पुणे ः प्रत्येक आईमध्ये जिजाऊंचे सामर्थ्य असते. तिने आपली शक्ती ओळखून मुलांच्या उज्ज्वल भविष्य निर्मितीसाठी प्रयत्न केले पाहिजेत, असे मत अभिनेत्री आणि लेखिका सायली गोडबोले-जोशी यांनी व्यक्त केले.
डेक्कन एज्युकेशन सोसायटीचे कनिष्ठ महाविद्यालय आणि नवलमल फिरोदिया विधी महाविद्यालयाच्या संयुक्त विद्यमाने जिजाऊ जयंती आणि स्वामी विवेकानंदांच्या जयंतीनिमित्त आयोजित कार्यक‘मात त्या बोलत होत्या.
सायली गोडबोले-जोशी यांनी व्या‘यान आणि एकपात्री प्रयोगातून छत्रपती शिवाजी महाराज व छत्रपती संभाजी महाराज यांची जडणघडण करणार्या राजमाता जिजाऊंच्या कार्य व कर्तृत्वाचा धांडोळा घेतला. विधी महाविद्यालयाचे विद्यार्थी पियाली थत्ते आणि अथर्व गोळवलकर यांनी ‘स्वामी विवेकानंद जीवन व कार्य’या विषयावर विचार मांडले.
फर्ग्युसनचे प्राचार्य डॉ. रविंद्रसिंह परदेशी, विधी महाविद्यालयाच्या प्राचार्या डॉ. रोहिणी होनप, फर्ग्युसनचे उपप्राचार्य प्रा. एन. ए. कुलकर्णी, पर्यवेक्षिका डॉ. सविता केळकर यांनी संयोजन केले. श्रद्धा भेगडे यांनी सूत्रसंचालन आणि सीमा पाटील यांनी आभार मानले.