पिंपरी, पुणे (दि. ११ एप्रिल २०२४) पिंपरी चिंचवड एज्युकेशन ट्रस्टच्या (पीसीईटी) साते, वडगाव मावळ येथील पिंपरी चिंचवड विद्यापीठात (पीसीयु) ‘अनंतम २०२४’ या सांस्कृतिक महोत्सवाचे आयोजन करण्यात आले होते. या महोत्सवात विद्यार्थ्यांनी विविध सांस्कृतिक कार्यक्रम सादर केले.
पीसीयुचे कुलपती हर्षवर्धन पाटील यांच्या हस्ते कार्यक्रमास उपस्थित असलेल्या
‘नाच गं घुमा’ या चित्रपटातील कलाकारांचा सत्कार करण्यात आला. यावेळी पीसीईटीचे अध्यक्ष ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई, पीसीयुच्या प्रभारी कुलगुरू डॉ. मणीमाला पुरी यांनी विद्यार्थ्यांना शुभेच्छा दिल्या. ‘नाच गं घुमा’ चित्रपटातील कलाकार स्वप्नील जोशी, सुकन्या कुलकर्णी, शर्मिष्ठा राऊत, मायरा वैकुल, अलाहाबाद येथील इंडियन इंस्टिट्यूट ऑफ इंफॉर्मेशन टेक्नॉलॉजीचे संचालक डॉ. मुकुल सुताने आदी उपस्थित होते.

‘अनंतम -२०२४’ मध्ये कुलदीप सिंग आणि त्यांच्या सहकाऱ्यांनी चित्तथरारक ‘बाईक शो’ प्रस्तुत केला तसेच प्रसिद्ध बॅंड ‘एमएच ४३’ यांच्या संगीताच्या तालावर तरुणाई थिरकली, तर फॅशन शोला विद्यार्थ्यांचा उत्स्फूर्त प्रतिसाद मिळाला. कार्यक्रमाचे संयोजन डॉ. अंजू बाला यांनी केले.

पिंपरी, पुणे: मुस्लीम धर्मात रमजान महिना हा पवित्र महिना मानला जातो. या महिन्यात दररोज उपवास केला जातो. या निर्जल उपवासांना फार महत्व आहे. पिंपरी-चिंचवड मधील आदि जमीर मुल्ला या आठ वर्षांच्या चिमुकल्याने यावर्षी संपूर्ण महिनाभर उपवास पूर्ण केले. एवढ्या लहान वयात त्याने केलेल्या उपवासांबाबत त्याचे कौतुक केले जात आहे.
पिंपरी चिंचवड एज्युकेशन ट्रस्टच्या साते, वडगाव मावळ येथील
पिंपरी-चिंचवड विद्यापीठाचे मार्केटिंग हेड जमीर मुल्ला यांचा मुलगा तर सामाजिक कार्यकर्ते दस्तगीर मुल्ला यांचा नातू आदी मुल्ला याने यावर्षी प्रथमच रमजानचे उपवास केले. पहिल्याच वर्षी त्याने सर्व ३० उपवास पूर्ण केले. कोवळे वय आणि कडक उन्हाळा अशा परिस्थितीत त्याने हे उपवास पूर्ण केल्याने त्याचे सर्वत्र कौतुक होत आहे.
इस्लामिक कॅलेंडर नुसार नववा महिना रमजानचा असतो. या महिन्याला मुस्लीम समाजात सर्वात पवित्र महिना मानला जातो. रमजानच्या महिन्यात सूर्योदयापासून सूर्यास्तापर्यंत निर्जल उपवास केला जातो. सूर्यास्त झाल्यानंतर रमजानमध्ये खजूर खाऊन उपवास सोडणे सुन्नत मानले जाते. इस्लामिक मान्यतेनुसार, खजूर हे पैगंबर हजरत मोहम्मद यांचे आवडते फळ होते. ते देखील खजूर खाऊनच रोजा सोडायचे. त्यामुळे मुस्लिम धर्माचे लोकही उपवास सोडण्यासाठी आधी खजूर खातात आणि त्यानंतर इतर पदार्थांचे सेवन करतात.

आदिने देखील दररोज दिवसाचे १४ तासांहून अधिक काळ उपवास केला. शाळेची दिनचर्या सांभाळून त्याने कुठेही न ढळता हे उपवास पूर्ण केले आहेत. त्याने केलेले व्रत समाजातील इतर मुलांसाठी प्रेरणादायी ठरणार आहे. त्यामुळे त्याचे शहरभर कौतुक होत आहे.

पुणे- जिल्ह्यात लोकसभा सार्वत्रिक निवडणुकांसाठी आदर्श आचारसंहिता लागू करण्यात आली असून भरारी पथकाद्वारे आचारसंहितेची अंमलबजावणी करण्यात येत आहे. पोलीस पथक आणि भरारी पथकांद्वारे दोन विविध घटनांमध्ये सुमारे ६५ लाखांची रोकड आणि एक वाहन ताब्यात घेण्यात आले आहे.

आचारसंहिता काळात ५० हजार रुपयांपेक्षा जास्त रोख रक्कम जवळ बाळगता येत नाही. भरारी पथकांतर्फे विविध ठिकाणी जिल्ह्यात येणाऱ्या वाहनांची तपासणी करण्यात येत आहे. भोसरी एमआयडीसी पोलिसांनी भोसरी एममआयडीसी पोलीस स्टेशन जवळील सी सर्कल जवळ ८ एप्रिल रोजी मध्यरात्री फॅन्सी नंबर प्लेट असलेली आणि संशयास्पदरितीने फिरणारी काळ्या रंगाची फॉरच्यूनर गाडी आढळून आली. पोलीसांनी अधिक तपास करून गाडीतून १३ लाख ९० हजाराच्या ५०० रुपयांच्या नोटा आणि ३० लाख रुपये किंमतीचे वाहनही पंचासमक्ष पंचनामा करुन जप्त केले आहे.

तर दुसऱ्या एका घटनेत १० एप्रिल रोजी दुपारी शिरुर पोलीस स्टेशनच्या कर्मचाऱ्यांना शिरुर नगर परिषद क्षेत्रातील कमान पूलाजवळ एका खाजगी वाहनातून ५१ लाख १६ हजाराची रक्कम नेली जात असल्याचे पाहणीत आढळून आले. याबाबत माहिती मिळताच भरारी पथकातील कर्मचाऱ्यांनी प्राप्तिकर विभागाला याबाबत माहिती दिली. सदर रक्कम कोषागारात ठेवण्यात आली असून प्राप्तिकर विभागाच्या चौकशीनंतर पुढील कार्यवाही करण्यात येईल, अशी माहिती निवडणूक निर्णय अधिकारी अजय मोरे यांनी दिली आहे.

पुणे : आजचा शेतकरी हा केंद्र सरकारच्या चुकीच्या धोरणांमुळे पिचलेला आहे. महात्मा फुले यांनी 1883 मध्ये शेतकऱ्याच्या अवस्थेचे एवढे प्रभावी व वास्तवदर्शी चित्रण महात्मा फुल्यांनी केले आहे त्याला तोड नाही. वर्तमानात यात किंचीतही बदल झालेला नाही. त्यामुळे या चुकीच्या शेती विषयक धोरणांच्या विरोधात हाच असूड उगारण्याची वेळ आली असल्याचे प्रतिपादन खासदार डॉ. अमोल कोल्हे यांनी केलं.

महात्मा फुले यांच्या जयंतीनिमित्त डॉ. कोल्हे यांनी फुले वाड्यात अभिवादन केले. यावेळी खासदार सुप्रिया सुळे, आमदार रवींद्र धंगेकर, राष्ट्रवादी काँग्रेस शरदचंद्रजी पवार पक्षाचे शहराध्यक्ष प्रशांत जगताप, काँग्रेसचे मोहन जोशी आदी उपस्थित होते.

यावेळी डॉ. अमोल कोल्हे यांनी महात्मा फुले लिखित ‘शेतकऱ्यांचा असूड’ या पुस्तकातील काही भागांचे वाचन केले. डॉ. कोल्हे म्हणाले की, फुल्यांनी शेतकऱ्यांची स्थिती स्वतंत्र भारतात अजून हलाकीची झालेली आहे. महात्मा फुले यांनी १८८३ मध्ये ‘शेतकऱ्याचा असूड’ हा  ग्रंथ लिहिला. शेतकऱ्याच्या विदारक परिस्थितीचे चित्रण यात करून त्याच्या विकासाचा मार्गही सांगितला आहे.

सध्या कांदा उत्पादक शेतकरी असो की सोयाबीन, दूध उत्पादक शेतकरी असो केंद्र सरकारच्या चुकीच्या धोरणामुळे या शेतकऱ्यांचे मोठे नुकसान होत आहे. अल्पभूधारक शेतकरी हा नागवला जात आहे. त्याविरोधात आवाज उठवण, शेतकऱ्यांना न्याय मिळवून देणे हेच महात्मा फुले यांना अभिवादन असले.

पुणे- आज महात्मा फुले जयंती आणि रमजान ईद निमित्त महात्मा फुले स्मारकावर अभिवादन करायला आलेल्या उपमुख्यमंत्री अजितदादा पवार यांनी मंत्री चंद्रकांत दादा पाटील आणि आपल्या असंख्य सहकार्यांच्याबरोबर सकाळी येथे अभिवादन झाल्यावर नाश्ता केला पण पत्रकारांशी त्यानंतर संवाद साधताना मात्र त्यांनी मिसळीचा झणझणित पणा आपल्या जिभेवर तसाच ठेवत यावेळीही पत्रकारांवर तोफा डागण्याची संधी दवडली नाही

अजित पवार यावेळी म्हणाले ,’आज अकरा तारखेला महात्मा ज्योतिराव फुले यांची जयंती तसंच ईद हे दोन्ही एकाच दिवशी आलेले….१४ तारखेला घटनेची शिल्पकार डॉक्टर बाबासाहेब आंबेडकरांची जयंती त्याच्यानंतर राम नवमी आहे.त्याच्यानंतर हनुमान जयंती अशा अनेक महत्त्वाच्या गोष्टी या एप्रिल महिन्यामध्ये आलेल्या आहेत

मी सुरुवातीलाच महात्मा ज्योतिराव फुले यांच्या जयंतीच्या निमित्ताने तमाम महाराष्ट्रातल्या जनतेला आणि सर्व आमच्या बंधू-भगिनींना जयंतीच्या शुभेच्छा देतो.महात्मा ज्योतिराव फुले यांच्या स्मारक आहे.इथं त्यांना मी अभिवादन करण्याच्या करता महात्मा फुले वाड्यामध्ये आलेलो होतो. एकनाथराव शिंदे,देवेंद्र फडणवीस आम्ही सगळ्यांनी मिळून त्याच्यामध्ये भुजबळ साहेबांचा पण योगदान आहे आणि सगळ्यांनी मिळून अतिशय चांगला अशा पद्धतीने महात्मा ज्योतिराव फुले आणि क्रांतीज्योती सावित्रीबाई फुले यांचा स्मारक करायचं ठरवलेलं आहे.

ऑलरेडी स्मारक झालेले परंतु जागा फार कमी पडतील म्हणून आजूबाजूची मोठ्या प्रमाणावर जागा घेऊन ज्या लोकांची जागा घेतली जाणारे त्यांना व्यवस्थितपणे मोबदला देऊन त्यांचा समाधान होईल. अशा प्रकारचं त्यांचा पुनर्वसन करण्याचा आमचा आहे.

भिडे वाड्यामध्ये देखील जिथं पहिली मुलींची शाळा सावित्रीबाई फुले यांनी सुरू केलेले होते ती पण जागा आता सगळी ताब्यात आलेली आहे.ती कॉर्पोरेशनच्या ताब्यामध्ये आता पण दिलेली आहे.त्याचे पाच सहा प्लॅन देखील तयार झालेले त्याच्यामध्ये साधारण लोकांना जो मान्य होईल अशा प्रकारचा प्लॅन पास केला जाईल.आणि नंतर त्याचं काम सुरू केलं जाईल या दोन्ही कामातदार कुठल्याही प्रकारची निधीची अडचण भासणार नाही याची ग्वाही देतो.

विजयराव शिवतरे साहेबांनी स्वतः शिंदे देवेंद्रजी मी आणि विजयराव बसलो होतो. त्याच वेळेस त्यांचे काही महत्त्वाचे त्या भागातले विषय आहेत व पिण्याचा पाण्याचा,शेतीच्या पाण्याचा प्रश्न आहे काही भागातल्या एमआयडीसीच्या संदर्भातला बारामती लोकसभा मतदारसंघातला आहे.असे काही त्यांचे विषय आहेत आणि त्या विषयाच्या संदर्भामध्ये त्यांनी चर्चा केली ते म्हणाले की महायुतीच्या बरोबर आहे परंतु हे विषय मुख्यमंत्र्यांनी आणि दोन्ही उपमुख्यमंत्री मार्गी लावले पाहिजेत ते काही पुरंदर विधानसभा मतदारसंघ आणि काही बारामती लोकसभा मतदारसंघ भोर मधला काही भाग आहेत इतर भागातले बारामती भागातले अशा वेगवेगळ्या भागातले त्यांचे विषय आहेत त्या विषयाला कुठेतरी मदत व्हावी त्याविषयीची सोडवू नको व्हावी या दृष्टिकोनातून आमची चर्चा झाली त्याच वेळेस त्यांनी सांगितलेलं होतं की मी एक दिवस सभा आयोजित करतो त्या सभेला मुख्यमंत्री उपमुख्यमंत्री शब्द दिला की तुम्ही ज्या दिवशी सभा आयोजित कराल त्यावेळेस येऊ त्या पद्धतीने त्यांनी आज सभा तिथल्या ग्राउंड वर सभा आयोजित केलेली आहे.

शिवतारेंना कोणाकोणाचे फोन गेले होते ? या प्रश्नावर ते म्हणाले तुम्ही मला मी मूर्ख समजू नका?आंबेडकरांनी जे संविधान दिलेलंय त्या संविधानाप्रमाणे मला जेवढं बोलायचं तेवढं मी बोललेलो आहे आणि तेवढच मी बोलेन.मला सांगायचं ते सांगितलं आहे.

सातारा आणि नाशिक सगळं होईल आपण काळजी करू नका.आज कारण ते पुढच्या टप्प्यात त्याचे फॉर्म भरायला अजून काही सुरुवात झाली नाही.नाशिक किंवा कोकण यांच्यातले फॉर्म भरायला शेवटच्या टप्प्यात आहे म्हणजे आपल्या महाराष्ट्रातला पाचवा टप्पा हा शेवटचा आहेआणि देशातला संवाद सातवा सातवा टप्पा शेवटचा आहे तर त्याला अजून विलंब आहे.आज आम्ही मी तर मुख्यमंत्र्यांच्या बरोबरच परत जाणार आहे त्यावेळेस आम्ही जागा वाटप त्याच्याबद्दलची चर्चा करू देवेंद्रजी पण असतील उद्या पण मी मुंबईमध्ये आहे आम्ही त्याच्या संदर्भामध्ये बसू आणि योग्य तो मार्ग काढून

पहिल्या टप्प्यातल्या ज्या निवडणुका आहेत त्या विदर्भातल्या आहेत विशेषता भंडारा गोंदिया रामटेक नागपूर चंद्रपूर गडचिरोली त्या भागातल्या आणि त्याच्यावर त्यांची एक चंद्रपूरला सभा झाली दुसरी माझ्या माहितीप्रमाणे विदर्भात सभा आहे आणि त्यांनी काय भूमिका मांडली हे आपण सगळ्यांनी ऐकले आहे.

त्यांनी घरवापसी केली आहे.भाजप वाढवलं त्यात त्याच्यामध्ये गोपीनाथ मुंडे साहेबांचे नाव आपल्याला घेता येईल त्याच्यामध्ये एकनाथराव खडसे साहेबांचं नाव घेता येईल प्रमोद महाजन साहेबांचं नाव घेता येईल नितीन गडकरी साहेबांचा नाव घेता येईल हे सगळेजण आम्ही त्या काळामध्ये होते परंतु खऱ्या अर्थाने उत्तर महाराष्ट्रामध्ये सर्व दूरपर्यंत भारतीय जनता पक्ष पोहोचवण्याचं काम खडसे यांनी केलं.हे मी तरी बघत आलो आहे. मी राजकारणात आल्यापासून तिथे खडसे साहेबांच प्रभुत्व होतं आणि त्यांनीच खऱ्या अर्थाने ही संघटना भारतीय जनता पक्षाला एक सर्वसमावेशक म्हणजे अशा पद्धतीचा शेअर सर्व चेहरा देण्याचा प्रयत्न त्या ठिकाणी झाला वजन समाजाचे मागासवर्गीय समाजातील सगळ्या समाजाला तिथं सोशल इंजिनिअरिंग ज्याला आपण म्हणतो ते तिथे करण्याचा प्रयत्न झाला आणि त्याच्या योगदान मोठं होतं परंतु मोदी काही कारणानिमित्त ते राष्ट्रवादी काँग्रेसमध्ये गेले होते ते आता घरवापसी केली आहे

परवा गुढीपाडवा मेळाव्यात राज ठाकरे यांनी महायुतीला पाठिंबा दिला आहे पंतप्रधान नरेंद्र मोदींचे देशभरातलं काम त्यांनी पाहिलं आहे त्यांना आवडतं म्हणून त्यांनी बिनिश्वर्त पाठिंबा आम्हाला दिलेला आहे याचा नक्कीच फायदा महायुतीला होईल राज ठाकरेंचे नेतृत्व वेगळे आहे

नवी दिल्‍ली:

पुण्याच्या कमांड रुग्णालयाच्या (सदर्न कमांड) कान, नाक आणि घसा (ENT) विभागाने जन्मजात बाह्य आणि कानाच्या आतील विसंगतींनी ग्रस्त आणि मोठ्या प्रमाणावर श्रवणशक्ती कमी झालेल्या 7 वर्षाच्या मुलामध्ये तसेच एकाच कानाने बहिरेपण असलेल्या (SSD) एका प्रौढ व्यक्तीवर यशस्वी पिझोइलेक्ट्रिक बोन कंडक्शन श्रवण प्रत्यारोपण केले आणि अशाप्रकारचे प्रत्यारोपण करणारे हे रुग्णालय देशभरातील पहिले सरकारी रुग्णालय बनले आहे.

कमांड रुग्णालयाचा (सदर्न कमांड) ENT विभाग हे AFMS चे नियुक्त न्यूरोटोलॉजी केंद्र आहे. हा विभाग अनेक वर्षांपासून अवलंबित्व असलेल्या ग्राहकांना श्रवणयंत्र बसवत आहे. ऍक्टिव्ह पिझोइलेक्ट्रिक बोन कंडक्शन हियरिंग इम्प्लांट सिस्टीम हे श्रवणदोष असलेल्या रूग्णांसाठी [कंडक्टिव्ह लॉस (ऑरल एट्रेसिया), दोन्ही कानाने किंवा एका कानाने बहिरेपणा] प्रत्यारोपण करण्यायोग्य वैद्यकीय इलेक्ट्रॉनिक उपकरण आहे. उपकरणांची किंमत नेहमीच चिंतेची बाब राहिली आहे, ज्यामुळे त्याचा वापर मर्यादित स्वरूपात होतो.
कंडक्टिव्ह (ध्वनिलहरी कर्णपटलापर्यंत न पोहोचणे) /दोन्ही कानाने किंवा एका कानाने बहिरेपणा असलेले असे रुग्णांचे प्रकार आहेत, ज्यांना प्रत्यारोपण किंवा श्रवणयंत्र किंवा कानातील शस्त्रक्रियेने फायदा होत नाही. संबंधित अपंगत्व कमी करण्यासाठी, मुलांमध्ये चांगल्या शैक्षणिक परिणामासाठी आणि प्रौढांमधील सामाजिक जीवनासाठी श्रवणवृद्धी प्रदान करणे अत्यावश्यक आहे. रुग्णांच्या अशा गटांमध्ये त्यांचे पुनर्वसन करण्यासाठी बोन कंडक्शन रोपण हा निश्चित श्रवण उपाय आहे आणि सशस्त्र दलाच्या वैद्यकीय सेवांनी हे त्वरित अंमलात आणले.

सशस्त्र दलाच्या वैद्यकीय सेवेचे महासंचालक जनरल दलजीत सिंग आणि डीजीएमएस (लष्कर) लेफ्टनंट जनरल अरिंदम चटर्जी यांनी कमांड रुग्णालयाचे (एससी) अभिनंदन केले आहे आणि संस्थेला भावी वाटचालीसाठी शुभेच्छा दिल्या आहेत.
कर्नल (डॉ) राहुल कुरकुरे, न्यूरोटोलॉजिस्ट आणि इम्प्लांट सर्जन कर्नल (डॉ) नितू सिंग, वरिष्ठ सल्लागार आणि एचओडी (ईएनटी) यांच्या मार्गदर्शनाखाली पुण्याच्या कमांड रुग्णालयात (SC)या रूग्णांवर यशस्वी रोपण करण्यात आले. पुण्याचे कमांड रुग्णालय (SC), हे AFMS च्या प्रमुख संस्थांपैकी एक आहे, सध्या मेजर जनरल बी नांबियार यांच्या नेतृत्वाखाली आहे. संपूर्ण AFMS मधील सर्वोत्कृष्ट रुग्णालय म्हणून रुग्णालयाला नुकतेच सर्वात प्रतिष्ठित “रक्षा मंत्री” चषकाने सन्मानित करण्यात आले.