साई मोहन एन्टरटेनमेंट व गौरव भानुशाली निर्मित ‘मुंगळा’ हा मराठी चित्रपटाचे संगीत प्रकाशन सोहळा मोठ्या दिमाखात पार पडला.पु. ल. देशपांडे अकादमी चे संचालक आशुतोष घोरपडे, मराठी चित्रपट महामंडळाचे सचिव व दिग्दर्शक संजीव नाईक यांच्या शुभ हस्ते संगीत प्रकाशन करण्यात आले. प्रमुख पाहुणे म्हणून प्रसिद्ध वकील विशाल भानुशाली उपस्थित होते. सदर सोहळ्याला चित्रपटातील सर्व कलाकार व तंत्रज्ञ उपस्थित होते. ‘मुंगळा’ चे दिग्दर्शक विजय देवकर यांनी केले असून कथा, पटकथा, तसेच संवादही त्यांचेच आहेत.
‘मुंगळा’ चित्रपट प्रमुख भूमिकेत लोकेश गुप्ते प्रमुख भूमिकेत असून,गणेश यादव, जोती जोशी, सुहास पळशीकर, चेतन दळवी मुख्य भूमिकेत असून सोबत राम कदम, मृणाली जांभळे, हरी ठुमके, महेश फाळके,मुकेश जाधव, भूषण घाडी, दीपक करंजीकर, जनार्दन परब, वैजनाथ चौगुले, गौरी देशमुख, सविता हांडे, आदी कलाकारांच्या भूमिका आहेत.
‘मुंगळा’ चित्रपटात ३ गाणी आहेत. ‘मुंगळा’ चित्रपटात एक भन्नाट आयटम गाणे असून सारा श्रवण व बाळकृष्ण शिंदे ह्यांनी त्यावर दिलखेचक असे नृत्य सादर केले आहे. आयटम सॉंग अतुल लोहार यांनी संगीतबद्ध केले असून रचना त्यांनीच लिहिली आहे. हे गाणे त्यांच्यासोबत विभावरी सातर्डीकरने गायले आहे. सदर गाण्याला राजेश बिडवे चे नृत्य दिग्दर्शन लाभले आहे. इतर गाणी विजय गावंडे यांनी संगीतबद्ध केली असून मंदार चोळकर यांच्या रचना आहेत. आदर्श शिंदेने व नेहा राजपाल यांनी ‘सुम्बारन गा रे देवा’ हे सुंदर गीत म्हटले असून पावसाला गवसणी घालणारे ‘बरसरे’ हे गाणे आदित्य खांडवे याने म्हटले आहे.
ज्वलंत अस मुद्दा म्हणजे पाणी आणि वीज. सध्या संपूर्ण महाराष्ट्रात पाणी पेटले आहे. ते कसे विझवायचे, या प्रश्नाचे उत्तर आगामी ‘मुंगळा’ चित्रपटातून देण्याच्या प्रयत्न असल्याचे दिग्दर्शक विजय देवकर यांनी सांगितले.
