श्री सद्गुरू साईबाबा सेवा संस्थेचा साई उत्सव २०२३  : विविध सामाजिक आणि धार्मिक कार्यक्रमांचे आयोजन

पुणे : कर्वेनगर मधील श्री सद्गुरू साई बाबा सेवा संस्थेच्या वतीने साई उत्सव २०२३  चे आयोजन करण्यात आले आहे. दरवर्षी प्रमाणे यंदाही श्री साईबाबा पालखीचे आयोजन करण्यात आले होते. यावेळी साईबाबांच्या पादुकांचे दर्शन घेण्यासाठी भक्तांनी गर्दी केली होती. भक्ती पूर्ण वातावरणात साईबाबा पालखीची नगर प्रदक्षिणा संपन्न झाली. उत्सवाचे यंदा १५  वे वर्ष आहे. 

संस्थापक अध्यक्ष तुषार कैलास झेंडे, कुमार लांडे , कैलास जाधव,  अमोल शिंदे , ओंकार लांडगे, उमेश झेंडे, वैभव नवसे ,  राजू  पलमाटे, राहुल ढमाले ,साई धंगेकर, विजय मोरे, योगेश झेंडे , दिनेश गालफाडे, विजय साळवी , भारत भगत आणि नगरसेवक श्री सुशीलभाऊ मेंगडे, विठ्ठल बराटे,विजय  खळदकर,संतोष  बराटे, गिरीश खत्री,अमोल कांबळे,अंकित वाघमारे आणि मित्र परिवार उपस्थित होते.  दिनांक २३ ते २६ नोव्हेंबर दरम्यान साई उत्सव होणार आहे.

तुषार झेंडे म्हणाले, साई उत्सवानिमित्त विविध सामाजिक आणि धार्मिक कार्यक्रमांचे आयोजन करण्यात आले आहे. यामध्ये साई मूर्तीचे मंगल स्नान, साई पादुकांची महापूजा व अभिषेक श्री साई सत्यनारायण महापूजा व तीर्थप्रसाद साईबाबांची सांज आरती व महाप्रसाद आदी धार्मिक कार्यक्रमांचे आयोजन करण्यात आले आहे. शिवाय हा जल्लोष महाराष्ट्राचा या सांस्कृतिक कार्यक्रमाचे आयोजन करण्यात आले आहे. याशिवाय दिनांक   २६ नोव्हेंबर  रोजी भव्य रक्तदान शिबिराचे आयोजन करण्यात आले आहे.

पुणे, दि.२४ नोव्हेंबर: उर्जेचा वापर करून रोग व्यवस्थापन आणि निरोगीपण आयुष्य जगण्यासाठी समाजला दिलेल्या अतुलनीय योगदानाबद्दल यशकल्याणी ग्रामीण सेवाभावी संस्थेतर्फे ग्लॅमोवेल संस्थाच्या संस्थापक संचालक व मिसेस युनिव्हर्स डॉ. प्रचिती पुंडे यांना पहिला ‘यशकल्याणी राष्ट्रीय विज्ञान रत्न पुरस्कार’ २०२३ ने गौरविण्यात आले आहे. त्यांना हा पुरस्कार पुणे येथील सी मेटचे संचालक व प्रसिद्ध शास्त्रज्ञ डॉ. भारत काळे यांच्या हस्ते प्रदान करण्यात आला. सन्मान पत्र, स्मृती चिन्ह आणि रोख पारितोषिक असे पुरस्काराचे स्वरूप होते.
वसंतराव दिवेकर स्मृतिदिन व यशकल्याणी परिवाराच्या दशकपूर्ती वाटचाली निमित्त या पुरस्कार प्रदान सोहळ्याचे आयोजन करण्यात आले होते. यावेळी ज्येष्ठ विचारवंत व विज्ञान संशोधक पद्मश्री अरिवंद गुप्ता, भारतीय नौसेनेचे रिअर अ‍ॅडमिरल रविंद्र नाडकर्णी, ज्येष्ठ शास्त्रज्ञ  डॉ. के.जी कानडे, आयसरचे विज्ञान संशोधक प्रा. अशोक रुपनेर, ज्येष्ठ स्त्री रोग तज्ञ डॉ. वसंतराव पुंडे आणि संशोधक डॉ. प्रवीण देशमुख हे प्रमुख पाहुणे म्हणून उपस्थित होते.
शास्त्रज्ञ अरविंद गुप्ता म्हणाले,” निसर्गातील प्रत्येक गोष्टीत खेळणी लपलेली आहेत. झाले, पालापाचोळा, कचरा हा खेळणी बनवण्याचा कच्चा माल आहे. त्यातून निर्माण झालेली वैज्ञानिक खेळणी गरिबांच्या चेहर्‍यावरील हास्य फुलवतील व भविष्यातले शास्त्रज्ञ घडवितील.”
पुरस्काराला उत्तर देताना डॉ. प्रचिती पुंडे म्हणाल्या,” विज्ञान क्षेत्रातील राष्ट्रीय स्तरावरील विज्ञान संशोधक पद्मश्री अरिवंद गुप्ता व आयसरचे विज्ञान संशोधक प्रा. अशोक रुपनेर यांच्या बरोबर मझा जो सन्मान करण्यात आला ते शब्दात सांगता येणार नाही. माझे सौभाग्य आहे की यामुळे मला उजबेगिस्थान येथे एप्रिल व स्न्ड येथे मे महिन्यात विज्ञान परिषदेत भाग घेऊन पेपर प्रेझेंटेशनची संधी मिळाली आहे.”
शैक्षणिक व सामाजिक क्षेत्राला वाहून घेतलेल्या डॉ.प्रचिती पुंडे यांनी विज्ञान क्षेत्रात तब्बल २५ संशोधन ग्रंथ लिहिले आहे. त्यांनी आपल्या जीवनात चित्रकार, पत्रकार, किर्तनकार, कलाकार, डॉक्टर, लेखक, गायक, समाजसेवा, संशोधन, मिसेस इंडिया व मिसेस युनिव्हर्स ऑस्ट्रेलिया, मिसेस युनिव्हर्स वॅलरन्स पर्यंतची मजल मारली आहे. तसेच प्रोलेक्स वेलनेस अँड प्रोडक्शन्सची स्थापना करून स्वःला उद्योजिका म्हणून प्रस्थापित केले आहे. या सर्व क्षेत्रात असतांना त्यांनी समाजसेवेचे धोरण कधीही सोडले नाही.
यशकल्याणी ग्रामीण सेवा भावी संस्थेचे अध्यक्ष प्रा. गणेश करे पाटील यांनी प्रास्ताविक केले आणि सचिव अमृत खरे पाटील यांनी आभार मानले.

पुणे –

पुणे महानगर परिवहन महामंडळ लि. कडील स्वमालकीच्या डेक्कन, हडपसर, स्वारगेट, मार्केटयार्ड,
न.ता.वाडी (शिवाजीनगर) येथील संकुलातील जागा लीजने देणेकामी www.eauction.gov.in या
पोर्टलवर ई-लिलाव प्रक्रिया सुरु केली असून या मोक्याच्या ठिकाणी असलेल्या जागा बँका,
शासकीय/खासगी कार्यालय, खासगी संस्था / व्यक्तींना लीज तत्वावर ई-लिलावाचे माध्यमातून मिळू
शकतील असे पुणे महानगर परिवहन महामंडळ लि. कडून स्पष्ट करण्यात आले आहे.

पुणे-झिकाचा प्रसार रोखण्यासाठी विशेष टास्क फोर्सची निर्मिती करण्याची मागणी माजीमहापौर मुरलीधर मोहोळ यांनी महापालिका आयुक्तांकडे केली आहे.

महापालिका आयुक्तांना दिलेल्या पात्रात मोहोळ यांनी म्हटले आहे कि,’पुणे महानगरपालिका हद्दीत झिका विषाणूचे रुग्ण आढळत असल्याचे स्पष्ट झाले असून झिका व्हायरसचा प्रसार रोखण्यासाठी, त्यावर उपाययोजनांची दिशा ठरवण्यासाठी एका विशेष टास्क फोर्सची निर्मिती करणे आवश्यक आहे. कोरोनासारख्या संसर्गजन्य विषाणूची पार्श्वभूमी पाहता, यावर योग्यवेळी आवर घालणे आणि नागरिकांमध्ये जागृती होणे आवश्यक आहे.
येरवडा येथील प्रतीकनगर येथे राहणाऱ्या ६४ वर्षीय महिलेला झिका विषाणूची चाचणी पॉझिटिव्ह आली आहे. यामुळे बाधित भागात प्रतिबंधात्मक उपाययोजना राबवून, या विषाणूचा प्रादुर्भाव रोखण्यासाठी विशेष टास्क फोर्स नियुक्त करावी. यासोबतच या संसर्गजन्य विषाणूसंदर्भात नागरिकांमध्ये जागरूकता निर्माण होण्यासाठी, प्रतिबंधात्मक उपाययोजना करण्यात याव्या. सदर विषय गांभीर्याने घेऊन याबाबत तातडीने आवश्यक उपाययोजना कराव्यात, ही विनंती !

पुणे–पुणे प्रादेशिक परिवहन-कार्यालय येथे लवकरच दुचाकी वाहनांसाठी नवीन मालिका सुरु करण्यात येत आहे. या मालिकेतील आकर्षक नोंदणी क्रमांक तीनपट शुल्क भरून खासगी चारचाकी वाहनांसाठी राखून ठेवण्यासाठी तसेच उर्वरित क्रमांकाबाबत दुचाकींसाठी आगाऊ अर्ज स्वीकारण्याची व लिलाव कार्यपद्धतीची प्रक्रिया सुरू करण्यात आली आहे.

नव्याने सुरु होणाऱ्या दुचाकी मालिकेतील आकर्षक तसेच पसंतीचे क्रमांक चारचाकींसाठी हवे असलेल्या वाहन मालकांनी विहित तीनपट शुल्कासह 28 नोव्हेंबर रोजी सकाळी 10.30 ते दुपारी 2.30 वाजेपर्यंत विहित नमुन्यात अर्ज करावा. एकाच क्रमांकाकरीता एकापेक्षा जास्त अर्ज आल्यास त्याची यादी कार्यालयाच्या सूचना फलकावर प्रसिद्ध करण्यात येईल. लिलावाचे धनाकर्ष (डीडी) 29 नोव्हेंबर रोजी दुपारी 2.30 वाजेपर्यंत स्वीकारले जातील. त्याच दिवशी दुपारी 4 वाजता सहकार सभागृहामध्ये लिलाव करण्यात येईल.

दुचाकी वाहन मालकांनी आकर्षक तसेच पसंतीचे क्रमांक विहित शुल्क भरून हवे असल्यास 29 नोव्हेंबर रोजी सकाळी (Pune) 10.30 ते दुपारी 2.30 वाजेपर्यंत अर्ज करावा. एकाच क्रमांकाकरीता एकापेक्षा जास्त अर्ज असल्यास त्याची यादी कार्यालयाच्या सूचना फलकावर प्रसिद्ध करण्यात येईल. लिलावाचे डीडी 30 नोव्हेंबर रोजी दुपारी 2.30 वाजेपर्यंत स्वीकारले जातील. त्याच दिवशी दुपारी 4 वाजता सहकार सभागृहामध्ये लिलाव करण्यात येईल.

अर्ज कार्यालयाच्या खासगी वाहन नोंदणी विभागात डीडी, पत्त्याचा पुरावा, आधारकार्ड, ओळखपत्र, पॅनकार्डच्या साक्षांकित प्रतीसह आधारकार्डला लिंक असलेल्या मोबाईल क्रमांकासह जमा करावा. हा डीडी ‘आर.टी.ओ.,पुणे’यांच्या नावे राष्ट्रीयकृत, अनुसूचित बँकेचा पुणे येथील असावा.

एकदा राखून ठेवलेला नोंदणी क्रमांक बदलून देता येणार नाही. नोंदणी क्रमांक राखून ठेवलेल्या दिनांकापासून 30 दिवसांच्या आत नोंदणीसाठी वाहन सादर न केल्यास राखून ठेवलेला नोंदणी क्रमांक आपोआप रद्द होईल व शुल्क सरकारजमा होईल. कोणताही विशिष्ट नोंदणी क्रमांक राखीव ठेवण्यासाठी प्रदान केलेले शुल्क परत करता येणार नाही. प्रादेशिक परिवहन कार्यालय पुणेच्या कार्यक्षेत्रातील वाहनधारकांनीच अर्ज सादर करावेत, कार्यक्षेत्राबाहेरील अर्ज बाद ठरविण्यात येतील.

 पुणे-खासगी क्लासेससाठी एका व्यक्तीच्या घरी जाणाऱ्या 19 वर्षीय तरुणीचा शिक्षकानेच विनयभंग केल्याचा प्रकार उघडकीस आला आहे. पीडित तरुणी 19 वर्षाची असून यूपीएससी आणि एफवायबीकॉमच्या क्लाससाठी ती आरोपींकडे जात होती.

चतु:शृंगी पोलीस ठाण्यात याप्रकरणी गुन्हा दाखल करण्यात आला आहे. त्यानुसार अमित सिरमनवर (वय 28, रा. मिटकॉन कॉलेजच्या मागे बालेवाडी पुणे) असे गुन्हा दाखल करण्यात आलेल्या शिक्षकाचे नाव आहे. 19 वर्षीय पीडित तरुणीने या प्रकरणी तक्रार दिली आहे.

या प्रकरणी अधिक माहिती अशी की, पीडित तरुणी यूपीएससी आणि एफवायबी कॉमच्या क्लाससाठी आरोपीकडे जात होती. दरम्यान क्लास घेत असताना आरोपीने फिर्यादीला घरातील कामे करायला लावून काम न केल्यास प्लास्टिकच्या छडीने फिर्यादीला मारहाण केली.तसेच अश्लील भाषेत बोलत संबंधित शिक्षकाने वारंवार विनयभंग केल्याचे फिर्यादी तरुणीने दिलेल्या तक्रारीत म्हटले आहे. या संपूर्ण प्रकारानंतर फिर्यादी तरुणीने पोलीस स्टेशन गाठत तक्रार दिली. पोलिसांनी या प्रकरणी गुन्हा दाखल केला असून अधिक तपास सुरू आहे.

पुणे, दि. २४: महाराष्ट्र राज्य इतर मागासवर्गीय वित्त विकास महामंडळाकडील स्वयंरोजगारासाठी अर्थसहाय्याच्या विविध योजनांच्या लाभासाठी https://www.msobcfdc.org किंवा https://msobcfdc.in या संकेतस्थळावर ऑनलाईन अर्ज करण्याचे आवाहन करण्यात आले आहे.

महामंडळाकडून इतर मागासवर्गीय प्रवर्गांतील व्यक्तींसाठी २० टक्के बीज भांडवल कर्ज, वैयक्तिक कर्ज व्याज परतावा, गट कर्ज व्याज परतावा, शैक्षणिक कर्ज व्याज परतावा, महिला स्वयंसिद्धी व्याज परतावा, कौशल्य विकास प्रशिक्षण योजना तसेच थेट कर्ज व्याज परतावा (एक लाख रुपयांपर्यंत) अशा विविध योजना राबविण्यात येतात.

वैयक्तिक कर्ज व्याज परतावा योजनेअंतर्गत लाभार्थ्यांस बँकेमार्फत १० लाख रुपयांपर्यंतचे कर्ज, शैक्षणिक कर्ज व्याज परतावा योजनेअंतर्गत देशातंर्गत अभ्यासक्रमासाठी १० लाख तर परदेशी अभ्यासक्रमासाठी २० लाख, गट कर्ज व्याज परतावा योजनेअंतर्गत बँकेमार्फत बचत गट, भागीदारी संस्था, सहकारी संस्था आदींना व्यवसायासाठी १५ लाखापर्यंतचे कर्ज वितरित करण्यात येते. व्याज परतावा योजनेमध्ये बँककडून घेतलेल्या कर्जाचे १२ टक्के पर्यंतचे व्याज महामंडळाकडून अदा करण्यात येते. यामध्ये सर्व राष्ट्रीयकृत बँका, खासगी बँका तसेच सहकारी बँकाचा समावेश करण्यात आला आहे.

थेट कर्ज योजनेअंतर्गत महामंडळामार्फत लाभार्थ्यांस व्यवसायासाठी १ लाख रुपयांपर्यंत कर्ज वितरित करण्यात येते आणि नियमित कर्जफेड करणाऱ्या लाभार्थ्यास व्याज अदा करावे लागत नाही.

योजनांच्या अधिक माहितीसाठी महाराष्ट्र राज्य इतर मागासवर्गीय वित्त विकास महामंडळ, जिल्हा कार्यालय, डॉ. बाबासाहेब आंबेडकर सामाजिक न्याय भवन, इमारत क्र. बी, स.नं. १०४/१०५, मेंटल हॉस्पिटल कॉर्नर, पोलीस चौकी समोर, विश्रांतवाडी, येरवडा पुणे येथे संपर्क साधावा, असे आवाहनही महामंडळाच्या जिल्हा व्यवस्थापकांनी केले आहे.

पुणे- दुकानांच्या पाट्या मराठीत च असाव्यात या न्यायालयीन आदेशाच्या मुद्द्यावरून पुणे महापालिका आयुक्त विक्रमकुमार यांना मनसे ने टार्गेट केले आहे. आपल्या अधिकाऱ्यांना मराठी भाषेचा अभिमान व आपल्या कर्तव्याचे भान उरलेले नाही असा आरोप करत उद्यापर्यंत पुण्यातील सर्व दुकानांच्या , कंपन्यांच्या , व्यावसायिकांच्या पाट्या मराठीत दिसल्या नाहीत तर आमच्या स्टाईल ला सामोरे जाण्याची तयारी ठेवा ,मागाहून तक्रार करू नका ,आणि सांगितले नाही म्हणू नका असा स्पष्ट इशारा मनसेने आज येथे दिला आहे.

मनसेने महापालिका आयुक्तांना दिलेल्या पत्रकात असे म्हटले आहे कि,’आपल्या पुणे शहरातील व उपनगरातील भागात आपल्या अधिकार क्षेत्रातील दुकाने व आस्थापना वरील पाट्या मराठी भाषेत नसल्याचे महाराष्ट्र नवनिर्माण सेनेच्या निदर्शनास आले असून आपल्या शॉप अॅड एस्ट्याब्लिशमेन्ट कायद्यातील तरतुदी नुसार दुकाने व आस्थापने वरील पाट्या मराठी भाषेतच असणे बंधनकारक आहे परंतु अनेक दुकानदार व आस्थापना प्रचलीत कायदेशीर तरतुदींचा सरस भंग करीत आहेत. सदरील बाब अतिशय गंभीर असून आपल्या कार्यालयाकडूनही याकडे डोळेझाक करण्यात येत आहे. आपल्या कार्यालयातील अधिकाऱ्यांना आपल्या मराठी भाषेचा अभिमान व आपल्या कर्तव्याचे भान नसल्याचे दिसत आहे.
सर्वोच्च न्यायालयाच्या आदेशाने दोन महिन्यांत सर्व पाट्या दुकानदारांनी मराठी स्थानीक भाषेत करावेत या आदेशाची मुदत दिनांक २५ नोव्हेंबर २०२३ रोजी संपत आहे. सर्वोच्च न्यायालयाने दिलेल्या निर्णयानुसार प्रत्येक प्रांतातील त्या भाषेमध्येच म्हणजे महाराष्ट्रात दुकानावरील पाटया मराठीतच असाव्यात असा निर्णय देण्यात आला तरी सर्वोच्च न्यायालयाचा आदर ठेवून आपण आपल्या पुणे शहरातील व उपनगरातील भागात सर्व दुकानदाराना व आस्थापना यांना कायदेशीर तरतुदी नुसार कार्यवाही करण्यात यावी तसेच सर्व पाट्या मराठी भाषेत मोठ्या अक्षरातच आहेत का नाही याची तपासणी करण्यात यावी. सदर पत्राने आपणांस कळविण्यात येते कि स्थानिक प्रशासनाने तातडीने दुकानदाराना व आस्थापना यांच्यावर पुढील कायदेशीर कारवाई करावी अन्यथा महाराष्ट्र नवनिर्माण सेना पुणे शहर सर्वोच्च न्यायालयाच्या आदेशाचे पालन न करणाऱ्या निष्क्रीय प्रशासनाच्या व सर्व दुकानदाराच्या विरोधात तिव्र आंदोलन छेडेल याची आपण गांभीर्याने दखल घ्यावी. हि विनंती.

पुणे, दिनांक 24 – राष्ट्रीय पुस्तक न्यास (नॅशनल बुक ट्रस्ट, इंडिया) या संस्थेच्या वतीने  16 ते 24 डिसेंबर या कालावधीत फर्ग्युसन महाविद्यालयाच्या मैदानावर ‘पुणे पुस्तक महोत्सव-2023’ चे  आयोजन करण्यात येणार असल्याची माहिती न्यासाचे अध्यक्ष मिलिंद मराठे यांनी आज पत्रकार परिषदेत दिली.

महोत्सवाचे संयोजक राजेश पांडे, डेक्कन एज्युकेशन सोसायटीचे अध्यक्ष डॉ. शरद कुंटे, उपाध्यक्ष डॉ. रविंद्र आचार्य यांची प्रमुख उपस्थिती होती. महोत्सवाच्या बोधचिन्हाचे पत्रकार परिषदेत अनावरण करण्यात आले. ‘ऑक्सफर्ड ऑफ इस्ट’ अशी ओळख असणाऱ्या पुणे शहरातील पुस्तक महोत्सवाचे हे पहिलेच पर्व असणार आहे.  

मराठे म्हणाले, ‘राष्ट्रीय कीर्तीच्या प्रकाशकांबरोबर इंग्रजी, हिंदी, मराठी, गुजराती, कन्नड आणि इतर भारतीय भाषांमधील विस्तृत पुस्तक संग्रहांचे प्रदर्शन या ठिकाणी भरविण्यात येणार आहे. दोनशेहून अधिक प्रकाशकांची दालने, सांस्कृतिक सादरीकरण, साहित्य विषयक विविध सत्रे, शालेय विद्यार्थी-महाविद्यालयीन युवकांसाठी विशेष उपक्रम, रमणीय खाद्यजत्रा अशा कार्यक्रमांचा महोत्सवात समावेश असेल.’

मराठे पुढे म्हणाले, ‘गोमती, लडाख, उज्जैन, शिमला, शिलाँग येथील महोत्सवांच्या यशातून प्रेरणा घेत एनबीटी-इंडियाने पुणे पुस्तक महोत्सवाच्या माध्यमातून पुस्तकांची आवड आणि वाचन संस्कृती जोपासण्याचा निर्धार केला आहे. आठवडाभर चालणाऱ्या या महोत्सवात सर्व वयोगटातील विविध प्रकारचे आकर्षक उपक्रम सादर करून साहित्यिक आनंदाची हमी देण्यात आली आहे.’

पांडे म्हणाले, ‘ पुणे शहरात वाचन संस्कृतीला पोषक वातावरण आहे. या शहरात पुस्तकांची जागतिक बाजारपेठ होण्याची क्षमता आहे. यातून पुस्तक महोत्सवाची संकल्पना पुढे आली. शहरातील सर्व विद्यापीठे, महाविद्यालये, शाळा, साहित्य संस्था, ग्रंथालये, प्रकाशन संस्था, लेखक, अभ्यासक या सर्वांचा सहभाग घेऊन या महोत्सवाचे आयोजन करण्यात येणार आहे.’  

कुंटे म्हणाले, शिक्षण हे केवळ खडू आणि फळ्यापुरते मर्यादित नाही. जीवनातील सर्व अंगांचा विकास होणे शिक्षणात अभिप्रेत आहे. त्यामुळे विद्यार्थ्यांमध्ये वाचन संस्कृती रुजविणे महत्त्वाचे काम आहे.  हे काम या निमित्ताने होईल. हजारो पुस्तके या निमित्ताने पहायला मिळतील. विद्यार्थ्यांचे बौद्धिक आणि मानसिक पोषण करण्याची संधी या महोत्सवाच्या निमित्ताने मिळत आहे. 

पुणे- पाण्याची समस्या , वाढते प्रदूषण , वाहतूक कोंडी , कचऱ्याची समस्या यामुळे मानवी जीवन धोक्यात येत असून तातडीने आता पुण्यातील वाढती बांधकामे काही महिन्यापुरती तरी थांबवा अशी मागणी करत १ डिसेंबरला घेरावो आंदोलनाची घोषणा आज येथे खासदार सुप्रिया सुळे यांनी केली आहे. पुणे महापालिका आयुक्तांच्या भेटी नंतर खासदार सुप्रिया सुळे यांनी पत्रकार परिषद घेतली आणि हि मागणी केली. सुप्रिया सुळे म्हणाल्या की, दुर्देवाने मागील 2 वर्षांत मनपा निवडणूक होऊ शकली नाही. यामुळे नागरिकांचे अनेक प्रश्न प्रलंबित आहेत. त्याची साेडवणूक करण्यासाठी मी मनपा आयुक्तांची भेट घेतली. हक्काचे लाेकप्रतिनिधी नसल्याने जनतेची माेठया प्रमाणात गैरसाेय हाेत आहे. महाराष्ट्रात माेठ्या प्रमाणात दुष्काळ असून पुण्यासारख्या शहराला पिण्याच्या पाण्याचा प्रश्न निर्माण झाला आहे. शेतीचे पाणी, गुरांचे पाणी, पिण्याचे पाणी याचे नियाेजन झाले नसल्यामुळे चिंता वाढली आहे. त्यामुळे सरकारला माझी विनंती आहे की, पाण्याचे नियाेजन करा.

पुण्यात माेठया प्रमाणात बांधकामे सुरु आहेत. नागरिकांना पाणी, कचरा व्यवस्थापन, रस्ते, पायाभूत सुविधा पुरेशा उपलब्ध नाही. त्यामुळे आगामी काळात त्याचे स्वरुप आणखी गंभीर हाेईल. काही महिन्यांसाठी पुण्यातील बांधकाम थांबवा अशी माझी सरकारला विनंती आहे. पुण्यात माेठ्या प्रमाणात प्रदूषण हाेत आहे. त्यामुळे आजारांत वाढ झाली आहे. सरकारने पुण्याचा व राज्याचा पाण्याचा आढावा घ्यावा, प्रदूषण नियंत्रित करावे, वाहतूक काेंडी साेडवावी अशी आमची मागणी आहे. दुष्काळात टँकर माफिया जिवंत राहताे. त्यामुळे कर भरुन सुविधा मिळत नसतील तर पुणे मनपावर आम्ही आगामी काळात 1 डिसेंबरला घेराव घालू, असेही सुप्रिया सुळे यावेळी म्हणाल्या.सत्ता केवळ लाल दिवा व पक्ष फाेडण्यासाठी किंवा आयकर विभाग, सीबीआय, ईडी या यंत्रणांचा गैरवापर करण्यासाठी नसते. ती सर्वसामान्य लाेकांचे आयुष्यात चांगला बदल करण्याचे सत्ता एक साधन असते. या सरकारने जनतेला अनेक मोठी आश्वासने दिली. पण त्याची पूर्तता केली नाही.दिल्लीतील अदृश्य शक्ती महाराष्ट्राच्या सर्व गोष्टींत ढवळाढवळ करत असल्याची टीका राष्ट्रवादी काँग्रेसच्या खासदार सुप्रिया सुळे यांनी शुक्रवारी येथे बोलताना केली आहे. राज्यात ट्रिपल इंजिनचे खाेके सरकार सुरू आहे. पण दिल्लीची अदृश्य शक्ती महाराष्ट्रात सर्व गाेष्टींत ढवळाढवळ करते. त्यामुळे तीच राज्यात सरकार चालवते का? असा प्रश्न उपस्थिति होत आहे, असे त्या म्हणाल्यात.