पिंपरी –
नोकरी मेळावा हा उपक्रम निश्चित कौतुकास्पद असून एकाच ठिकाणी अनेक आस्थापनांच्या रोजगार संधी
उपलब्ध झाल्यामुळे युवकयुवतींना देखील अशा उपक्रमांमुळे विविध प्रकारच्या रोजगार संधी उपलब्ध होतात
असे मत पिंपरी चिंचवड महानगरपालिकेचे महापौर नितीन काळजे यांनी व्यक्त केले.
ते शनिवारी(दिनांक १३ जानेवारी २०१८) चिंचवड येथील यशस्वी एज्युकेशन सोसायटीच्या इंटरनॅशनल इन्स्टिट्
यूट ऑफ मॅनेजमेंट सायन्स (आय आय एम एस)च्यावतीने आयोजित नोकरी मेळाव्याचे उदघाटन करताना
बोलत होते.
संपूर्ण राज्यात औद्योगिक नगरी म्ह्णून ओळख असलेल्या पिंपरी चिंचवड महानगरपालिकेच्या हद्दीत असलेल्
याविविध कंपन्यांमध्ये सातत्याने विविध प्रकारच्या नोकरीच्या संधी मोठ्या प्रमाणात उपलब्ध होत असतात.
अशावेळी एकाच छताखाली या रोजगारसंधी बेरोजगार युवकयुवतींना उपलब्ध व्हाव्यात म्हणून ‘यशस्वी’
संस्थेच्या पुढाकाराने आयोजित करण्यात आलेला हा नोकरी मेळावा उपक्रम दरवर्षी घेण्यात यावा. तसेच या मेळा
व्याचे स्वरूप आणखी मोठे व्हावे याकरिता आवश्यक ते सहकार्य पालिका प्रशासनाकडून करण्यासाठी आपण
निश्चित प्रयत्न करू असे आश्वासनही महापौर नितीन काळजे यांनी केले.
याप्रसंगी संस्थेच्या संचालक प्रा. भाग्यश्री कुंटे यांनी महापौरांना’;यशस्वी’; संस्थेच्यावतीने राबविण्यात येत
असलेल्या एमबीए व अन्य कौशल्य विकास अभयसक्रमांविषयी सविस्तर माहिती सांगितली.तसेच प्रधानमंत्री
कौशल्य विकास योजना अर्थात पीएमकेव्ही वाय अंतर्गत राबविण्यात येणाऱ्या विविध मोफत कौशल्य विकास
प्रशिक्षण कार्यक्रमांची माहितीही सांगितली.
या नोकरी मेळाव्यासाठी डब्ल्यू एन एस, युरेका फोर्ब्स, बिर्ला सन लाईफ इन्शुरन्स, महिंद्रा सान्यो,
वेरॉक लायटनिंग, एमफसिस,टाटा टेली सर्व्हिसेस, बजाज फिनसर्व्ह, एचडीबी फायनान्सशियल सर्व्हिसेस,
पार्ले ऍग्रो, जस्ट डायल, दलाल स्ट्रीट इन्व्हेस्टमेंट जर्नल, रिलायन्स रिटेल, आयटीएम, विस्टेरिया रिअल व्हिजन
,स्पेस इंडिया नेस्ट यांच्यासह एकूण ३० हुन जास्त कंपन्यांच्या विविध नोकरीच्या संधी या मेळाव्यात उपलब्ध
करून देण्यात आल्या होत्या.
या नोकरी मेळाव्याला सुमारे पाचशेहुन जास्त युवकयुवतींनी सहभाग नोंदवला तर प्राथमिक स्तरावर ३५०
जणांची निवड होऊन त्यांना रोजगार संधी देण्यात आली.
यावेळी कार्यक्रमाला सहभागी कंपन्यांचे मनुष्यबळ व्यवस्थापक, यशस्वी एज्युकेशन सोसायटीच्या इंटरनॅशनल
इन्स्टिट्यूट ऑफ मॅनेजमेंट सायन्स (आय आय एम एस)च्या संचालक प्रा. भाग्यश्री कुंटे, अभिषेक कुलकर्णी,
संस्थेचे सर्व अध्यापक व विद्यार्थी मोठ्या संख्येने उपस्थित होते.
या कार्यक्रमासाठी संस्थेचे ग्रंथपाल पवन शर्मा, प्रा. आशा महाजन, प्रा.मुक्ता केसकर, डॉ. दीप्ती लेले,
प्रा.अमर गुप्ता,प्रसाद शाळीग्राम, राजेंद्र शेळके,आदिती चिपळूणकर आदींनी विशेष सहकार्य केले.