मुंबई : 12 फेब्रुवारीला पोश्टर गर्ल प्रदर्शित होत असलेल्या पोश्टर गर्ल या चित्रपटाचा प्रोमो रिलीज झाला आहे
प्रेक्षकांच्या प्रतिक्षेचं फळ सध्या त्यांना मिळालं प्रोमोच्या रुपात ते झी टॉकीज आयोजित महाराष्ट्राचा फेवरेट कोण? च्या मंचावर, जेव्हा या चित्रपटाच्या कलाकारांनी चित्रपटाच्या अनुशंगाने जाणारं सादरीकरण केलं. मराठीतली अप्सरा सोनाली कुलकर्णी आणि तिचे सहकलाकार जितेंद्र जोशी, ह्रषिकेश जोशी, अनिकेत विश्वासराव, सिध्दार्थ मेनन आणि हेमंत ढोमे हे या सादरीकरणाचा भाग होते.या छोटेखानी सादरीकरणानंतर प्रेक्षकांची उत्कंठा शमवणारा टिझर लॉँच करण्यात आला. हा टीझर लॉँच चित्रपटातल्या कलाकारांबरोबरच दिग्दर्शक समीर पाटील आणि निर्माते पुष्पांक गावडे यांच्या उपस्थितीत पार पडला. चित्रपटाचे पहिले पोस्टर लॉँच झाल्यानंतर सगळ्या प्रेक्षकांच्या ओठावर बसलेली पोश्टर गर्ल ची टॅगलाइन ‘संपूर्ण
गावासाठी येकच बस’ नंतर आता या चित्रपटातली रूपाली ‘फक्त नाव लक्षात ठेवायचं’ म्हणत प्रेक्षकांच्या मनावर
अधिराज्य गाजवण्यासाठी सज्ज झाली आहे.