प्रशासन अन् ठेकेदार महापालिका लुटून खातायत; सत्ताधारी नगरसेवकाचाच सभात्याग

Date:

पुणे : पुणे महानगरपालिकेतील कारभारावरून आता सत्ताधारी पक्षातील नगरसेवकानेच प्रशासनाला धारेवर धरल्याने महापालिकेतील अनागोंदी कारभार चव्हाट्यावर आला आहे. वॉर्डन नेमणुकीच्या ठेक्यावरून आज महापालिकेच्या सर्वसाधारण सभेत जोरदार गदारोळ पाहायला मिळाला. कोणतीही निविदा प्रक्रिया न राबवता एका ठेकेदाराला थेट काम देण्याचा घाट घातला जात असल्याचा गंभीर आक्षेप सत्ताधारी नगरसेवक राजेंद्र शिळीमकर यांनी घेतला.

विशेष म्हणजे, केवळ आपत्कालीन परिस्थितीत वापरल्या जाणाऱ्या नियमाचा आधार घेत हा प्रस्ताव सभागृहाच्या मंजुरीसाठी आणण्यात आल्याचा आरोप त्यांनी केला. महापालिकेचा कारभार नियमांनुसार चालणार की ठेकेदारांच्या सोयीनुसार, असा संतप्त सवाल उपस्थित करत शिळीमकर यांनी प्रशासनाच्या कार्यपद्धतीवरच प्रश्नचिन्ह उपस्थित केले. या कामासाठी पारदर्शक निविदा प्रक्रिया राबवून स्पर्धात्मक पद्धतीने ठेकेदाराची निवड करावी, अशी त्यांची ठाम मागणी होती.

मात्र, सत्ताधारी नगरसेवकाच्या आक्षेपांनाही न जुमानता संबंधित प्रस्ताव मंजूर करण्यात आला. त्यामुळे संतापलेल्या शिळीमकर यांनी सभागृहातच प्रशासनाच्या कारभाराचा निषेध करत सभात्याग केला. प्रशासन आणि ठेकेदारांच्या संगनमतातून महापालिकेची लूट सुरू असल्याचा आरोप करत आता या संपूर्ण प्रकरणाची तक्रार थेट मुख्यमंत्र्यांकडे करणार असल्याचा इशाराही त्यांनी दिला.

महापालिकेत विरोधकांनी नव्हे, तर सत्ताधारी नगरसेवकानेच प्रशासनाच्या कारभाराविरोधात दंड थोपटल्याने या प्रकरणाची राजकीय वर्तुळात जोरदार चर्चा सुरू झाली आहे.

SHARAD LONKAR
SHARAD LONKARhttps://mymarathi.net/
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/ पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल .. C.G.Registration No.MSME/ MH- 26-0179354,M.G. RC No. DCL 2131000315798079 मालक-संपादक : शरद लोणकर( mobile-9423508306) sharadlonkarpune@gmail.com - State Committe Member Of Digital Media Editor Journalist Association Maharshtra *1984 पासून पुण्यात पत्रकारिता, *आजीव सभासद - अखिल भारतीय मराठी चित्रपट महामंडळ, *आजीव सभासद - महाराष्ट्र साहित्य परिषद, *पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ... *स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले *इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका . *निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार https://www.facebook.com/MyMarathiNews/

Share post:

Popular

More like this
Related

‘अजितदादांच्या मृत्यूमागील सर्व प्रश्नांची उत्तरे कधी मिळणार?’ कोथरूडमध्ये फलकांमधून न्यायाची मागणी!

विमान अपघाताच्या तपासाबाबत राष्ट्रवादी काँग्रेस (शरदचंद्र पवार) पक्षाकडून सवाल;...

दादर रेल्वे स्थानकालाच ‘चैत्यभूमी’ नाव द्या; रिपब्लिकन पक्षाची आग्रही मागणी

मेट्रो स्टेशनला नाव देऊन आंबेडकरी जनतेची फसवणूक केल्याचा आरोप;...