पुणे- सुका कचरा जाळू नका – अन्यथा कारवाई अशा लोकांविरुध्ह कायदेशीर कारवाई केली जाईल असा इशारा पुणे महापालिकेने दिला आहे .
या संदर्भात महापालिकेने प्रसिद्धीस दिलेल्या पत्रकात म्हटले आहे कि , पुणे शहरामध्ये व उपनगरांमध्ये व हिवाळ्यात पालापाचोळा, प्लॅस्टिक, कागद इ. जाळण्याच्या घटना दिसून येतात. ही बाब पर्यावरणास हानीकारक असून मे. राष्ट्रीय हरीत न्यायाधिकरण (पश्चिम विभाग) यांनी न्यायालयीन सुनावणी दरम्यान अशा प्रकारच्या घटनांबाबत तीव्र नाराजी
व्यक्त केली असून सुका कचरा जाळणाèया व्यक्तींविरोधात दंडात्मक व कायदेशीर कारवाई करणेबाबत सुचित केले आहे
यानुसार नागरिकांना आवाहन करण्यात येते की, पालापाचोळा, प्लॅस्टिक, थर्माकोल, कागद इ. सुका कचरा या वस्तु विलगीकरण करुन महापालिकेच्या यंत्रणेस देऊन सहकार्य करावे. कोणी व्यक्ती सुका कचरा जाळताना आढळून आल्यास कायद्यातील तरतूदीनुसार दंडात्मक व कायदेशीर कारवाई केली जाईल याची कृपया नोंद घ्यावी.
भारतीय घटनेने प्रत्येक नागरिकाला स्वच्छ व प्रदुषण विरहीत वातावरणात राहण्याचा मुलभुत अधिकार प्रदान केला आहे. तसेच हा एक मुलभूत मानवी अधिकार आहे. नागरी घनकचरा (व्यवस्थापन व हाताळणी) नियम २०००, पर्यावरण संरक्षण अधिनियम १९८६ व हवा प्रदुषण अधिनियम १९८७ मधील तरतूदीनुसार पालापाचोळा, प्लॅस्टिक, कागद इ. सुका कचरा
जाळण्यास प्रतिबंध केला आहे.