टाटा कॅपिटलने ६० नवीन शाखा सुरु करून २५० शाखांचे नेटवर्क उभारण्याचा महत्त्वाचा टप्पा पार केला
o मार्च २०२३ पर्यंत शाखा विस्तार ३०० पर्यंत वाढवण्याची योजना
o विस्तार योजनेमध्ये सर्वाधिक भर द्वितीय व तृतीय श्रेणीतील बाजारपेठांवर
o सर्व विभाग मिळून एकूण २५ लाख ग्राहक घेतात टाटा कॅपिटलच्या सेवा व उत्पादनांचा लाभ
मुंबई, २८ फेब्रुवारी २०२२: टाटा कॅपिटल लिमिटेड या टाटा समूहातील आर्थिक सेवा पुरवणाऱ्या प्रमुख कंपनीने आर्थिक वर्ष २०२१-२२ मध्ये ६० नवीन शाखा सुरु करून, द्वितीय व तृतीय श्रेणी शहरांवर विशेष भर देत देशात महत्त्वाकांक्षी विस्ताराची आगेकूच कायम राखली आहे. आता टाटा कॅपिटलचे भारतभरात पसरलेले विशाल नेटवर्क २५० शाखा व एक्स्टेंशन काउंटर्सवर पोहोचले आहे.
तब्बल २५ लाखांहून जास्त ग्राहकांसाठी टाटा कॅपिटल ही विश्वसनीय आर्थिक साथीदार ठरली असून याठिकाणी त्यांना सर्वसमावेशक, वैविध्यपूर्ण उत्पादने व सेवांचा लाभ घेता येतो. ही कंपनी आपल्या नेटवर्कचा सातत्याने विस्तार करत असून मार्च २०२३ पर्यंत आपल्या देशभरातील शाखांची संख्या ३०० वर पोहोचवण्याचे उद्दिष्ट त्यांनी डोळ्यासमोर ठेवले आहे. द्वितीय व तृतीय श्रेणी शहरांवर विशेष भर देत केल्या जात असलेल्या शाखा विस्तारामुळे टाटा कॅपिटल आजवर आर्थिक सेवांपासून वंचित राहिलेल्या ग्राहकवर्गाला त्यांचा लाभ मिळवून देऊन त्या भागांमधील आर्थिक घडामोडींना मदत करू शकेल.
टाटा कॅपिटल फायनान्शियल सर्व्हिसेसचे एमडी श्री. सरोश अमरिया म्हणाले, “टाटा कॅपिटलमध्ये आम्ही आमच्या ग्राहकांना सर्व डिजिटल आणि फिजिकल प्लॅटफॉर्म्सवर सेवा व उत्पादने पुरवण्यासाठी प्रयत्नशील आहोत. ग्राहकांसोबतचे आमचे संबंध अधिकाधिक दृढ बनवण्यात शाखा खूप महत्त्वाची भूमिका बजावते तसेच त्यांच्यासाठी नवनवीन आर्थिक सुविधा निर्माण करण्यात आम्हाला मदत करते. आमची नाविन्यपूर्ण व सहज उपलब्ध होऊ शकतील अशी डिजिटल उत्पादने आमच्या शाखा विस्तार उपक्रमांना साजेशी असून वृद्धीच्या नव्या दिशा शोधण्यातही आम्हाला त्यांचा उपयोग होतो. द्वितीय व तृतीय श्रेणी बाजारपेठांमध्ये विस्तार करून देशात सर्वसमावेशक वृद्धीला चालना देण्याचा उद्देश आम्ही पूर्ण करू पाहत आहोत.”
टाटा कॅपिटलच्या सेवा व उत्पादनांमध्ये विविध वस्तूंच्या खरेदीसाठी ग्राहकांकडून घेतली जाणारी कर्जे, गृहकर्ज (परवडण्याजोग्या घरांसाठी कर्जाचा देखील त्यामध्ये समावेश आहे), लघु व मध्यम उद्योजक/कॉर्पोरेट्सना वित्तपुरवठा व संपत्ती व्यवस्थापन सेवा यांचा समावेश असून देशभर पसरलेल्या २५० शाखा व डिजिटल प्लॅटफॉर्म्सवर त्यांचा लाभ घेता येतो. टाटा कॅपिटल वेबसाईटवर लॉग इन करून, मोबाईल ऍप्स, ऍलेक्सावर टिया (चॅट व व्हॉइस बॉट), गूगल असिस्टंट आणि व्हाट्सअपवर देखील ग्राहकांना टाटा कॅपिटलच्या सेवांचा लाभ घेता येतो.