पुणे- आता तरी शहरातील मोटर चालक प्रशिक्षण केंद्रे सुरु करा हवे तर एका मोटारीत प्रशिक्षक व १ च प्रशिक्षणार्थी ठेऊ ,सर्व प्रकारची काळजी घेऊ पण आता अंत पाहू नका अशी आर्त विनंती आज पुणे शहर मोटर ड्रायव्हिंग स्कूल असोसिएशन चे संस्थापक अध्यक्ष यशवंत कुंभार आणि अध्यक्ष राजू घाटोळे तसेच निलेश गांगुर्डे, निखिल बोराडे ,इत्यादी पदाधिकाऱ्यांनी केली आहे. या संदर्भात त्यांनी महापालिका आयुक्तांसह ,विभागीय आयुक्तांना निवेदन दिले आहे .
या निवेदनात त्यांनी असे म्हटले आहे कि, Covid-19 च्या पार्श्वभूमीवर पुणे शहरातील सरकार मान्य मोटर ड्रायव्हिंग स्कूल संस्थांकडून गेले नव्वद दिवस मोटार वाहन चालकांना प्रशिक्षण देणे बंद आहे संपूर्ण लॉक डाऊन परिपूर्ण पालन आम्ही सर्वांनी केले आहे अनलॉक वन च्या पार्श्वभूमीवर महाराष्ट्र राज्याचे परिवहन आयुक्त यांनी दिनांक 16 जून 2020 त्या परिपत्रक प्रमाणे परिवहन कार्यालयाचे कामकाज अंशता सुरू करण्यात आले आहे आपणास आमची अशी विनंती आहे की लॉकडाउनच्या पार्श्वभूमीवर असंख्य ड्रायव्हिंग शिकणाऱ्या विद्यार्थ्यांचे ट्रेनिंग अर्धवट राहिले आहे व गेले नव्वद दिवस त्यांचे प्रशिक्षण होऊ शकले नाही म्हणून आम्हाला सरकारमान्य मोटर ड्रायव्हिंग स्कूल संचालकांना मोटार वाहन प्रशिक्षण देण्यासाठी आपण परवानगी द्यावी महाराष्ट्र शासनाने घालून दिलेल्या मार्गदर्शक तत्वानुसार covid-19 च्या पार्श्वभूमीवर सरकार मान्य मोटर स्कूल कडून सर्व विद्यार्थी व प्रशिक्षक मास्कचा वापर व हात मोजे याचा वापर करू तसेच मोटार ड्रायव्हिंग स्कूलमध्ये प्रशिक्षणासाठी वापरणारी वाहने प्रत्येक विद्यार्थ्याने नंतर निर्जंतुकीकरण केले जातील तसेच प्रशिक्षणासाठी येणाऱ्या विद्यार्थ्यांचे तापमान तपासणी मशीन द्वारे तपासणी केली जाईल शासनाने सांगितल्याप्रमाणे एकावेळी एकाच विद्यार्थ्याला वाहनांमध्ये बसून त्याबरोबर एकच प्रशिक्षक अशी एकूण दोनच व्यक्ती मोटार ड्रायव्हिंग स्कूल च्या वाहनांमध्ये असतील ऑफिसमध्ये सहा फुटाचे फिजिकल डीस्टन्स आम्ही पालन करु अशा प्रकारची खबरदारी प्रत्येक ड्रायव्हिंग स्कूल कडून घेण्यात येईल माननीय महोदय पुणे शहरातील सरकारमान्य मोटार ड्रायव्हिंग स्कूल च्या विद्यार्थ्यांना मोटर ड्रायव्हिंग स्कूलच्या प्रशिक्षण देण्यासाठी वापरणाऱ्या वाहनावर प्रशिक्षण देण्यासाठी परवानगी मिळावी ही विनंती