पुणे-डॉ. अमित कामले व सौ. पोर्णिमा कामले त्यांच्या आध्यात्मिक गीतसंग्रहाची (आल्बम) ‘ग्लोरिफाय ख्राईस्ट 3’ ही तिसरी मालिका सादर करत आहेत. हा आल्बम म्हणजे ख्रिस्ती ईशस्तुती व प्रार्थना गीतांचा हिंदी, मराठी व पंजाबी भाषेतील संग्रह असून त्याचा उद्देश ‘ए. के. इंटरनॅशनल टुरिझम’च्या म्युझिक लेबलअंतर्गत संगीत क्षेत्रातील ख्रिस्ती कलाकारांच्या बुद्धिमत्तेला प्रोत्साहन व प्रेरणा देण्याचा आहे.
ख्रिस्ती सुवार्ता संगीताचा (ख्रिश्चन गॉस्पेल म्युझिक) चर्चच्या भिंती, धर्मसभा, चलने व राष्ट्रांच्या सीमा ओलांडून प्रसार व्हावा, या विचाराची प्रेरणा आम्हाला ‘ग्लोरिफाय ख्राईस्ट 3’ हा आल्बम सादर करण्यासाठी मिळाली आहे, अशी प्रतिक्रिया डॉ. अमित कामले यांनी व्यक्त केली आहे.
या आल्बमने तीन जुन्या अभिजात ऋचांची पुनर्निर्मिती आणि तीन नवी गाणी समाविष्ट केली आहेत. ‘होईल वृष्टी कृपेची’ हे गीत साधना सरगम यांनी स्वरबद्ध केले असून ‘ईश्वराची दया’ हे गीत बेला शेंडे यांनी स्वरबद्ध केलेले आहे. त्यांयामागे उपासना संगीताची प्रेरणा आहे. ‘सरेंडर ऑल’ हे इंग्रजी गीत ऋचा पुस्तकातील असून ते ऐश्वर्या भंडारी यांनी गायले आहे.
अधिक माहिती देताना डॉ. अमित कामले म्हणाले, “मी लहान असल्यापासून माझे आजोबा डॉ. मधुकर कामले व आजी इंदिराबाई कामले यांच्याकडून उपासना संगीतातील ‘ईश्वराची दया’ हे पारंपरिक गीत ऐकत मोठा झालो आहे. त्यामुळे हे गाणे मी त्यांना आदरांजली म्हणून अर्पण करायला मला आवडेल. एवढेच नव्हे, तर ‘सरेंडर ऑल’ हे गाणेही माझे आईकडचे आजी-आजोबा श्री. जीवन व मनोरमा हे गात असत. त्याला स्वरमेळाचे (सिंफनी) स्वरुप देण्यात आले असून युवा पिढी त्याच्याशी नक्की समरस होईल. गेल्या महिन्यात ख्रिस्तवासी झालेले सुवार्ता उपदेशक रेव्हरंड बिली ग्रॅहम यांच्या कार्याप्रती कृतज्ञता म्हणून हे गाणे मी त्यांना अर्पण करणार आहे.”
आल्बममधील येशू त्वाडे नाल हे पंजाबी गाणे लोकप्रिय बॉलिवूड पार्श्वगायक जावेद अली यांनी गायले असून ते नक्कीच सर्व संगीतप्रेमींचे मन जिंकून घेईल.
‘येशू ने दी है शिफा’ हे गाणे बाहुबली २ चित्रपटाची गायिका मधुश्रीने गायले असून ‘सहायता’ या कीर्ती सगाथिया हिने गायलेल्या गाण्यामागे ईशस्तुती गीत १२१ ची प्रेरणा आहे. ही दोन्ही हिंदी गाणी श्रोत्यांच्या हृदयाला भिडणारी आहेत.
“ख्रिस्ती संगीतात भाषेचे अडथळे नाहीत. यानंतर आम्ही आगामी आल्बममध्ये प्रादेशिक भाषांत संगीत रचना करण्यावर भर देणार आहोत. त्यासाठी नवे गायक, संगीतकार, गीतकार, वादक यांनी पुढे यावे. त्यांचे स्वागत आहे”, असे पोर्णिमा कामले म्हणाल्या, तर ‘ग्लोरिफाय ख्राईस्ट 3’ या आल्बमसाठी आमचे संगीतकार रविराज व ओबेद यांनी उत्कृष्ट काम केले आहे. असे बुद्धिमान संगीतकार, गीतकार, नियोजक, वादक व ध्वनि अभियंते लाभल्याबद्दल आम्ही प्रभूचे ऋणी आहोत”, असे डॉ. कामले यांनी बोलून दाखवले.
‘ग्लोरिफाय ख्राईस्ट 3’ म्हणजे कल्पक, उत्साहपूर्ण अशा स्वर्गीय गाण्यांचे संकलन आहे, ज्यातून येशू ख्रिस्ताची निरपेक्ष आणि असीम माया अनुभवू देते.
या आल्बममधील सर्व गाणी आयट्युन्स, सावन, हंगामा, स्पोर्टीफाय, गुगल प्ले व ॲमॅझॉन म्युझिकवर उपलब्ध आहेत, तर व्हिडिओ यूट्यूबवर उपलब्ध आहेत.