पुणे -महापालिकेच्या पाणीपुरवठा प्रमुखांच्या हलगर्जीपणा आणि दुर्लक्ष करण्याच्या वृत्तीमुळे शहरातील मध्यवर्ती भागाला पाणीपुरवठा करणाऱ्या पाण्याच्या टाकीचा स्लॅबचा काही भाग कोसळल्याचा आरोप आज शिवसेनेचे नगरसेवक विशाल धनवडे यांनी केला आहे.
ते म्हणाले,’शहरातील मध्य वस्ती मध्ये पेठांना पाणी पुरवठा करणारी पर्वती दर्शन येथील पाण्याच्या टाकीच्या स्लॅबचा काही भाग कोसळला त्यामुळे आज शिवसेनेच्या वतीने जागेवर पाहणी करून पाणीपुरवठा विभागाचे प्रमुख अनिरुद्ध पावसकर यांना 8 दिवसाच्या आत स्ट्रकचरल ऑडिट करून ही पाण्याची टाकी दुरुस्त करावी का नवीन उभारण्यात यावी हा रिपोर्ट आयुक्तांना सादर करून जनतेस माहिती करण्यात यावा अशी मागणी करण्यात आली . सदर टाकीची परिस्थिती ही खूपच धोकादायक झाली आहे याबाबत शिवसेना मागील 1 वर्षा पासून पत्र व्यवहार करीत असून सुद्धा प्रशासनाने जाणीवपूर्वक याकडे दुर्लक्ष केले आहे असा शिवसेनेचा आरोप आहे .नगरसेवक विशाल धनवडे तसेच ,उमेश गालींदे उपशहर प्रमुख , विभाग प्रमुख चंदन साळुंके ,सुरज लोखंडे,रुपेश पवार ,स्वाती ताई कथलकर ,संदीप गायकवाड ,रवी निंबाळकर ,अमोल घुमे ,भाऊ शिंदे ,योगेश खेंगरे ,हनुमंत दगडे ,शुभम दुगाने ,विजय शेळके ,निलेश धनगर ,सागर भोसले ,योगेश येणपुरे ,हर्षद ठाकर ,रेहान खान ,आकाश शेरे ,आशिष शिंदे ,प्रतीक कडेकर ,विलास कथलकर आदी यावेळी उपस्थित होते