पुणे- भर दुपारच्या वेळेत म्हणजे साडेतीन वाजता खराडीतील सुमा लिटल मिलेनिअम स्कूल , कृष्णा हॉटेल जवळून एका २८ वर्षीय तरुणीच्या गळ्यातून भामट्यांनी अडीच लाखाचे मंगळसूत्र हिसका देवून पळवून नेले .चंदन नगर मध्ये राहणारी हि महिला येथे आपल्या मुलाला घेण्यासाठी आली असता मोटार सायकलवरून आलेल्या दोघांनी हि जबरी चोरी केली

१३ लाखाच्या दागिन्यांची चोरी

चतुर्श्रुंगी पोलीस ठाण्यात बालेवाडीत राहणाऱ्या एका ६० वर्षीय व्यक्तीने फिर्याद नोंदविली आहे. १२ नोव्हेंबर २३ ते १६ मार्च २४ दरम्यान बालेवाडीतील द पर्ल्स सोसायटीच्या मागे लक्ष्मी निवास या घरातून अज्ञात भामट्याने १३ लाख १० हजार रुपयांच्या दागिन्यांची पिशवी चोरून नेली आहे.

पुणे- पुणे ते सोलापूर अशा रात्रीच्या प्रवास करते समयी एका ५८ वर्षे वयाच्या महिलेच्या बैगेतून चोरट्यांनी सुमारे सव्वाचार लाखाचा ऐवज चोरून नेल्याची घटना घडली आहे. पोलिसांनी या ट्रॅव्हल कंपनीचे नाव सांगितलेले नाही मात्र नारायण पेठेत राहणारी हि ५८ वर्षे वयाची महिला स्वारगेट वेगा सेंटर येथून प्रवासाला रात्री साडेअकरा वाजता निघाली होती आणि सकाळी ६ वाजता ती सोलापूरला पोहोचली या दरम्यान तिच्या बैगेतून चोरट्याने डागणे, रोकड,मोबाईल असा सवाचार लाखाचा ऐवज चोरून नेला .

पुणे- चंदन चोरणे आणि विकण्याच्या तस्करीवर पडदा पडला असे वाटत असताना पुन्हा ६ जणांच्या तोलणे कोरेगाव पार्क मधील चंदनाचे झाड कापून चोरून नेल्याची घटना घडली आहे. या संदर्भात एका सुरक्षा रक्षकाने पोलिसात तक्रार दिली आहे. त्याच्या गळ्याला तलवार लावून अन्य दरोडेखोरांनी चंदनाचे झाडच कापून नेल्याची फिर्याद कोरेगन पार्क पोलीस ठाण्यात दाखल झाली आहे. हि चोरी पाहते ३ ते पावणेचारच्या दरम्यान कोरेगाव पार्कच्या नॉर्थ मेन रोड वरील ३९७/ए बी लेन मधील एकांतिका अपार्टमेंट जवळ घडली.

याच दिवशी पाहते अडीच वाजता आणखी एक चंदनाचे झाड चोरीला गेल्याची घटना घडली आहे. चतुर्श्रुंगी पोलिसात याप्रकरणी फिर्याद दाखल करण्यात आली आहे. एन् सी एल इन्व्होषणपार्क पाषाण येथील व्हीन्चोर सेंटर कंपनीच्या गर्दन मधून एक चंदनाचे झाड कापून नेण्यात आले आहे.

पुणे -राष्ट्रीय पुस्तक न्यासाच्या बोर्ड ऑफ ट्रस्ट वर भाजपचे प्रदेश उपाध्यक्ष राजेश पांडे यांची निवड झाली आहे. केंद्र शासनाकडून ही नियुक्ती करण्यात आली आहे. बोर्ड ऑफ ट्रस्ट वर नव्या सदस्यांची नियुक्ती करण्यात आली. यामध्ये राजेश पांडे यांचा समावेश आहे.

भारत सरकारने राष्ट्रीय पुस्तक न्यासच्या (NBT) सन २०२४ साठी १४ सदस्यांची बोर्ड ऑफ ट्रस्ट ची नावे जाहीर केली. यामध्ये महाराष्ट्रातून भाजपा नेते तथा सावित्रीबाई फुले पुणे विद्यापीठाचे सल्लागार समितीचे सदस्य राजेश पांडे यांचा समावेश करण्यात आलेला आहे. देशासह जगभरात ओळख असणाऱ्या आणि वर्ल्ड बुक फेअर सारख्या महोत्सवांचा माध्यमातून जगभरातील साहित्य विश्वाशी जोडलेले असलेल्या राष्ट्रीय पुस्तक न्यासाशी जोडले जाण्याची संधी यानिमित्ताने पांडे यांना मिळणार आहे.

केंद्रीय शिक्षण मंत्रालयाच्या अंतर्गत १९५७ मध्ये वाचनाचा प्रचार-प्रसार करण्यासाठी सुरू करण्यात आलेली राष्ट्रीय पुस्तक न्यास ही संस्था आहे. या संस्थेची निर्णय प्रक्रिया बोर्ड ऑफ ट्रस्टीच्या माध्यमातून पार पडते. ही संस्था देशभर विविध पुस्तक मेळावे आणि प्रदर्शनांच्या माध्यमातून पुस्तक वाचनाला प्रोत्साहन देते, तसेच विविध चर्चासत्रे, कार्यशाळा, पॅनल चर्चा, पुस्तक प्रकाशन आदि उपक्रम राबवत असते. या संस्थेसोबत पुण्यामध्ये राजेश पांडे यांनी आयोजित केलेला ‘पुणे पुस्तक महोत्सव’ हा यशस्वी महोत्सव ठरला होता. वेगवेगळ्या उपक्रमांच्या माध्यमातून वाचन संस्कृतीचा प्रसार करतानाच या महोत्सवाच्या निमित्ताने वेगवेगळे विश्वविक्रम ही करण्यात आले होते. संस्कृती रुजवण्यासाठी पुण्यासह साहित्य संमेलनात देखील या महोत्सवाचा महत्वाचा वाटा राहिला होता. या पार्श्वभूमीवर ही निवड महत्त्वाची ठरते.
नॅशनल बुक ट्रस्ट (NBT) बोर्ड ऑफ ट्रस्टीजवर नियुक्ती झाल्यामुळे मला आनंद झाला आहे! यासाठी मी केंद्रीय मंत्री मा.श्री.धर्मेंद्र प्रधानजी आणि एनबीटीचे आभार मानतो की, त्यांच्यामुळे मला ही संधी मिळालेली आहे. माझ्या सर्व अनुभवाचा उपयोग करून ट्रस्टमध्ये अधिकाधिक इनोव्हेटिव्ह योगदान देण्याचा माझा प्रयत्न असेल. महाराष्ट्राच्या साहित्य संस्कृतीचा जागर जगाच्या पातळीवर व्हावा यासाठी आणि पुण्याचाही नावलौकिक तसेच पुण्याचा पुस्तक महोत्सव देखील जागतिक पातळीवर नेण्यासाठी मी प्रयत्नशील राहील. महाराष्ट्राच्या साहित्यिक लँडस्केपसाठी अधिक संधी शोधून काढण्याची आणि पुणे पुस्तक महोत्सवाची वाढ करण्याची ही एक उत्तम संधी आहे असे मी मानतो.-राजेश पांडे

याज्ञवल्क्य उद्योजक विकास अभियान (युवा) तर्फे आयोजन; विद्यावाचस्पती शंकर अभ्यंकर, डॉ. सुप्रिया पुराणिक, खासदार प्रा.डॉ.मेधा कुलकर्णी यांची उपस्थिती
पुणे : शुक्ल यजुर्वेदीय माध्यंदिन महाराष्ट्रीय ब्राह्मण मध्यवर्ती मंडळाचा उपक्रम असलेल्या याज्ञवल्क्य उद्योजक विकास अभियान (युवा) तर्फे महिला उद्योजिका पुरस्कार २०२४ वितरण सोहळ्याचे आयोजन करण्यात आले आहे. या सोहळ्यांतर्गत वितरित होणारा स्वयंसिद्धा पुरस्कार नाशिकच्या अमोल इंडस्ट्रिज च्या संचालिका नलिनी कुलकर्णी यांना आणि युवा उद्योजिका पुरस्कार क्वालिटी पेंटस् अँण्ड कोटींग्ज प्रा.लि. च्या संचालिका दिप्ती चंद्रचूड यांना प्रदान करण्यात येणार आहे, अशी माहिती संस्थेचे कार्याध्यक्ष विश्राम कुलकर्णी यांनी पत्रकार परिषदेत दिली.

पत्रकार परिषदेला संस्थेचे कार्यवाह श्रीकांत जोशी, युवा कार्यकारिणी सदस्य प्रतिभा संगमनेरकर, भालचंद्र कुलकर्णी, स्वाती कुलकर्णी , अंजली दारव्हेकर, मंजुषा वैद्य, कार्तिकी जोशी, मंदार महाजन, उपेंद्र केळकर, हर्षल लेले आदी उपस्थित होते.

टिळक रस्त्यावरील न्यू इंग्लिश स्कूलच्या गणेश सभागृहात शनिवार, दिनांक २३ मार्च रोजी सायंकाळी ५.३० वाजता हा सोहळा आयोजित करण्यात आला आहे. या कार्यक्रमानिमित्त नुकत्याच निवड झालेल्या व महिलांचे नेतृत्व करणाऱ्या संस्थेच्या महिला आघाडीच्या अध्यक्षा व राज्यसभेच्या खासदार प्रा. डॉ. मेधा कुलकर्णी यांचा विद्यावाचस्पती शंकर अभ्यंकर याचे हस्ते सत्कार करण्यात येणार आहे.

कार्यक्रमाच्या अध्यक्षस्थानी विद्यावाचस्पती शंकर अभ्यंकर असणार आहेत. तर, प्रसिद्ध स्त्री रोग तज्ञ डॉ.सुप्रिया पुराणिक या प्रमुख पाहुण्या म्हणून उपस्थित राहतील. युवा उपक्रमांतर्गत कै. सावित्री नारायण जोशी स्मरणार्थ स्वयंसिद्धा पुरस्कार आणि कै. मनोरमा शामराव कुंभोजकर स्मरणार्थ युवा उद्योजिका पुरस्कार दिला जातो. सन्मानचिन्ह, मानपत्र असे पुरस्काराचे स्वरुप आहे.

पुरस्कार वितरण सोहळ्यांतर्गत उद्योजिका पुरस्कार अपूर्वा कुलकर्णी, ईशा देशपांडे, ज्योत्स्ना आपटे, स्मृती कुकडे यांना देखील प्रदान करण्यात येणार आहेत. कार्यक्रम सर्वांसाठी विनामूल्य खुला असून पुणेकरांनी मोठया संख्येने उपस्थित रहावे, असे आवाहन देखील करण्यात आले आहे. शुक्ल यजुर्वेदीय माध्यंदिन महाराष्ट्रीय ब्राह्मण मध्यवर्ती मंडळ ही संस्था १९४० साली स्थापन करण्यात आली. युवा हा उपक्रम २००४ साली स्व. चंद्रकांत जोशी यांच्या नेतृत्वाखाली पंढरपूर येथील अधिवेशनात सुरु करण्यात आला होता.

लोकसभा 2024 च्या सार्वत्रिक निवडणूकीची प्रक्रिया संपूर्ण देशात सुरू झाली आहे. या पार्श्वभूमीवर पुणे आयकर विभागाने निवडणुकांच्या काळात  होणाऱ्या पैशांच्या गैरवापरावर लक्ष ठेवण्यासाठी आणि त्यावर नियंत्रण ठेवण्यासाठी एक विशेष नियंत्रण कक्ष स्थापन केला आहे. हा नियंत्रण कक्ष दिवसाचे 24 तास, आठवड्याचे सातही दिवस (24×7) कार्यरत असेल.

या कक्षात नागरिक त्यांच्या तक्रारी नोंदवू शकतात किंवा पैशांच्या गैरवापराची माहिती देऊ शकतात. पालघर, ठाणे, रायगड, रत्नागिरी, पुणे, अहमदनगर, सोलापूर, सातारा, सांगली,सिंधुदुर्ग आणि कोल्हापूर,या  जिल्ह्यांसाठी 2024 च्या लोकसभा सार्वत्रिक निवडणुकांमध्ये होणाऱ्या पैशांच्या अधिकाराच्या गैरवापराशी संबंधित माहिती / तक्रारी देण्यासाठी पुढील संपर्क क्रमांक, ईमेल किंवा पत्ता वापरला जाऊ शकतो.

टोल फ्री क्रमांक : 1800-233-0353 

टोल फ्री क्रमांक : 1800-233-0354

व्हॉट्सॲप क्रमांक : 9420244984

ईमेल आयडी : pune.pdit.inv@incometax.gov.in

नियंत्रण कक्षाचा पत्ता : रूम क्र. 829, 8वा मजला, आयकर सदन, बोधी टॉवर, सॅलिसबरी पार्क, गुलटेकडी, पुणे 411037.

यामुळे आगामी लोकसभा सार्वत्रिक निवडणुकीत काळ्या पैशाच्या गैरवापरावर लक्ष ठेवण्यास आणि त्यावर अंकुश ठेवण्यासाठी 

३४३३ भिंतीवरील लिखाण, पोस्टर, कटऑउट / होर्डिंग बॅनर, झेंडे हटवले

पुणे-अतिरिक्त आयुक्त डॉ. कुणाल खेमनार यांनी सांगितले कि, शहरभर फुकटात आपला बडेजावी प्रचार,जाहिराती करण्यासाठी रंगविलेल्या भिंती ,लावलेले फ्लेक्स काढण्याचे काम महापालिकेने हाथी घेतले असून ४८ तासात बरेचसे विद्रुपीकरण हटवण्यात आले आहे.पुणे महानगरपालिकेकडून लोकसभा निवडणूक २०२४ च्या आचारसंहितेची तयारी सुरु झाली आहे शासकीय इमारती व सार्वजनिक जागेतील व खाजगी जागेतील अनधिकृत जाहिराती हटविण्याचे निवडणूक निर्णय अधिकारी यांचे आदेश प्राप्त झालेले आहेत
त्यानुसार पुणे महानगरपालिका हद्दीतीत भिंतीवरील लिखाण, पोस्टर, कटऑउट / होर्डिंग बॅनर, झेंडे इतर इ. वर व इतर सर्व प्रकारच्या जाहिरातींवर परवाना व आकाशचिन्ह विभागाकडून उपआयुक्त परवाना व आकाशचिन्ह विभाग माधव जगताप यांच्या मार्गदर्शनाखाली शहरातील १५ महापालिका सहाय्यक आयुक्त कार्यालय हद्दीमध्ये विविध ठिकाणी संबंधित परवाना निरीक्षक यांचेमार्फत निष्कासन कारवाई करणेत येत आहे.
शनिवार दि. १६/०३/२०२४ रोजी दुपारी ३:०० वाजता आचारसंहिता जाहीर झाल्या पासून पुणे महानगरपालिकेच्या परवाना व आकाशचिन्ह विभागामार्फत शहरातील अनधिकृत जाहिरातींवर २४ तास, ४८ तास याप्रमाणे करण्यात आली
अश्या एकूण ४८ तासांत ३४३३ भिंतीवरील लिखाण, पोस्टर, कटऑउट / होर्डिंग बॅनर, झेंडे इतर इ. वर कारवाई करण्यात आलेली आहे. हे काम आचारसंहिता घोषित झाल्यापासून ७२ तासांत पूर्ण करण्याचे आदेशित करण्यात आलेले आहे.

चौहान यांना ‘सूर्यदत्त राष्ट्रीय पुरस्कार २०२४’ प्रदान

पुणे: नॅशनल स्टॉक एक्स्चेंजचे (एनएसई) सहसंस्थापक आशिषकुमार चौहान यांना आर्थिक क्षेत्रातील उल्लेखनीय योगदानाबद्दल सूर्यदत्त एज्युकेशन फाउंडेशनतर्फे ‘सूर्यदत्त राष्ट्रीय पुरस्कार २०२४’ प्रदान करण्यात आला. मुंबईतील बांद्रा-कुर्ला कॉम्प्लेक्समध्ये आयोजित कार्यक्रमात ‘सूर्यदत्त’चे संस्थापक अध्यक्ष प्रा. डॉ. संजय बी. चोरडिया यांच्या हस्ते चौहान यांना सन्मानित करण्यात आले.

प्रसंगी ‘सूर्यदत्त’चे सल्लागार प्रसन्न पाटील, मुख्य कार्यपालन अधिकारी अक्षित कुशल, अधिष्ठाता प्रा. डॉ. प्रतीक्षा वाबळे, संचालक डॉ. मनीषा कुंभार, मयूर शहा, प्रा. विवेक स्वामी, प्रा. शितल भुसारी, प्रा. रागिणी भट, प्रा. आदर्श कातराळे, प्रा. अस्मिता जोशी आदी मान्यवर उपस्थित होते.

प्रा. डॉ. संजय बी. चोरडिया म्हणाले, “आशिषकुमार चौहान एक भारतीय व्यावसायिक आणि प्रशासक आहेत. भारताच्या राष्ट्रीय स्टॉक एक्सचेंजचे व्यवस्थापकीय संचालक आणि मुख्य कार्यकारी अधिकारी म्हणून सध्या ते कार्यरत आहेत. आयआयटी मुंबई आणि आयआयएम कोलकाता येथून शिक्षण पूर्ण केलेले चौहान नॅशनल स्टॉक एक्सचेंज ऑफ इंडियाचे (एनएसई) सहसंस्थापक आहेत. ‘एनएसई’चे स्क्रीन आधारित ट्रेडिंग सेट करण्यात, तसेच निफ्टीचा इंडेक्स तयार करण्यात योगदान दिले आहे. १९९३-२००० या काळात त्यांनी ‘एनएसई’मध्ये केलेल्या कामामुळे त्यांना आधुनिक आर्थिक प्रवाहांचे जनक मानले जाते.”

“आशिषकुमार चौहान यांनी वित्त मंत्रालय, शिक्षण, एमएसएमई, सीबीडीटी तसेच भारतीय रिझर्व्ह बँक, स्टेट बँक ऑफ इंडिया यांसारख्या नियामकांसह सरकारच्या अनेक धोरण समित्यांमध्ये काम केले आहे. २० पेक्षा जास्त एक्सचेंजेस असलेल्या साऊथ एशिया फेडरेशन ऑफ एक्सचेंजेसचेही (एसएएफई) त्यांनी नेतृत्व केले. सध्या ते ‘डब्लूएफई’च्या बोर्डाचे सदस्य आहेत. यूएन, डब्ल्यूईएफ, डब्लूएफई, यूएनसीटीएडी, ओईसीडी अशा अनेक बहुपक्षीय संस्थांच्या व्यासपीठावर त्यांनी विचार मांडले आहेत. चौहान यांनी आर्थिक क्षेत्रात उल्लेखनीय असे योगदान दिले आहे. ‘एनएसई’ची स्थापनेतील त्यांचा सहभाग महत्वपूर्ण आहे,” अशा शब्दांत प्रा. डॉ. संजय बी. चोरडिया यांनी चौहान यांच्या कार्याचा गौरव केला.

“भारतातील सर्वात जुन्या विद्यापीठांपैकी एक असलेल्या अलाहाबाद विद्यापीठाचे कुलपती म्हणूनही त्यांनी काम पाहिले आहे. आयआयएम, एजेएनआयएफएम (नॅशनल इन्स्टिट्यूट ऑफ फायनान्शियल मॅनेजमेंट), एनआयटी आणि आयआयआयटी यासह अनेक प्रसिद्ध सरकारी शैक्षणिक संस्थांच्या मंडळावर ते आहेत. इतर आंतरराष्ट्रीय विद्यापीठांमध्ये प्रतिष्ठित व्हिजिटिंग फॅकल्टी सदस्य म्हणूनही काम करतात. त्यांनी ‘बीएसई: द टेम्पल ऑफ वेल्थ क्रिएशन’ या पुस्तकाचे सह-लेखन केले आहे. ‘स्थिथप्रज्ञा: द प्रोसेस ऑफ मेंटेनिंग एन इक्विलिब्रियम’ हे त्यांचे आत्मचरित्र आहे. अशा या सर्वगुणसंपन्न व्यक्तीला सूर्यदत्त राष्ट्रीय पुरस्कार प्रदान करताना आम्हाला आमचाच सन्मान होत असल्याची भावना आहे,” असे प्रा. डॉ. संजय बी. चोरडिया यांनी नमूद केले. 

आशिषकुमार यांनी हा पुरस्कार स्वीकारताना आनंद होत असल्याचे नम्रपणे नमूद केले. ‘सूर्यदत्त’च्या २५ वर्षांच्या वाटचालीचे कौतुक करत आशिषकुमार चौहान म्हणाले, “विद्यार्थ्यांना सर्वांगीण विकासाचे व जागतिक दर्जाचे शिक्षण देऊन देशाच्या विकासात योगदान देणारी पिढी घडवण्यासाठी ‘सूर्यदत्त’ने घेतलेला पुढाकार कौतुकास्पद आहे.

पुणे, दि. १८ : भारत निवडणूक आयोगाने जिल्ह्यातील मावळ, पुणे, बारामती आणि शिरूर लोकसभा मतदारसंघाच्या निवडणुकीचा कार्यक्रम जाहीर केला असून आदर्श आचारसंहिता लागू झाल्याने जिल्ह्यात स्थानिक स्वराज्य संस्थांमार्फत शासकीय जागेतील ११ हजार ८३, सार्वजनिक मालमत्तेच्या ठिकाणचे १९ हजार ६५२ आणि खाजगी जागेवरील १ हजार ८१५ असे एकूण ३२ हजार ५५० जाहिरातीचे फलक, भिंतीवरील लेखन, पोस्टर्स, फलक, बॅनर व ध्वज हटविण्यात आले असल्याची माहिती जिल्हा प्रशासनाने दिली आहे.

जिल्ह्यात सार्वत्रिक लोकसभा निवडणूकीच्या पार्श्वभूमीवर आदर्श आचारसंहिते पालन काटेकोरपणे करण्याचे आदेश जिल्हाधिकारी डॉ. सुहास दिवसे यांनी दिले आहेत. त्या अनुषंगाने ३३ मावळ लोकसभा मतदारसंघात शासकीय जागेतील ९६१, सार्वजनिक मालमत्तेच्या ठिकाणचे २ हजार ५५२, खासगी मालमत्तेच्या ठिकाणचे २०७, ३४ पुणे लोकसभा मतदारसंघात शासकीय जागेतील ७८५, सार्वजनिक मालमत्तेच्या ठिकाणचे १ हजार ४३१, खासगी मालमत्तेच्या ठिकाणचे २५७, ३५ बारामती लोकसभा मतदारसंघात शासकीय जागेतील ४ हजार ४८८, सार्वजनिक मालमत्तेच्या ठिकाणचे ५ हजार २८१, खासगी मालमत्तेच्या ठिकाणचे २३२ तर ३६ शिरूर लोकसभा मतदारसंघात शासकीय जागेतील ४ हजार ८४९, सार्वजनिक मालमत्तेच्या ठिकाणचे १० हजार ३८८, खासगी मालमत्तेच्या ठिकाणचे १ हजार ११९ असे एकूण ३२ हजार ५५० जाहिरातीचे फलक, भिंतीवरील लेखन, पोस्टर्स, फलक, बॅनर व ध्वज हटविण्यात आले आहेत.

लोकसभा निवडणूक पारदर्शकपणे पार पाडण्यासाठी जिल्हा प्रशासनाकडून आदर्श आचारसंहितेचे कटाक्षाने पालन व्हावे म्हणून उपाययोजना करण्यात येत आहेत. जिल्ह्यातील सर्व जाहिरातीचे फलक, भिंतीवरील लेखन, पोस्टर्स, फलक, बॅनर व ध्वज पूर्णपणे हटविण्याची कार्यवाही सुरू असून लवकरच ही कार्यवाही पूर्ण करण्यात येईल, असे निवासी उपजिल्हाधिकारी ज्योती कदम यांनी कळविले आहे.
0000