महायुतीच्या उमेदवार सुनेत्रा पवार ह्या आंबेगाव मध्ये प्रचार दौऱ्यावर असताना लेक विस्टा सोसायटीमध्ये रविवार असल्यामुळे सर्व नागरिक क्रिकेट खेळण्याचा आनंद घेत होते. त्याचवेळी सुनेत्रा पवार प्रचारासाठी तेथे पोहोचल्या असता सर्व नागरिकांनी त्यांना क्रिकेट खेळण्याचा आग्रह केला. त्यांनी नागरिकांच्या आग्रहाला मान देत चक्क बॅट घेऊन क्रिकेटच्या मैदानात उतरल्या व विजयाचे चौकार व षटकार लगावले. तसेच महायुतीच्या उमेदवाराला प्रचंड बहुमताने विजयी करा असे आवाहन केले. यावेळी महायुतीचे सर्व पदाधिकारी उपस्थित होते.
आंबेगाव मधील प्रीमियर लीग क्रिकेट स्पर्धेचे महायुतीच्या उमेदवार सौ सुनेत्रा पवार यांच्या हस्ते उद्घाटन पार पडले. यावेळी खेळाडूंशी सुनेत्रा पवार यांनी संवाद साधला..!
आज रविवार असल्यामुळे सकाळी लवकर उमेदवार सौ सुनेत्रा पवार यांनी प्रचार दौऱ्याला सुरुवात केली. आंबेगाव परिसरातील प्रतिष्ठित अशी मानली जाणारी विंडसर प्रीमियर लीग क्रिकेट स्पर्धेचं उद्घाटन सुनेत्रा पवार यांच्या हस्ते करण्यात आले. यावेळी त्यांनी मैदानावर खेळाडू सोबत क्रिकेट खेळण्याचा आनंद घेतला व विजयाचे षटकार लगावले. यावेळी मैदानावर क्रिकेट प्रेमी कडून महायुतीचा विजय असो तसेच सुनेत्रा वहिनी आगे बढो हम तुम्हारे साथ है. अशा घोषणा देत सर्व खेळाडू महायुतीच्या सोबत असल्याचा विश्वास सर्वांनी व्यक्त केला. यावेळी उमेदवार सौ सुनेत्रा पवार यांनी खेळाडूंशी आपुलकीचा संवाद साधत त्यांच्या अडचणी समजून घेतल्या व लवकरच त्या अडचणी सोडवल्या जातील असा विश्वास व्यक्त केला. यावेळी महायुतीचे सर्व पदाधिकारी उपस्थित होते.