतीलाल सुरतवाला, दत्ता सागरे, गणेश नलावडे, राजेंद्र मुळे, प्रसाद गावडे आणि शिवसेना उद्धव बाळासाहेब ठाकरे पक्षाचे विशाल धनवडे, राजेंद्र शिंदे, युवराज पारीख, गणेश शिंदे, योगेश हेंगरे, निलेश राऊत आदी नेते, पदाधिकारी व  कार्यकर्ते सहभागी झाले होते.

ही पदयात्रा पुढे क्रांतीचौक मार्गे- गौरी आळी- नेहरू चौक- सुभानशहा दर्गा- सतरंजीवाला चौक- तांबोळी मशीद- गोविंद हलवाई चौक- वीरेंद्र किराड ऑफिस- हमजेखान चौक मार्गे जाऊन गोकुळ वस्ताद तालीम येथे समाप्त झाली.

लोहियानगरमध्ये भव्य पदयात्रा

कसबा मतदार संघातील लोहिया नगर, टिंबर मार्केट हा दाट वस्तीचा भाग आहे. गेल्या अनेक वर्षांपासून भाजपाची सत्ता असूनदेखील या भागातील विकासाकडे दूर्लक्ष करण्यात आले आहे. खासदार, आमदार सत्तेत असूनदेखील विकास करु शकत नाही, त्यामुळे येथील जनता भाजपाला वैतागली आहे. भाजपावरील रोष म्हणून महाविकास आघाडीचे रविंद्र धंगेकर यांना मतदार एकहाती विजयी करतील. आमच्या भागातील थेट समस्या मांडणारा नेता आज आम्हाला मिळाला, असल्याच्या भावना नागरिकांनी आज लोहियानगर एकबोटे कॉलनी परिसरात पदयात्रेच्या वेळी व्यक्त केल्या.

काँग्रेस, राष्ट्रवादी काँग्रेस पक्ष, शिवसेना उद्धव बाळासाहेब ठाकरे व समविचारी पक्ष, महाविकास आघाडीचे उमेदवार रविंद्र  धंगेकर यांच्या प्रचारार्थ पदयात्रेची सुरुवात प्रभाग क्रमांक 19 मधील माजी राज्यमंत्री रमेश बागवे यांच्या कार्यालयापासून झाली. याप्रसंगी माजी राज्यमंत्री सतेज पाटील, आमदार संग्राम थोपटे, माजी राज्यमंत्री रमेश बागवे, आणि अविनाश बागवे यांच्या हस्ते उमेदवार रविंद्र धंगेकर यांचा सत्कार करण्यात आला. तसेच काँग्रेसच्या महिला पदाधिकार्‍यांनी धंगेकर यांचे औक्षण केले. पदयात्रेच्या प्रारंभी जेसीबीमधून धंगेकर यांच्यावर पुष्पवृष्टी करुन जोरदार स्वागत करण्यात आले. फटाक्याची आतषबाजी.. बँडपथकाचा दणदणाट…आणि घोषणांनी सारा परिसर दुमदुमन गेला होता. पदयात्रेमध्ये धंगेकर यांच्या समवेत माजी गृहराज्यमंत्री सतेज पाटील, आमदार संग्राम थोपटे, माजी राज्यमंत्री रमेश बागवे, कमलताई व्यवहारे, अविनाश बागवे, रफिक शेख, यासीर बागवे, विठ्ठल थोरात, जुबेर दिल्लीवाला, तौफिक मुलानी, अरुण गायकवाड,  सुनिल बावकर, दयानंद अडागळे, सुरेखा खंडागळे, चेतन अगरवाल, राष्ट्रवादी काँग्रेसचे गणेश नलावडे, शांतीलाल मिसाळ, युसुफ शेख, संजय  गायकवाड, विक्रम मोरे, राजेंद्र आलमखाने, प्रसाद गावडे, शिवसेना उद्धव बाळासाहेब ठाकरे पक्षाचे विजयाताई मोहिते, अनिल खैरे,  अनिल डांगी, मनोज यादव, कमलाकर बनसोड, रुपेश रुपवार, अनिकेत थोरात, सागर पेताडे अशा नेते, पदाधिकारी व  कार्यकर्ते तसेच महिलांचा यावेळी लक्षणीय सहभाग होता.

टिंबर मार्केट असोसिएशनच्या वतीने गणेश ओसवाल, अशोक राठोड, मोहन राठोड आणि सुरेश जैन यांनी धंगेकर यांचा शाल व श्री फळ देऊन स्वागत व सत्कार केला. त्याचबरोबर टिंबर मार्केट भागातील अनेक व्यापार्‍यांनी धंगेकर यांचे जोरदार स्वागत व सत्कार केला. टिंबर मार्केट व लोहिया नगर, घोरपडे पेठ, एकबोटे कॉलनी परिसरातील विविध गणेश मंडळ, सामाजिक संस्था, महिला नवरात्री महोत्सव, ज्येष्ठ नागरिक संघटनांनी धंगेकर यांचे स्वागत केले. तसेच या भागातील महिलांनी त्यांचे औक्षण करुन त्यांना पाठींबा दर्शविला. त्याचबरोबर या परिसरातील अनेक मुस्लिम भगिनींनी त्यांचे स्वागत केले. अखिल एकबोटे कॉलनी गणपती ट्रस्टच्या वतीने सन्मान करण्यात आला. राष्ट्रवादीचे युसूफभाई शेख यांच्या वतीने धंगेकर यांचे जोरदार स्वागत करण्यात आले. धंगेकर यांचा विजय असो, अशा घोषणा देत लोहिया नगर भागातील नागरिकांनी धंगेकर यांना खांद्यावर घेऊन त्यांचा जयघोष केला.  प्रभाग क्रमांक 19 मधील रमेश बागवे यांच्या कार्यालयापासून सुरु झालेली पदयात्रा राममंदीर, सुर्यकिरण मंडळ, अंजुमन चौक, लोहिया नगर, कल्याणकर पुल, भावसार मंगल कार्यालय मार्गे औंदुबर तरुण गणेश मंडळ येथे समारोप झाला.

पुणे-‘महाराष्ट्रालाच नाही तर देशाला दिशा देणारी ही निवडणूक असून कसब्यातील लोक हे धंगेकर यांनाच लोकमान्यता देतील व टिळकांच्या विचारधारेचा वारसा तेच पुढे नेतील’ असा विश्वास माजी मंत्री अमित देशमुख यांनी आज येथे व्यक्त केला.

कसबा विधानसभा मतदारसंघातील पोटनिवडणुकीसाठी महाविकास आघाडीचे उमेदवार रवींद्र धंगेकर यांच्या प्रचारार्थ दत्तवाडी येथे आयोजित करण्यात आलेल्या तीनही पक्षांच्या संयुक्त जाहीर सभेमध्ये ते बोलत होते. खासदार वंदना चव्हाण, आमदार संग्राम थोपटे, संजय जगताप, उमेदवार रविंद्र धंगेकर,माजी मंत्री रमेश बागवे, माजी मंत्री बाळासाहेब शिवरकर, उल्हास पवार, माजी आमदार मोहन जोशी, ,काँग्रेस पक्षाचे शहराध्यक्ष अरविंद शिंदे, राष्ट्रवादी काँग्रेसचे अध्यक्ष प्रशांत जगताप, पिंपरी चिंचवड काँग्रेसचे अध्यक्ष कैलास कदम, माजी महापौर अंकुश काकडे, दिप्ती चवधरी, रामहरी रूपनवर आदी यावेळी व्यासपीठावर होते.

देशमुख पुढे म्हणाले, दत्तवाडी या परिसरातील नागरिकांचे पुनर्वसन व त्यांना मालकी हक्क देण्याचे काम काँग्रेस व राष्ट्रवादी काँग्रेस या विचारधारेने केले आणि हीच विचारधारा जोपासण्याचे काम धंगेकर करीत आहेत. परिवर्तन करताना कसब्यातील  जनता याचा निश्चित विचार करेल. लातूर शहरात लोकमान्य टिळक यांच्या कर्तृत्वाचा ठसा उमटलेला असून कसबा व लातूरचे असलेले नाते दृढ करण्यासाठी मी येथे आलो असल्याचे त्यांनी नमूद केले. खासदार वंदना चव्हाण, अरविंद शिंदे, प्रशांत जगताप, शिवसेनेचे अशोक हरनावळ, रामहरी रुपनवर, अंकुश काकडे आदींची यावेळी भाषणे झाली.

दीपक म्हस्के यांनी सभेचे सूत्रसंचालन केले. माजी नगरसेविका प्रिया गदादे यांनी आभार मानले. सभेस नागरिकांची मोठी गर्दी होती.

कोपरा सभांना मोठा प्रतिसाद

केंद्रीय निवडणूक आयोगाने शिवसेना आणि धनुष्यबाण चिन्ह या संदर्भात जो निर्णय दिला त्यामुळे प्रचंड नाराज व अस्वस्थ झालेले सच्चे शिवसैनिक या निवडणुकीत त्वेषाने मतदान घडवून आणतील आणि महाविकास आघाडीचे उमेदवार रवींद्र धंगेकर यांच्यासारख्या कार्यकर्त्यास निवडून आणतील अशा तीव्र भावना कोपरा सभा मधील विविध वक्त्यांनी व्यक्त केल्या. तसेच धंगेकर हे सच्चे कार्यकर्ते असल्यामुळे जनमाणसात त्यांच्याबद्दल प्रेम आहे. आता भाजपाचा हा बालेकिल्ला महाविकास आघाडीच्या माध्यमातून राजकीयदृष्ट्या भुईसपाट होईल. असे मत व्यक्त होत राहिले.

कसबा विधानसभा मतदार संघातील महाविकास आघाडीचे उमेदवार रवींद्र धंगेकर यांच्या प्रचारार्थ कोपरा सभांना सुरुवात झाली. त्यात अनेक वक्त्यांनी हा सूर आळवला. पहिल्या दिवशी दिनांक. १७ रोजी सायंकाळी ५:०० वाजता कामगार मैदान, सायंकाळी ६:०० वाजता पवळे चौक आणि सायंकाळी ७:०० वाजता खजिना विहिर चौक येथे कोपरा सभा झाल्या.

कामगार मैदान येथील कोपरा सभेत निखील रांजणकर, चंद्रकांत मिठापल्ली, राजू शेख, राजेंद्र आलमखाने, मनिष आंदे, प्रशांत मिठापल्ली, राजेंद्र पडवळ, संतोष जोशी, संदीप आटपाळकर, पवळे चौक कोपरा सभेत दत्ता सागरे, राजू शेख, परवेज तांबोळी, गणेश भंडारी, राजेंद्र आलमखाने, शब्बीर शेख, इसाक शेख, साजीद तांबोळी, राजेंद्र देशमुख, हनमंत दगडे, नागेश खडके, मयूर भोकरे, पल्लवीताई जावळे, वनिताताई जगताप, संतोष जोशी आणि खजिना विहीर चौक कोपरा सभेत सुजाता शेट्टी, वैशाली मराठे, निताताई परदेशी, संगीता तिवारी, रोहन पायगुडे, फईम शेख, दादा बलकवडे, संतोष जोशी, अजिंक्य पालकर आदींनी भाषणे केली. याचे संयोजन राजूभाई शेख, राजेंद्र आलमखाने, ओम कासार, गणेश भंडारी यांनी केले.