तनुश्री रक्षित आणि स्वप्निल लोंढे एक्रॉबॅटिक रॉक एन रोलमध्ये सादर करणार एरियल कला
पुणे: एक्रॉबॅटिक रॉक एन रोल हा एक एकमेव असा आकर्षक क्रीडा प्रकार आहे ज्यामध्ये स्त्री व पुरुष संघ सहकारी एका तंत्रानुसार विशिष्ट पद्धतीच्या पायांच्या हालचालींद्वारे अत्यंत अवघड अशी एरिअल व फिरकी कला सादर करतात.
पुण्याचे तनुश्री रक्षित आणि स्वप्निल लोंढे ‘वर्ल्ड गेम्स २०१७’ मध्ये भारताचे प्रतिनिधित्व करणार आहेत.
सराव व अत्यंत खडतर प्रशिक्षणाच्या बलावर हे दोघे या प्रतिष्ठित स्पर्धेमध्ये उतरणार आहेत. तनुश्री म्हणाल्या की, “संगीतावर आधारित अत्यंत जटिल एरियल कला सादर करणे खूप रोमहर्षक असते पण ते अमलात आणताना अफाट संयम, समर्पण व चिकाटीची गरज असते.ह्याविषयी बोलताना स्वप्निल म्हणाले की, “हंगेरीस्थित कॅटलिन किस (Katalin Kis) व मीक्लोस होर्वाथ (Miklos Horvath) या आमच्या प्रशिक्षकांच्या अमूल्य मार्गदर्शना शिवाय आमचे स्वप्न कधीच पूर्ण झाले नसते”. या खेळासाठी लागणारी उपकरणे भारतात उपलब्ध नसल्यामुळे तनुश्री व स्वप्निल यांचे प्रशिक्षण हंगेरी येथेच झाले आहे.
बारामती ऍग्रो लिमिटेडचे मुख्य कार्यकारी अधिकारी रोहित पवार या मराठमोळ्या खेळाडुंचे प्रायोजक आहेत. बारामती ऍग्रो लिमिटेडच्या विशेष व्यवसाईक सामाजिक जबाबदारी (सी.एस.आर) द्वारे वेळोवेळी अशा प्रसंगी आर्थिक साहाय्य करत असल्याचे रोहित यांनी परिषदेमध्ये सांगितले. रोहित पवार म्हणाले की, “मला जेंव्हा या खेळाडूंच्या पार्श्वभूमी बद्दल समजले तेंव्हा मी या दोघांना मदत करायचे ठरविले. मला विश्वास आहे की जेंव्हा आपण अशा तरुणांना समर्थन देऊ तेव्हा ते ३० देशांच्या खेळाडूंना टक्कर देत भारताचे प्रतिनिधित्त्व करण्यास प्रोत्साहित होतील. मराठी सिनेमाला आपण जागतिक पातळीवर आपला ठसा उमटावंताना पहात आहोत. आता अशा ऑफ बीट खेळांमध्ये अशी कामगिरी करून स्वतःची ओळख तयार करण्याची वेळ आली आहे. आपल्या देशाच्या खेळाडूनमध्ये प्रचंड सामर्थ्य आहे. त्यांना आपण योग्य व्यासपीठ, पायाभूत सुविधेसोबत आदर व मान्यता दिल्यास आपले तरुण नक्कीच चांगली कामगिरी करतील”.
‘वर्ल्ड गेम्स २०१७’चे आयोजन पोलंड येथे करण्यात आले आहे. या स्पर्धेमध्ये रिदम स्पोर्ट श्रेणीमधील एक्रॉबॅटिक रॉक एन रोल या क्रीडाप्रकारामध्ये प्रथमच भारतीय खेळाडु सहभागी होऊन भारताचे प्रतिनिधित्त्व करत आहेत. हे दोघे हंगेरी येथे १४ जुलै रोजी होणाऱ्या प्री वर्ल्ड गेम्स ट्रेनिंग कॅम्पसाठी रवाना होणार आहेत व त्यानंतर पोलंड येथे होणाऱ्या ‘वर्ल्ड गेम्स २०१७’ मध्ये सहभागी होणार आहेत.
स्पर्धेबद्दल:
२७ अधिकृत क्रीडा प्रकार व ४ निमंत्रित क्रीडा प्रकार समाविष्ट असलेले ‘वर्ल्ड गेम्स २०१७’ हे एक बहु क्रीडा स्पर्धा रॉकलॉ, पोलंड येथे २० जुलै ते ३० जुलै रोजी आजोजित करण्यात आले आहेत.
तारीख: २० जुलै ते ३० जुलै, २०१७
स्थळ:स्टैन्डिन मेजेस्की वी रॉक्लावी, रॉक्लॉ पोलंड (Standin Miejski We Wroclawiu) Wroclaw, Poland
मुख्य ठिकाण:स्टैन्डिन मेजेस्की वी रॉक्लावी (Standin Miejski We Wroclawiu)
उद्घाटन: २० जुलै, २०१७
समारोप: ३० जुलै, २०१७
यजमान शहर: रॉकलॉ, पोलंड
एक्रॉबॅटिक रॉक एन रोल हे रिदम स्पोर्ट श्रेणीमध्ये मोडते व ते २९ जुलै, २०१७ रोजी अनुसूचित करण्यात आले आहे.