टेनिस स्पर्धेत संदेश कुरळे याचा मानांकित खेळाडूला पराभवाचा धक्का
पुणे- ओम दळवी मेमोरियल ट्रस्ट यांच्या तर्फे आयोजित व एआयटीए यांच्या मान्यतेखाली होत असलेल्या अकराव्या ओम दळवी मेमोरियल मायक्रो इंडिया करंडक अखिल भारतीय मानांकन सुपर सिरीज(18 वर्षाखालील) टेनिस स्पर्धेत मुलांच्या गटात संदेश कुरळे याने मानांकित खेळाडूवर सनसनाटी विजय मिळवत दिमाखात उपांत्य फेरीत प्रवेश केला.
महाराष्ट्र पोलिस(एमटी जिमखाना)टेनिस जिमखाना,परिहार चौक, औध येथे सुरू असलेल्या या स्पर्धेत उपांत्यपूर्व फेरीत मुलांच्या गटात आठव्या मानांकित महाराष्ट्राच्या संदेश कुरळे याने चौथ्या मानांकित चेतन गडियारचा 6-3, 1-6, 6-3 असा तीन सेटमध्ये पराभव करून खळबळजनक निकालाची नोंद केली. पाचव्या मानांकित महाराष्ट्राच्या यशराज दळवीने आपला राज्य सहकारी साहिल तांबटचा 6-1, 2-6, 6-2 असा पराभव करून उपांत्य फेरी गाठली. अव्वल मानांकित भूपेंदर दहियाने सिद्धार्थ बैसितीचे आव्हान 6-2, 6-4 असे मोडीत काढले.
मुलींच्या गटात अव्वल मानांकित महाराष्ट्राच्या आकांक्षा नित्तुरेने तामिळनाडूच्या लक्ष्मी प्रभा अरुणकुमारला 6-3, 6-3असे पराभूत केले.चौथ्या मानांकित महाराष्ट्राच्या वैष्णवी आडकर हिने अपूर्वा वेमुरीला 7-5, 6-3 असे नमविले. तिसऱ्या मानांकित बेला ताम्हणकरने पाचव्या मानांकित पूजा इंगळेचा 7-5, 2-6, 6-2 असा पराभव करून उपांत्य फेरीत धडक मारली.
स्पर्धेचा सविस्तर निकाल-उपांत्यपूर्व फेरी- मुले:
भूपेंदर दहिया(1)वि.वि.सिद्धार्थ बैसिती 6-2, 6-4;
यशराज दळवी(5)वि.वि.साहिल तांबट 6-1, 2-6, 6-2;
संदेश कुरळे(8)वि.वि.चेतन गडियार(4) 6-3, 1-6, 6-3;
दक्ष अगरवाल वि.वि.अनर्घ गांगुली 6-0, 4-6, 6-3;
मुली:
आकांक्षा नित्तुरे(1)वि.वि.लक्ष्मी प्रभा अरुणकुमार 6-3, 6-3;
वैष्णवी आडकर(4)वि.वि.अपूर्वा वेमुरी 7-5, 6-3;
बेला ताम्हणकर(3)वि.वि.पूजा इंगळे(5) 7-5, 2-6, 6-2;
प्रेरणा विचारे(2)वि.वि.अभया वेमुरी 6-4, 6-2.