पुणे- दिवा प्रतिष्ठान आणि दीपक मानकर मित्र परिवार यांच्या वतीने ५०० मराठी कलावंतांच्या कुटुंबियांना मोफत दिवाळी फराळाच्या वाटपाला आज पुण्याचे माजी उपमहापौर आणि राष्ट्रवादीचे नेते नगरसेवक दीपक मानकर , राष्ट्रवादीच्या सांकृतिक विभागाच्या अध्यक्षा प्रिया बेर्डे , अभिनेते आणि दिग्दर्शक प्रवीण तरडे , मराठी चित्रपट महामंडळा चे अध्यक्ष मेघराजराजे भोसले , ज्येष्ठ अभिनेत्री जयमाला काळे,सुरेश देशमुख आदी मान्यवरांच्या उपस्थितीत प्रारंभ झाला . यावेळी दिवा प्रतिष्ठानचे संस्थापक हर्षवर्धन मानकर , अध्यक्ष करण मानकर , महापालिकेतील माजी विरोधी पक्षनेते दत्ता सागरे , बाळासाहेब दाभेकर , विश्वेश्वर बँकेचे अध्यक्ष अनिल गाढवे आणि मयूर शिंदे आदी मान्यवर उपस्थित होते.
मार्चच्या अखेरीस जेव्हा कोरोनाच्या प्रादुर्भावाने पुण्याला घेरले तेव्हा अनेकांच्या कुटुंबांची परिस्थिती हलाखीची होऊ लागली . तेव्हा पासून ते आजतागायत दिवा प्रतिष्ठानच्या माध्यमातून आणि दीपक मानकर मित्र परिवाराच्या मदतीने राबविलेल्या विविध सामाजिक उपक्रमाची माहिती आपल्या प्रास्ताविकात हर्षवर्धन मानकर यांनी दिली. अभिनेत्री प्रिया बेर्डे आणि मेघराजराजे भोसले यांनी त्यांच्या उपक्रमाचे कौतुक करून आभार व्यक्त केले. प्रवीण तरडे यांनी दीपक मानकर राजकारण ,पक्ष न पाहता हे नेहमी मदतीला धाऊन येणारे नेते असल्याचे नमूद करत आता ते आपल्या देऊळ 2 या चित्रपटात गायक म्हणून पडद्यावरही दिसतील असे सांगून त्यांच्या चाहत्यांना धक्का दिला . आणि मानकर परिवार नेहमीच मराठी सिनेमा नाटक आणि कलाकारांच्या पाठीशी कशा पद्धतीने भक्कम पणे उभा राहिला . याचे किस्से सांगितले. योगेश सुपेकर यांनी मिमिक्री सादर करीत आभार मानले.
