पुणे- जातीयवादी,फसव्या भाजप सरकारने पेट्रोल, डिझेल व गॅसच्या दरात केलेली बेसुमार भाववाढ म्हणजे प्रत्येक घराघरावर टाकलेला कररूपी दरोडा आहे असा घणघणाती आरोप पुणे शहर जिल्हा काँग्रेस कमिटीचे अध्यक्ष रमेश बागवे यांनी येथे केला
पेट्रोल डीझेल गॅस दरवाढीच्या विरोधात आज दांडेकर पूल चौकात शहर कॉंग्रेसच्या वतीने आंदोलन करण्यात आले,यावेळी दीप्ती चवधरी ,रोहित टिळक ,अभय छाजेड चंद्रशेखर कपोते , कमल व्यवहारे, नीता रजपूत ,नगरसेविका लता राजगुरू,सुजाता शेट्टी ,प्रा.वाल्मिकी जगताप ,संगीता तिवारी आदी कार्यकर्ते मोठ्या संख्येने सहभागी झाले होते .