पुणे- राज्य सरकारने महामारीच्या काळात काम करणाऱ्या महापालिकेला फुटकी कवडी दिली नाही असा आरोप करणाऱ्या सभागृहनेते गणेश बिडकर यांना राष्ट्रवादीचे अध्यक्ष प्रशांत जगताप यांनी उत्तर दिल्यानंतर पुन्हा त्यावर बिडकर बरसले आहेत .पुणे महापालिका हि अ वर्गातील महापालिका आहे तिला राज्य सरकारच्या मदतीची गरजच काय असे सांगत मदत मागितली असती तर निश्चित दिली असती असे हि उत्तर देत राज्य सरकारने पुण्यातील सरकारी दवाखान्यांना केलेल्या औषध पुरवठ्याची यादी माध्यमांना सादर केली होती . आज त्यावर बिडकर यांनी जगतापांना माहिती नाही काय ? महामारी, साथीचे रोग यावर काम करणे ही कायद्याने महापालिकेची नाही तर राज्य सरकारची जबाबदारी आहे .तरीही आम्ही कधी त्याबाबत बोललो नाही त्यांनी दिलेल्या यादीचा आम्ही समाचार घेऊच …पण पुण्याला गेल्या दीड वर्षात राष्ट्रवादीने दिले तरी काय ? असा सवाल पुन्हा एकदा करत .. जगताप यांना आमचे म्हणणे मान्य करावेच लागणार आहे ,प्रसिद्धीसाठी, राजकारणासाठी ते काहीही बोलत असतात असेही बिडकर यांनी म्हटले आहे.