पुणे- पुणे मेट्रोपोलिटन जिल्हा टेनिस संघटना(पीएमडीटीए) यांच्या तर्फे एमएसएलटीए केपीआयटी अरूण वाकणकर यांच्या स्मरणार्थ अरूण वाकणकर मेमोरियल एटीएफ आशिया 14 वर्षाखालील टेनिस स्पर्धेत नील जोगळेकर, पर्श परमार , अर्णव पापरकर , अननमय उपाध्याय , जोशुआ इपन अन्या जेकब, आदिती लाखे, सिया देशमुख यांनी आपापल्या प्रतिस्पर्ध्यांचा पराभव करत पात्रता फेरीच्या दुस-या चरणात प्रवेश केला.
म्हाळुंगे बालेवाडी येथील एमएसएलटीए स्कुल ऑफ टेनिस येथे आजपासुन सुरू झालेल्या या स्पर्धेत मुलांच्या गटात पहिल्या पात्रता फेरीत नील जोगळेकरने स्वरमन्यू सिंगचा 6-4, 6-1 असा तर पर्श परमारने वेद पवारचा 6-3, 7-5 असा पराभव करत पात्रता फेरीच्या दुस-या चरणात प्रवेश केला.
मुलींच्या गटात अन्या जेकबने श्रीहिता जलीगामा हीचा 6-3, 4-6, 6-2 असा तीन सेटमध्ये पराभव केला. आदिती लाखेने सिद्धी खोतचा 7-5, 6-1 असा तर सिया देशमुखने सलोनी परिधाचा 6-1, 6-1 असा पराभव करत स्पर्धेत आगेकुच केली.
स्पर्धेचा सविस्तर निकाल: पहिली पात्रता फेरी: मुले:
नील जोगळेकर(भारत) वि.वि.स्वरमन्यू सिंग (भारत) 6-4, 6-1;
पर्श परमार (भारत) वि.वि.वेद पवार (भारत) 6-3, 7-5;
अर्णव पापरकर (भारत) वि.वि.अंकित भतेजा (भारत) 6-3, 6-0;
अननमय उपाध्याय (भारत) वि.वि.वेदांत भोसले (भारत) 6-1, 6-0;
जोशुआ इपन (भारत) वि.वि.सर्वेश झंवर (भारत) 6-1, 6-0;
मुली:
अन्या जेकब (भारत) वि.वि.श्रीहिता जलीगामा (भारत) 6-3, 4-6, 6-2;
आदिती लाखे (भारत) वि.वि.सिद्धी खोत (भारत) 7-5, 6-1;
सिया देशमुख (भारत) वि.वि.सलोनी परिधा (भारत) 6-1, 6-1.
