मेंटल हेल्थ फोरम, पुणेच्या वतीने ०८ सप्टेबर रोजी पुरस्काराचे वितरण
पुणे: मनोदय मेंटल हेल्थ फोरम, कर्वे समाज सेवा संस्था पुणे च्या वतीने मानसिक आरोग्य क्षेत्रामध्ये उल्लेखनीय कामगिरी करणाऱ्या व्यक्तीस देण्यात येणारा यावर्षीचा प्रतिष्ठेचा जीवन गौरव पुरस्कार इंडियन सायकीयाट्रिक सोसायटी चे माजी अध्यक्ष, प्रथितयश मानसोपचार तज्ञ डॉ विद्याधर वाटवे तसेच विविध सिनेमांद्वारे मानसिक आरोग्याबाबत जनजागृती करणाऱ्या जेष्ठ सिने दिग्दर्शिका डॉ. सुमित्रा भावे यांना जाहीर झाला असून दि. ०८ सप्टेबर रोजी त्यांना हा पुरस्कार सन्मानपूर्वक प्रदान करण्यात येणार असल्याची माहिती मनोदय मेंटल हेल्थ फोरम चे कार्याध्यक्ष प्रा. चेतन दिवाण यांनी दिली..
पुणे परिसरातील मानसिक आरोग्य क्षेत्रामध्ये काम करणाऱ्या मानसोपचार तज्ञ, मनोसामाजिक कार्यकर्ते, सायकॉलॉजीस्ट व इतर सर्व मानसिक आरोग्य कार्यकर्त्यांच्या विचारांची देवाण- घेवाण व्हावी तसेच मानसिक आरोग्यासंबंधी समाजामध्ये जनजागृती व्हावी यासाठी एकत्र येऊन २०१६ साली कर्वे समाज सेवा संस्थेमध्ये मनोदय मेंटल हेल्थ फोरम ची स्थापना करण्यात आली असून मानसिक स्वास्थ्यावर आधारित जनजागृतीपर विविध उपक्रम राबविने तसेच मानसिक आरोग्य क्षेत्रामधील कार्यकर्त्यांच्या अडी-अडचणी सोडविण्यासाठी प्रयत्न करणे हा या फोरम चा मुख्य उद्देश असून फोरम च्या माध्यमातून या क्षेत्रामध्ये अनन्य साधारण कामगिरी करणाऱ्या व्यक्तीचा जीवन गौरव पुरस्कार देऊन यथोचित गौरव करण्यात येतो.
जीवन गौरव पुरस्कार्थींची निवड करण्यासाठी गठीत करण्यात आलेल्या समितीच्या वतीने दरवर्षीप्रमाणे एकाच व्यक्तीस हा पुरस्कार न देता वयाची ७५ वर्षे पूर्ण करणारे तसेच मानसिक आरोग्य क्षेत्रासाठी वाहून घेतलेले डॉ. विद्याधर वाटवे व डॉ सुमित्रा भावे या दोघानाही विशेष सन्मानार्थ हा पुरस्कार देण्याचा निर्णय घेण्यात आला.
सर्वप्रथम २०१६ साली पुणे येथील जेष्ठ मानसोपचार तज्ञ डॉ उल्हास लुकतुके तसेच गतवर्षी २०१७ साली जेष्ठ मानसोपचार तज्ञ व सिने अभिनेते डॉ मोहन आगाशे यांना जीवन गौरव पुरस्काराने गौरविण्यात आलेले असून यावर्षी कर्वे समाज सेवा संस्थेच्या समुपदेशन अभ्यासक्रमाच्या दि ०८ सप्टेबर रोजी होणाऱ्या उद्घाटन समारोह प्रसंगी डॉ. विद्याधर वाटवे व डॉ सुमित्रा भावे यांना शाल, श्रीफळ, सन्मानचिन्ह व सन्मानपत्र देऊन गौरविण्यात येईल.
डॉ. विद्याधर वाटवे व डॉ सुमित्रा भावे यांचे मानसिक आरोग्य क्षेत्रामध्ये भरीव कार्य त्यांच्या सन्मान सोहळ्याप्रसंगी मानसिक आरोग्य क्षेत्रामधील व्यक्तींनी उपस्थित राहण्याचे आवाहन मनोदय मेंटल हेल्थ फोरम, पुणे च्या वतीने फोरम चे कार्याध्यक्ष प्रा. चेतन दिवाण, मुख्य सल्लागार मोहन आगाशे, डॉ. सुप्रकाश चौधरी, डॉ. वासुदेव परळीकर, डॉ. दीपक वलोकर व डॉ. महेश ठाकूर यांच्यावतीने करण्यात आले आहे.
