पुणे-उद्धव ठाकरेंच्या शिवसेना गटाचे विभाग प्रमुख मकरंद केदारी यांनी काल एकनाथ शिंदेंच्या शिवसेनेत प्रवेश केला . शिवसेना पक्षाचे मुख्य प्रतोद आ.भरतशेठ गोगावले व शहर प्रमुख प्रमोद नाना भानगिरे यांच्या उपस्थितीत जाहीर प्रवेश केला,पुणे शहरात शिवसेनेत विविध पदाधिकाऱ्यांचा येण्याचा ओघ वाढला असून यामुळे इतर पक्षात अस्वस्थता वाढली आहे वानवडी परिसरातील उबाठा गटाचे विभाग प्रमुख मकरंद केदारी यांनी महाराष्ट्र राज्याचे मुख्यमंत्री लोकनेते एकनाथ शिंदे यांच्या नेतृत्वावर विश्वास ठेवून पुण्यातील शिवसेनेचे संघटन बळकट करण्यासाठी पक्षात प्रवेश केल्याचे सांगितले,शहरात शिवसेनेची ताकद वाढत असून दरम्यानच्या काळात पुणे महानगरपालिकेचे काही माजी नगरसेवक व इतर पक्षाच्या पदाधिकाऱ्यांनी शिवसेनेत प्रवेश करून पक्ष संघटन बळकट केले आहे,राज्याचे मुख्यमंत्री एकनाथ शिंदे यांचे पुण्याच्या विकासासाठी सातत्याने लक्ष असून पुण्यासाठी कोणत्याही गोष्टीची कमी पडू देणार नाही असा शब्द दिल्याचे शिवसेनेचे शहरप्रमुख प्रमोद नाना भानगिरे यांनी सांगितले,यावेळी पक्षाचे मुख्य प्रतोद आ.भरतशेठ गोगावले यांनी विभाग प्रमुख मकरंद केदारी यांना शुभेच्छा देतांना एक खंदा शिवसैनिक शिवसेनेत परत आल्याची भावना व्यक्त केली, शिवसेनेचा आत्मा हा शिवसैनिक असून शिवसेनेकडे त्याचा ओढा कायम राहील असेही ते म्हणाले,यावेळी शहर प्रमुख प्रमोद नाना भानगिरे, शहर प्रवक्ते अभिजीत बोराटे व असंख्य शिवसैनिक मोठया संख्येने उपस्थित होते

ज्येष्ठ साहित्यिक प्र. के. अत्रे यांच्या 125 व्या जन्मशताब्दीचा प्रारंभ

पुणे ः संयुक्‍त महाराष्ट्र आणि मराठी भाषेकरीता  आचार्य अत्रे यांनी आपल्या शेवटच्या श्‍वासापर्यंत काम केले. मुंबई महाराष्ट्रापासून वेगळी करण्याचा कुटील डावदेखील ?त्यांनी हाणून पाडला.  प्रतिभावंत, बहुआयामी आणि निर्भिड आचार्य अत्रे यांचे विचार, साहित्य पुढील पिढीपर्यंत पोहचले पाहिजे, असे मत ज्येष्ठ कलाकार श्रीधर व्यंकटेश उर्फ बाबुराव कानडे यांनी व्यक्‍त केली. आचार्य अत्रे यांच्या योगदानामुळे मुंबई महाराष्ट्रात आहे. त्याच मुंबईत त्यांचे स्मारक राज्य शासनाने उभारावे अशी मागणी यावेळी त्यांनी केली.संवाद, पुणे व कोहिनूर ग्रुप यांच्या संयुक्‍त विद्यमाने आयोजित ज्येष्ठ साहित्यिक प्र. के. अत्रे यांच्या 125 व्या जन्मशताब्दीचा प्रारंभ रविवारी करण्यात आला. या निमित्ताने गेल्या 50 हून अधिक काळ आचार्य अत्रे यांच्या स्मृती जतन करणार्‍या आणि जिवंत ठेवणार्‍या श्रीधर व्यंकटेश उर्फ बाबुराव कानडे यांचा ‘प्र. के. अत्रे कोहिनूररत्न पुरस्कार’ साहित्य संमेलनाचे अध्यक्ष डॉ. लक्ष्मीकांत देशमुख व  सिक्किमचे माजी राज्यपाल व खासदार श्रीनिवास पाटील यांच्या हस्ते देऊन गौरव करण्यात आला. सन्मापत्र, पुणेरी पगडी, शाला व पुष्पगुच्छ देण्यात आले. यावेळी प्रमुख पाहुणे म्हणून कोहिनूर ग्रुपचे कृष्णकुमार गोयल उपस्थित होते. ‘संवाद’चे सुनील महाजन, निकिता मोघे, विजय कोलेते, पंडित वसंतराव गाडगीळ उपस्थित होते.आज झालेला सत्कार हा माझा नसून आचार्य अत्रे यांचा आहे. माझ्या 50 वर्षाची दखल पुणेकरांनी घेतली, यांचा आनंद आहे, अशा भावाना कानडे यांनी व्यक्‍त केल्या. ते पुढे म्हणाले, अत्रे यांनी महाराष्ट्राला हसवायला शिकविले. त्यांनी केलेला मराठी भाषेचा जागर वर्षभर विविध उपक्रमाने त्यांच्या साहित्य, विचारांची महाराष्ट्रभर जनजागृती करणार आहे. मुंबईत आचार्य अत्रे यांचे स्मारक होण्यासाठी प्रयत्न करणार असल्याचे कानडे यांनी सांगितले.डॉ. लक्ष्मीकांत देशमुख म्हणाले, संयुक्‍त महाराष्ट्राच्या चळवळीत अत्रे यांचे मोठे योगदान आहे. कर्नाटकातील बेळगाव, कारवार मधील मराठी भाषा टिकविण्यासाठी आपल्याला प्रयत्न करावा लागणार आहे. अत्रे यांनी प्रत्येक टप्प्यात विविध कामे केली. आदर्श शिक्षक, पत्रकार, लेखक अशा बहुआयामी निर्भिड व्यक्‍तीमत्व महाराष्ट्राला मिळाले. स्त्रीमुक्‍तीसाठीदेखील त्यांनी कामे केली.  सीमा भाषिकांसाठी, मराठीसाठी, तसेच मराठी कायदा करण्याठी आपण चळवळ उभी केली पाहिजे. महाराष्ट्र जरी झालेला असला तरी बेळगाव, कारवारसह सीमा भागातील सुमारे 750 मराठी भाषिक गावे महाराष्ट्रात आलेली नाहीत. या सर्व गावातील मराठी भाषा जीवंत ठेवण्यासाठी काम करून अत्रे यांचे अर्धवट राहिलेले काम पूर्ण करण्याचा निर्धार करणे हीच अत्रे यांना खरी आदरांजली ठरेल.श्रीनिवास पाटील म्हणाले, आचार्य अत्रे यांना जवळून पाहण्याचा योग मला आला. मराठी माणसाठी अवघे जीवन त्यांनी वाहून दिले होते. त्यांचे कार्य विचार आपण पुढे नेला पाहिले. अत्रे यांची स्मृती जपण्यासाठी अत्रे यांचे साहित्यांचा अभ्यास करायला हवा. अत्रे यांनी सातारा येथील साहित्य संमेलनातील अत्रे यांचा आम्ही एकाचे दोन करणा-यापैकी नाहीत हा प्रत्यक्ष अनुभलेला प्रसंग सांगितला. इथे अत्रे यांच्या स्मृती गेली ५० वर्षे जीवंत ठेवणा-यालाही आज श्रीधर व्यंकटेश नव्हे तर बाबूचराव कानडे म्हणूनच ओळखले जाते हा योगायोन नसून ती अत्रे याच्या केलेल्या सेवेचे फळ म्हणून कानडे यांना मिळालेले आहे.कृष्णकुमार गोयल म्हणाले, पुणे ही सांस्कृतिक राजधानी आहे, या राजधानीत महाराष्ट्रासाठी योगदान देणारे व्यक्‍तीमत्वांच्या विचारांचा प्रचार-प्रसार करणार्‍यांचा  सन्मान झाला पाहिजे. गेल्या अनेक  वर्षांपासून  ‘संवाद’च्या  वतीने महाराष्ट्राती नामवंत साहित्यिक, कलाकार लेखकांच्या जन्मशताब्दिनिमित्त उपक्रम राबवून विचार पोहचवित आहे. अत्रे यांचे विचार पोहचविण्यासाठी काम हाती घेण्याची गरज आहे. सुनिल महाजन प्रस्ताविकात म्हणाले, गेली 30 ते 40 वर्षांपासून सांस्कृतिक उपक्रम राबविण्यात येत आहे. कलाकार, लेखक, साहित्यिक कार्याचा विचार आम्ही उपक्रमातून पोहचवितो. कार्यक्रमाचे सुत्रसंचालन डॉ. विनिता आपटे यांनी केले. तर निकिता मोघे यांनी आभार मानले. कार्यक्रमानंतर आचार्य अत्रे यांच्या साहित्यावर आधारित ‘बहुआयामी अत्रे’  दृकश्राव्य कार्यक्रम डॉ. विनिता आपटे व वारजे शाखेच्या मसापच्या अध्यक्षा माधुरी वैद्य यांनी सादर केला. यामध्ये अत्रे यांचे नाटकांतील प्रवेश, गाणी, कविता, नाटके व चित्रपटातील विविध विनोदी किस्से  सांगून त्यांनी आचार्च अत्रे यांनी उलगडे. त्यांच्या जीवनाचे विविध टप्पे, किस्से, विनोद सांगून अत्रे यांचा काळ कार्यक्रमातून उलगडण्यात आला. 

पुणे : भारत माता की जय… च्या जयघोषात तब्बल ४०३ महिला व पुरुषांनी फेटे बांधून महाराष्ट्राच्या संस्कृतीचे दर्शन घडविण्यासोबतच एकाच ठिकाणी सर्वाधिक फेटे बांधण्याचा इंडिया बुक आॅफ रेकॉर्डस मध्ये विक्रम प्रस्थापित केला. महाराष्ट्रीयन लेडीज असोसिएशनतर्फे या आगळ्यावेगळ्या उपक्रमाचे आयोजन करण्यात आले होते. पारंपरिक वेशभूषेत मोठया संख्येने सहभागी झालेल्या महिलांसह उपस्थितांनी राष्ट्रगीताचे समूहगान करीत राष्ट्रभक्तीचा संदेश देखील दिला.
डेक्कन जवळील हॉटेल सेंट्रल पार्क येथे हा विक्रम करण्यात आला. इंडिया बुक आॅफ रेकॉर्डसच्या पुणे विभागाच्या प्रमुख चित्रा जैन यांनी असोसिएशनच्या संस्थापिका अभिलाषा बेलुरे यांना प्रमाणपत्र प्रदान केले. यावेळी असोसिएशनच्या अपूर्वा पाटकर, विजया वाटेकर, गायत्री अकोलकर, सविता पवार, आरती कुटुंबे, प्रमुख पाहुण्या डॉ. प्रीती देशमुख आणि डॉ प्रेरणा बेराकी यांसह इतरही सदस्य उपस्थित होते.

चित्रा जैन म्हणाल्या, एकाच ठिकाणी सर्वाधिक फेटे बांधण्याचा विक्रम महाराष्ट्रीयन लेडीज असोसिएशने पुण्यामध्ये केला आहे. तब्बल ४०३ फेटे अवघ्या ५९ मिनिटांमध्ये बांधण्यात आले आहेत. यामाध्यमातून स्त्री सक्षमीकरणाचा संदेश देखील देण्यात आला. आज महिला प्रत्येक क्षेत्रात आघाडीवर आहेत. त्यामुळे महिलांना एकत्रित करुन मराठमोळ्या संस्कृतीचे दर्शन घडविणारा हा आगळावेगळा उपक्रम होता.
अभिलाषा बेलुरे म्हणाल्या, प्रत्येकाला ११ ते १३ फूट लांबीचा फेटा घालण्यात आला. फेटे बांधण्याकरिता ६ पुरुष कारागिर होते. पुण्यासह मुंबई, सातारा,लातूर उस्मानाबाद, नगर यांसह विविध शहरांतून नागरिक सहभागी झाले होते. मराठमोळ्या संस्कृतीचे संवर्धन करण्याचा संदेश देण्यासोबतच राष्ट्रभक्ती प्रत्येकामध्ये रुजावी, याकरिता हा विक्रम करण्यात आला. याशिवाय दोन दिवसीय राखी व फेस्टिव एक्झिबिशनचे देखील आयोजन करण्यात आले होते. यामध्ये महिलांनी मोठया संख्येने सहभाग घेतला.

पुणे : बाजीराव पेशव्यांचा विजय असो… नानासाहेब पेशव्यांचा विजय असो… भालचंद्र नेमाडे यांचा धिक्कार असो…अशा घोषणा देत हिंदू म्हणून जगण्याची अडगळ वाटते का? असा प्रश्न करीत नेमाडे  यांच्या पेशव्यांविषयीच्या वादग्रस्त विधानाचा निषेध करण्यात आला. यावेळी प्रतिकात्मक पद्धतीने जोडे मारो आणि पुस्तकांची होळी  करण्यात आली.

थोरले बाजीराव पेशवे प्रतिष्ठानच्या वतीने ज्ञानपीठ पुरस्कार प्राप्त साहित्यिक डॉ.भालचंद्र नेमाडे यांच्या पेशव्यांबाबत केलेल्या वादग्रस्त विधानाबद्दल पूना हॉस्पीटल जवळील श्रीमंत नानासाहेब पेशवे समाधीस्थळ येथे निषेध सभेचे आयोजन करण्यात आले होते. यावेळी माजी आमदार मेधा कुलकर्णी, इतिहासतज्ञ जगन्नाथ लडकत, मकरंद माणकिकर, पेशव्यांच्या वंशज आदिती अत्रे, प्रतिष्ठानचे सचिव कुंदनकुमार साठे,  चिंतामणी क्षीरसागर, श्रीकांत नगरकर, ब्राह्मण महासंघाचे आनंद दवे, परशुराम सेवा संघाचे अध्यक्ष विश्वजीत देशपांडे उपस्थित होते.

मेधा कुलकर्णी म्हणाल्या, नेमाडे आणि त्यांच्यासारखी थोर महापुरुषांबद्दल वादग्रस्त  वक्तव्य करणारे लोक हे समाजातील लोकांची मने बोथट करण्याचे काम करीत आहेत. ब्राह्मण वर्गाने बुध्दी आणि ज्ञानासोबत शक्तीची उपासना केली पाहिजे. नेमाडे यांना त्यांच्या घरी जाऊन अज्ञान पिठाचा पुरस्कार द्यायला हवा.

दुसऱ्या कोणत्याही समाजावर असे शाब्दिक हल्ले झाले असते, तर त्या त्या समाजाने ते सहन केले असते का? आम्हाला सर्व राष्ट्र पुरुषांबद्दल अभिमान आहे. समजतील सर्व लोक जेव्हा एक होऊ तेव्हा यांची जिरेल. वादग्रस्त विधान करणाऱ्यांना  हिंदू म्हणून अडगळ वाटते का असा सवाल ही मेधा कुलकर्णी यांनी केला.

कुंदनकुमार साठे म्हणाले, साहित्यिक डॉ.भालचंद्र नेमाडे यांनी इतिहासाची मोडतोड करुन चुकीचा इतिहास मांडून क्रूरकर्मा औरंगजेबाच्या केलेल्या उदात्तीकरणाबद्दल तसेच पराक्रमी पेशव्यांबद्दल वादग्रस्त विधान केले. हे अत्यंत निषेधार्ह आहे. थोर महापुरुषांच्या विषयी केलेल्या वक्तव्यासाठी निषेध सभा घ्यावी लागते हे आपले दुर्दैव आहे, अशी खंतही साठे यांनी व्यक्त केली. जगन्नाथ लडकत आणि विविध संस्थांच्या पदाधिकाऱ्यांनी मनोगते व्यक्त केली.

पुणे – पुणे जिह्यामधील नामांकित शिक्षण संस्था पिंपरी चिंचवड एज्युकेशन ट्रस्ट आणि वर्ल्डलाइन ग्लोबल या आंतरराष्ट्रीय कंपनीमध्ये नुकताच सामंजस्य करार करण्यात आला. वर्ल्डलाइन ग्लोबल कंपनीचा जगभर ४० देशांमध्ये विस्तार असून १८००० पेक्षा जास्त कर्मचारी कार्यरत आहेत आहे. या करारामुळे पीसीईटीच्या चारही अभियांत्रिकी महाविद्यालयातील सर्व शाखेतील विद्यार्थी व प्राध्यापकांना प्रशिक्षण आणि नोकरीसाठी उपयोग होईल. पीसीटीच्या पुढील वाटचालीसाठी हा करार उपयोगी ठरेल यामुळे पीसीईटीचे अध्यक्ष ज्ञानेश्वर लांडगे व संस्थेच्या विश्वस्तांनी यासाठी प्रयत्न करणाऱ्या सर्वांचे अभिनंदन केले आहे अशी माहिती पीसीईटी, नूतन व पिंपरी चिंचवड विद्यापीठाच्या सेंट्रल प्लेसमेंट सेलचे अधिष्ठाता प्रा. डॉ. शितलकुमार रवंदळे यांनी दिली.
या कराराअंतर्गत विद्यार्थी व प्राध्यापकांना अत्याधुनिक तंत्रज्ञानाचे प्रशिक्षण मिळणार आहे. तसेच विध्यार्थ्यांना कंपनीमार्फत नोकरीच्या संधी उपलब्ध केल्या जाणार आहेत. या सामंजस्य करारावर पीसीईटी च्या वतीने डॉ. शितलकुमार रवंदळे आणि वर्ल्ड लाइन ग्लोबल कंपनीचे चीफ ऑपरेटिंग ऑफिसर वेंकट श्रीरामागिरी यांनी हिंजेवाडी येथील कंपनीच्या कार्यालयात सामंजस्य केला. यावेळी वर्ल्डलाइनतर्फे पॅरिस येथील मनुष्यबळ विभागाच्या प्रमुख फ्लोरेन्स गॅलॉईस, शिल्पा हडके व कंपनीचे प्रतिनिधी उपस्थित होते. तर पीसीईटी च्या वतीने डॉ. महेश कोलते, डॉ. विलास देवतारे, डॉ. सोनाली पाटील, डॉ. अर्चना चौघुले व डॉ. अपर्णा पांडे उपस्थित होते.
सामंजस्य करारासाठी पीसीईटीचे अध्यक्ष व माजी आमदार ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, ट्रस्टी व पीसीयूचे कुलपती हर्षवर्धन पाटील, कार्यकारी संचालक डॉ. गिरीश देसाई, प्राचार्य डॉ. गोविंद कुलकर्णी, डॉ. हरीश तिवारी यांनी अभिनंदन केले आहे.

पुणे : हडपसरमधील संत ज्ञानेश्वर आणि संत तुकाराम उड्डाणपूलामुळे नागरिकांना येणाऱ्या समस्या सोडविण्यासाठी शिवसेनेच्या शिंदे गटाचे पुणे शहराध्यक्ष नाना भानगिरे यांनी नितीन गडकरी यांना निवेदन दिले.

या निवेदनात नाना भानगिरे यांनी असे म्हटले आहे कि,’आपल्या नेतृत्वात रस्ते वाहतूक आणि महामार्ग मंत्रालय देशभरात विविध ठिकणी रस्ते आणि महामार्गाची कामे अत्यंत वेगाने सुरु आहेत. अनेक वर्षे रेंगाळलेल्या रस्त्यांची कामे आपल्या नेतृत्वात मोठ्‌या कमी कालावधीत पूर्णत्वास येत आहेत, त्याबद्दल आपले सर्वप्रथम मनःपूर्वक आभार.गेल्या कित्येक वर्षापासून पुणेकरांना वाहतूक कोंडीला सामोरे जावे लागत असलेल्या चांदणी चौकातील उड्डाणपुलाचा प्रश्न आपण विक्रमी वेळेत सोडवला. चांदणी चौकासारखाच वाहतुकीचा प्रश्न पुणे महानगरातील हडपसर उपनगरात असलेल्या संत ज्ञानेशवर आणि संत तुकाराम उड्डाणपूलामुळे नागरिकांना सतावतोय. सदर उड्डाणलापासून राष्ट्रीय महामार्ग क्रमांक ६५ (जुना क्रमांक ९) पुणे ते मच्छलीपट्टणम सुरु होतो या महामार्गामुळे महाराष्ट्र, कर्नाटक, तेलंगणा आणि आंध्र प्रदेश ही राज्ये जोडली गेली आहेत त्यामुळे सदर उड्डाणपुलावरून मोठया प्रमाणात सातत्याने वाहतूक असते. . मुळात एकच असलेल्या या पूलाला पुढे सासवड रस्त्यावर जाण्यासाठी वेगळा मार्ग बांधण्यात आला. या जोडकामामुळे मुळातील पूल अत्यंत कमकुवत झाला आहे. परिणामी आठवड्यातील चार ते पाच दिवस उड्डाणपूल वाहतुकीसाठी बंद ठेवावा लागत आहे.

पुणे :’पुणे आर्टिस्ट ग्रुप’चे पावसाळी समूह प्रदर्शन ‘पॅलेट -३५ ‘ या शीर्षकांतर्गत दिनांक १५ ऑगस्ट ते २० ऑगस्ट २०२३ या कालावधीमध्ये राजा रविवर्मा आर्ट गॅलरी,(नेहरू सांस्कृतिक भवन, घोले रस्ता पुणे) येथे आयोजित करण्यात आले आहे. सकाळी ११ ते सायंकाळी ७ या वेळेमध्ये हे प्रदर्शन कला रसिकांसाठी खुले असणार आहे.चित्र प्रदर्शनामध्ये पुण्यासह महाराष्ट्रातील ३५ कलाकारांनी सहभाग घेतला आहे. विविध विषयांवरील रचनाचित्र, निसर्ग चित्र, अमूर्त चित्र ,विणकाम मधील चित्र, त्रिमित चित्र, अध्यात्मिक चित्र अशा विविध विषयांवरील शंभर कलाकृती कलारसिकांना पाहता येणार आहेत . प्रदर्शनाचे नियोजन ‘पुणे आर्टिस्ट ग्रुप’चे चित्रकार सुरेंद्र कुडपणे यांनी केले आहे.

१५ ऑगस्ट २०२३ रोजी सायंकाळी ५ वाजता विविध क्षेत्रातील मान्यवरांच्या उपस्थितीत उदघाटन होणार आहे.पुणे आर्ट फेस्टिवल चे संस्थापक अध्यक्ष गणेश केंजळे, नामवंत आर्किटेक्ट अभिजीत पवार, पुणे जिल्हा चेस असोसिएशनचे सेक्रेटरी राजेंद्र कोंडे, प्रसिद्ध शिल्पकार आणि चित्रकार दिनकरराव थोपटे, प्रसिद्ध चित्रकार डॉ. सुधाकर चव्हाण, प्रसिद्ध चित्रकार पांडुरंग ताटे, शिल्पकार बापूसाहेब झांजे, प्रसिद्ध ऑर्थोतज्ञ डॉ.आनंद केळकर, प्रसिद्ध चित्रकार डॉ. मुरली लाहोटी, चित्रकार डॉ.डी.आर.बनकर, एड. सोमनाथ हरपुडे, नितीनअण्णा थोरात , अभिनेते योगेश शिरसाठ, चित्रकार दत्ता ठुबे, श्रीकांत कदम, रूपेश पवार, चित्रकर्त्या अनुपमा पाटील, चित्रकार रुपेश पवार, चित्रकार अजय दळवी, शैलेंद्र पवार, उद्योजक अमित बेलदरे पाटील, उद्योजक चित्रसेन खुटवड, मुनीर तांबोळी हे उद्घाटनप्रसंगी प्रमुख पाहुणे म्हणून उपस्थित राहणार आहेत. प्रदर्शन २० ऑगस्टपर्यंत रसिकांसाठी खुले असणार आहे. पुणे आर्टिस्ट ग्रुप हा नेहमी विविध कलाविषयक आणि सामाजिक उपक्रम आयोजित करीत असतो.सर्व कलाकार त्यामध्ये उत्साहाने भाग घेत असतात

पुणे :  जन्मुनी मराठी मुलखात, झाले विख्यात, ठेवा लक्षात, प्र.के.अत्रे माहीर जगताला, संयुक्त महाराष्ट्र लढा लढला, शाहिराला विसर नाही पडला… अशा शब्दांत आचार्य शाहीर हेमंतराजे मावळे यांनी स्वरचित पोवाडा विद्यार्थ्यांसमोर सादर केला. आचार्य अत्रे यांना शाहिरांनी पोवाडयातून आणि कलाकारांनी रंगावलीतून आगळीवेगळी आदरांजली अर्पण केली.
शाहीर हिंगे लोककला प्रबोधिनी पुणे, राष्ट्रीय कला अकादमी पुणे आणि न्यू एज्युकेशन सोसायटीची आगरकर प्रशाला यांच्या वतीने संयुक्त महाराष्ट्र लढ्याचे अग्रणी व आगरकर प्रशालेचे संस्थापक आचार्य प्रल्हाद केशव अत्रे यांच्या १२५ व्या जयंतीच्या निमित्ताने प्रशालेत आचार्य अत्रे यांच्या भव्य रांगोळीचे व प्रतिमेचे पूजन करण्यात आले. यावेळी न्यू एज्युकेशन सोसायटीचे डॉ. गिरीश धडपळे, विश्वास कुलकर्णी, शाळेच्या मुख्याध्यापिका सुनीता लोणकर आदी उपस्थित होते. अरुण कुमार बाभूळगावकर, अक्षदा इनामदार, डॉ. मृणालिनी दुसाने, प्रतीक यादव, होनराज मावळे (हार्मोनियम), मुकुंद कोंडे (ढोलकी) यांनी साथसंगत केली. राष्ट्रीय कला अकादमीचे अमर लांडे यांनी रंगावली साकारली. 
महाराष्ट्र गौरव प्र. के. अत्रे यांच्या प्रतिमा पूजनानंतर त्यांच्या जीवन गौरवपर आचार्य शाहीर हेमंतराजे मावळे यांनी रचलेला पोवाडा सादर केला. यावेळी शाहिरांनी पोवाडयाद्वारे आचार्य अत्रे यांचा जीवनपट उपस्थितांसमोर उलगडला. पोवाडा लिहिलेली प्रतिमा शाळेला भेट देण्यात आली.

पुणे :नंदकिशोर कल्चरल सोसायटी या नृत्यप्रशिक्षण संस्थेच्या ४० व्या वर्धापनदिनानिमित्त आयोजित ‘कथक दर्पण’ कार्यक्रमातून शनीवारी सायंकाळी  पुणेकरांना अनेक विलोभनीय नृत्य सादरीकरणे पाहायला मिळाली. शनिवार , दिनांक १२ ऑगस्ट रोजी  पं.जवाहरलाल नेहरू सांस्कृतिक भवन,  घोले रोड  येथे सायंकाळी ५ ते ८ या वेळात ” कथक दर्पण ” हा कार्यक्रम आयोजित करण्यात आला होता. ‘ हर घर तिरंगा ‘ अभियानानिमित्त प्रारंभी तिरंगी झेंडे घेऊन मिरवणूक काढण्यात आली. दीपप्रज्वलन, गुरुवंदनेने कार्यक्रमास सुरवात झाली.सरस्वती वंदना तसेच कथक नृत्याच्या विलोभनीय सादरीकरणाने उपस्थितांची मने जिंकली. देशभक्तीपर गीतेही सादर करण्यात आली. या कार्यक्रमात नंदकिशोर कल्चरल सोसायटीचे १०० विद्यार्थ्यानी  कथक नृत्य सादर केले.  डाॅ.पं.नंदकिशोर कपोते यांनीही कथक नृत्य सादर केले. या कार्यक्रमास रायगड घराण्याचे जेष्ठ कथक नृत्य गुरू पं.रामलाल बारेथ ( छत्तीसगड) व अनेक मान्यवर प्रमुख पाहुणे  उपस्थित होते.कार्यक्रम विना मुल्य होता. *नृत्यप्रशिक्षणाची चाळीस वर्षे*  १९८३ साली भारतरत्न पं.भीमसेन जोशी यांच्या हस्ते महात्मा फुले वस्तु संग्रहालय,  घोले रोड  येथे नंदकिशोर कल्चरल सोसायटी नृत्य  संस्थेची स्थापना झाली. पं.बिरजूमहाराज यांचे पट्टशिष्य डाॅ.पं.नंदकिशोर कपोते हे या संस्थेचे संस्थापक आहेत.